ئهڤرۆنيوز:
روودانهكا لێكدانێ دناڤبهرا دو ترومبێلان دا ئهڤرۆ پێنج شهمبى ل سهر رێيا فهيديێ پهيدابوو.
رێڤهبهريا هاتنوچونا پارێزگهها دهۆكێ دبهرپهرێ خوهدا ل سهر فهيسبووكى دياركر” دئهنجامێ وێ روودانێ دا دو كهس برينداربوون”.
نووترين نووچه
- نێچیرڤان بارزانی دوپاتیێ ل سەر بهایێن هەڤپشك یێن ئازادیێ و دیموكراسیێ دكەت
- نێچیرڤان بارزانی ل دەوحە پشكداری د بەهییا میرێ بەرێ یێ قەتەرێ دا كر
- مەسرور بارزانی سەرەخۆشیێ ل شێخ نەهرۆ كەسنەزانی دكەت
- نڤیسینگەها سەرۆكێ حوكمەتا هەرێمێ: حوكمەتا هەرێما كوردستانێ دێ بەردەوام بیت ل سەر رووبڕووبوونا گەندەلیێ و سەروەرییا یاسایێ
- 20 مەهـ ل سەر هەلبژارتنان دەرباز بووینە و چو بەهانە بۆ راگرتنا پەرلەمانی نەماینە
- سەرۆك بارزانی هەڤخەمییا خۆ بۆ حوكمەت و گەلێ قەتەرێ دەربڕی
- لیندزی گراهام پشتەڤانەكێ وەفادار و دۆستەكێ ب بها یێ گەلێ كوردستانێ بوو
- حوكمەتا هەرێما كوردستانێ د بەرهنگاربوونا گەندەلیێ دا پێگیرییا خۆ ب كارنامەیا خۆ سەلماند
- فەرهاد ئەترووشی: مە نڤیسار بۆ دامەزراندنا هەمیشەیی یا 70 هزار فەرمانبەرێن گرێبەست ئاراستەی بەغدا كریە
- بایكۆتكرنا پەرلەمانی دژاتیكرنا سووندا یاسایییە و تاوانەكا مەزنە بەرانبەر گەلێ كوردستانێ
سهرهكى نووترين نووچه
نێچيرڤان بارزانى بهحسێ ئهگهرێ نه ئاخڤتنا وى ب زمانێ عهرهبى دكهت
ئهڤرۆنيوز:
نێچيرڤان بارزانى سهرۆك وهزيرێن ههرێما كوردستانێ، ئهڤرۆ پێنج شهمبى دكونفرانسهكێ رۆژنامهڤانى دا ئاشكراكر كو دێ بزاڤێ كهت ب زمانێ عهرهبى باخڤيت.
نێچيرڤان بارزانى دبهرسڤا پرسيارهكێ دا كو ژلايێ پهيامنێرێ كهنالهكێ عهرهبى بۆ هاتيه ئاراستهكرن دياركر كو ئهو خواندنێ ونڤيسينێ ب زمانێ عهرهبى دزانيت گۆت ژى” بهلێ مخابن هندهك زهحمهتيێ دبينم دئاخڤتنێ دا ب وى زمانى”.
سهرۆك وهزيرێن ههرێما كوردستانێ ب زمانێ عهرهبى گۆت” دێ بزاڤێ كهم پێ باخڤم ژبۆ بهرژهوهندى وئێكگرتنا عيراقێ”.
مالپهرهكێ توركى پێزانينێن نوو ل دۆر چارهنڤيسێ ئهبوبهكر بهغدادى ئاشكراكرن
ئهڤرۆنيوز:
مالپهرهكێ توركى يێ نێزيك ژ حزبا داد وگهشهپێدانا حوكمران، هندهك پێزانينێن نوو ل دۆر چارهنڤيسێ سهركردێ رێكخستيا داعش يا تيرۆرستى ” ئهبو بهكر بهغدادى” ئاشكرادكهت ودبێژيت بهغدادى نوكه يێ ل بنگهههكێ لهشكريێ ئهمريكى ل باژێرێ حهسهكه ل سووريێ.
