ئەڤرۆ نیوز:
زانایێ ناڤدارێ جیهانی نۆم چۆمسکی راگەهاند کو خوراگریا کوردان ل رۆژئاڤایێ کوردستانێ و شەرێ وان ل دژی داعشێ بوو جهێ سەرنجا هەموو جیهانێ، لێ نها مەترسیێن مەزن ل سەر رۆژئاڤایێ کوردستانێ هەنە.
چۆمسکی دیار ژی دکەت کو هەکە پشتەڤانیا نێڤدەولەتی بۆ رۆژئاڤایێ کوردستانێ نەبیت رەنگە رۆژئاڤا نەمینیت و ژناڤ بچیت.
ئەڤرۆ نیوز:
پارتا ئێکەتیا دیموکرات یا مەسیحی یا ئەلمانیا کو ئەنجێلا مێرکەل سەرۆکاتیا وێ دکر د کۆنگرێ خوە یێ دووماهیێ دا ئارمین لاشیتی وەکو سەرۆکێ نوو یێ پارتا خوە دیار کر.
ئەو یەک ژی پشتی هندێ هات کو ئەنجێلا مێرکەل شیرەتکارا ئەلمانیا راگەهاند کو وێ نەڤێت جارەکا دی خوە بۆ سەرۆکاتیا پارتیا ئێکەتیا دیموکرات یا مەسیحی ل ئەلمانیا کاندید بکەت.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٤٣ کەسێن دی تووشی ڤایرۆسێ کۆرۆنایێ بووینە و دو نەخوش ژی مرینە.
وەزارەتا ساخلەمیێ ئەو یەک ژی دیار کریە کو د ماوەیێ ٢٤ دەمژمێرێن بۆری دا ٩٧٧ نەخوشێن کۆرۆنایێ ژی ب تەمامی چارەسەر بووینە.
ل پارێزگەها دهۆکێ ژی ٣٣ کەسێن دی تووشی کۆرۆنایێ بووینە، نەخوشەک مریە و د هەمان دەمی دا ٣٣٧ نەخوشێن کۆرۆنایێ ژی ب تەمامی چارەسەر بووینە.
ئەڤرۆ نیوز:
حسێن حەمە کەریم پەیڤدارێ وەزارەتا چاندنا حکومەتا هەرێما کوردستانێ راگەهاند ئاگەهداری بەلاڤبوونا ڤایرۆسێ ئەنفلونزا بالنداین ل چەند پرۆژەیەکان ل سامرا، بریارە سوبەهی لژنا ئەنفلونزا بالندان ل گەل وەزیرا چاندنێ کومبیت، ب مەبەستا بکار ئینانا رێکار و بریارێن پێدڤی بۆ خۆە پاراستنێ ژ وی ڤایرۆسی.
وەزارەتا چاندنا عیراقێ بەلاڤکریە ل دو پرۆژەیێن قەزایا سامرا ل پارێزگەها سەلاحەدین ئەنفلونزا بالندان بەلاڤبوویە، ب ئەگەرێ وێ 60 هزار پەلەوەر هاتنە ژناڤبرن.
ئەڤرۆ نیوز:
بهایێ پترۆلێ ئەڤرۆ ل بازارێن جیهانی
کو بهایێ بەرمیلا برێنت ب 55 دۆلار و 10 سەنتان کرین و فروتن پێ هاتیەکرن و بهایێ بەرمیلا ئەمریکی ژی 52.36دۆلاران بازار پێ هاتیەکرن.
ئەگەرێ بلندبوونا بهایێ پترۆلێ ڤەدگەریت بۆ رێکەتنا گرۆپێ ئۆپێک پلەس ل سەر زێدەکرنا بەرهەمئینانا پترۆلێ ب رێژا 500 هزار د رۆژەکێ دا، ئەڤەژی ددەمەکی دایە ب ئەگەرێ بەلاڤبوونا ڤایروسێ کۆرۆنایێ بهایێ پترۆلێ داکەت.
ئەڤرۆ نیوز:
ژمارەیا تووشبوویێن کۆرۆنایێ ل تەڤایا جیهانێ گەهشتە 94 ملیۆن و 364 هەزار و 613 کەسان
لگۆری خشتەیێ چاڤدێریکرنا کۆرۆنایێ، ئەو وەلاتێن زۆرترین توشبوویێن کۆرۆنایێ تێدا هاتیە تومارکرن، ئەوژی ئەمریکا و هندستان و بەرازیل و روسیا و بریتانیا و فەرەنسا و تورکیا و ئیتالیا و ئیسپانیا و ئەلمانیا و کولومبیا و ئەرجەنتین و مەکسیک و پولەندا و ئیران و باشوورێ ئەفریقا و ئوکرانیا و پیرو و هولەندا و ئەندەنوسیا و چیک و کەنەدا و رومایا و بەلجیکا و چیلی و عیراق.
