ئەڤرۆ نیوز، عەلی حاجی:

هاریکارێ سەروکێ زانکویا زاخۆ بۆ کاروبارێن قوتابیان بۆ ئەڤرۆ نیوز دیار کر پشتی جڤاتا زانکویا زاخۆ بریار دا بوو ل رێککەڤتی ٢٧/٩/٢٠٢٠ دەواما فەرمی یا قوتابیان ل زانکویا زاخۆ دەستپێ بکەت و ل دویف بریارا وەزارەتا خواندنا بلند و ڤەکولینێن زانستی دێ خواندن ب شێوەیێ ئاوێتە بیت.

زێدەتر کاروان فەهمی گۆت: (ل دویف بریارا جڤاتا بلند یا زانکویا زاخۆ بۆ دەستپێکا خواندنێ بۆ چەند حەفتیەکێن دەستپێکێ دێ خواندن بۆ قوتابیان ب شیوەیێ ئونلاین بیت و ل دویف دا دناڤ زانکویێ دا دێ وانە هێنە وەرگرتن و بریارە ژی قوتابی دناڤ زانکویێ دا ئەزمونێن خوە ئەنجام بدەن و پشکێن زانستی ژی ل دویف خشتەیێ روژانە یێ وانەیێن خواندنێ دێ وانەیێن پراکتیکی دناڤ زانکویێ دا هێنە وەرگرتن و ئەڤ چەندە ژی دێ ب گورەی خشتەیی هێتە دیار کرن و ئەو وانەیێن دناڤ زانکویێ دا دهێنە وەرگرتن پێدڤیە قوتابیێن مە پێگیریێ ب رێنمایێن ساخلەمیێ بکەن).

ئەڤرۆنیوز، مەحمود نهێلی:

چالاکڤان موراد موحەمەد عەلى بو ئەفرۆ نیوز دیار کر کو وان وەک هژمارەکا قوتابێن سنورێ قەزا ئامێدیێ نامەیەکى ئاراستەى سەرۆکێ حکومەتا هەرێما کوردستانێ کوردستانێ و پەرلەمانى و پارێزگارێ دهوکێ کەن و تێدا داخوازا ڤەکرنا زانکو و بەشێن کولیژا دکەن.

و دیار کر: دوێ نامێ وان داخوازا ڤەکرنا کولیژا و زانکویەکى کریە کو چەندین سالە واژو ژ پێخمەت وێ یەکێ کومکرینە.

د وێ نامێ دا هاتیە: ئەم وەک رێکخەرێت واژویێن قوتابیان ل ھەر سێ سالێت بوری دەنگێ خوە دگەھینینە جەنابێ ھەوە و دیار دکەین ئەڤە بو سالا سێ یە ئەم ھەولدەین کو وەک ھەموو قەزایێن دى یێن سەر ب پارێزگەھا دھوکێ، دەرفەتێن خواندنێ ل سنورێ قەزا ئامێدیێ ژی بھێنە ڤەکرن دا کو قوتابیێن مە ژی دەرفەتا بلند کرنا بروانامێن خوە ھەبن جەنابێ ھەوە یێ پێ ئاگەھدارە ئەڤە١٠سالە پەیمانگەھا تەکنیکی ئامێدیێ ھەی، لی بارا پترێ ژ کورێن ڤێ دەڤەرێ بوونە خودان بروانامێن تەکنیکی و نە زێدەتر.

کولیژەک بتنێ ل ئامێدیێ هەیە ئەڤە سەرێ چار سالانە بتنێ دو پشک یێت تێدا ھەین ژ بەر ئاڤاھی و ستافی نەشێن پشکا زێدەبکەن. ئەڤرۆ کور و کچێن قەزا ئامێدیئ ب گشتی دناڤ بارێ ئابوریێ لاواز و زڤستانا دژوارا دەڤەرا مە ھاتن و چونێ دکەن بو باژێرێن دھوک و زاخو و ئاکرێ. ئەڤە بو سالا سێ یى یە  ئەم دەنگێ خوە بلند دکەین بو جھێت شولە ژێ بەلێ تانوکە ھیچ کەسەکی ب گرنگی ڤە خوە ل بابەتێ قوتابین ڤێ دەڤەرێ نەکریە خودان، بەس سوز ب مەھاتینە دان بتنێ ژ ئەندام پەرلەمانێن خولا چوی و ئەندام پەرلەمانێن ڤێ خولا پەرلەمانی.

رێزدارن ئەم گازی و ھەوارا خوە دگەھینیە جەنابێ ھەوە چارەسەریەکێ ل بابەتێ مە بکەن خەلکێ ڤێ دەڤەرا ھەژار ژی حەزا خواندنێ و بلند کرنا بروانامێن خوە ھەیە، ئەڤ دەڤەرە پێشەنگا شورەش و بەرخودانێن مللەتێ کورد بوویە لبن ھەر دارەکێ و سەرێ ھەر چیایەکێ قارەمانەکێ ڤێ دەڤەرێ گیانێ خوە گوری ڤێ ئاخێ کریە.

داخازا مە بتنێ ئەڤ خالێت خارێ دیارکرینە :

1     ڤەکرنا کولیژا تەکنیکی ل قەزائامێدیێ ب چەند پشک ڤە تایبەتی پشکێن کارگێری کار و it و زێدەتر. دا کو خودان بروانامێن دبلوم بشێن بەردەوامیێ بدەنە خاندنا خوەیا کولیژێ.

2     بەرفرەھ کرنا پشکێین کولیژا بنیات ل ئامێدیێ.

3     دەرفەت بھێتە دان بو فەرمانبەرێن حکومی ل قەزا ئامێدیێ ژ بو بلندکرنا بروانامێن خوە هەکە خاندنا ئێڤاران ژی بیت قوتابیێن ھەین بخوینن.

4     ئەڤ ھەولە دێ بیتە ئەگەرێ بلند بوونا ئاستێن خواندنێ ل دەڤەرێ و تایبەتی دناڤ دامودەزگەھێن حکومی و سڤک کرنا بارێ ئابوریێ قوتابیان بشێن دەڤەرێن خوە بەردەوامیێ بدەنە خاندنێ.