سه‌ره‌كى نووترين نووچه

نه‌خوشێن هه‌رێمێ دێ ب رێكا به‌غدا بۆ ده‌رڤه‌ى وه‌لاتى هێنه‌ هنارتن

02/06/2015 01:29

113

ئه‌ڤرو نیوز ،بارزان مزوورى
ئه‌ڤرو سپێدێ د. فارس بریفكانى ئه‌ندامێ په‌رله‌مانێ عێراقێ سه‌ره‌دانا لقا 20 ل شێخان كر و ژ لایێ به‌رپرسێ لقا 20 ل شێخان عه‌لى عه‌ونى پێشوازى لێ هاته‌كرن، د سه‌ره‌دانا خودا سه‌ره‌دانا چه‌ندین مالێن نه‌خوشان كرن و ناڤێن وان توماركرن ئه‌وێن چاره‌سه‌ریا وان ژ ده‌رڤه‌ى وه‌لاتى.
د. فارس بریفكانى ، ئه‌ندامێ په‌رله‌مانێ عێراقێ و سه‌روكێ لژنا ته‌ندروستیا په‌رله‌مانێ عێراقێ بو مالپه‌رێ ئه‌ڤرو نیوز دیار كر كو مه‌ره‌م ژ سه‌ره‌دانا مه‌ بو قه‌زا شێخان ئه‌و بو كو سه‌ره‌دانا مالێن نه‌خوشێن دوم درێژ بكه‌ین و ناڤێن وان توماربكه‌ین و فائیله‌كێ بو دروست كه‌ین كو ئه‌م بشێین كاروبارێن وان بگه‌هینه‌ به‌غدا و ئه‌و ب رێكا وه‌زاره‌تا ته‌ندروستیا عێراقێ ره‌وانه‌ى ده‌رڤه‌ى وه‌لاتى بكه‌ن ژبو چاره‌سه‌ركرنێ و ئه‌و نه‌خوشێن نه‌خوشیا دلى و یێن مێشك و ده‌مارا و په‌نجه‌شێر هه‌ین و ئه‌وێن پێتڤى ب گورینا مێلاكێ ئه‌و نه‌خوشیێن چاره‌سه‌ریا وان ل عێراقێ نه‌هێنه‌ كرن بو ده‌رڤه‌ى وه‌لاتى ره‌وانه‌ بكه‌ین ل سه‌ر میزانیا حكومه‌تا به‌غدا و به‌رى نها ئه‌ڤه‌ چه‌ند ساله‌ چ پشك بو نه‌خوشیێن هه‌رێمێ نه‌بون، به‌س عه‌ره‌ب بون بو ده‌رڤه‌ى وه‌لاتى ره‌وانه‌ دكرن.

حه‌شد شه‌عبى چ پێشڤه‌چوون ل ئه‌نبار نه‌كرینه‌

02/06/2015 01:12

ئه‌ڤرۆ نیوز:

ئێك ژ شێخێن ئه‌نبار رادگه‌هینیت كو هێزێن حه‌شد شه‌عبى چ پێشكه‌فتنه‌ك به‌ره‌ڤ روومادى بده‌ستڤه‌نه‌ئینایه‌ و ئاماژه‌ ب وێ یه‌كێ دكه‌ت ئه‌و ده‌ڤه‌رێن حه‌شد شه‌عبى بانگه‌شێ بۆ دكه‌ت كو یێن كونترول كرین، وه‌سا نینه‌ و نوكه‌ یێن دده‌ستێ داعش دا.
شێخ محەممەد ئەلبجاری، دیاركر : ده‌ڤه‌رێن حوسه‌ینیه‌ یا رۆژهه‌لات و سدیقیه‌ و تاش و زانكۆیا ئه‌نبار ژى نوكه‌ یێن دده‌ستێ داعش دا، ئه‌و ده‌ڤه‌رێن حه‌شد شه‌عبى بانگه‌شێ بۆ دكه‌ت كو یێن كونترول كرین، چو راستى بۆ نینه‌.

