ئهڤرۆنيوز، سالار دۆسكى:
بهرى دهمهكێ كێم ل نێزيك ئۆتێلا ههلال ئاگر بهربوو ترۆمبێلهكێ وب تمامى سوت.
ب وێنه – ل دهۆكێ ترومبێلهك سوت
نووترين نووچه
- د سالڤەگەڕا بۆردۆمانكرنا قەلادزێ دا، سەرۆك بارزانی: ئەو كارەساتە زنجیرەكا دی یا تاوانێن رژێمێ بوو
- نێچیرڤان بارزانی: بوردۆمانكرنا زانكۆیا سلێمانیێ و قەلادزێ ئیرادەیا گەلێ كوردستانێ نەشكاند
- نێچیرڤان بارزانی و ئیراقچی رەوشا دەڤەرێ گەنگەشە دكەن
- ب رێز و سەربلندی ڤە بیرئینانا شەهیدێن قەلادزێ دكەین
- حوكمەتا هەرێمێ: چو بارەگەهـ و ناڤەندێن مەشق و راهێنانا دەزگەهێن هەوالگیرییا وەلاتان ل كوردستانێ نینن
- دبیت هەلبژارتنێن پێشوەخت ببنە چارەسەری
- 809 هێرش ل سەر هەرێما كوردستانێ هاتینە كرن 20 شەهید و 123 بریندار هەنە
- ب مەرەما ڤەگەڕاندنا فراكسیۆنا پارتی: ئەڤرۆ شاندەكێ جڤاتا نوونەرێن ئیراقێ دێ سەرەدانا هەولێرێ كەت
- کار بۆ ئاساییکرنا رەوشا کۆبانێ و عەفرینێ دهێتە کرن
- ژ بەر درۆنێن میلیشیایان، رەنگە هندەك وەلات ل جڤاتا ئاسایشێ سكالایێ ل دژی ئیراقێ تۆمار بكەن
سهرهكى نوچێن گرنگ
پێشمهرگه يێ د ئامادهباشيێ دا
ئهڤرۆنيوز:
هێزێن دژه تيرۆر يێن عيراقێ وحهشدا شهعبى ئهڤرۆ چارشهمبى 4/7/2018 ئۆپهراسيۆنهك دژى چهكدارێن داعشێ ل دهڤهرێن پهلگانه وشۆراو ل سنورى خورماتۆ دهستپێكر.
هێزێن حهشدا شهعبى ولهشكرێ عيراقێ ل وان دهڤهران ب دووڤ چهكدارێن داعشێ ڤهنه بۆ ژناڤبرنا وان كو دهمهكه چالاكيێن وان چهكداران ل وى سنورى زێده بووينه وبووينه مهترس بۆ سهر دهڤهرێ وهێزێن عيراقى.
فهرماندێن هێزا پێشمهرگهى ل وى سنورى، ل دووڤ مالپهرێ سهتهلايتا كوردستان، رادگههينن كو پێشمهرگه يێ پشكدار نينه دئۆپهراسيۆنێ دا، بهلكو تنێ ئهم جهێن خوه دپارێزين وري نادهين چهكدارێن داعشێ وچو هێزهكا دى نێزيكى سنورێن مه ببن.
فهرماندێن پێشمهرگهى ل وى سنورى رادگههينن ژى كو ههموو هێزێن پێشمهرگهى ل وان دهڤهران يێن دحالهتا ئامادهباشيێ دا.
نهتهنياهۆ و پۆتن دێ كۆم بن
ئهڤرۆ نيوز، فاتما مزوورى:
ئوفيسا سهرۆك وهزيرێن ئسرائيل راگههاند كو ل 11ى تيرمهها 2018ێ بنيامێن نهتهنياهۆ، سهرۆك وهزيرێن ئسرائيل دێ ل گهل فلاديمێر پۆتن، سهرۆكێ رۆسيا ل مۆسكۆ پايتهختێ رۆسيا كۆم بيت.
ئهڤ روونشتنێن نهتهنياهۆ و پۆتن د بهردهوامن و ناڤهرۆكا وان ژى ل سهر رهوشا دهڤهرێ و شهرێ ناڤخۆ يێ سوريانه كو نێزيكى سنورێن ئسرائيلن.
