ئەڤرۆ نیوز:
ئەڤرۆ شەمبیێ، سوپایێ ئەمریکا دیار کر: ژ بۆ بهێز کرنا ئێمناهیا دەڤەرێ و پشتەڤانیکرنا هێزێن وان، کاروانەکێ سەربازی کو پێهاتبوون ژ ١٠٠ سەربازان و هندەک ترۆمبێلێن سەربازی ڤرێکرنە رۆژئاڤایێ کوردستانێ.
بێل ئۆربان، پەیڤدارێ فەرماندێ هێزێن ئەمریکا د راگەهاندنەکێ دا گۆت: ئەو کاروانێ لەشکەری پێکهاتبوون ژ رادارێن سەنتینال، فرۆکیێن شەری و زریپۆشێن برادلی، سەربازێن ئەمریکی.
دیسان گۆتیه: ئارمانج ژ شاندنا وی کاروانێ سەربازی بۆ پشت راستبوونێ یە ژ سلامەتی و ئێمناهیا هێزێن هەڤپەیمانان، هەروەسا ئەمریکا حەزا شەرکرنێ ل سوریا ل گەل چ وەلاتەکی نینە، لێ بەرهەڤە هێزێن هەڤپەیمانان بپارێزیت، هەکە پێدڤی کر.

ئەڤرۆ نیوز:

دەنیز زەیرەک نڤیسەرێ رۆژناما سوزجو یا تورکیا راگەهاند کو بەری نها ئاکپارتیێ ب سەرۆکاتیا ئەردۆگانی گەلەک رێ بکار ئینان دا بشێت د هەلبژارتنان دا سەرکەڤیت و هەری دووماهیێ ژی ب رێککەفتنا ل گەل پارتا بزاڤا نەتەوەپەرست شیا د هەلبژارتنێن سەرۆک کۆماریێ دا سەرکەڤیت لێ نها رەوش ب تەمامی هاتیە گوهۆرین.

زەیرەک ئاماژە ب هندێ کریە کو پشتی ئاڤابوونا دو پارتێن جودا کو بەرپرسێن وان بەری نها سەرکردێن ئاکپارتیێ بوون، رێژا دەنگێ ئاکپارتیێ گەلەک کێم بوویە، خالا دی د سیاسەتا دەرڤە دا تورکیا تووشی قەیرانەکا مەزن یا هاتی و گەلەک سەرکردێن ئاکپارتیێ ژی ژ ئەردۆگانی دلگرانن و دبێژن ئەردۆگانی ئاکپارتی کریە پارتا خێزانا خوە، ژ بەر هندێ ژی د هەلبژارتنێن داهاتی دا دێ رەوشا ئاکپارتیێ یا خراب بیت.

ئەڤرۆ نیوز:

ئیبراهیم کالین پەیڤدارێ سەرۆک کۆمارێ تورکیا راگەهاند کو تورکیا دڤێت پەیوەندیێن خوە ل گەل مسرێ ئاسایی بکەت و نها دەست ب کاری ژی هاتیە کرن.

چاڤدێرێن سیاسی ژی دیار دکەن کو پەیوەندیێن تورکیا ل گەل پرانیا وەلاتێن عەرەبی تێک چووینە کو ئێک ژ وان ژی مسرە و مسر ژ بەر دەستێوەردانێن تورکیا ل لیبیا و سووریێ ب توندی ل دژی سیاسەتا تورکیا یە، نها تورکیا رۆژ ب رۆژێ پتر تەنگاڤ دبیت و ژ بەر هندێ ژی دڤێت پەیوەندیێن خوە ل گەل مسرێ ئاسایی بکەت.

ئەڤرۆ نیوز:

ل گۆر راپۆرتەکا ئاژانسا سپوتینگ یا روسیا د هەڤدیتنا ڤێ دووماهیێ یا د ناڤبەرا تورکیا و روسیا دا بەرپرسێن تورکیا داخواز ژ روسیا کرن کو کۆنترۆلا منبجێ و تل رفعەتێ رادەستی تورکیا بکەن و ئەو یەک ژ ئالیێ روسیا ڤە هاتە رەتکرن.

ل ئالیێ دی روسیا چەندین جاران داخواز ژ تورکیا کریە کو هێزێن خوە ل ئدلبێ کێم بکەت لێ تورکیا ژی داخوازا روسیا رەتکریە و نها ناکۆکیێن هەر د وەلاتان ل دۆر سووریێ و رۆژئاڤایێ کوردستانێ دژوارتر بووینە.