ل تەڤایا جیهانێ 65ملیۆن و 769 هزار و 362 کەس توشبوویێن ڤایروسی چاک بووینە، دو ملیۆن و 19 هزار و 919 کەس ژی مرینە.
ئەڤرۆ نیوز
لگۆری ئامارێن کومسیونا بلندا سەربەخویا هەلبژارتنێن عیراقێ هەتا نها زێدەتری 430 پارتان داخوازی بۆ خۆە تومارکرنێ ل کومسیونێ پێشکێشکرینە، کومسیونێ داخوازیا 128 پارتان رەتکریە و مۆلەت ژی دایە 225پارتان.
دوماهی هاتنا دەمێ تومارکرنا ناڤێ پارت و هەڤپەیمانیان ددەمەکی دایە، دەمێ بڕێڤەچوونا هەلبژارتنان کێمتر ژ پێنج هەیڤان مایە.
ئەڤرۆ نیوز:
کومسیونا بلندا هەلبژارتنێن عیراقێ دەمەکێ نوو بۆ ئەنجامدانا هەلبژارتنێن پێشوەخت پێشنیار دکەت .
میدیایێن عیراقی ژ چەند ژێدەرەکان بەلاڤکرینە، کومسیونا هەلبژارتنان ل عیراقێ د کۆمبوونا خوەیا دوماهیێ دا، هەر سێ سەروکایەتیێن عیراقێ و هێزێن سیاسی ئاگەهدارکرینە، کو بەرهەڤ نینن بۆ ئەنجامدانا هەلبژارتنێن پێشوەخت ل حوزەیرانا ئیسال، بەلکو پشتی هەیڤا ئەیلولێ دێ بەرهەڤ بن، ئەڤ چەندە ژلایێ پشکەکا لایەنێن سیاسی پشتەڤانی لێ دهێتەکرن.
ئاماژە ب وێ چەندێ هاتیەکرن ل چەند رۆژێن بهێت د کۆمبوونەکا نوو دا، دناڤبەرا کومسیونێ و هەر سێ سەرۆکایەتی و هێز و لایەنێن سیاسی هێتە برێڤەبرن بۆ دیارکرنا دەمەکێ نوو بۆ هەلبژارتنێن پێشوەخت.
د دوماهی کۆمبوونا سەرۆکاتیێن عیراقێ دا کو رۆژا دوشەمبێ ب بەرهەڤبوونا نوونەرێ کومسیونێ و نوونەرێ نەتەوەیێن ئێکگرتی ل عیراقێ هاتبووکرن، تەئکید ل سەر سەقایەکێ ئارام بۆ برێڤەچوونا هەلبژارتنێن پاقژ ل عیراقێ.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٦٩ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و چار نەخوش ژی مرینە.
وەزارەتا ساخلەمیێ ئەو یەک ژی دیار کریە کو د ماوەیێ ٢٤ دەمژمێرێن بۆری دا ٩٧١ نەخوشێن کۆرۆنایێ ژی چارەسەر بووینە.
ل پارێزگەها دهۆکێ ژی ٣٣ کەسێن دی تووشی کۆرۆنایێ بووینە و دو نەخوش ژی مرینە و د هەمان دەمی دا ٣٤٤ نەخوشێن کۆرۆنایێ ژی چارەسەر بووینە.
ئەڤرۆ:
رۆژانە 274 حالەتێن ژێکڤەبوونا هەڤژینان ل عیراقێ دهێتەتومارکرن، دوماهیا سالا بوری زێدەتری هەشت هزار ژێکڤەبوون هاتبوونە تومارکرن.
لگۆری ئامارەکا جڤاتا بلندا دادوەریا عیراقی، ل هەیڤا تشرینا دووێ یا سالابووری 8245 حالەتێن ژێکڤەبوونا هەڤژینان هاتیەتومارکرن، ل چاڤ هەر ئەوێ هەیڤا سالا 2019 حالەتێن ژێکڤەبوونێ زێدەتری 3181 زێدەبووینە.
لگوری ئەوێ ئامارا جڤاتا دادوەریا عیراقی ئاشکرا کری، رۆژانە 274 حالەتێن ژێکڤەبوونێ دهێنە تومارکرن کو د هەر دەمژمێرەکێ دا 11 ژێکڤەبوونێن هەڤژینان دهێنە تومارکرن، کو بلندترن رێژەیە د دیرۆکا عیراقێ دا.
هەروەسا هەیڤا تشرینا دووێ یاسالا 2020 نێزیکی38هزار گرێبەستێن هەڤژینیێ هاتینەتومارکرن، هەمان دهەمان دەمدا، سالا 2019 نێزیکی 25 هزار گرێبەست ل دادگەهان هاتینە تومارکرن.
نيشاندان