ئهڤرۆ نيوز:
د پهراوێزاكۆنفرانسێ 54 يێ ئاسايشا ميونشن، نێچیرڤان بارزانی و مهسرور بارزانی ل گهل حهيدهر عهبادى سهرۆك وهزيرێن عيراقێ كۆم بوون، برياره شاندێ ههرێمێ كێشێن ناڤبهرا ههولێر و بهغدا شرۆڤه بكهن و ل دۆر ئهنجامێن راگههاندنێ لايهنێ كوردستانێ و لايهنێ عيراقێ راگههاندنهكێ بهلاڤ بكهن.
ئەڤرۆ نیوز ، زنار تۆڤی:
زەلامێن ئایینی یێن شیعێن عێراقێ داخواز دكەن،کو ئەو هاریکاری و قەرێن د كۆنگرێ كوێتێ دا داینە عێراقێ،دڤێت بێی هیچ و بەند و مەرجەکێ بن، هەڤدەم جێگرێ سەرۆک كۆماری و پەرلەمانێ عێراقێ ژی داخواز دكەن،کو لێپرسینێ و ڤەکۆلینی ل گەلە وان بەرپرسان بكەن،یێن کو كۆنگرێ كوێتێ ژ كۆنگرێ بەخشینا هاریكاریێ بۆ كۆنگرێ قەران ب عێراقێ گوهۆری،هەروەسا دووپات دکەن کو وی كۆنگرەی ب هەموو پێڤەران شكەستن ئینایە،وی کونگرەی کاریگەریەکا باش بۆ عێراقێ نابیت،ب تنێ دێ بیتە بارگرانیەكا مەزن ل سەر داهاتیێ عێراقێ،چونکی دڤێت عێراق وان قەران هەموویان بدەت.
لێڤەگەر و زەلامێن ئاینی یێن شیعەیان هۆشداریێ ددەن ژ دەرهاڤێشتنا كۆنگرەیی و دوبارە ئاڤەدانكرنا عێراقێ كو ل رۆژانێن بوری ل كوێتێ هاتبوو ئەنجام دان، دووپاتیێ ل هندێ دکەن،کو نابیت ئەو هاریكاری و وەبەرهێنانێن بیانی ل عێراقێ بەند و مەرجان ل سەر عێراقێ ب سەپینن،دڤێت گەلێ عێراقێ ل ولاتەکێ ئاڤەدان و د ژیانەکا شەرەفمەندانە دا بژین.
محەمەد تەقی مودەریسی لێڤەگەرێ ئاینی یێ شیعەیان د راگەهاندنەکێدا گوتیە، سەركەفتنا كۆنگرێ دوبارە ئاڤەدانكرنا عێراقێ ل كوێتێ، بەلگەیە ل سەر سەركەفتنا سیاسەتا عێراقێ،خوینا شەهیدان بوویە شوورایەك بۆ هندێ کو عێراق دەسكەفتێن مەزنتر ب دەستڤە بینیت و پێگەهێ خوە ب هێزتر لێ بکەت،ئاماژە ب هندێ دایە، بەلێ نابیت دەرهاڤێشتێن كۆنگرێ كوێتێ ب دوماهی بهێن ، چونكی هێشتا عێراق یا پێدڤی هاریکاریێن زۆرترە،دڤێت گەشەسەندنەکا تەمام ل ڤی وەلاتی دەست پێ بكەت و ب هەموو شێوەیان شوونەوارێن شەری و وێرانکرنێ و ئالۆزی و ناكۆكیێن جڤاکی ل هەموو دەڤەرێن جۆدا ب دوماهی بهێن.
هەروەسا د راگەهاندنا دوماهیێ یا كۆنگرێ كوێتێ بۆ ئاڤەدانكرنا عێراقێ دا هاتیە، داخوازێ ژ هەموو وەلاتان دكەین،کو پشكداربن د ڤەژاندنا ئابووریا عێراقێ دا و ئەم چاڤەرێی وەلاتان و هەڤپەیمانان دکەین،کو ب رۆلێ خوە یێ مەزن رابن،ژبۆ گەشەپێدانا ئابوورێ عێراقێ.
