د دیدارەكێ كوڕێ باژێرێ سێمێلێ ئەیهەم عیسا دادڤانێ خولا ستێرێن ئیراقێ و نایابا كوردستانێ یا فوتبۆلێ دیار كر بۆ ماوەیێ هەشت سالانە وەكو دادڤان یاریێن هەردو خولێن ئیراقێ و كوردستانێ بڕێڤە دبەت و هیڤی خواست د پاشەرۆژەكا نێزك دا یاریێن نێڤدەولەتی ژی بڕێڤەببەت.د دیدارەكێ كوڕێ باژێرێ سێمێلێ ئەیهەم عیسا دادڤانێ خولا ستێرێن ئیراقێ و نایابا كوردستانێ یا فوتبۆلێ دیار كر بۆ ماوەیێ هەشت سالانە وەكو دادڤان یاریێن هەردو خولێن ئیراقێ و كوردستانێ بڕێڤە دبەت و هیڤی خواست د پاشەرۆژەكا نێزك دا یاریێن نێڤدەولەتی ژی بڕێڤەببەت.زێدەتر ناڤهاتی بۆ رۆژنامەیا ئەڤرۆ گۆت: ئێكەم پێنگاڤا من د جیهانا دادڤانیێ دا ل سالا 2015ێ بوو و دەستپێك ژ خولا كوردستانێ و ئیراقێ بوویە، هەتا نوكە شیایمە سێ باوەرنامەیێن جودا یێن دادڤانیێ هەنە، ژبەركو كارێ دادڤانیێ ب سانەهی نینە لەوما ژی گیرووبووم و ژیێ من یێ بچووكە و پێدڤێ ب بلندكرنا ئاستێ خوەیە ئێكەم پێنگاڤا من دخولا ئیراقێ دا ل وەرزێ 2021-2022ێ بو د خولا پلا ئێك، پلا دو، كۆپا ئیراقێ، خولێن لاوان و تازەپێگەهشتییان بڕێڤەبرییە، هەروەسان ژبەر باوەری ب شیانێن من لژنەیا دادڤانێن ئیراقێ یاریێن خولا ستێرێن ئیراقێ ژی پێ ڕاستپاردم كو ئەڤە بوو ماوەیێ سێ سالە بڕێڤە دبەم.ژلایەكێ دووڤە ئەیهەم عیسایی ئەوچەندە ژی گۆت: ب شانازیڤە ژی د خولێن كوردستانێ ب سەركەڤتیانە من یاری بڕێڤەبرینە ل سەر ئاستێ پلا نایاب، لاوان و تازەپێگەهشتییان كو دبیتە هەشت سالە بەردەوامم، ژبیر نەكەین كو مە ل پارێزگەها دهۆكێ ب گشتی گەنجێن وەكو من دادڤانێن باش هەنە و خودان شیانن، لێ ژبەركو خولێن پێشئێخستن و وەرگرتنا باوەرنامە و پلەكرنێ بۆ دادڤانان د كێمن و نێزیكی پێنچ سال دچن هەتا دادڤان ژ پلەیا سێ بۆ یا ئێك وەربگریت، دیسان هندەك جاران ژبەر ئاریشەیێن جەستەیی و تاقیكرنێن پراكتیكی و تیۆری ژی دەرناچن و دەلیڤە كێم دبیت.ل دووماهیێ دادڤانێ پارێزگەهێ گۆت: ب گشتی ئاستێ دادڤانێن پارێزگەها دهۆكێ د هەردو خولێن ئیراقێ و كوردستانێ دا گەلەك یا باشە ژلایێ جەستەیی و شیانی، لێ پێدڤی پتر پشتەڤانیێ نە ژلایێ پارێزگەهێ و جهێن بەرپرس یێن وەرزشی.
نيشاندان