مالپهرێ” يهنى شهفهق” يا توركى، ب زمانێ عهرهبى، بهلاڤكر”ئهبوبهكر بهغدادى يێ كهفتيه ددهستێ هێزێن ئهمريكى دا ل عيراقێ، بهلێ وان دهستهسهركرنا بهغدادى ئاشكرا نهكريه ويێ هاتيه ڤهگۆهاستن بۆ سووريێ ب رێيا باژێركێ كهرامه يێ سنورى ل گهل عيراقێ”.
وێمالپهرى ل سهر زارێ ژێدهرێن سوورى، بهلاڤكريه ژى” ئهبو بهكر بهغدادى نوكه يێ ل بنگهههكێ لهشكرى يێ ئهمريكى ل دهڤهرا ( رمێلان) ل پارێزگهها حهسهكه يا سوورى”.
دياركر ژى” هنارتيێ تايبهت يێ سهرۆكێ ئهمريكى بۆ ههڤپهيمانيا نێڤدهولهتى يا شهرێ دژى داعشێ (برێت ماكگۆرك) پشتى ژ “پيساتيێن” خوه ل پارێزگهها رهقه يا سوورى تمام بووى، يێ بهرههڤيان دكهت ژبۆ ئهنجامدانا ئهركهكێ “پيستر” بۆ تمامبوونا پرۆژێ رێيا تيرۆرستى ئهوا ئهمريكا ل بهره بجهبينيت، كو ماكگۆركى دهست پێكرى دهمێ چوويه پارێزگهها ئهدلبێ، ئارمانجا دويێ يا وى ورێكخراوا پهيهدێ كو لقا سووريێ يه يا رێكخراوا پهكهكێ، ب رێيا هنارتنا وان بۆ سهدان چهكدارێن داعشێ ژ رهقه بهر ب ئهدلبێ”.
بەرپرسێ لقێ پارتی ل شنگال هاتە دەستنیشانکرن
ئەڤرۆ نیوز ، نەوزاد هلوری:
سەرکرداتیا پارتی دیموکراتی کوردستان قادر قاچاخ وەکو بەرپرسێ لقێ 17ێ یێ پارتی دیموکراتی کوردستان ل شنگال دەستنیشانکر.
قادر قاچاخ بو ئەڤرۆ نیوز گۆت: ( لسەر بریارا سەرکرداتیا سیاسیا پارتی دیموکراتی کوردستا ئەز وەکو بەرپرسێ نوویێ لقێ 17ێ پارتی دیموکراتی کوردستان ل شنگال هاتمە دەستنیشانکرن ، ئەو ژی پشتی کو د شەرێ ل گەل حەشد شەعبی وهحيد باكوزى بهرپرسێ لقێ هاتیە شەهیدکرن)
زێدەتر گوت: (رێورسمێن دەست بکاربوونا من ژی دێ روژا ئێکشەمبی هێنە ئەنجامدان ، ئومێدەوارم بشێم خزمەتا خەلکێ شنگال و رێبازا پارتی و بارزانی بکەم)
نێچيرڤان بارزانى: ل پهرلهمانى دێ دانوستاندن ل سهر چهندين پرۆژێن چاكسازيێ هێته كرن
ئهڤرۆنيوز:
سهرۆك وهزيرێن ههرێما كوردستانێ راگههاند، پيلانا ل سهر كوردستانێ ههى گهلهك يا مهزنتره ژئهوا ههست پێ دهێته كرن وخهلكهك ژى يێ ههى كو پشتهڤانيا دروستكرنا ئاژاوێ دكهت. دبێژيت ژى، ئهم ل داخوازيا خهلكى بۆ بارێ ژيانا وان تێ دگههين ومافهكێ سروشتى يه، بهلێ دهستهك يێ ههى دڤێت روشا كوردستانێ تێكبدهت، بهرپرسيارهتيا حوكمهتێ ژى ئهوه وئاسايشا خهلكێ كوردستانێ بپارێزيت.