هەروەسا لێڤەگەرەکێ دی یێ شیعەیان ب ناڤێ محەمەد مەهدی خالس دیارکریە، وەرگرتنا وان بەخشین و هاریكاری و پرۆژان ژلایێ عێراقێ ڤە، پێدڤیە بێی بەرژەوەندیا سیاسی و بەند و مەرجێن پێشینە بن،ژلایێ وەلاتێن بیانی ڤە، پێدڤیە هەبوونا بیانییان د هەموو واران دا ل عێراقێ ب دوماهی بهێت و گرنگی ب پرۆژێن نیشتمانی بهێتەدان.
ژلایەکێ دیترڤە ئەیاد عەلاوی جێگرێ سەرۆک كۆمارێ عێراقێ و سەرۆكێ هەڤپەیمانیا نیشتمانی ئاشكرا كریە، كۆنگرێ كوێتێ بۆ ئاڤەدانكرنا عێراقێ، دەرفەتەک بوو، بەلێ ب تەمامی ژ دەست چوو،هەروەسا پێدڤی بوو پتریا وەلاتان پشکداری تێدا کربا و بزاڤا گەشەپێدانێ و پەرەپێدانا ئابووری و ئاڤەدانیێ ب لەز دەست پێ کربا، بەلێ ب وی شێوێ هاتیە ئەنجامدان و دەرکەفتنا دەرئەنجامێن وی کۆنگرەی بەلگەنە ل سەر شكەستنا وی كۆنگرەی.
عەلاوی گوت ژی،ل جهێ هندێ کو ئەو كۆنگرە داخواز و پابەندبوونا سنۆردار بۆ دەڤەرێن هاتینە رزگاركرن ل عێراقێ تەرخان بكەت و روو ب روو پاشماوێن تیرۆرێ بیت، عێراقێ ب مەزنترین شاند سەرەدانا كوێتێ کر،لێ پتریا ئەوێن وەكو شاندێ عێراقێ چووینە كوێتێ،نە ل دوور و نە ل نێزیك پەیوەندی ب وێ پرسێ ڤە نەبوو، وەلاتان ژی ل جهێ بەخشینا هاریکاریان، قەرێن دومدرێژ دانە عێراقێ، ئەڤەژی شكەستنەکا گەلەک مەزنە و گرفتەکە بۆ سەر داهاتیێ عێراقێ،ژ ئەگەرێ دانا وان قەران.
هەروەسا عەلاوی داخواز كریە، پێدڤیە لێپرسین ژ وان هەموو کەسان بهێتە کرن،یێن بووینە ئەگەرێ شكەستنا كۆنگرێ كوێتێ،یێن رازیبووین ل سەر وەرگرتنا پترین قەرێن سیادی،ل پێشیا هەموویان ژی پارێزگارێ بانكا ناڤەندیا عێراقێ، هەڤدەم پەرلەمانێ عێراقێ ژی ئاشكرا كریە،کو پێدڤیە دۆسیەیا ڤەکۆلینێ و لێپرسینێ ژ لایێ جهێن شۆلەژێ بهێتە کرن،داکو روون ببیت،کانێ كی بووینە ئەگەرێ شكەستنا كۆنگرێ ئاڤەدانكرنا عێراقێ ل كوێتێ.
