ئەڤرۆ نیوز:
ل دەڤەرا بەرواری باڵا ل سنورێ ناحیا کانی ماسێ گرێدای قەزا ئامێدیێ بەفربارێنێ دەستپێکر و پلەیێن گەرمێ دافتینە.
بەفربارینێ دەستپێکر
نووترين نووچه
- سەرۆك بارزانی: زانایێن ئایینی سەنگەرەكێ ب هێز یێ بەرگریكرنێ بوون ژ مافێن ڕەوا یێن گەلێ كوردستانێ
- نێچیرڤان بارزانی: ئێكگرتنا پێشمەرگەی دەسپێكا قووناغەكا نوویە
- مەسرور بارزانی: سەرۆك بارزانی ڕۆلەكێ كاریگەر د ئێكگرتنا هێزا پێشمەرگەی دا هەبوو
- پاریس یا پێگیرە ب پێشڤەبرنا پەیوەندیێن خوە ل گەل هەولێرێ
- كەركووك دلێ كوردستانێ یە و كوردستانیبوونا كەركووكێ ژی د پێناسەیا وێ دایە
- سێ وەزارەت بۆ دووڤچوونا مسۆگەركرنا پشكا كوردستانێ ژ قەرێن فیدرالی هاتنە ڕاسپاردن
- دڤێت ب گۆرەی دەستووری سەرەدەری د گەل هێزا پێشمەرگەی بهێتە كرن
- كۆڕەك تیلیكۆم دێ ل كوردستانێ بەردەوام بیت و ناهێتە داخستن
- ئەڤرۆ جڤاتا وەزیرێن هەرێما كوردستانێ دێ دو پرسێن گرنگ گەنگەشە كەت
- ترس هەیە پشتی ڤەكێشانا ئەمریكا داعش پتر خوە ڕێكبێخیت
سهرهكى نووترين نووچه
٢٣ نەخوشێن دی یێن کۆرۆنایێ ل هەرێما کوردستانێ مرن
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٦٥٩ کەسێن دی ل هەرێما کوردستانێ تووشی کۆرۆنایێ بووینە و هەروەسا ٢٣ نەخوشێن کۆرۆنایێ ژی مرینە.
وەزارەتا ساخلەمیێ هەروەسا راگەهاند ژی کو د ماوەیێ ٢٤ دەمژمێرێن بۆری دا ٢٣٢ نەخوشێن کۆرۆنایێ ژی ل هەرێما کوردستانێ ب تەمامی چارەسەر بووینە.
پەیڤدارێ حوکمەتێ ژڤانێ دابەشکرنا موچەی دیار دکەت
ئەڤرۆ نیوز:
د. جوتیار عادل پەیڤدارێ حوکمەتا هەرێما کوردستانێ راگەهاند کو ئەو پێشوازیێ ل ئاخڤتنێن پەیڤدارێ حوکمەتا عیراقێ دکەن کو دیار کربوو وان رێککەفتن ل گەل حوکمەتا هەرێما کوردستانێ هەیە و دێ ٣٢٠ ملیار دیناران بۆ هەرێمێ هنێرن.
ناڤهاتی ل دۆر ژڤانێ دابەشکرنا موچەی ژی دیار کر کو هەر دەمی بەغدا ٣٢٠ ملیار بۆ هەرێمێ هنارت دێ دەست ب دابەشکرنا موچێ مەها ١٠ هێتە کرن.
قوتابیێن قوناغا ئێکێ دێ دەواما فەرمی کەن
ئەڤرۆ نیوز، عەلی حاجی :
هاریکارێ سەروکێ زانکویا زاخۆ بۆ کاروبارێن قوتابیان بۆ ئەڤرۆ نیوز دیار کر ل دووڤ بریارا جڤاتا زانکویێ دێ ل دەستپێکا حەفتیا بهێت دێ قوتابیێن قوناغا ئێکێ ل زانکویا مە دەستپێکەت .
