ئه‌ڤرۆ نیوز:
كۆڤارا فۆربس یا بازرگانی یا ئه‌مریكی بۆ چواره‌م سال ل سه‌رئێك ڤلادیمێر پۆتین، سه‌رۆكێ رووسیا وه‌ك بهێزترین كه‌سایه‌تییا سالێ ده‌ستنیشان كر و ب بهێزترین كه‌سایه‌تییا سالا 2016ێ ديار كر.
كۆڤارا فۆربس دیار كر كو پۆتینی كاریگه‌رییا وه‌لاتێ خوه‌ گه‌هاندییه‌ هه‌می كوژیێن جیهانێ، ژ مۆسكۆ بۆ سووریێ وێ بده‌ستڤه‌دئینیت یا ئه‌و دخوازیت.
ل رێزا دووێ، دۆنالد ترامپ سه‌رۆكێ نووهه‌لبژارتی یێ ئه‌مریكا هات و ل رێزا سێ یێ ئه‌نگێلا مێركل شیره‌تكارا ئه‌لمانیا یه‌ كو زلهێزا ئابۆری یا ئه‌ورۆپا یه‌، ل رێزا چوارێ شی ژینپینگ سه‌رۆكێ چینێ یه‌.
باراك ئۆبامایێ سه‌رۆكێ ئه‌مریكا كو ل سالا 2015ێ رێزا دویێ ئینابوو، ڤێ جارێ چوویه‌ رێزا 48ێ.

ئه‌ڤرۆ نیوز:

ل دووڤ راپورته‌كا كه‌شناسیا هه‌رێمێ ئه‌ڤرۆ ل ده‌ڤه‌رێن جودا جودا یێن چیایى یێن كوردستانێ رێژه‌كا زور یا به‌فرێ باریه‌ و ل ڤان جهان ئه‌ڤ رێژه‌ باریه‌:
1-میرگه‌سوور 20سم
2-شیروان مه‌زن 15سم
3-حاجى ئۆمه‌ران 10سم

ئه‌ڤرۆ نیوز: زنار توڤى
فلمێ ره‌شه‌با ژ ده‌رهێنانا كورێ باژێرێ دهۆكێ حسێن حه‌سه‌ن دوهى خه‌لاتێ مه‌زنترین فلمێ درێژ ل فیسته‌ڤالا نێڤده‌وله‌تى یا فلمان ل دوبه‌ى بده‌ستڤه‌ ئینا.
فلمێ ره‌شه‌با ئه‌ڤه‌ خه‌لاتێ سیێ یه‌ ل فێسته‌ڤالێن نێڤده‌وله‌تى یێن فلمان دا وه‌ردگریت، پشتى كو ل فه‌سته‌ڤالا مانهایم – هایدلیێرگ ل ئه‌لمانیا خه‌لاتێ Grand Newcomer Award وه‌رگرتى و هه‌روه‌سا خه‌لاتێ یونسكو ل ئاسیا پاسڤیك وه‌رگرتى.
فیسته‌ڤالا نێڤده‌وله‌تى یا فلمان ل دوبه‌ى ل سه‌ر ئاستێ جیهانێ 156 فلم ل 55 وه‌لاتان پشكدارببوون و بۆ جارا ئێكێ 73 فلم ل سه‌ر ئاستێ رۆژهه‌لاتا ناڤه‌راست هاتنه‌ نیشادان.
فلمێ ره‌شه‌با، به‌رهه‌مه‌كێ كوردی یه‌، به‌حسێ روودانێن هێرشكرن و داگیركرنا شنگال ژ ئالیێ داعش و كوشتنا وه‌لاتیێن ئێزدى و ره‌ڤاندن و ره‌فتارا وان ل گه‌ل ژنان دكه‌ت.

