نووترين نووچه
- سەرۆك بارزانی، نێچیرڤان بارزانی و مەسرور بارزانی ب هەلكەفتا سەرێ سالا نوو یا مشەختی پیرۆزباهیێ ل موسلمانان دكەن
- چارەسەركرنا ئارێشەیێن ئیراقێ دڤێت ل سەر بنەمایێ دەستووری، ب لهەڤهاتنێ و پەند وەرگرتن ژ شاشیێن بۆری بیت
- ئاشتی و ئاسایشا دەڤەرێ ئەركێ مە یێ هەڤپشكە
- نێچیرڤان بارزانی و مەزلووم عەبدی رەوشا كوردان ل سووریێ گەنگەشە دكەن
- سەرۆكێ هەرێمێ و هنارتیێ ترەمپی: دێ پەیوەندیێن خۆ بۆ هەڤپشكییا ئابۆری یا درێژخایەن گوهۆڕین
- مەسرور بارزانی و تۆم باراک: پێدڤییە قەیرانا سیاسی یا هەرێما كوردستانێ ب زووترین دەم بهێتە چارەسەركرن
- سەرۆكێ حوكمەتا هەرێمێ: پەرلەمان مولكێ هەمی خەلكێ كوردستانێ یە و دڤێت بهێتە كاراكرن
- د ناڤ جەماوەری دا بن و خزمەتا خەلكی بكەن
- سەرۆك بارزانی و محەمەد حاجی مەحموود رەوشا كوردستانێ و ئیراقێ گەنگەشە دكەن
- سەرۆك بارزانی سەرەخوەشیێ ل سەرۆكێ بەرەیێ توركمانی ل ئیراقێ دكەت
سهرهكى نوچێن گرنگ
وەزارەتا پێشمەرگەی کار بۆ یەکخستنا ھێزێن 70 و 80 یێن پێشمەرگەی دکەت
ئەڤرۆ نیوز ، زنار تۆڤی :
رێڤەبەرەک ل وەزارەتا پێشمەرگێ حوکمەتا ھەرێما کوردستانێ دبێژیت،ب ھەماھەنگی ل گەل ھێزێن ھەڤپەیمانان مە پرۆژەیەک بۆ یەکخستنا ھێزێن ٧٠ و ٨٠ یێن پێشمەرگەی ئامادە کریە.
ھەلگورد حکمەت رێڤەبەرێ راگههاندنا وەزارەتا پێشمەرگەیێ حوکمەتا ھەرێما کوردستانێ،دەربارەی پێنگاڤێن ئێکگرتنا ھێزێن ٧٠ و ٨٠ دایە دیارکرن:کو وەزارەتا پێشمەرگەی و ھەڤپەیمانان پرۆژەیەک ھەیە،کو ھەموو ھێزێن پێشمەرگەی د چارچۆڤێ وەزارەتێدا کۆم بکەن و رێک بێخن،نوکە ژی بەردەوام ژلایێ رێڤەبەریا چاکسازیێ ل وێ وەزارەتێ کار ل سەر دهێتە کرن.
هەروەسا گوتیە،د حوکمەتا ئایندە یا ھەرێما کوردستانێدا ئەڤ پرسە ب شێوەیەکێ جددیتر دێ هێتە جێبەجێ کرن و وەزارەتا پێشمەرگەی و ھەڤپەیمانان خوە نە گرێدایه ب بابەتێ ھەلبژارتنان ڤە، چونکی کارەکێ ھەڤبەشە دناڤبەرا وان دا.
گوتیە ژی:ب دلنیایی چو ھێز ژ دەرڤەی وەزارەتا پێشمەرگەی نامینیت و دڤێت ھەموو هێزێن پێشمەرگەی ب کەڤنە ژێر چەترا وەزارەتێ و ل ژێر فەرمانا سەرۆکایەتیا ئەرکانێ وەزارەتێدا بن.
دەربارەی ئەگەرێن پاشکەفتنا پرۆسەیا ئێکگرتنا ھێزێن ٧٠ و ٨٠ ھەلگورد حکمەت دبێژیت:دو ھۆکارێن سەرەکی ھەبوون،ژ بۆ نەبوونا ب لەز کارکرن ل سەر ڤی بابەتی،ئێک بابەتێ ١٦ ئۆکتۆبەرێ کو کاریگەریا خوە ھەبوو، دو بابەتێ ھەلبژارتنان دیسا کاریگەری ل سەر مە ھەیە.
