سالار محەمەد دۆسكی:
5-7
ل رێكەفتنا 11ی ئادارێ مە ئاهەنگ كرن و دووڤدا مە نەوروز كر و مە ئاهەنگ ل بانیا (مێرستەكێ)كر و گوند هەمی مە گازی كربوون و ئامێدی گەلەك هاتبوون و دناڤ ئاهەنگێ دا مە هیتافات دان و مە سترانێن شۆرەشێ گۆتن و حوكمەت ژی هاتبوونە ناڤ مە بۆ ئاهەنگێ مە بەرپرسێن رێكخراوا كوم كربوون و بەرنامەك هاتبوو دانان و هەمی كەنی و خوشی بوو.
هەمان پێشمەرگەیێ هەر دو شۆرەشێن ئیلۆن و گولانێ ئەو ژی گۆت: ئەو چار سالێن ئاشتیێ بوومە كوردان بگشتی گەلەك خوش بوون و بووم گەلەك خوش بوون و ئەز ئارام بووم و پێشتر دەمێ چووم من نەزانی دێ كیرا چم ژ بەر دوژمنی و دەمێ ئەز چوویمە قوتابخانا (هێسێ) خودێ ژێ رازی (سەبری نێروەیی) بارەگایێ وی ل وێرێ بوو و دا بێژیت تو هاتی دلا بێ مێ بەلێ دا بێژیت وەرە دا هندەك مرۆڤان بدەمە ل گەل تە هەتا (چاربیا) ل گەل تە بهێن و (چاربیا) هەتا سەرێ ئامێدیێ وێ ڤە دا هندەك پێشمەرگەیا بۆ پاراستنا من دەنە ل گەل من و فێجا شنی ئەز دا بەفرێ شەقینم هەتا دگەهشتمە (سەرگەلێ) بۆ دەڤەرێن نێهلێ و رەشاڤا و بڤی رەنگی.
هەمان پێشمەرگەیێ هەر دو شۆرەشێن ئیلۆن و گۆلانێ ئەو ژی گۆت: ل سالا 1975 ئەز ل گوندی بووم و هندەك پێشمەرگێن مە چووبانە دەڤەرا سوران و ئێك ژێ برایێ من بوو و ژ نیشكەكێ ڤە هاتنە ڤە و من گۆتێ هەوە خێرە گۆتن مانێ شۆرەش تێكچوو و من ژ زار دەڤێ وا زانی شۆرەش تێكچوو و پێشتر من نەزانی نسكۆیا سالا 1975ێ دروست بوو.
پشتی شۆرەش تێكچوویی و ئەم كەفتینە دناڤبەرا نال و بزمارا دا چ بكەین چ نەكەین كیڤە ب چین و ئێدی مە كەسەكێ باوەریێ نەما پرسیارێن خوە ژێ بكەین و مە چ كر مە دو سێ كەسان كارێ خوە كر و مە ئێك و دو دیت و مە گۆت وەرن ئەم دێ رێكخستنا نهێنی كەین و ئەڤە پشتی نسكۆیا سالا 1975ێ بوویە، ئێك ژ (عەگید عەبدوللا) نوكە ل وەلاتێ ئەلمانیا دژیت و ئەو ژی گەلەك هات و چوو و رەنگە كەسەكێ پووتە پێنەكر، ئێك ژ (سالح محەمەد سەعید) بوو خودێ ژێ رازی بیت و ئێك ژێ (حەمید سلێمان) بوو نوكە ل قەزا زاخو دژیت، ئەز دا ب شەڤ دەركەڤم ب كارێ رێكخستنێ و دەمێ دبوو رۆژ دا خوە ل عەردەكی ڤەشێرم هەتا دبوو شەڤ دا كەسەك من نەبینت و كەسەكێ چ پەیوەندی ب مە نەكربوو و هەر مە ژ دەف خوە ئەڤ رێكخستنەكر و ئەڤ كارە ل هەیڤا شەش سالا 1975ێ مە دەست پێكر و پشتی رێكەفتنا نسكۆیێ چەند رۆژ پێ ڤە چووین مە دەست هاڤێتە ڤی كاری من پەیوەندی ب (عەلی عەبدوللا) كر خودێ ژێ رازی بیت و درەنگی شەڤ بوو و نێزیكی دەمژمێر 12ی شەڤێ بوو و ئەز بتنێ بووم و ئەز نەوێریام كەسەكێ ل گەل خوە ژی ببەم و وی دەمی كاودان هوسا بوون و باوەری نەبوو و من دەرگەهێ وان قوتا و من زانی هشیارن و دەنگێ وا دهات و پەنجەرەكا بچوویك ل بەرسڤكا وان بوو و برایەك هەبوو ناڤێ وی (وەحید) بوو یێ دین بوو و یێ ترتری بوو و من ل دەرگەهی دا چەند جارەكان و ژنكا وی هات گۆت توكی من گۆتێ (عەلی) مە و گۆت تە خێرە من گۆتێ من (عەلی) ڤێت و من گۆتێ من گول دەنگێ وی بوو و بلا بهێت و بستەهـ بیت و ئەز نەیێ خرابیێ مە و بەلكو ئەزێ باشیێ مە و هات گۆت مامێ (عەلی) تو ژ كیڤە دهێی؟ من گۆتێ ئەزێ شمال دهێم گۆت مالا تە ڤێ شەڤێ گۆت دێ نوكە كەڤیە كەمینەكێ و ئاریشەك دێ بووتە دروست بیت و من گۆتێ هەتا دوهی مە رێكخستا پارتی دیموكراتی كوردستان كریە و ئەز نەشێم ژ ئەڤرۆ پێڤە ئێك بێژیت وەرە رەفیقەكێ حزبا بەعس هاتیە و ورەە ل گەل مە بە و ئەز نەشێم ئەڤێ بكەم پاشی، دووڤدا مە سویند خاریە ئەم خیانەتێ ل ئەڤێ حزبێ نەكەین و مە دڤێت پەیوەندی یا مە ل گەل تەبیت و بلا تویێ روینشتی بی و ئەم نابێژین وەرە ل گەل مە و ئەم حەز دكەین كارێن مە هەمی نهێنی بن و ڤەشارتی بن و بتنێ ئەز و تو ئێك و دو نیاسین و بلا كەسەك تە نەنیاسیت و ئەو پێشتر ئەندامێ لقێ ئێك بوو ل باژێرێ مویسل و من گۆتێ یێ پشست راسبە ئەگەر حوكمەت ب مە پەحسیێت ژی ئەز نە ناڤێ و كەسەكێ نناهینم، گۆت مامێ (عەلی) جارێ چوویە و نەمایە و من گۆتێ ئەگەر رێكخراوا بەعسیا سوباهی هاتە ڤێرێ و گۆتە تە وەرە ببە بەعسی تو ناچی؟؟ تو ناچی؟ تو نەوێری نەچی و دێ تە نەچاركەم بچی ببیە بەعس و ترسە و كاودان بڤی رەنگی نە و ئەگەر نەچی دێ سكالایێ ل سەر تە تۆماركەن، پشتی ئەڤا گۆتنا گۆت هەرە ئەز ناهێم بەلێ ئەگەر ل جهەكی هوون پێدڤی بوون پرسیارا خوە ب من بكەن و من گۆتێ سوپاسی یا تە دكەم وی دەمی ئەم پێدڤی ب پرسیارا نابین و من گۆتێ ئەم ژی تێرا خوە زانین و ئەم تێرا خوە دشارەزاینە ژی.
نيشاندان