زێدەتر دکتور کاروان فەهمی گۆت: (پشتی بریارا جڤاتا زانکویا زاخۆ کو قوتابیێن قوناغا ئێکێ دەست ب دەوامێ بکەن دێ هەمی پێنگاڤێن بۆ وانەیێن ئونلاین وەکو دروستکرنا ئەکاوەنتەکێ د بەرنامەیێ مودل و چاوانیا ب کارئینا وێ بۆ قوتابی هێتە ئامادە کرن و ل دویف بریارا وەزارەتا خواندنا بلند و ڤەکولینێن زانستی قوتابیێن نوو هاتینە وەرگرتن دێ دەواما وان ژ قوتابیێن قوناغێن زێدەتر بیت ژبەر کو ژینگەهەکا نوویە ئەو قوتابی هاتینە تێدا، سەرباری ڤێ چەندێ هەمیێ ژی دێ رێکارێن ساخلەمیێ بەرچاڤ وەرگرین و پێدڤیە قوتابی هەمی رێکارێن ساخلەمیێ بجهـ بینیت و تێکەلیا قوتابی دگەل قوتابی یا کێم بیت) .
ل دوماهیێ گۆت ژی ژ ئەنجامێ سکالا قوتابیان ناڤێ ٢٩٣ قوتابیان ڤەگەریایە ڤە و ئەو دشێن دوبارە بهێنە زانکویێ و فورمێن خوە وەربگرن و دێ پشتی وی دەمی فورمێن وان دوبارە بۆ وەزارەتێ هێنە رەوانە کرن، هەر دیسان مە دگەل سەروک پشکان ئاخڤتیە کو هەکە کورسیێن ڤالە مابن د زانکویێ دا دێ زێدەتر دەلیڤێ ل بەرامبەر قوتابیان ڤەکەین یێ کو ناڤێ وان ل چو زانکو و پەیمانگەهان نەهاتی پێخەمەتی وێ چەندێ زێدەتر خزمەتا قوتابیان بکەین.
كازمى دوپاتى ل ههلبژارتنێن پێشوهخت كر
ئەڤرۆ نیوز:
سەرۆکوەزیرێن عیراقێ د كۆمبوونهكێ دا دگهل ئهندامێن كومسیونا بلندا ههلبژارتنان دوپاتى ل ئهنجامدانا ههلبژارتنێن پێشوهخت ل وهلاتێ خو كر و راگههاند، ئهو یهك ئهركێ حكومهتێ و داخوازا گهلیه.
مسته فا كازمى، سهرهكوهزیرێن ئیراقێ د بهیانهكێ دا راگههاند، كازمى دوپاتى كریه ل ههلبارتنێن پێشوهخت ل شهشى خزهیرانا سالا بهێت كر، ژبهركو داخوازا گهلێ ئیراقێ و شورهشا ئۆكتوبهرێ یه.
سهرۆكوهزیرێن ئیراقێ داخواز ژ شاندێ كومسیۆنێ كریه، ههر پێدڤیهك ههبیت بۆ ههلبژارتنان د نوكه دا داخواز بكهن، دا د نێزیكترین كۆمبون دا بدهنه جڤاتا وهزیران و بهێته پهسهندكرن.
ههروهسا كازمى داخواز ژ وەلاتیان كریه نافێ خو د تۆمارا دهنگدانێدانى تۆمار بكهن و ب شێوهكێ بهرفرهـ پشكداریێ د ههلبژارتنان دا بكهن.
خوهنیشاندهرێن عیراقێ ل ئكتوبهرا دوهزار و نۆزدێ داخوازا ههلبژارتنێن پێشوهخت كریه و دهسپێكا كاركرنا كازمى سۆزا بجهئینانا وێ داخوازێ ب گهلێ ئیراقێ و خوپیشاندهران هاتیه دان و رۆژا شهشى خزیرانا سالا بهێت دێ هێنه كرن.