كۆنگرێ ئاڤەدانكرنا دەڤەرێن رزگاركری یێن ژێر دەستێ داعش ل عێراقێ د ماوێ 12 _ 14 شواتا 2018 ل وەلاتێ كوێتێ هاتبوو سازكرن، ئەمیرێ كوێتێ و سكرتێرێ نەتەوێن ئێكگرتی و بەرپرسێن سیاسەتا دەرڤە یێن ئێکەتیا ئورۆپا و وەزیرێ دەرڤە یێ ئەمریكا پشکداری د وی کۆنگرەی دا کربوو،دیسا عێراق ب شاندەکێ 140 كەسی پشکداری د وی كۆنگرەی دا کربوو،هەرەسا پێشبینیا كۆمكرنا 100 ملیار دۆلاران وەكو بەخشین ژلایێ 70 وەلاتان و زێدەتر ژ دو هزار كۆمپانیێن بیانی دكر، بەلێ ل رۆژا دوماهیێ یا وی كۆنگرەی ب تنێ كۆمكرنا 30 ملیار دۆلاران هاتە راگەهاندن،هەروەسا پتریا وی پارەی ل جهێ هندێ کو وەک هاریکاری بدەنە عێراقێ، وەك قەرێن دومدرێژ داینە حوکمەتا عێراقێ ب ئارمانجا ئاڤەدانكرنا وان دەڤەرێن هاتینە رزگاركرن هاتینە تەرخان كرن.
ئهڤرۆ نيوز:
مهسرور بارزانى راوێژكارێ جڤاتا ئاسايشا ههرێما كوردستانێ د هژمارا خوه يا تويتهرى بهلاڤ كريه، كو ل پهراوێزا كۆنفرانسێ 54 يێ ئاسايشا ميونشن، ل گهل چهند بهرپرسێن بلند يێن ههوالگريێن چهند وهلاتان كۆم بوويه و بهحسێ قوناغا داهاتى يا دهڤهرێ و ههرێما كوردستانێ كريه.
دهێته چاڤهرێكرن، د پهراوێزا كۆنفرانسى، نێچیرڤان بارزانی و مهسرور بارزانی ل گهل حهيدهر عهبادى سهرۆك وهزيرێن عيراقێ كۆم ببن.
ئهڤرۆ نيوز:
ئەڤرۆ ل سەنتەرێ باژێڕێ ئاکرێ شەڕەدەڤ د ناڤبەرا دو هەڤالێن ئێک دا چێبوویە و ژ ئەگەرێ وی، کەسەکی ژ وان گولەیەکا دەمانچێ ل تەنشتا هەڤالێ خوە دایە و ب برینداری بۆ نەخوشخانەیا تەنگاڤییان ل ئاکرێ هاتییە ڤەگوهاستن و نها رەوشا وی یا باشە و بڕیارا گرتنا تاوانباری دەرکەفتیە، دۆسیا ڤەکۆلینێ ژلایێ پولیسێن ئاکرێ هاتییە ڤەکرن.
ئهڤرۆنيوز:
ئهڤرۆ ئهينيێ 16/2/2018، نێچيرڤان بارزانى سهرۆك وهزيرێن ههرێما كوردستانێ ومهسرور بارزانى شيرهتكارێ ئاسايشا ههرێما كوردستانێ ل گهل ئۆرسۆلا ڤۆن دێرلاين وهزيرا بهرگريا ئهلمانيا كۆمبوون.
ئهڤ ديداره دپهراوێزا كۆنفرانسێ ئاسايشێ ل ميونشن هاته ئهنجامدان كو ئهڤرۆ ئهينيێ دهست ب كارێن خوه كرى.
دوى كۆنفرانسێ جيهانى دا كو دێ بۆ دهمێ سێ رۆژان يێ بهردهواميت، هژمارهكا مهزن ژ سهرۆك وهزيران ووهزيرێن وهلاتێن جيهانێ تێدا دبهرههڤن.
ئهڤرۆنيوز:
جڤاتا وهزيرێن ههرێما كوردستانێ ههموو وان مووچهخۆرێن ژ ئهگهرێ تۆمارنهكرنا وان دسيستهمێ بايۆمهترى دا ول ههيڤێن (8 و9و10) مووچه وهرنهگرتى، پشت راست دكهت، سكرتێرێ رۆژنامهڤانيێ جێگرێ سهرۆكێ حوكمهتێ ژى رادگههينيت كو جڤاتا وهزيران رازيبوون ل سهر تۆماركرنا ليستا وان فهرمانبهران كريه كو پێشتر نههاتينه تۆماركرن.