ئه‌ڤرۆ نيوز:

به‌روڤاژى په‌رله‌مانتارێن ئێكه‌تيى و كومه‌ل و يه‌كگرتووى ئيسلامى ، وه‌زيرێن هه‌ر چار حزبان يێن پشكدار د حوكمه‌تا هه‌رێما كوردستانێ دا، (پارتى دیموكراتى كوردستان، یه‌كێتیى نیشتمانیى كوردستان، یه‌کگرتووى ئیسلامیى كوردستان و كۆمه‌لا ئیسلامیى كوردستان)  دلته‌نگيا خوه‌ سه‌باره‌ت بودجا گشتى يا عيراقێ يا 2017 دياركرن و هه‌موويان دووپات كرن كو ئه‌و قانوون ب چ ره‌نگان د به‌رژه‌وه‌ندا هه‌رێما كوردستانێ دا نينه‌.

ئه‌ڤرۆ نيوز:

ئه‌ڤرو سپێدێ‌ 14-12-2016 ل گوره‌پانا روژ ئاڤا یێ‌ سه‌روكاتیا باژێرڤانیا دهوكێ‌ ب ئاماده‌بونا اسماعیل محمد احمد هاریكارێ‌ پارێزگه‌ری بو كاروبارێن مروڤایه‌تی وئه‌ندازیار احسان یه‌حیا سه‌روكێ‌ باژێرڤانیا دهوكێ‌ ، به‌رپرسا رێكخراوا (UNDP) ل كوردستانێ‌ ترومبێله‌كا پێشكه‌فتی بو پاقژكرنا ئاڤ رێژ وسولینا راده‌ستی سه‌روكاتیا باژێرڤانیا دهوك كر .
درێ‌ ورسمێن راده‌ستكرنا وێ‌ ترومبێلێ‌ دا هاریكارێ‌ پارێزگه‌ری بو كاروبارێن مروڤایه‌تی سوپاسیا رێكخراوا (UNDP) كر بو دابینكرنا وێ‌ ترومبێلا پێشكه‌فتی بو سه‌روكاتیا باژێرڤانیا دهوكێ‌ وگوت ئه‌ڤ ئامیره‌ته‌ دێ‌ خزمه‌ته‌كا باش بو خه‌لكێ‌ دهوكێ‌ وئاواره‌یان كه‌ت وته‌كه‌زكر كو هه‌ڤكاریه‌كا باش دناڤبه‌را پارێزگه‌ها دهوكێ‌ ورێكخراوێن مروڤایه‌تی دا هه‌یه‌ ول ده‌مه‌كێ‌ نێزیك رێكخراوا (UNHCR) ژی دێ‌ ترومبێله‌كا پێشكه‌فتی بو باژێرڤانیێن پارێزگه‌هێ‌ دابینكه‌ت بو خزمه‌تكرنا ئاڤ وجوكا ل ده‌رڤه‌ی باژێرێ‌ دهوكێ‌ ولناڤ كه‌مپان.
هه‌ر بڤێ‌ هه‌لكه‌فتێ‌ سه‌روكێ‌ باژێرڤانیا دهوكێ‌ سوپاسیا بوردێ‌ كاروبارێن مروڤایه‌تی ورێكخراوا (UNDP)كر بو هه‌ولێن وان ودابینكرنا وێ‌ ترومبێلا پێشكه‌فتی بو پاقژكرنا سولینێن ئاڤ رێژ وژرێكخراوا ناڤبری خواست كو هنده‌ك پێدڤیێن دی وئامیره‌تان وه‌كو مه‌كینێن مه‌زن یێن گیادروینێ‌ وئامیره‌تێن داگرتن وراستكرنا ته‌سێن قێری دابینكه‌ن .
هه‌ژی گوتنێ‌ یه‌ ترومبێلا پێشكه‌فتی كو دبێژنێ‌ (موشه‌ك )بكوژمێ‌ پتر ژ(2255) هزار $دولاران ژلایێ‌ رێكخراوا (UNDP) هاتیه‌ دابینكرن وشیان هه‌نه‌ هه‌تا دورتیا پتر 100م ئاڤ رێژ وسولینێن گرتی ڤه‌كه‌ت.