ب وێنە: بارانیا بارانێ و لەھیان بۆ ڤێ دەڤەرێ مفا ھەبوو
ئەڤرۆ نیوز، نەوزاد ھلۆری:
پشتی کو بارانەکا زور باریی و لەھی درۆست بوی ئەڤ یەک بویە سەدەم کو ئاستێ ئازا رووبارێن سنوورێ قەزا ئامێدیێ ب رەنگەکێ بەرچاڤ بلند بیت، و زێدەباری کو لەھیان زیان بو چەند دەڤەران ھەبوو بەلێ وەلاتیێن سنورێ ناحیا شێلادزێ ب کومکرنا داران د رووباری دا مفا ژ لەھی و بارانان وەرگرت.
شکری سیتەی وەلاتیەکێ کومەلگەھا سیریێ یا سەر ب ناحیا شێلادزێ یە بو ئەڤرۆ نیوز گۆت: (دوو روژێن بوری بارانەکا زور ل سنوورێ دەڤەرا مە باریە و بویە سەدەم کو لەھی درۆست بن و ئاستێ ئاڤا رووبارێ زێ مەزن و رووبارێ ئاڤا شین بلند بیت، و ببیتە ئەگەر کو دار ل گەل رووباری بھێن و وەلاتی ژی بچن وان دابارن ل رووباری ڤەگرن و بو مال بینن).
زێدەتر گۆت: (کومکرنا داران ب رووباری زور ساناھی ترە کو مرۆڤ بچیتە چیایی و کوم بکەت، بەلێ ئەو کەسانێن کو دچنە سەر رووباری بو کومکرنا داران پێدڤی یە د شارەزا و زیرەک بن ژبەرکو مەترسی بو سەر ژیانا وان ھەیە).
رەمەزان رێکانی ئەو ژی وەلاتیەکێ دەڤەرێ یە دایە دیارکرن کو ئەو سالانە ل گەل بلندبوونا ئاستێ ئاڤا رووبارێ شین و زێ دھێنە سەر رووباری بو کومکرنا دارا و بۆ ئەڤرۆ نیوز گۆت: (زێدەباری داران د ھەمان دەم دا چەند تشتەکێن دن ژی ل گەل رووباری دھێنەخوار، کومکرنا داران ب رێیا رووباری مەترسیە و پێدڤی یە وەلاتی زور ھوشیاربن ب تایبەتی نەھێلن زارۆ بھێنە سەر رووباری).
ترامپى ئهو بريارا ژێ دهاته چاڤهرێكرن دهركر
نێچیرڤان بارزانی بەرەف رووسیا برێکەفت
ئەڤرۆ نیوز ، زنار تۆڤی :
ئەڤرۆ سێشەمبی 8.5.2018 سەرۆکێ حوکمەتا هەرێما کوردستانێ نێچیرڤان بارزانی بەرەف مۆسکۆ یێ برێکەفت و وەسا بریاره ل گەل ڤلادیمێر پۆتینێ سەرۆکێ رووسیا دێ کۆم بیت،دێ چەندین کۆمبوونێن گرنگ ل گەل بەرپرسێن رووسی ئەنجامدەت،نێچیرڤان بارزانی ل سەر داخوازیا فەرمی یا نڤێسینگەها ڤلادیمێر پۆتینی چوویە رووسیا.
ب وێنە: تهرمێ گهشتیارهكێ عهرهب هاته دیتن
ئهڤرۆ نیوز ، نهوزاد هلۆرى:
ئێڤاریا ئەڤرۆ تهرمێ گهشتیارهكێ عهرهب ل رووبارێ زێ مهزن ل دهڤهرا بارزان هاته دیتن كو بهرى چهند روژان ل ناحیا شێلادزێ كهفتبوویه د روبارێ زێ مهزن دا.
دڤى واریدا رۆژهات سیتهیى نقومڤان ل بنگههێ بهرهڤانیا باژێرى ل شێلادزێ بو ئهڤرۆ نیوز گۆت: (پشتى كو ل رێكهفتى 26 نیسان 2018 وهلاتیهكێ عهرهب بناڤێ ” سعهد تالب ” دژیێ 53 سالیێ دا ، كو خهلكێ بهغدایه ل شێلادزێ كهفتبویه د رووبارێ زێ مهزن دا و خهندقى ، ئهڤرۆ تهرمێ وى ههر ل رووبارێ زێ مهزن هاته دیتن بهلێ ل نێزیك گوندێ شانهدهر ل دهڤهرا بارزان هاته دیتن).
