نێچیرڤان بارزانی و ئه‌ردۆگان كۆمبوون
سه‌رۆكێ هه‌رێما كوردستانێ ل ئه‌نقه‌ره ل گه‌ل سه‌رۆك كۆمارێ توركیا ره‌جه‌ب ته‌یب ئه‌ردۆگان كۆمبوو. هه‌ردو ئالیان دووپاتی ل خواستا پێشڤه‌برنا په‌یوه‌ندیێن هه‌رێما كوردستانێ و توركیا د هه‌موو بواران دا كر. هه‌روه‌سا په‌یوه‌ندیێن ئیراقێ و هه‌رێما كوردستانێ ل گه‌ل توركیا، ڕه‌وشا سیاسی یا ئیراقێ و هه‌رێما كوردستانێ، ب تایبه‌تی پشتی ده‌ستبكاربوونا كابینه‌یا نوو یا حوكمه‌تا فیدرالی یا ئیراقی، په‌یوه‌ندیێن هه‌ولێرێ و به‌غدا و دانوستاندنێن چاره‌سه‌ركرنا كێشه‌یێن د ناڤبه‌را وان دا و ده‌لیڤه‌یێن هاریكاریا ئیراقێ و هه‌رێما كوردستانێ ل گه‌ل توركیا دبوارێ وزێ دا، هاتنه باسكرن زێده‌باری گرنگیا بهێزكرنا هاریكاری و هه‌ماهه‌نگیا ئیراقێ و هه‌رێما كوردستانێ ل گه‌ل توركیا بۆ پاراستنا ئاسایشا سنووری و دووماهی پێشهاتێن شه‌ڕێ دژی تیرۆرێ.
