ئهڤرۆنيوز:
ژئهگهرێ لێدانا بريسيێ زهلامهكێ 40 سالى ل گوندهكێ ب سهر باژێرێ مهريوان ل رۆژههلاتا كوردستانێ گيانێ خوه ژدهست دا.
ئاژانسا ميهرى يا دهنگوباسان يا ئيرانى بهلاڤكر كو ل ئێڤاريا دوهى دوشهمبى زهلامهكێ 40 سالى كو خهلكێ گوندێ گۆگجه يێ سهر ب باژێرێ مهريوان ڤه ژئهگهرێ لێدانا بريسيێ گيانێ خوه ژ دهست دا.
دياركر ژى كو ئهو كهسه جوتيار بوو ول ئهردێ خوه يێ چاندنێ كاردكر دهمێ بريسيێ لێداى.
ئهڤرۆنيوز:
سترانبێژێ توركيێ ناڤدار ئیبراهیم تاتلیسس، دێ خوه بۆ ههلبژارتنێن سهرۆكاتيا كۆمارا توركيا ل بازنێ پارێزگهها ئهزمير بهربژاركهت.
ل دووڤ راپۆرتهكا ئاژانسا (سى ئێن ئێن تورك) تاتليسسى خوه بۆ ههلبژارتنێن سهرۆكاتيا كۆمارا توركيا بهربژاركريه ژ پارتا داد وگهشپێدان (AKP) كو حزبا دهستههلاتدار يا توركيايه وخوه ل بازنێ پارێزگهها ئهزمير بهربژاركريه
پهرلهمانێ توركيا رۆژا 24/6/2018 دياركريه بۆ ئهنجامدانا ههلبژارتنێن پێشوهخت يێن سهرۆكاتيا كۆمارا توركيا. ل ههلبژارتنێن 2015 يێن توركيا، پارتا داد وگهشهپێدان كو دهمێ 13 سالانه پتريا كورسيێن پهرلهمانى ههنه، پشكهكا مهزن يا كورسيێن خوه ژدهستدابوون ول بهرامبهر پارتى ديموكراتى گهلان (HDP) كو پارتهكا لايهنگرا كوردێن باكوورێ كوردستانێ يه، ب دهستڤهئينانا 13 كورسيان بۆ جارا ئێكێ چو دپهرلهمانێ توركيا دا.
ئيبراهيم تاتليسس، سترانبێژ وئهكتهر ودهرهێنهرێ ناڤدارێ توركى، ژدايكبوويێ ئورفايێ يه ل سالا 1952 ژبابهكێ كورد ودايكهكا عهرهب.
ئهڤرۆنيوز:
سهبارهت پرۆسا دهنگدانێ ل دهرڤه عيراقێ بۆ ههلبژارتنێن جڤاتا نوونهرێن عيراقێ، كۆمسيۆنا بلند يا ههلبژارتنان ل عيراقێ راگههاند، پرۆسه ل دهرڤهى دێ هێته مهرجداركرن.
كۆمسيۆنا بلند يا ههلبژارتنان ل عيراقێ راگههاند” پرسا دهنگدانێ بۆ وهلاتيێن عيراقى ل دهرڤهى وهلاتى ل 10 و11 گۆلانێ ل 20 وهلاتان دێ هێته ئهنجامدان، پرسه ژى دێ ب شێوێ مهرجدار بيت نهكو ئهلكترۆنى”.
كۆمسيۆنێ دياركر ژى” ئهو وهلاتيێن كو ههلگرێن رهگهزنامه، پاسپۆرت يان ناسناما بارێ شارستانى يا عيراقى، مافێ پشكداريێ ددهنگدانێ دا يێ ههى”.
بۆ ههلبژارتنێن جڤاتا نوونهرێن عيراقێ كو دێ ل 12/5/2018 هێنه ئهنجامدان، نێزيكى دو مليۆن دهنگدهر ل دهرڤهى عيراقێ دێ پشكداريێ دوێ پرۆسێ دا كهن.
ئهڤرۆ نیوز:
زانكۆیا ئهزههرا مسری داخوازا هندهك كهسایهتیێن فرهنسا بۆ ژێبرنا ئایهتهكا قورئانا پیرۆز شهرمزار كر و رهت كر.