زێدهتر گۆت: (ئهڤ وهلاتیێ عهرهب ل گهل كومپانیهكا گهشتیارى هاتبویه شێلادزێ و دهڤهرا ئامێدیێ ب مهرهما گهشتوگۆزار بهلێ ب مخابنیڤه كهفته د رووبارى دا و خهندقى ، و ئێكه ژ پلهدارێن سوپایێ عیراقێ ، و نها تهرمێ وى بو نهخوشخانا داد ل دهوكێ هاته رهوانهكرن).
سێیهمین پرا بازرگانی د ناڤبهرا ههرێمێ و توركیا دا هاتە ڤهكرن
ئەڤرۆ نیوز ، زنار تۆڤی :
ئەڤرۆ سێشەمبی 8.5.2018 سێیهمین پرا بازرگانی و دهربازبوونێ دناڤبهرا ههرێما كوردستانێ و توركیا دا هاته ڤهكرن.
ئهڤرۆ سپێدێ ب ئامادهبوونا بهرپرسێن ههرێمێ و توركیا، سێیهمین پرا بازرگانی و دهربازبوونێ دناڤبهرا ههرێما كوردستانێ و توركیا دا ل دهرگەهی سنۆری یێ ئیبراهیم خهلیل هاته ڤهكرن.
مهرهم ژ ڤەکرنا ڤی دەرگەهی زێدهكرنا قهبارێ ئالۆگۆرا بازرگانیه دناڤبهرا ههرێمێ و وەلاتێ توركیا دا.
فهرماندهكێ پێشمهرگهى:ههموو گوندێن سهنتهرێ بهعقوبه ددهستێ داعشێ دانه
ئهڤرۆنيوز:
فهرماندهكێ هێزێن پێشمهرگهى راگههاند، بهرى چهند شهڤان چهكدارێن داعشێ هێرشى سهنگهرێن لهشكرێ عيراقێ كر وهژمارهكا سهربازان كوشتن، ئاشكراكر ژى كو ههموو گوندێن ب سهر سهنتهرێ قهزا بهعقوبه (سهنتهرێ پارێزگههێ) يێن ددهستێ داعشێ دا ژبلى سهنتهرێ قهزايێ.
ليوا روكن (مهريوان عهلى) فهرماندێ هێزێن پشتهڤانى 2 سهر ب يهكهيا 70 يا پێشمهرگهى كو ب سهر ئێكهتيا نيشتمانى كوردستان ڤهيه بۆ باسنيوز گۆت” بهرى چهند شهڤان چهكدارێن داعشێ گوندهكێ نێزيك خانهقين هێرشى سهنگهرێن لهشكرێ عيراقێ بوون وچهند سهربازهك كوشتن، بهلێ پێشمهرگه يێ دحالهتا ئامادهباشيێ دا وههموو وان دهڤهرێن هاتينه ئازادكرن دێ پارێزيت”.
وى فهرماندێ پێشمهرگهى گۆت ژى” پشتى ئاشكرابوونا چهكدارێن داعشێ ل پارێزگهها ديالا كو ل دووڤ گۆتنا وهلاتيێن دهڤهرێ، چهكدارێن داعشێ ب شێوهكێ ئاشكرا هاتنوچونێ دكهن، فهرماندهيا هێزا پێشمهرگێ كوردستانێ، ئهمريكا وحوكمهتا عيراقێ ئاگههداركرينه، بهلێ دياره ل ڤێ رهوشا نوكه هندهك تشت يێن ههين ناهينه كرن”.
دبێژيت ژى” ههموو ئهو تشت بۆ دهمهكێ نهديار هاتينه پاشخستن، بێگومان پشتى ههلبژارتنێن پهرلهمانێ عيراقێ، گوهۆرينێن مهزن دبهرژهوهنديا پێشمهرگهى وگهلێ كوردستانێ دێ روو دهن”.
دياركر ژى” لهشكرێ عيراقى بێ هێزا پێشمهرگهى چو تشتهك پێ ناهێته كرن، چونكى بهردهوام چهكدارێن داعشێ هێرشى سهنگهرێن لهشكرێ عيراقێ دكهن، بێگومان پێشمهرگه يێ دحالهتا ئامادهباشيێ دا بۆ وێ چهندێ تاكو بشێين ههموو دهڤهرێن خوه بپارێزين ئهوێن نوكه ددهستێ پێشمهرگهى دا”.