هروبایێ ئه‌ڤرۆ زیان گه‌هانده‌ دار و بارى

01/06/2015 21:18

216

ئەڤرۆ نیوز،زنار تۆڤى:
ژ ئه‌نجامێ هاتنا هروبایه‌كێ بهێز ل روژا دوشه‌مبى 1/6/2015 ل ده‌ڤه‌را به‌روارى بالا زیانێ دگه‌هینیته‌ داروبارى و ل گه‌له‌ك جهان به‌رهه‌مێ داروبارى دادقوتیت و هه‌روه‌سا تایێن وان دشكێنیت و جوتیارێن ڤێ ده‌ڤه‌رێ وه‌سا دیاردكه‌ن كو ئه‌ڤه‌ ئێكه‌مین جاره‌ بایێ ب ڤى ره‌نگى ل ڤێ ده‌ڤه‌رێ دهێت و ئه‌ڤ ساله‌ زیان ب به‌رهه‌مێ داروبارێ وان كه‌فت. محه‌مه‌د سالح ئه‌حمه‌د جوتیاره‌كێ ڤێ ده‌ڤه‌رێ یه‌ بۆ ئه‌ڤرو نیوز دبێژیت:ل روژا دوشه‌مبى 1/6/2015 هروبایه‌كێ زورێ بهێز ل ده‌ڤه‌را به‌روراى بالا هات و ژ ئاقارێ چه‌ند گونده‌كان گرت و د ئه‌نجام دا هه‌ر تشتێ كه‌فتیه‌ به‌ر وى بایى داقوتا و هه‌روه‌سا تایێن داروبارى قراندن و ل هنده‌ك جهان داروبارێ وه‌كى دارێ سپیندارێ ژبنى قراندیه‌.
ڤى جوتیارى گوت ژى:ڤى بایى پتر زیان گه‌هاندیه‌ دارێن سێڤ و حلیك و باهیڤ و مێوێن ترى و گه‌له‌ك ژ به‌رهه‌مێ وان داقوتایه‌ و خرابكریه‌ و هه‌روه‌سا ئه‌ڤ ساله‌ژى ژ ئه‌گه‌رێ ڤى هروبایێ بهێز زیان گه‌هاندیه‌ به‌رهه‌مێ وان و جوتیارێن ڤێ ده‌ڤه‌رێ دێ زیان به‌خش بن.

كورد به‌رسڤا عه‌بادى دده‌ن…چو راستى بۆ ئاخافتنێن وى نینن

01/06/2015 19:43

326

ئه‌ڤرۆ نیوز:

په‌رله‌مانتاره‌كێ كورد ل په‌رله‌مانێ عیراقێ به‌رڤسا گوتنێن عه‌بادى دده‌ت و دوێ باوه‌رێ دایه‌ ژبه‌ر فشارا شه‌قامێ شیعى ، عه‌بادى فشارێ ل سه‌ر هه‌رێما كوردستانێ دروست دكه‌ت.
حه‌یده‌ر عه‌بادى سه‌رۆك وه‌زیرێن عیراقێ د دیداره‌كێ دا ل گه‌ل كه‌نالێ ئه‌لعراقیه‌ گۆتبوو: به‌غدا ل هه‌یڤا 11 وه‌ره‌ ب نه‌قدى مووچێ فه‌رمانبه‌رێن هه‌رێما كوردستانێ یێ هنارتى، بۆچى هه‌رێم مووچێ فه‌رمانبه‌رێن خوه‌ ناده‌ت.
حاكم سه‌رحان ئه‌ندامێ په‌رله‌مانێ عیراقێ دبێژیت: لایه‌نێن شیعى فشارێ ل سه‌ر عه‌بادى دكه‌ن بۆ وێ یه‌كێ فشارێ ل سه‌ر هه‌رێمێ دروست بكه‌ن، هه‌كه‌ر نه‌ هه‌یڤا 11 ، به‌لكو ل چه‌ند هه‌یڤێن بوورى ژى حكومه‌تا عه‌بادى ئه‌و پاره‌ نه‌هنارتیه‌ كو به‌رامبه‌رى وێ نه‌فتێ ژى بیت یا هه‌رێما كوردستانێ ب رێیا سومو هنارتى.