نێچيرڤان بارزانى سهرۆك وهزيرێن ههرێما كوردستانێ، ئهڤرۆ پێنج شهمبى21/12/2017 دكونفرانسهكێ رۆژنامهڤانى دا ل ههولێرێ، بهحسێ سهرهدانا خوه بۆ ئهلمانيا كر ودۆت” سوپاسيا هاريكاريێن ئهلمانيا دكهين ژ روويێ مرۆڤايهتى ولهشكرى كو گهلهك هاريكاريا كوردستانێ كريه”.گۆت ژى” ئهلمانيا ب ههڤپشكى ل گهل فهرهنسا دخوازن هاريكارێن ههرێما كوردستانێ بن بۆ چارهشهريا كێشان دچارچۆڤێ دستوورێ عيراقێ دا، مه ژى دووپاتكر كو دپێگيرين ب دستوورێ عيراقێ ورێزێ ل بريارێن دادگهها فيدرالى دگرين”.
ل دۆر خوهنيشادان وئالۆزيێن سنورێ سلێمانيێ وههلهبجه، نێچيرڤان بارزانى راگههاند” سهرهخوهشيێ دكهين ل مالباتێن وان كهسێن گيانێ خوه ژدهستدى وهيڤيا چاكبوونێ بۆ برينداران دخوازين”. دياركر”خوهنيشادانێن ئاشتيانه ومهدهنى مافێ سروشتيێ خهلكى يه، ئهم ل داخوازيێن خهلكى بۆ بارێ ژيانا وان تێ دگههين، بهلێ دروستكرنا ئاژاوێ رامانا خوهنيشادانێ نينه، دهستهكێ تێكدهر يێ ههى بۆ ژرێ دهرخستنا خوهنيشادانێن مهدهنى، ئهم دزانين هاندان يا ههى وخهلكهك يێ ههى پشتهڤانيا دروستكرنا ئاژاوێ دكهت، بهلێ هێزێن ئهمنى وگهلێ كوردستانێ ژى دژى ئاژاوێ نه ورێ نادهن ئاسايشا كوردستانێ تێكبچيت”.
نێچيرڤان بارزانى دبێژيت”مه پێدڤى ب ئێكرێزيێ يا ههى، چونكى ئهم يێ ل بهردهم گهفهكا جدى، دڤێت دئێك رێز بين، ههكه دئێكرێز نهبين، كهس ناهێته دهاوارا مه ههكه ئهم ب خوه نهبين، پيلانێن ل سهر كوردستانێ گهلهك ژوێ مهزنتره كو ههست پێ دهێته كرن”.
ل دۆر رهوشا ئابوورێ كوردستانێ، گۆت” داخوازيا خهلكى بۆ بارێ ژيانێ مافه، بهلێ پشتى روودانێن ڤێ دووماهيێ داهاتێ كوردستانێ بۆ نيڤيێ يێ كێمبووى، ل گهل وێ ژى دا رێ يا ههى كو ل پاشهرۆژێ ژڤێ رهوشا نهخوهش دهركهڤين”.
نێچيرڤان بارزانى ئاماژه ب وێ چهندێ ژى كر” ئهم ل گهل پهرلهمانێ يێن كۆمبووين ودێ مه لژنهكا ههڤپشك ههبيت ل دۆر پرۆژێن چاكسازيێ، نوكه مه چهندين پرۆژێن چاكسازيێ يێن بهرههڤكرين ودێ ل پهرلهمانى دانوستاندن ل سهر هێته كرن”.
سهرۆك وهزيرێن ههرێما كوردستانێ راگههاند ژى” من داخوازكريه رۆژا ههلبژارتنان بهێته دياركرن كو ژ سێ ههيڤێن بهێت دهرباز نهبيت”. گۆت ژى” هێجهتا هندهك لايهنان ل دۆر ليستا دهنگدهران هێجهتهكه بۆ پاشخستنا ههلبژارتنان، ههكه نه، ئهگهر ئاخڤتن ل سهر ناڤێن مريان بيت، خوه تنێ خهلك ژ پارتى ب تنێ نهمريه”.