حهشدا شهعبى دێ سهختهكاريان ل دهڤهرێن كوردستانى ل نهينهوا كهت
ئهڤرۆنيوز:
ئهندامهكێ جڤاتا پارێزگهها نهينهوا ژليستا برايهتى وپێكڤهژيان راگههاند، حهشدا شهعبى ل دهڤهرێن كوردستانى ل سنوورێ پارێزگهها نهينهوا يا دهتسههلاتداره ونيازا وێ چهندێ يا ههى كو سهختهكاريان بكهت، لهوما پێدڤيه ههر ژنوكه كۆمسيۆنا بلند يا ههلبژارتنان ل عيراقێ پێرابوونێن توند بۆ رێگريێ ل سهختهكاريێ ئهنجام بدهت.
حهشدا شهعبى ل دهڤهرێن كوردستانى يێن دهرڤه ئيدارا ههرێما كوردستانێ، بهردهوام گهفان ل خهلكى دكهت كو دهنگ ب ليستێن وان بدهن ومهترسيا وێ چهندێ ژى يا ههى كو ل رۆژا ههلبژارتنان سهختهكاريێ ئهنجام بدهت.
سهيدۆ جهتۆ، ئهندامێ جڤاتا پارێزگهها نهينهوا ژ ليستا برايهتى وپێكڤهژيان، بۆ مالپهرێ فهرميێ پارتى ديموكراتى كوردستان گۆت” حهشدا شهعبى دهستههلات ل سنوورێ نهينهوا ل دهڤهرێن كوردستانى يێن دهرڤهى ئيدارا ههرێما كوردستانێ ددهست دايه وههر كارهكێ بڤێت دكهن ونوكه ژى بۆ ههلبژارتنێن پهرلهمانێ عيراقێ، ل ههموو دهڤهران بهربژارێن خوه يێن ههين ومهترسيا وێ چهندێ يا ههى كو سهختهكاريێ ئهنجام بدهن وپێدڤيه رێگرى لێ بهێته كرن”.
جهتۆى گۆت ژى”ل سنورێ شنگالێ ورهبيعه وزوومار، خهلكهكێ زۆر كو هژمارها وان دبيت زێدهتر ژ 50 هزار كهسان بن، يێن چووينه دهرڤهى وهلاتى كو ژيێ گهلهك ژوان دسهر 18 ساليێ دايه، لهوما مهترسى يا ههى حهشدا شهعبى بۆ بهرژهوهنديێن خوه سهختهكاريێ ئهنجام بدهت ول رۆژا دهنگدانێ كارتێن وان يێن دهنگدانێ بكاربينن، ژبهر ڤێ چهندێ پێدڤيه ههر ژنوكه كۆمسيۆنا ههلبژارتنان پێرابوونێن توند بكاربينيت، ههكه نه حهشدا شهعبى دێ سهختهكاريێ كهت”.
عهبادى چهندين سالان بهرپرسێ چێكرنا مهسعهدا BBC بوو
ئهڤرۆنيوز:
ئاژانسا رويتهرز يا جيهانى راپۆرتهك ل سهر حهيدهر عهبادى سهرۆك وهزيرێن عيراقێ بهلاڤ دكهت ودبێژيت عهبادى دهمهكێ زۆر بهرپرسێ چێكرنا مهسعهدا ئاژانسا بى بى سى بوو.
ئاژانسا رويتهرز ئهڤرۆ سێشهمبى 8/5/2018 دراپۆرتهكێ دا بهحسێ هندهك نهێنيێن ژيانا حهيدهر عهبادى سهرۆك وهزيرێن عيراقێ دكهت وئاماژێ ب وێ چهندێ دكهت كو گهلهك ژ عيراقيان نزانن كو حهيدهر عهبادى كو دهمێ ل بريتانيا وهكو پهنابهر دژيا، وهكو ئهندازيارێ كارهبێ ل ئاژانسا BBC يا راگههاندنێ هاتبوو دامهزراندن وئهركێ سهرهكى يێ وى بهرپرسيارهتيا چێكرنا مهسعهدا وێ ئاژانسێ بوو.
رويتهرزێ بهلاڤكر” هژمارهكا كێم يا عيراقيان دزانن كو حهيدهر عهبادى بهرى سالا 2014 كهسهكێ ناڤدار نهبوو، بهلێ ل وهلاتهكى كو دئاژاوهگيريێ دايه زوو بۆ سهركردێ وهلاتى، ئهوژى ب دوورخستنا نورى مالكى”.
وي ئاژانسێ بهلاڤكر ژى” ل دووماهيا ههيڤا بۆرى، حهيدهر عهبادى سهرهدانا باژێرێن ههرێما كوردستانێ كر، بهلێ هێشتا كوردان ئهو هێرشا عهبادى دژى ريفراندۆما ههرێما كوردستانێ كرى ژبير نهكريه”.
نيشاندان
WP Facebook Auto Publish Powered By : XYZScripts.com