ئسرائيل ژ چهكدارێن ئيرانى د ناڤ ئاخا سوريا دا دترسيت و چهندين جاران ب فرۆكێ هێرش كرينه سهر وان چهكداران ل سوريا، بهلێ ههتا نوكه رۆسيا ههلويستێ خوه د ڤێ دهربارێ دا رانهگههانديه.
ل مووسل كهسهكى ب تايا خوين بهربوونێ گيانێ خوه ژدهست دا
ئهڤرۆنيوز:
ژێدهرهكێ ژ رێڤهبهريا ساخلهميا نهينهوا راگههاند، سێ كهس يێن تووشى نهخوهشيا تايا خوين بهربوونێ بووين وئێك ژوان گيانێ خوه ژدهست دايه.
وى ژێدهرى بۆ ئاژانسا (عين العراق نيوز) گۆت” سێ وهلاتى ژ لايێ راستێ يێ موسلێ هاتبوونه ڤهگوهاستن بۆ نهخوهشخانان ژبهر تووشبوونا وان ب نهخوهشيا تايا خوين بهربوونێ وئێك ژوان ب ناڤێ (عومهر فهتحى عاشوور) ژتاخێ ئيسلاح زراعى كو ل جههكێ گوشت فروشيێ كاردكر وهغهركر ورهوشا ههردو كهسێن دى ژى يا باش نينه.
نێچیرڤان بارزانی سوپاسيا رێكخراوا GIZ بۆ هاريكاريا وێ دبوارێن ئاواران وپرۆژان دكهت
ئهڤرۆنيوز:
نێچيرڤان بارزانى سهرۆك وهزيرێن ههرێما كوردستانێ ئهڤرۆ چارشهمبى 4/7/2018 پێشوازى ل كۆرت گيۆرك شتلفريد كونسۆلێ ئهلمانيا ل ههرێما كوردستانێ كر كو ب ههلكهفتا ب دووماهى هاتنا كارى خوه سهرهدانا سهرۆك وهزيران كربوو.
دديدارهكێ دا كونسۆلێ ئهلمانيا ئاماژه كر كو پهيوهنديێن ههرێمێ وئهلمانيا دئاستهكێ گهلهك باش دانه وهيڤيا زيدهتر پێشڤهبرنا وان پهيوهنديان دههموو بواران دا كر.
نێچيرڤان بارزانى، سوپاسيا كونسۆلێ ئهلمانى كر كو ددهمێ كاركرنا وى دا پهيوهنديێن ههريمێ وئهلمانيا پتر بهر ب باش چووينه وهيڤيا پتر پێشڤهچوونا وان پهيوهنديان خواست.
سهرۆك وهزيرێن ههرێما كوردستانێ سوپاسيا حوكمهتا ئهلمانيا كر كو ل دهمێن سهخت دا هاريكاريا ههرێمێ كر، ههروهسا سوپاسيا رێكخراوێن ئهلمانى ژى كر ب تايبهتى رێكخراوا
GIZ بۆ هاريكاريا وێ بۆ ئاواران وپرۆژێن پهرهپێدانێ ل ههرێما كوردستانێ.
نێچيرڤان بارزانى، هيڤى خواست كابينا نوو يا حوكمهتا عيراقێ ب زووترين دهم دا بهێته پێكئينان تاكو دهست ب خزموتكرنا خهلكى وچارهكرنا كێشان بكهت.
بهنگلادش بهرههڤيا خوه بۆ پێشخستنا كهرتێ چاندنێ دیار كر
ئهڤرۆنيوز:
ئهڤرۆ چارشهمبى 4-7-2018 فهرهاد ئهمین پارێزگهرێ دهۆكێ پێشوازیا (ئهبو مهقسود محهمهد فهرهاد )بالیۆزێ وهلاتێ بهنگهلادش ل عيراقێ وشاندێ دگهلدا كر.
دههڤدیتنهكێ دا بهحسێ پهیوهندیێن ههرێما كوردستانێ و وهلاتێ بهنگلادش دوارێ بازرگانی وكچاندنێ دا وچاوانیا پێش ئێخستنا وان پهیوهندیان هاته كرن.
ههروهسا بهحسێ رهوشا كرێكارێن بهنگلادشی ل سنورێ پارێزگهها دهۆكێ و خزمهتا ئهو پێشكێش دكهن ب گشتی هاته كرن.