سهبارهت خوهڤهكێشانا گۆران وكۆمهلا ئيسلامى ژحوكمهتێ، نێچيرڤان بارزانى گۆت” دهمهكه گۆران دحوكمهتێ دا نينه وژحوكمهتا خوهجهى ناڤهكێشيت، بهلێ ل دۆر كۆمهلا ئيسلامى تێناگههم، ل دهزگههێن راگههاندنێ مه گوه لێبوو كو دێ خوه ڤهكێشيت، پێدڤى ل كۆمبوونا تايبهت دا بهحس كربا، ئهم رێزێ ل بريارا وان دگرين، بهلێ ددهمهكى دا ئهم داخوازا ههلبژارتنان دكهين ل دهمێ سێ ههيڤێن داهاتى دا، چو بهلگهكى وپاساوهكى نابينين بۆ وێ چهندێ، ئهڤه چار ساله ئهم پێكڤه، ما نهدزانى كێماسى يێن ههين، كو نوكه ئهو برياره دايى، دڤێت مللهت ب خوه بزانيت كا بريارا وان بۆ چيه”.
نووترين داخويانيا نێچيرڤان بارزانى ل دۆر مووچێ فهرمانبهران
پێلهكا بهفر و بارانان دێ ب سهر ههرێما كوردستانێ دا هێت
ئهڤرۆ نيوز، نيوار محهمهد سهليم:
رێڤهبهريا گشتى يا سهقاناسى و بيڤهلهرزێ ل ههرێما كوردستانێ راگههاند كو دێ پێلهكا بهفر و بارانان روو ل ههرێما كوردستانێ كهت و پلێن گهرمێ ژى دێ هێنه خوار.
ب گۆرهى راپۆرتهكا پشكا پێشبنيان ل رێڤهبهريا گشتى يا سهقاناسى و بيڤهلهرزان ل ههرێما كوردستانێ و ژ ئهنجامێ هاتنا فشارێن نزمێن وهلاتێ توركيا و رۆژههلاتا ناڤهراست بۆ سهر ههرێما كوردستانێ ل رۆژا شهمبى پێلهكا بهفر و بارانان دێ روو كهته ههرێما كوردستانێ.
د راپۆرتا رێڤهبهريا گشتى يا سهقاناسيێ دا ئاماژه دايه وێ چهندێ كو دێ ل رۆژا شهمبى باران بارينهكا كێم ل دهڤهرێن چيايى يێن باكوورێ ههرێما كوردستانێ باريت.
خويا ژى كريه كو رۆژا ئێكشهمبى كارتێكرنا ڤێ پێلێ دێ ب ئاشكهرا ل سهر ههرێما كوردستانێ هێته ديتن و دهێته پێشبينيكرن بارانهكا زۆر بباريت كو دێ ل پارێزگهها دهۆكێ ژ پارێزگههێن دى يێن ههرێمێ كێمتر باريت. “پلێن گهرمێ ژى ب رهنگهكێ بهرچاڤ دێ هێنه خوار كو دبيت بهفر ژى ل گهل بباريت”.
پشكا پێشبينيان د ڤێ راپۆرتێ دا تهكستێ ل سهر وێ چهندێ دكهت كو ل رۆژا دوشهمبى ژى دێ باران ل چهند ويستگههێن جودا يێن ههرێما كوردستانێ ب رێژێن جودا بارن ههتا رۆژا سێشهمبى پشتى نيڤرۆ ئهڤ فشاره دێ لاواز بن و نامينن.
دهێته پێشبينيكرن ل پارێزگهها دهۆك 53 ملم باران بباريت و ل ههولێر 29 ملم و ل سلێمانيێ 69 ملم و كهركووك 44 ملم و ههلهبچه ژى 30 ملم.
دهێته زانين كو ههتا نوكه ل پارێزگهها دهۆك 56 ملم و ل ههولێر 62 ملم و ل سلێمانيێ 116 ملم و كهركووك 19 ملم و ههلهبچه ژى 64 م
ئامێدیێ: 400 ھەڤژینێن نوو دبێ پلێتێن ئاهێن خوارنێ نه
ئەڤرۆ نیوز ، نەوزاد ھلۆری:
نێزیکێ چوار سالایە دروستکرنا پلێتێن ئاهێن خوارنێ ھاتینە راگرتن و ب ڤێ یەکێ ژی زیانێن زور ب وان کەسان کەفتینە کو دەما بوری دا ھەڤژینیی پێکئینایی، دیارکر کو ل سنوورێ قەزا ئامێدیێ زێدەتری کچ و کورێن نوو ھەڤژینیی پێکئینایی بێ بەھربووینە ژ ھەموو وان پێدڤیێن کو ب رێیا پلێتێن ئاهێن خوارنێ دەستڤە دھێن.