سهمير ههورامى سكرتێرێ رۆژنامهڤانيێ جێگرێ سهرۆك وهزيرێن ههرێما كوردستانێ گۆت”پشكهكا مووچهخۆران ل گهلهك وهزارهتان، خوه دسيستهمێ بايۆمهترى دا تۆمار نهكريه، ههكه ناڤێن وان ژئاليێ وهزارهتێن وان ڤه بۆ جڤاتا وهزيران هاتبيته بلندكرن، ب پشت راستى ڤه ژئاليێ لژنا بلندا بايۆمهترى ل جڤاتا وهزيران رازيبوون ل سهر ناڤێن وان يا هاتيه كرن”.
ناڤبرى دداخۆيانيهكا رۆژنامهڤانى دا بۆ SNN گۆت ژى” ئهو كهسێن مووچێن وان هاتينه راگرتن ژبهر تۆمارنهكرنا وان دسيستهمێ بايۆمهترى دا، مافێ وان نا فهوتيت وههموو ئهو مووچێن بۆ نههاتينه دان، دێ بۆ هێنه مهزاختن”.
دياركر”بۆ مهزاختنا مووچێ وان فهرمانبهرێن كو ژبهر تۆمارنهكرنا وان دسيستهمێ بايۆمهترى دا، مووچێن وان يێن چهند ههيڤان هاتيه راوهستاندن، پێدڤيه وهزارهتا دارايى ل ههرێمێ ميكانيزمهكێ دانيت وبشێت مووچێن وان بدهت ووان پشت راست دكهين كو مافێ وان نا فهوتيت”.
ئهڤرۆنيوز:
نوونهرێ سهرۆكێ ئهمريكا بۆ ههڤپهيمانيا نێڤدهولهتى يا دژى داعشێ ل گهل شاندێ ههرێما كوردستانێ ل كۆنگرێ نێڤدهولهتى يێ ئاڤهدانكرنا عيراقێ ل كوێتێ كۆمبوو وراگههاند، ئهمريكا پشتهڤانيێ ل كوردستانهكا ب هێز وئێكگرتى دچارچۆڤێ عيراقێ دا دكهت.
برێت ماكگۆرك، نوونهرێ سهرۆكێ ئهمريكا بۆ ههڤپهيمانيا نێڤدهولهتى يا دژى داعشێ، دبهرپهرێ خوه ل سهر تۆرا جڤاكى يا تويتهرى گۆت” خوهشحالم ب كۆمبوونێ ل گهل پارێزگهرێن ههولێرێ وسلێمانيێ، ههروهسا وهزيرێ پلاندانانێ ل حوكمهتا ههرێما كوردستانێ، كو ههموو وهكو پشكهك ژ شاندێ عيراقێ ب سهرۆكاتيا سهرۆك وهزيران حهيدهر عهبادى ل كوێتێ بوون”.
گۆت ژى” ئهمريكا پشتهڤانيێ ل ههرێما كوردستانهكا ب هێز، سهركهفتى وئێكگرتى دچارچۆڤێ عيراقهكا ئێكگرتى وفيدرال دا دكهت”.
ئهڤرۆنيوز:
سهرۆكاتيا ئهركانێن لهشكرێ توركى كهفتنا فرۆكهكا مهشقكرنێ يا لهشكرى ل ويلايهتا ئهزمير ل رۆژئاڤايێ توركيا راگههاند.
پشكا عهرهبى يێ مالپهرێ يهنى شهفهق يێ توركى بهلاڤكر” سهرۆكاتيا ئهركانێن لهشكرێ توركى دبهياننامهكێ دا دياركر كو ئهو فرۆكه ل بنگهههكێ هێزێن ئهسمانى يێن توركى ل ئهزميرێ كهفت و دئهنجامدا ههردو فرۆكهڤانێن وێ هاتن كوشتن”.
نيشاندان