بالیۆزێ بهنگلادش دیاركر كو رهوشا كریكارێن بهنگلادشی ل پارێزگهها دهۆكێ گهلهك یا باشه وژههموو جهێن دی ل عیراقێ باشتر وكێم ئاریشه تره، ههروهسا بهرههڤيا وهلاتێ خوه دياركر كو دوارێ چاندنێ دا هاریكاریا پارێزگهها دهۆكێ بكهت بۆ پێشئێخستنا كهرتێ چاندنێ ل پارێزگهها دهۆكێ.
داعش بهحس ل كوشتنا كورێ ئهبۆ بهكر بهغدادى دكهت
ئهڤرۆ نيوز، فاتما مزوورى:
ئاژانسا نووچهیێن ئهعماق كو زمان حالێ رێكخستنا تيرۆریستی یا داعشه پشتراست كر كو د هێریشا دوهی یا داعش بۆ سهر دهڤهرێن دهوروبهرێ پارێزگهها حومس كورێ ئهبو بهكر بهغدادی هاتیه كوشتن.
بهری نها ژی چهندین جاران نووچهیێن كوشتنا ئهبو بهكر بهغدادی بهلاڤ ببوو، بهلێ ههتا نها د ژیانێ دا مایه و ل دهڤهرێن بیابانا سهر سنورێن ناڤبهرا عيراق و سوریا دژیت.
جهێ ئاماژێ یه واشنتۆن بهری چهند مههان بهلاڤ كر كو دێ خهلاتهكی ب بهايێ 25 ملیۆن دۆلاران دهته ههر كهسهكی كو پێزانين ل سهر جهێ ئهبو بهكر بهغدادی ههبن.
ڤيديۆ: دارا دازا يا هشك دبيت
ئەڤرۆ نیوز، نەوزاد ھلۆری:
دارا دازا کو ب گرنگترین و پیروزترین دار ل دەڤەرا بارزان دھێتە ھژمارتن ژبەر چەند سەدەمەکێن جوداجودا ھشک بوو و ماموستا و کەساتیەکێ دەڤەرێ ژی سەدەمێن ھشکبوونا وێ دیاردکەت.
فەتاح محەمەد ماموستایێ زانکویێ و کەساتیەکێ کومەلگەھا وەلاتژێری ل دەڤەرا بارزان بو ئەڤرۆ نیوز گۆت: (دارا دازا ئێکە ژ دارێن ھەری گرنگ و پیروز ل دەڤەرا بارزان و نێزیکێ سەد سالایە ھەیی و خەلکەکێ زور ل دەڤەرێن جوداجودایێن کوردستانێ سەرەدان بو دکر ، و دەمێن خوە لێ دبوراندن ب تایبەتی د وەرزێ بوھار و نەوروزێ دا).
زێدەتر گۆت: (دارا دازا ل سالێن چلاندا وەکو چەپەرەکێ گرنگ بوویە و بویە ئێک ژ بنگەھێن شورەشێ بەرامبەر رژێما بەعس و نھا ئەڤ دارە بویە ھێمایەکێ گرنگ ل دەڤەرێ و گەەلک دەڤەر ب وی َناڤێ ھاتینە بناڤکرن، دازا ئانکو کەسانێن شارەزکو خەلکێ وان دزانابوون د چێکرنا کارێن دەستی، و ھەند ژی دبێژن ئەڤ ناڤە ژ ھندێ ھاتیە کو ل خوار دارا دازا ئاڤ ھەبویە ژبەر ھندێ دبێژن دارا دازا).
ناڤبری ل بارا ئەگەرێن ھشکبوونا وێ ژی گۆت: (جاددا سەرەکی یا دەڤەرێ ل بن دارێ را بریە و بویە سەدەم کو رەھێن وێ دەرکەڤن و دیسان ژی تورا کارەبا دەڤەرێ ژی دنیڤا دارێ داد بوری و کارتێکرن لسەر دارێ کریە و دیسان ژلایێ چەندین کەسان ڤە چەندین گولەیێن کلانشینکوفان ل دارێ داینە کو کارتێکرن لسەر ھشکبوونا وێ کریە ، ھەر چەند وەلاتیەکێ بەری نھا دیوارەک و سیمە بو پاراستنا وێ بکارئینایە بەلێ ژبەرکو پێشتر چەند کارتێکرن لسەر ھەبوون بویە سەدەم کو ھشک بیت و ھشکبوونا وێ بەشەک ژ جوانیا ژینگەھا دەڤەرا بارزان تێکدایە).