ل نێزیك راستیا ڤى وێنه‌ى دێ دیار بیت

01/06/2015 19:26

405

هه‌ولێر، قائید میرۆ
پۆلیسێن پارێزگه‌ها سلێمانیێ یێ دوڤچوونێ بۆ وێنه‌یه‌كی دكه‌ن، كو ل تۆڕێن كۆمه‌لایه‌تی ده‌نگڤه‌دایه‌ و په‌یڤدارێن پۆلیسێن سلێمانیێ ژی دبێژیت، ئه‌ڤه‌ كه‌سه‌كێ فێلبازه‌ و كارێ پێشمه‌رگه‌ی نینه‌.
سه‌ركه‌فت ئه‌حمه‌د، په‌یڤدارێ پۆلیسێن پارێزگه‌ها سلێمانیێ بۆ ئه‌ڤرۆ نیۆز گۆت” وێنه‌یه‌ك ل تۆڕێن كۆمه‌لایه‌تی به‌لاڤبوویه‌ و تێدا كه‌سه‌ك بب جلكێن پێشمه‌رگه‌ ل پێش مزگه‌فتێ خوازوكیێ دكه‌ت، به‌لێ هێشتا ئه‌م پشتڕاست نینه‌ ل كیش مزگه‌فتێ یه‌ و هێزێن پۆلیسا ده‌ست ب ڤه‌كۆلینێ كریه‌”.
سه‌ركه‌فتی گۆتژی” ئه‌م پشتڕاستین ئه‌ڤه‌ پێشمه‌رگه‌ نیه‌، چونكو نه‌فسیه‌تا پێشمه‌رگه‌ زۆرا بلنده‌ و باوه‌رناكه‌ی چو پێمشه‌رگه‌یه‌ك ئه‌ڤی كاری بكه‌ت، پێشبینی دكه‌ین كه‌سه‌كێ فێلبازبیت و هه‌رده‌مێ ئاشكرابوو كی یه‌ دێ هێته‌ ده‌سته‌سه‌ركرن و گوره‌ی قانوونێ دێ هێته‌ سزادان.

داوود ئوگلۆ بەحسێ قۆناغا پشتی هەلبژارتنان ل تورکیا دکەت

01/06/2015 18:47

ئەڤرۆ نیۆز، هۆشەنگ تاجر:

سەرۆک وەزیرێن تورکیا ئەحمەد داوود ئوگلۆ پشکداری د بەرنامێ تەلەفزیونا خەبەر تورک کر و راگەهاند کو قۆناغا وەسا برێڤە ناچیت. چونکو هەتا نها ل گەل سێ ئالیان ئەم هەڤدیتنان دکەین کو ئەو ژی ئیمرالی، قەندیل و هەدەپە، نە. پشتی هەلبژارتنان ئەم دێ ڤێ یەکێ ل بەر چاڤان دەرباز کەین، چونکو ئەو سێ ئالی ژی د ناڤا خوە دا زەلال نینن و ئاریشێن خوە هەنە و ئەو یەک ژی کاریگەریا خوە ل سەر چاوانیا برێڤەچوونا پرۆسا ئاشتیێ دکەت.

سەرۆک وەزیرێن تورکیا ئەو یەک ژی دیار کر کو دێ پارتیا وی دیسان ببیتە پارتا یەکێ ل تورکیا و دێ شێت ب تنێ حوکمەتێ پێک بینیت.

ب پشته‌ڤانيا زێره‌ڤانى باره‌گايێن داعش دهێنه‌ ژناڤبرن

01/06/2015 18:42

ئه‌ڤرۆ نيوز:

ب هه‌ماهه‌نگيا فه‌رمه‌نده‌يا پێشمه‌رگێ زێره‌ڤانى ده‌مژمێرێ 4:00ى ئێڤاريا ئه‌ڤرۆ رۆژا دوشه‌مبى رێكه‌فتى 1ى خزيرانا 2015ێ فرۆكێن شه‌ركه‌رێن هه‌ڤپه‌يمانان دو جاران بنگه‌هێن تيرۆرستێن داعش ل بلنداهيێن بادوش بۆردومان كرن و ژماره‌كا تيرۆرستان كوشتن.