ل دەروازێ ئیبراهیم خەلیل پتری حەفت هزار تەنێن کەلوپەلان هاتینە ڤهگهراندن و ژناڤبرن
ئەڤرۆ نیوز، زنار تۆڤی:
کامی کەمال، بەرپرسێ پهیوهندى و راگههاندنا كۆمهلگهها دهروازێ نێڤدهولهتى یێ ئیبراهیم خهلیل بۆ ئەڤرۆ نیوز دیار کر: د دەمێ دو ههیڤاندا، هەر ژ رێكهفتى، 1/9/2020 ههتا رێكهفتى، 31/10/2020، حەفت هزار و حەفت سەد و حەفتێ و شەش تنن و دو سەد و شێست و دو كیلوگرامێن كهرهستێن جۆدا ل تاقیگههـ و لژنێن پهیوهندیدار یێن سهر ب كۆمهلگهها دهروازێ نێڤدهولهتى یێ ئیبراهیم خهلیل ڤه نههاتینە پەسەند کرن و پشکەك ژ وان هاتینه زڤراندن و پشکەك ژى ھاتینە ژناڤبرن، ژبهركو ل گهل رێنمایی یێن حكومهتا ههرێما كوردستانێ نهدگۆنجان.
ناڤهاتی گۆت ژی، ب گشتی كهرهسته پێكهاتبوون ژ كهل و پهلێن (ساخلهمیێ، خوارن و ڤهخوارن، كوزماتیك، فیتێرنهرى، چاندن، بیناسازیێ).
ترامپ ژ دانپێدان ب سهركهفتنا جۆ بایدنى پهشیمان بوو
ئهڤرۆ نیوز:
سهرۆكێ ویلایهتێن ئێكگرتى یێن ئهمریكا ژ دانپێدانا خۆه ب سهركهفتنا بهربژارێ دیمۆكراتان پهشیمان بوو.
پشتى بو ئێكهم جار دانپێدان ب سهركهفتنا ههڤركێ خۆه جۆ بایدن، بهربژارێ دیمۆكراتان د ههلبژارتنێن سهرۆكاتییا ئهمریكا دا كرى، دۆنالد ترامپ ژ ئاخفتنا خۆه پهشیمان بوو و جارهكا دى دوپاتكر، رێكهكا درێژ ل پێش وان ههیه بو دیاركرنا سهركهفتیێ ههلبژارتنان.
دۆنالد ترامپ د توویتهكى دا راگههاند، بایدن نه سهركهفتییه ب تنێ ب گۆتنا میدیایێن درهو ئهو سهركهفتییه، هێشتا رێكهكا درێژ ل پێش وان مایه بۆ دیاركرنا سهركهفتیێ ههلبژارتنانو دوپات كر ئهو دێ سهركهڤن.
کۆترەک ب 1.9 ملیۆن دۆلاران هاتە فرۆشتن
ئهڤرۆ نیوز:
وەلاتیەکێ چینی کۆترەک ب ناڤێ نیو کیم، ب ملیۆنهك و نههسهد هزار دۆلاران دۆلاران کری.
نیو کیم، کۆترەکا د ژیێ دو سالیێ دایە و ل بەلجیکا هاتیە پەروەردە کرن و چەند رۆژەکا بەری نوکە ب دوسهد یۆرۆیان خستبوو ل سەرێک زێدەکرنەکا ئاشکرا و دوهى هاتە فرۆشتن.
نیکۆلاس گیسلبرێخت، سەرۆکێ کۆمپانیا کۆترا بههەشتێ راگەهاند، وان باوەر نەدکر ئەو کۆترە دێ ب ڤی بهای چیت و ئەڤە ریکۆردەکێ جیهانییە، ههروهسا ل سالا دوهزار و ههژدێ د بهریكانهیهكێ دا ل فرەنسا هاتبوو کرن تێدا نیو کیم ببوو یا ئێکێ.
