سه‌رۆك بارزانی : پێدڤیه‌ هه‌لبژارتن د ده‌مێ خوه‌ دا بهێنه‌ ئه‌نجامدان

سه‌رۆك مه‌سعود بارزانی ل سه‌لاحه‌دین پێشوازی ل جنین پلاسخارت نوونه‌را سكرتێرێ گشتیێ un ل ئیراقێ كر و د دیداره‌كێ دا ڕه‌وشا سیاسی یا ده‌ڤه‌رێ و په‌یوه‌ندیێن هه‌ولێرێ و به‌غدا و بزاڤێن چاره‌سه‌ركرنا كێشه‌یێن د ناڤبه‌را به‌غدا و هه‌رێمێ دا هاتنه‌ باسكرن. هه‌روه‌سا دووپاتی ل پێدڤیا بجهئینانا ڕێككه‌فتنا د ناڤبه‌را هه‌رێمێ و به‌غدا ل دۆر ئاساییكرنا ڕه‌وشا شنگالێ و ڤه‌گه‌راندنا ئاواره‌یان هاته‌ كرن. سه‌باره‌ت هه‌لبژارتنان ، سه‌رۆك بارزانی دوپاتكر كو هه‌لبژارتن ل ده‌ف پارتی بنه‌ما و پره‌نسیپه‌كێ نه‌گهۆره‌ بۆ شه‌رعیه‌تێ و حوكمڕانیێ و پێدڤیه‌ هه‌لبژارتنێن هه‌رێما كوردستانێ د ده‌مێ خوه‌ دا بهێنه‌ ئه‌نجامدان. دیاركر ژی كو پێدڤیه‌ ئیراده‌ و به‌رژه‌وه‌ندیا پێكهاته‌یان ل به‌رچاڤ بهێته‌ وه‌رگرتن و بۆ بابه‌تێ مافێن وان د هه‌لبژارتنان دا نابیت ژ ده‌رڤه‌ی ئیراده‌یا پێكهاته‌یان هیچ شێوازه‌ك ب سه‌ر پێكهاته‌یێن كوردستانێ بهێته‌ سه‌پاندن.

کۆمێنتا تە