نەشوان عەبدوللا ئێکە ژ وان گەنجێن کو نوو خێزان پێکئنایی دیارکر کو ئەڤە دو سالە ئەوی پلێتێن ئاهێن خوارنێ وەرنەگرتیە و بۆ ئەڤرۆ نیوز گۆت: (راگرتنا مامەلەیێن ئەرزاقی ئێکە ژ وان قەیرانێن کو دڤێ قەیرانێ دا زیانێن زور ب مە گەھاندی، بێ بەھر بووینە ژ ھەموو ئەوان مافێن کو ب رێیا پلێتا ئەرزانی دەستڤە دھێن، ھەر بۆ نموونە نکارین نەفتێ وەربگرین و ئەرزانی وەربگرین).
زێدەتر گۆت: ( دخوازین کو حوکمەت ب زووترین دەم پلێتێن ئاهێن خوارنێ بۆ مە ژی دروست بکەن ژ بەر کو ژبلی بێ بەھربوونا مافان د ھەمان دەم دا زۆر مامەلەیێن مە ژی ب رێڤە ناچن ژ بەر کو گرێدانەکا زۆر ناڤبەرا پلێتێن ئاهێن خوارنێ و مامەلەیێن دن یێن حکومەتێ ھەیە).
جادر عارف ئەو ژی وەلاتیەکێ دەڤەرێ یە ددەتن دیارکرن کو ئەوی ژی ئەڤە سالەکە خێزان پێکئینایی و نەشیایە پلێتێن ئاهێن خوارنێ دروست بکەت و بۆ ئەڤرۆ نیوز گۆت: (پلێتێن ئاهێن خوارنێ ئێکە ژ پێدڤیێن ژیانێ و گەلەک گرنگە بو ب رێڤەچوونا مامەلە و وەرگرتنا گەلەک مافان ژ بەرڤێ گرنگە کو لایەنێن شولەژێ کار بکەن بو دروستکرنا پلێتێن ئەرزانی بو خێزانێن نوو ھاتینە پێکئینان ).
فەلاح حەسەن ئێکە ژ بریکارێن ئەرزاقی ل شێلادزێ بو ئەڤرۆ نیوز گۆت: (ل سالا ٢٠١٤ ھەتا نھا چوو مامەلەیێن وان کەسان نەھاتینە چێکرن ئەڤێن کو خێزان پێکئینایی و ئەو دبێ پلێتا ئاھێن خوارنێ نە، بەلێ حوکمەتێ شوونا پلێتێ ھندەک پێرابوونێن دن گرتینە بەر ھەتا کو چارەسەریەک بۆ بھێتەکرن مینا دانا کاغەزەکێ بۆ ب رێڤەبرنا مامەلەیێن خوە، بەلێ دیسان ئەو ژی یا ب زەحمەتە ژ بەر کو ھەردەما پێدڤی ب پلێتا ئەرزاقی بوو، ل کیرێ بیت دڤێت سەرەدانا رێڤەبەریا ئاھێن خوارنێ ل دھۆکێ بکەت).
بریکارەکێ دن یێ ئەرزاقی ل دەڤەرێ کو نەڤیا ناڤێ خوە بێژیت دیارکر کو ل سنوورێ قەزا ئامێدیێ دڤان سێ چار سالێن بوری دا نێزیکێ ٤٠٠ خێزانێن نوو ھاتینە پێک ئینان و چو پلێتێن ئاهێن خوارنێ نینن و بۆ ئەڤرۆ نیوز گۆت: (ھەر تاکەکێ کورد بێی پلێتێن ئاهێن خوارنێ نکاریت مامەلەیێن خوە ل ھەرێمێ ب رێڤە ببەت، ئەڤە زێدەباری نکاریت چو مافان ژی دەست خوه ڤە بینیت ئەوێن کو ژ لایێ حوکمەت و رێکخراوێن خێرخوازی و کەرتێ تایبەت ژی دھێنەدان مینا گاز و ئاهێن خوارنێ و پێدڤێن دن یێن ژیانێ).