ههژمارهكا كهسایهتیێن فرهنسی ژ وان ژی نیكۆلاس سهركۆزی سهرۆكێ بهرێ یێ فرهنسا و سهرۆكوهزیرێن بهرێ مانوێل ڤالز د نامهیهكا ههڤپشك دا خواستبوو ئایهتهكا قورئانێ ل دۆر “كوشتن و سزادانا جوهی و كریستیان و بێباوهران” بهێته ژێبرن، د بهرسڤێ دا زانكۆیا ئهزههر ئهو یهك شهرمزار كر و راگههاند: قورئان گازیێ بۆ كوشتنێ ناكهت بهلكو گازیێ بۆ بهرگریكرنێ ژ خوه دكهت ل دژی كهسێن دوژمنكاریێ دكهن.
ئهزههرێ دیار كر ژی، چ ئایهت د قورئانێ دا نینه كو داخوازا كوشتنا چ كهسهكی بكهت گهر وی كهسی تاوانهكا وهسا نهكربیت كو ژ ههژی كوشتنێ بیت، وهك كوشتنا ب مهبهست و راكرنا چهكی، ئیسلام بهرپرس نینه ژ خهلهت تێگههشتنا ئایهتان ژ ئالیێ هندهكان ڤه.
ئەڤرۆ نیوز، لەزگین جوقی:
بەربژارەکێ پارتی دیموکراتی کوردستان ل پارێزگەھا نەینەوا دیارکر کو ئەڤرۆ 29ى نيسانا 2018ێ ب فەرمی دەست ب ھەوا بانگەشێ بۆ بەربژارێن پارتی ل پارێزگەھا نەینەوا ھاتە کرن.
سلێمان فانۆ، بەربژێرێ ژمارە 34 یێ لیستا 184 یا پارتی دیموکراتی کوردستان ل قەزا شنگال دیارکر کو خەلکێ شنگال و دەڤەرێن دێ یێن دەشتا نەینەوا پێشوازیەکا گەرم ل لیستا پارتی دیموکراتی کوردستان دکەن چو ئالیەکێ دی ب پێگوھۆڕێن پارتی نابینن چونکو ب تنێ پارتی دشێت پرەنسیپێ پێکڤە ژیانێ ل دەشتا نەینەوا زێدەتر بچەسپینیت دێ پتریا دەنگان بۆ لیستا پارتی بن ھەر وەکو ئەڤرۆکە د ھەوا بانگەشی دا ھژمارەکا زۆر یا خەلکێ بەرھەڤ ببوون و سۆزێن خوە ل گەل لیستا 184 نوو کرن چونکو ئەڤ لیستە دێ خزمەتا خەلکێ شنگال و دەشتا نەینەوا کەت.
ئاماژە دا وێ چەندێ ژی کو ئەو کێشە و ئاریشێن نوکە ل شنگال ھەین نە کێشە و ئاریشێن حزبەک و لایەنەکێ نە، بەلکو کێشە و ئاریشێن ھەموو خەلکێ قەزا شنگالێ نە پێدڤیە خەلکێ شنگال د ھشیار بن خوە تێکەلی وان پلانێن دوژمنان نەکەن ل ڤان ھەلبژارتنان خەلک شنگال بڕیارا خوە بدەن چونکو ئەڤ ھەلبژارتنە بۆ شنگال زۆر د گرنگن، دێ زۆر کێشە و ئاریشێن شنگال چارەسەر کەن، پێدڤیە خەلکێ شنگال ب شێوەیەکێ بەرپرسیارانە دەنگ بدەن و ل سەر بنەمایێ سوزداریێ دەنگی نەدەن.
ئەو ژی دیارکر کو گرنگە خەلکێ شنگال ل سەر ھژمارەکا خالان دەنگ ب کاندیدان بدەن ژ وانا ژی کەسێن ژ ھەژی رەوانەی پەرلەمانێ عیراقێ بکەن بۆ ب دەست ڤە ئینانا مافێن خەلکێ شنگال چونکو ئەڤە ژ سالا 2014ێ وەرە ھەتا نوکە حوکمەتا عیراقی و پەرلەمانێ عیراقێ ژی چو پێنگاڤێن باش بۆ خوشکرنا ژیارا خەلکێ شنگال نەھاڤێتینە ڤان ھەلبژارتنان ئەم گەشبینین دێ پێنگاڤێن باش بۆ ئاڤەدانیا شنگال ھێنە ھاڤێتن، دھێتە چاڤەرێکرن پارتی دەستپێشخەریەکا مەزن ل شنگال ئەنجام بدەت ب تایبەتی ژی پشتی دەرکەفتنا ئەنجامێن ھەلبژارتنێن پەرلەمانێ عیراقی چاڤەرێ دھێتە کرن پارتی دەستپێشخەریێ بکەت و گرەنتیا دەستەبەرکرنا مافێن نەتەوەیی یێن ئەم خەباتی بۆ دکەین بھێتە کرن.