ب گۆره‌يى راگه‌هاندنه‌كێ كو دانه‌ك بۆ ئه‌ڤرۆ نيوز ره‌وانه‌ كريه‌ هاتيه‌: “ب گۆره‌يى پێزانينێن فه‌رمانده‌يێن مه‌يدانى يێن فه‌رمانده‌يا پێشمه‌رگێ زێره‌ڤانى، ئێڤاريا ئه‌ڤرۆ فرۆكێن شه‌ركه‌رێن هه‌ڤپه‌يمانان بلنداهيێن ده‌وروبه‌رێن ناحيا بادوش كو ب بلنداهيێن بادوش د به‌رنياسن و دكه‌ڤنه‌ ميحوه‌رێ رۆژئاڤا ديجله‌ بۆردومانكرن”.

زێده‌تر هاتيه‌: “د ئه‌نجاما ڤێ بۆردومانێ دا، سه‌ره‌رايى وه‌شاندنا گورزێن كارا و كوشتن و برينداركرنا ژماره‌كا تيرۆرستان، باره‌گايێن داعش ب ته‌مامى هاتينه‌ خرابكرن و دو جاران هه‌مان جهـ بۆردومان كرن، پتريا ئه‌و تيرۆرستێن ل وێرێ ژى هه‌ين كوشتن”.

بلنداهيێن بادوش ل 10ى خزيرانا 2014ێ ڤه‌ ژ لايێ چه‌كدارێن تيرۆرستێن داعش ڤه‌ هاتنه‌ داگيركرن و بادوش ژى ناحيه‌يه‌ و سه‌ر ب قه‌زا ناڤه‌ندى يا مووسل ڤه‌يه‌.

سه‌فين دزه‌يى: هه‌رێم دێ بڕيارا خوه‌ ده‌ت

01/06/2015 14:38

539

ئه‌ڤرۆ نيوز:

ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو هه‌كه‌ به‌غدا بودجێ هه‌رێما كوردستانێ يێ هه‌يڤا گۆلانێ وه‌كو پێدڤى ره‌وانه‌ نه‌كه‌ن، هه‌رێم دێ بڕيارێ ده‌ت.

سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ د داخۆيانيه‌كێ دا بۆ NRT راگه‌هاند، هه‌كه‌ به‌غدا بودجێ هه‌يڤا گۆلانێ وه‌كو پێدڤى ره‌وانه‌ نه‌كه‌ت، دێ هه‌رێمێ بڕيارا خوه‌ ده‌ت.

ئاماژه‌ ب وێ چه‌ندێ ژى كر كو نوكه‌ ئه‌و چاڤه‌رێ ره‌وانه‌كرنا بودجا هه‌يڤا گۆلانێ نه‌ ژ لايێ به‌غدا ڤه‌، دا بزانن دێ چه‌ندێ ره‌وانه‌ كه‌ن.

سه‌ره‌رايى وێ چه‌ندێ كو ل هه‌يڤا ئادارێ هه‌رێما كوردستانێ رێژه‌كا باش يا په‌ترۆلێ ب رێيا كۆمپانيا سۆمۆ ره‌وانه‌ كربوو، به‌لێ ل دووڤ گۆتنا به‌رپرسێن هه‌رێمێ، به‌غدا ل دووڤ وى ئاستى بودجه‌ ره‌وانه‌ نه‌كربوو، سه‌رۆكێ هه‌رێما كوردستانێ ژى راگه‌هاند كو هه‌كه‌ به‌غدا ب ڤى ره‌نگى بيت دێ سه‌ربه‌خۆيا ئابوورى راگه‌هينن.

