ئەڤرۆ نیوز:
ئه‌ڤرۆ ئێڤارى 20/5/2019 پارێزگه‌رێ دهوكێ فه‌رهاد ئه‌مین ئه‌تروشى ب به‌رهه‌ڤبونا رێڤه‌به‌رێ پولیسان ل پارێزگه‌ها دهوكێ ل كارمه‌ندێن پولیسان میهڤان كرنه‌ خارنا فتارێ وه‌كو رێزگرتنه‌ك بو كارێ وان یێ رێك و پێك و پێكڤه‌ فتاره‌ كر و ده‌ست خوشى ل هه‌مى كارمه‌ندێن رێڤه‌به‌ریا پولیسێن پارێزگه‌ها دهوكێ كر بو ماندى بونا وان و په‌یداكرنا ئارامى و ته‌ناهیێ و پاراستنا مال و ملك و گیانێ هاولاتیان ل سه‌رانسه‌رى پارێزگه‌هێ و داخازا سه‌ركه‌فتن و به‌رده‌وامیێ دكارێ واندا بو كر .
رێڤه‌به‌رێ پولیسان ل دهوكێ سوپاسیا پارێزگه‌رێ دهوكێ كر بو ڤێ رێزگرتنێ ل پولیسان و كارێ وان.

ئەڤرۆ نیوز:
فه‌رهاد ئه‌مین ئه‌ترووشى پارێزگه‌رێ دهوكێ ئەڤرۆ پێشوازیا (ئه‌حمه‌د ئه‌لزاهرى) قونسلێ ده‌وله‌تا ئیمارات ل هه‌رێما كوردستانێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا ئیسماعیل محەمەد ئەحمەد هاریكارێ پارێزگه‌رى بو كاروبارێن مروڤایه‌تى به‌حسێ په‌یوه‌ندیێن دوو قولى دناڤبه‌را ده‌وله‌تا ئیمارات وهه‌رێما كوردستانێ وره‌وشا ئاواره‌ وپه‌نابه‌ران ل سنورێ پارێزگه‌ها دهوكێ وئه‌و هاریكاریێن پارێزگه‌ها دهوكێ ورێكخراوێن ده‌وله‌تى پێشكێشدكه‌ن تایبه‌تى هاریكاریێن ده‌وله‌تا ئیمارات هاته‌ كرن.
قونسلێ ئیمارات ته‌كه‌زكر كو هه‌رێما كوردستانێ جهه‌كێ گرنگه‌ بو ده‌وله‌تا ئیمارات وكومپانیێن وه‌لاتێ وان ژ بو بجهئینانا پروژێن وه‌به‌رهێنانێ وگه‌شت وگوزارێ وده‌وله‌تا ئیمارات روژبو روژێ دێ په‌یوه‌ندیێن خو دگه‌ل هه‌رێمێ پێشئێخیت ودهه‌موو بیاڤه‌كیدا وبه‌رده‌وام دێ هاریكاریێن مروڤایه‌تى پێشكێشى ئاواره‌ وپه‌نابه‌ران ل هه‌رێمێ ب گشتى ول پارێزگه‌ها دهوكێ ب تایبه‌تى كه‌ت .
ژلایێ خوڤه‌ پارێزگه‌رێ دهوكێ پیروزباهى ل قونسلێ ده‌وله‌تا ئیمارات كر هه‌مبه‌ر ده‌ست ب كاربونا وى وداخازا سه‌ركه‌فتنێ بو كر وسوپاسیا ده‌وله‌تا ئیمارات وبالیوزخانه‌ وكونسلخانا وى وه‌لاتى كر ل دور ئه‌و هاریكاریێن مروڤایه‌تى یێن بو هه‌رێمێ پێشكێشدكه‌ن ، وخواست كو تێكهه‌لى دناڤبه‌را هه‌ردوو ئالیان دا روژ بو روژێ خوتر لێ بهێن بو خزمه‌تكرنا خه‌لكێ هه‌ردوو وه‌لاتان .
هه‌ژى گوتنێ یه‌ دوهى 19-5-2019وب ئاماده‌بونا قونسلێ ده‌وله‌تا ئیمارات وب هه‌ڤكارى دگه‌ل بوردێ كاروبارێن مروڤایه‌تى هاریكاریێن مروڤایه‌تى ل سه‌ر 860 خێزانا ل قه‌زا شێخان و78خێزانا ل كه‌مپا گه‌رماوا و260خێزانا ل كه‌مپا ئاكرێ هاتینه‌ به‌لافكرن وبریاره‌ ئه‌ڤرو 20-5-2019 كومه‌كا دى یا هاریكاریێن مروڤایه‌تى یێن وى وه‌لاتى ل سه‌ر 1894خێزانا ل ناڤ كه‌مپا دومیز دوو و 1592خێزانێن دن ل كه‌مپا گه‌ویلان بهێنه‌ به‌لافكرن.
هه‌روه‌سا بریاره‌ ل روژێن بهێت هاریكاریێن ده‌وله‌تا ئیمارات كو ئه‌وژى (5525) سه‌لكێن ئاهێن خارنێ نه‌ ل سه‌ر رونشتڤانێن كه‌مپا دومیز ئێك بهێنه‌ به‌لافكرن.