زێدەتر گۆت: (ب ھندەک رێيێن تایبەت، ھندەک بریکار مامەلەیان ب رێڤە دبەن بەلێ دیسان ژی نکاریت چو مافان دەست خوه ڤە بینیت، باشترین چارەسەری ئەوە کو حوکمەت و لایەنێن شولەژێ دەست ب رێڤەبرنا مامەلەیان بکەن ژ بەر کو ئەڤە نێزیکێ چار سالایە ھاتینە راگرتن).
ئەڤرۆ نیوز پەیوەندی ب رێڤەبەریا گشتی یا ئاھێن خوارنێ ل دھوکێ کر، بەلێ ئاماژە ب وێ یەکێ کر کو ھەتا سەرێ سالێ ئەو چو زانیاریان ل سەر تەوەری نادەن.
پارێزگهرێ دهۆكێ كۆمبوونهك ل گهل لایهنێن سیاسی ئهنجامدا
ئهڤرۆنيوز:
ئهڤرو ئێڤاری 20/12/2017 فهرهاد ئهمین پارێزگهرێ دهوكێ و سهروكێ لژنا ئهمنی ل پارێزگههێ ب ئامادهبونا لژنا ئهمنی كومبونهكا بهرفهره دگهل نوێنهرێن لایهنێن سیاسی ل سنورێ پارێزگههێ گرێدا.
دكومبونێ دا گهنگهشه و دان و ستاندن ل سهر رهوشا نوكه یا كوردستانێ ب گشتی و رهوشا پارێزگهها سلێمانیێ ب تایبهتی وئهو كارێن تێكدهرانه یێن دهێنه ئهنجام دان هاته كرن.
پشتی كومبون ب دیماهیك هات، فهرهاد ئهمین پارێزگهرێ دهوكێ دكونگرهكێ روژنامهڤانی دا دیار كر كو ئهڤه گهلهك جار گومبون دگهل لایهنێن سیاسی ل سنورێ پارێزگههێ دهێنه گرێدان و گوت : مهدیت فهره پێكڤه روینین دگهل ههموو لایهنێن سیاسی یێن كوردستانی ل سنورێ پارێزگههێ بو هندێ دا گهنگهشێ بكهین كا چ بهێته كرن بو ئهف رهوشا نوكه روودای، ههر چهنده ل سنورێ پارێزگهها دهوكێ چو تشته ك روو نهدایه ورهوش نورماله، دیسان دوباره داكوكیێ دكهین ئهو پهیاما سهروكێ حوكمهتا ههرێمێ وهكو حوكمهتا ههرێمێ فرێكری كو خونيێشاندان مافهكێ رهوا و سروشتی یێ هاولاتیانه ددهستوری و قانوونێ دا و كهس نهشیت ڤی مافی راگریت، لێ دچوارچوڤێقانوون و رێنمایێن ههی بگره ژ دهستیری وهرگرتنێ و تا كو تێكدان و سوتنا بارهكا و كوشتن دڤیت ئهڤه ب ئێكجاری نهبن دڤی چوارچوڤهی حوكمهتا ههرێمێ پارێزگهها دهوكێ كهس نهشیت ڤی مافی ژ خهلكێ وهرگریت لێ پا دسهر هندێ را دڤێت رهوشا ههرێمێ ب گشتی و عيراقێ و روژههلاتا ناڤه راست بهرچاڤ بهێته وهرگرتن ههروهسا ئهو جوره خو نيشناندانێن دهێنه كرن دبهرژهوهندا خهلكێ دا بن.