خۆنيشانده‌ران رێيا سه‌ره‌كى يا زاخۆ و دهۆك گرت

01/06/2015 13:13

1920

ئه‌ڤرۆ نيوز:

ل دۆريانا كواشێ، كرێكارێن ل كۆمپانيێن كواشێ كار دكه‌ن و هاتينه‌ داخستن، وه‌كو نه‌رازيبوون ل هه‌مبه‌ر بڕيارا پارێزگه‌رێ دهۆكێ ب گرتنا كارگه‌هێن وان خونيشادانه‌ك ئه‌نجام دا و رێيا سه‌ره‌كى يا دهۆك-زاخۆ گرت.

ب گۆره‌يى ئه‌و پێزانينێن ب ده‌ست ئه‌ڤرۆ نيوز كه‌فتين يێن ده‌سپێكى هێزه‌كا مه‌زن يا پۆليسان بۆ بێده‌نگكرنا خۆنيشانده‌ران ل وێرێ ئاماده‌بوويه‌ ل گه‌ل نوونه‌رێ پارێزگارێ دهۆكێ ژى و سۆز دايێ كو پارێزگارێ دهۆكێ دێ ل گه‌ل وان يێ هاريكار بيت.

نێچيرڤان بارزانى دێ سه‌ره‌دانا دهۆك و زاخۆ كه‌ت

01/06/2015 11:59

532

ئه‌ڤرۆ نيوز، يوسف موسا:

بڕياره‌ د ڤێ حه‌فتيێ دا، نێچيرڤان بارزانى سه‌رۆكێ حوكمه‌تا هه‌رێما كوردستانێ سه‌ره‌دانا پارێزگه‌ها دهۆكێ بكه‌ت و د رێوره‌سمێن ڤه‌كرنا ياريگه‌ها زاخۆ دا ژى پشكدار بيت.

خه‌ليل مه‌حمود، قايمقامێ قه‌زا زاخۆ بۆ ئه‌ڤرۆ نيوز گۆت: “بڕياره‌ د ڤێ حه‌فتيێ دا، ياريگه‌ها نوو يا نێڤده‌وله‌تى يا زاخۆ بهێته‌ ڤه‌كرن”.

زێده‌تر گۆت: “ئه‌ڤ پرۆژه‌ ب كۆژمێ 20 مليۆن دۆلاران هاتيه‌ ئاماده‌كرن و ژ لايێ حوكمه‌تا هه‌رێما كوردستانێ ڤه‌ هاتيه‌ دروستكرن و دهێته‌ پێشبينيكرن، 3ى خزيرانا 2015ێ نێچيرڤان بارزانى، سه‌رۆكێ حوكمه‌تا هه‌رێما كوردستانێ سه‌ره‌دانا زاخۆ بكه‌ت و وى پرۆژه‌يى وه‌رگريت”.

دا زانين ژى كو هه‌كه‌ پرۆژه‌ ب دووماهى ژى نه‌هات بيت، دبيت وه‌رگرتنا جزئى بهێته‌ كرن، ئانكو ئه‌و پشكا ب دووماهى هاتى بهێته‌ وه‌رگرتن.

ياريگه‌ها زاخۆ يا نێڤده‌وله‌تى يا نوو جهێ 20 هزار پشته‌ڤانان لێدكه‌ت و بڕياره‌ ل رێكه‌فتى 4ى خزيرانا 2015ێ ياريه‌كا هه‌ڤالينى د ناڤبه‌را هه‌لبژارتيێ عيراقێ و يانا زاخۆ دا بهێته‌ كرن، كارگێريا يانا زاخۆ ژى راگه‌هانديه‌ كو ئه‌وان داخواز كريه‌ نێچيرڤان بارزانى، سه‌رۆكێ حوكمه‌تا هه‌رێما كوردستانێ د رێوره‌سمان دا ئاماده‌ بيت.

خەلیل مەحموود گوتیشی “ئەو یاریگایە لە توانایدا جێی (20)هەزار هاندەرلە خۆبگرێت.
وێنەی یاریگاکە ببینە

نيشاندان 1...660 1,660 2,660 2,6612,6622,663...3,047 زێده‌تر

لاپه‌ر 2,662 ژ 3,047