دەولەمەندێن رۆژهەلاتا ئاسیا و دەڤەرێن کەنداڤی ب وان بالندان حێبهتى نه، کو دشێن ب سەدان کیلۆمەتران ببرن بێ کو بەرزەبن ڤەدگەرنە جهێ خوە، هەروەسا خودانکرنا کۆتران مێژوویەکا دوور و درێژ ل بەلجیکا و هۆلەندا و باکورێ فرەنسا هەیە.
هەروەسا نیکۆلاس گیسلبرێخت دبێژیت: نێزیکی بیست هزار کەسان ل بەلجیکا هەنە، ب تنێ بالندەیان بۆ پشکداریکرنێ د بهریكانان دا خودان دکەن.
پێشتر گرانترین کۆتر ب ملیۆنهك و دوسهد و پێنجى هزار یۆرۆیان هاتبوو فرۆشتن.
پهرلهمانێ كوردستانێ سوبه دێ كۆم بیت
ئهڤرۆ نیوز:
بریاره پهرلهمانێ كوردستانێ ب بهرههڤبوونا ئالیێن پهیوهندیدار ل جڤاتا وهزیرێن ههرێما كوردستانێ سوبه سێشهمبى كۆم ببیت و پێشهاتێن پهسهندكرنا پرۆژه قانوونا پركرنا كورتئینانا دارایى یا جڤاتا نوونهرێن ئیراقێ پهسهند كرى گۆتوبێژ بكهت.
پهرلهمانێ كوردستانێ دێ د گهل شاندهكێ حكومهتا ههرێمێ ل دۆر پێشهاتێن پهسهندكرنا پرۆژه قانوونا پركرنا كورتئینانا دارایى یا فیدرالى و پلانا ههرێما كوردستانێ كۆم ببیت.
د. رێواز فایهق، سهرۆكا پهرلهمانێ كوردستانێ داخواز ژ ههموو پهرلهمانتاران كریه، كو ل وێ روونشتنا ئاسایى یا هژمار 10 یا خولا پائیزى ل دهمژمێر 11 بهرى نیڤرۆ بهرههڤ ببن.
پۆمپیۆ: ئهمریكا دێ سزایێن تۆندتر ل سهر ئیرانێ سهپینیت
ئهڤرۆ نیوز:
وهزیرێ دهرڤه یێ ئهمریكا راگههاند، وهلاتێ وى ب نیازه حهفتییا بهێت سزایێن تۆندتر ل سهر ئیرانێ بسهپینیت.
مایك پۆمپیۆ راگههاند، پشتى خۆهنیشاندانا باژێرێن ئیرانێ ل سالا دهربازبووى، تههرانێ بزاڤ كرینه بهلگێن كارێن خۆه یێن توند ب رێكا چاڤدێریێ ڤهشێریتو خزمهتگوزارییا هێلا ئنترنێتێ برى.
پۆمپیۆ ئاشكرا ژى كر، دهستههلاتدارێن ئیرانێ هێشتا رێگرییێ ل ڤهكۆلینێن سهربهخوه یێن كریارێن خوه یێن كوشتنێ دكهن، ئهو قوربانیێن دهستێ وێ رژێمێ ژبیرناكهن و ویلایهتێن ئێكگرتى دێ ل سهر سزادانا بهرپرسان بهردهوام بیت و ههفتییا بهێت دێ رێكارێن نوى بهرامبهر وان كهسان یێن دهست د وان كارێن درندانه دا ههیگرنهبهر.
وهزیرێ دهرڤه یێ ئهمریكا هیڤیا خوه دهربرى كو ههمى وهلات پشتهڤانیێ ل داخوازا وان بكهن یا وان ئاراستهى رژێما ئیرانێ كری بۆ ئازادكرنا تهڤایا زیندانیێن سیاسى.
نيشاندان
WP Facebook Auto Publish Powered By : XYZScripts.com