ئوردن دێ سێ دهرگههێن دى يێن سنورى ل گهل سوريا ڤهكهت
ئهڤرۆ نيوز، فاتما مزوورى:
ئاژانسا نووچهیێن ئهلعهرهبیه ل سهر زارێ بهردهڤكا حوكمهتا ئوردن جومانه غهنیمات بهلاڤ كریه كو حوكمهتا وهلاتێ وێ ب نیازه سێ دهرگههێن سنوری د ناڤبهرا ئوردن و سوریا دا ڤهكهت دا كو د وان رێیان دا هاريكاریێن مرۆڤی بگههنه پهنابهرێن سوریا.
گۆتژى: “د نها دا 36 بارهلگهرێن ئوردن كو هاريكاریێن مرۆڤی ههلگرتينه و د ڤان نیزیكان دا دێ بهر ب سنورێ سوریا چن”.
ژ لايێ خوه ڤه عهمید عوده ئهلشدیفات رێڤهبهرێ پێشهیی د ناڤ سوپایێ ئوردن دا راگههاند كو ئوردن يا بهردوامه ل سهر داخستنا سنورێن خوه ب روويێ پهنابهرێن سوریا دا و ئهڤ یهك ژی د بهرژهوهندیا ئهمنی یا وهلاتی وی دایه دا كو تيرۆرست ل گهل پهنابهران دهربازى ناڤ ئاخا وهلاتێ وان نهبن.
رێكخراوا SKL یا سویدی دێ پرۆژهكێ تایبهت ل دهۆكێ ئهنجامدهت
ئهڤرۆنيوز:
ئهڤرو چارشهمبى 4-7-2018 بههزاد عهلی ئادهم جێگرێ پارێزگهرێ دهۆكێ سهرپهرشتیا كۆمبوونهكا تایبهت ل گهل بهرپرسێ رێكخراوا SKLیا سویدی ورێڤهبهرێن گشتی یێن پهروهردێ وچاڤدێریا جڤاكی وسهرپهرشتێن هوبێن ههردو رێڤهبهریا ئهنجامدا.
دكۆمبونێ دا بهحسێ كار وچالاكیێن رێكخراوا SKLیا سویدی ئهوێن ل سالێن دهربازبوی ل پارێزگههێ ئهنجامداین، ههروهسا بهحسێ پرۆژێن نوو یێن رێكخراوێ بۆ سالێن بهێت دبوارێ پهروهرده وچاڤدێریا جڤاكی دا هاته كرن.
بهرپرسێ رێكخراوا SKLیا سویدی ئاشكر كو وان پرۆژهكێ تایبهت يێ ههی بۆ پێشئێخستنا كهرتێ پهروهردا پارێزگهها دهۆكێ وچاڤدێریا جڤاكی وئهڤ بهرنامه بۆ سێ سال ونیڤان دێ بهردهوام كهت وداخوازكر كو ههموو لایهن پێشنیار وبوچوونێن خوه وهكو راپۆرت ئاماده بكهن كا چاوان ئهڤ ههردو كهرته بهێنه پێشئێخستن.
جێگرێ پارێزگهرێ دهۆكێ سوپاسیا رێكخراوا SKLیا سویدی كر ل دۆر ئهو پرۆژێن ل سالێن دهربازبووی پێشكێشكی كهرتێ پهروهردێ وچاڤدێریا جڤاكی كرین وداخواز ژرێڤهبهر وبهرپرسێن ههردو رێڤهبهریێن گشتى كر كو ب زووترین دهم وركشوپهكا كاری ئهنجامدهن وپێشنیار وبوچونێن خوه وهكو راپۆرت بهرههڤكهن وبۆ رێكخراوا ناڤبری بلندكهن بۆ وێ یهكێ پرۆژێ وێ رێكخراوێ باشتر بهێته بجهئینان وههردو رێڤهبهريێن گشتى پتر مفای ژێ وهرگرن وپشتهڤانیا پارێزگههێ نیشان دا بۆ ههر ههڤكاریهكێ .
پاش گهنگهشه ل سهر پرۆژهی هاتنه كرن وپێشنیار وبوچوون هاتنه ئالوگوركرن.
نيشاندان
WP Facebook Auto Publish Powered By : XYZScripts.com