ل دور ئهو زیانێن دڤان دو روژێن بوری گهههشتینه مولكێ لایهنێن سیاسی و حوكمهتا ههرێمێ گوت: دڤان دو سێ روژێن بوریدا دبیت ب ملیونێن دولاری زیان گههاندینه مولكێ حوكمهتێ و لایهنێن سیاسی شوینا هندێ كو ئاریشهكێ چاره بكهن كێشێن دی یێ دورست دبن و رهوش یا ئالو ز تر لێدهێت دوباره دێ بێژم خوپێشاندان مافهكێ رهوا یه لێ دچوار چوڤێ یاسای دا بیت و برهنگهكێ ئاشتیا نه ,
دهربارهی رووشتنا دگهل لایهنێن سیاسی هاتیه كرن پارێزگهرێ دهوكێ گوت : ئهف رووشتنه ل سهر بابهتێ خونيشناندانا بو و تێدا چوار خالێن ههفپشك دنافبهرا ههموو لایهنان و ئیدارێ دا بیێ جوداهی ههبون ئهوژێ ئهڤه بون .
1- ب هیچ رهنگهكێ پشتهڤانی ل ڤان جوره خونيشندانان ناهێته كرن
2- خونيشاندان ب رێكێت قانوونى و ل دووڤ رێنمایان مافهكێ رهوایێ خهلكێ كوردستانێ یه
3- هههموو پێرابونێن قانوونى بهێنه ورگرتن ددهرههقێ ههر كهسهكی دا كو ب كارێن خرابكاریێ و تێكدانی رادبن دوور ژ راگرتنا سهقامگیریێ و ئاشتیێ تایبهت ل پارێزگهها دهوكێ
4- ئهو لایهنێن سیاسی ههموو ئامادهیا خو دوپات دكهن كو هاریكاریێ و ههفكاریێ و پشتهڤانیا لژنا ئهمنی یا پارێزگههێ و حوكمهتا خوهجهیا پارێزگهها دهوكێ بكهن داكو رهوشا دهوكێ یا تایبهتمهند بهێته پاراستن .
دهربارهی كا داخازیهكا دهستیریێ بو خونيشاندانێ ل سنورێ پارێزگههێ هاتیه كرن ..پارێزگهرێ دهوكێ گوت : تانوكه كهسێ چ داخازیا دهستیریا خوپێشاندانا ل پارێزگههێ نهكریه.
دیسا پارێزگهرێ دهوكێ دیار كر كو كومبون ل سهر داخازیا پارێزگههێ بوویه و ههموو لایهن ههف بوچون بوون دگهل ئێك و پێكڤه دگهل لژنا ئهمنی و بوچونێن وان پوزهتیف بوون .
پارتی راگەهاندنەكێ ل دۆر خوەنیشادانان بەلاڤ دكەت
ئەڤرۆنيوز:
مەكتەبا سیاسی یا پارتی دیمۆكراتی كوردستان د راگەهاندنەكێ دا، خوەنیشادانان ب مافێ خەلكی دزانیت و دەنگێ خوە دئێخیتە دگەل دەنگێ هەموو وان كەسێن ب ئاشتیانە داخوازا مافێن خوە دكەن و دژی هەر رەفتارەكا شاش و دەستدرێژیەكێ یە ل سەر مال و مولكێ گشتی.
مهكتهبا سياسى يا پارتى ئاشكرا ژی كریە، كو كریار و رەفتارێن وان كەسێن نوكە خوەنیشادانان دكەن ب تمامی ژ جەوهەرێ خوە یێ مەدەنی دەركەفتیە و وەكو خوەنیشادانەكا چەكداری خوە دەردكەڤیت و سۆتن و ژناڤبرنا بارەگەهێن پارتی كریە ئارمانجا خوە یا سەرەكی.
مەكتەبا سیاسی یا پارتی داخواز ژ دەزگەهێن ئێمناهیێ دكەت ب ئەركێ خوە راببن و گیانێ وان كەسێن د ناڤ بارەگەهان دا بپارێزن و ژ هەموو ئالیان ژی خواستییە، نەهێلن ناڤێ كوردستانێ و ئەزموونا وێ كرێت ببیت.
نيشاندان
WP Facebook Auto Publish Powered By : XYZScripts.com