ئەڤرۆ نیوز، عەلی حاجی :

نوشدارەکێ راوێژکار ل نەخوەشیێن بەکتریایێ بۆ ئەڤرۆ نیوز دیار کر پێدڤیە خالێن سنوری دگەل وەلاتێ تورکیا زێدەتە بهێنە کونترول کرن ژبەر کو ب رێیا وان خالێن سنوری مەترسیا زێدەتر یا ڤەگوهاستنا ڤایروسێ کورونایێ هەیە ژبەر کو ل وەلاتێ تورکیا ڤایروسێ کورونا گەلەک بەلاڤ بویە.

زێدەتر دکتور هیشام یوسڤ گوت: (ژبەر کو نوکە دا شوفێرێن مە ب رێیا خالێن سنوری ترومبێلێن تورکی دئیننە دناڤ دەروازەیێن سنوری دا پاشان دئیننە دناڤ کوردستانێ دا ئەڤ چەندە مەترسیەکا زێدە هەیە ژبەر کو دبیت شوفێرەکێ تورک دبیت نیشانێن ڤایروسێ کورونا لێ دیار نەبن و بنەرەت دا هەلگرێ وی ڤایروسی بیت ب ڤی رەنگی ئەو شوفێرێ خەلکێ کوردستانێ دچیت لایێ خالا سنوریا وەلاتێ تورکیا ترومبێلا وی کەسێ تورک دەربازی کوردستانێ دکەت مەترسی ل سەر ژیانا وی شوفێرێ کورد دروست دبیت ژبەر کو دناڤ ترومبێلێ خوە دا ڤایروس دمینیت و ب وی رەنگی ئەو ڤایروسە دێ چیتە وی کەسێ وێ ترومبێلێ وەردگریت،باشترین ریک ئەوە کو ئەو کەسێ ترومبێلێ وەردگریت ژبەریا بچیتە دناڤ ترومبێلێ دا ئەو کەسە وێ ترومبێکێ تافیل بکەت و هەر دیسان ماسک و دەست گورکان بکار بینیت دا کو خوە ژ وێ مەترسیا بەلاڤ بونا ڤایروسێ کورونا پارێزیت،ب تایبەت نوکە دا گرنگە ئەڤ چەندە بهێتە کرن ژبەرکو وەلاتێ تورکیا د گەرماتیا بەلاڤ بونا وی ڤایروسی دایە) .

و گوت ژی: هەر دیسان پشتی شوفێر ترومبێلێ وەردگریت هەر دناڤ دەروازەیان دا گەلەک شوفێر کومڤە دبن و قەرەبالغیەک زێدە دروست دبیت و ئەڤ چوندە مەترسیێ ل سەر ژیانا وان هەمی شوفێران دروست دبیت،پێدڤی یە نوکە دا جموجول د ناڤ خالێن سنوری دا بهێتە سنور دار کرن و میکانیزمەکا باشتر بۆ ب رێڤەبرنا مامەلەیێن شوفێران بهێتە دانان و هەر شوفێرەک ب کێماسی مەتر و نیڤێ هەتا دو مەتران ژ ئێک دور بیت و نوکە دا ژ هەر جهەکێ زێدەتر مەترسی ل خالێن سنوری هەنە.

ئەڤرۆ نیۆز، قائید میرۆ:

سالا ١٩٨٠ێ رژێما ژناڤچوویا بەعس ھەوەک بۆ ژناڤبرنا کوردێن فەیلی دەستپێکر و د ئەنجامدا بھزاران کوردێن فەیلی بوونە قوربانی و ھژمارەک زۆرژی ھاتنە دەرخستن ل عێراقێ کەسایەتیەکێ فەیلی ژی ئاماژەکر، ھێشتا حوکمەتا عێراقێ رەگەزناما عێراقی نەڤەگەڕاندیە بۆ کوردێن فەیلی.

جەواد مەلکشاھی، کەسایەتیێ کوردێ فەیلی بۆ ئەڤرۆ نیۆز دیارکر” بەری ٤٠ سالان ژ لایێ رژێما بەعسا عێراقێ ڤە ھەوەکا جینۆسایدێ دژی کوردێن فەیلی ھاتە دەستپێکرن و ژبلی کوشتن و ئەشکەنجەدان  و دەرکرنێ بھزاران کوردێن فەیلی ھاتنە دەرکرن ل عێراقێ و ناسناما عێراقی ل کوردێن فەیلی ھاتە وەرگرتن.

ئەڤی کەسایەتیێ کوردێ فەیلی ل بەغدا ئاشکراکر” پشتی بۆرینا ٤٠ سالان بسەر جینۆسایدکرنا کوردێن فەیلی ھێشتا دەستھەلاتدارێن عێراقێ نەشاینە مافێن کوردێن فەیلی وەک پێدڤی بدەن و بڕیارێن حوکمەتا بەعس کاریگەریا خوە مایە لسەر کوردێن فەیلی.

جەواد مەلکشاھی گۆتژی” گورەی دستوورێ عێراقێ فەیلی وەلاتیێن رەسەنێن عێراقێ نە، بەلێ ھیشتا ئاریشا رەگەزناما عێراقێ بۆ کوردێن فەیلی نەھاتیە چارەسەرکرن و دەمێ ئەم گەشتێ دکەین بۆ دەرڤە ژی سەرەدانا وان پشکا دکەین یێن بۆ وەلاتیێن بیانی ھاتینە دیارکرن.