ب گێرانا سمينارهكێ ژ لايێ هشيار زێبارى ئهندامێ سهركرداتيا پارتى ديموكراتى كوردستان ههوا ههلبژارتنان ل پارێزگهها نهينهوا ژ لايێ پارتى ديموكراتى كوردستان ڤه دهسپێكر و د سمينارا خوه دا راگههاند كو ههر چهنده ههوا خوه درهنگ دهسپێكر، “بهلێ دێ گهلهك يا ب هێز و مفادار بيت”.
ئهڤرۆ نيوز، نەوزاد ھلۆری:
تونێلا زاخۆ ب مەزنترین تونێل ل عیراقێ دھێتە ھژمارتن کو ئەو ژی ب درێژاھیا حەفت ھزار و 200 مەترێن ھاتنووچۆنێ نە و 90% کارێن وێ تەمام بوینە و ل دەمەکێ نێزیک دێ ھێتە ڤەکرن ، و قایمقامێ قەزا زاخۆ ژی دیارکر کو ڤەکرنا تونێلا زاخۆ گرنگیەکا تایبەت ژ روویێ ئابووری و خزمەتگوزاری بو خەلکێ دەڤەرێ ھەیە.
بوتان موحسن قایمقامێ قەزا زاخۆ دیارکر کو ب ڤەکرنا تونێلا زاخۆ زێدەباری کو دێ رێیا دناڤبەرا زاخۆ و دھۆک کورت بیت دھەمان دەم دا دێ روودانێن ھاتنووچونێ ژی کێم بن و گۆت: (تونێلا زاخۆ ب ئێک ژ تونێلێن گرنگ و مەزن دھێتە ھژمارتن ل ھەموو عیراقێ و دنھادا 90% کاروبارێن وێ تەوام بوینە و ڤەکرنا وێ مفایەکێ باش ژ روویێ ئابووری و خزمەتگوزاری ھەیە و ھاتنووچونا گەشتیار و وەلاتیان دێ کورت کەت و بیتە سەدەم کو روودانێن ھاتنووچۆنێ ژی کێم ببن).
زێدەتر گۆت: (نھا تونێل چویە دقوناغا دوماھیێ دا و دناڤ تونێلێ دا ھەموو کاروبار ب باشی ب رێڤەدچن و ل دەرڤە ژی تنێ ھێلێن تەسەیان ماینە ، و ھەردەما کو تونێل دوماھی ھات ستافەکێ تایبەت دێ ژلایێ کومپانیا جێبەجێکار ھێتە دیارکرن کو بو ماوێ سالەکێ ل گەل لایەنێن شولەژێ لسەر تونێلێ کار بکەن داکو چوو کێشە درۆست نەبن و کاروبار ب رێڤەبچن ، و نھا ئەم چاڤەرێ دوماھی ھاتنا وێ دکەین و ھەردەما دوماھی ھات ئێکسەر دێ ھێتە ڤەکرن).
قایمقامێ قەزا زاخۆ د درێژاھیا ئاخفتنێن خودا دیارکر ژی کو درێژاھیا تونێلا زاخۆ سێ ھزار و 600 مەترە و ھاتنا وێ ژی ب ھەمان درێژی و بڤێ یەکێ ھەردوو ساید دبیتە حەفت ھزار و 600 مەتر و زێدەتر بو ھەولێر گۆت: (ب ڤەکرنا تونێلا زاخۆ، رێیا گەلێ زاخۆ نامینیت کو ئەڤ یەک ژی د بەرژەوەندیا خەلکێ دەڤەرێ و شوفێرا دایە).
دھێتە زانین کو کومپانیا لیماک ئێکە ژ کومپانیێن تورکی کو سەرپەرشتیا درۆستکرنا تونێلا زاخۆ دکەت، و ل مەھا نیسان یا سالا 2013 دەست ب درۆستکرنا تونێلێ کریە و لروژا 12/6/2013 بەرێ بناغێ تونێلێ ژلایێ رێزدار نێچیرڤان بارزانی سەروکێ حوکمەتا ھەرێما کوردستانێ ھاتیە دانان و کوژمێ 158 ملیار دینار ژی بو ھاتیە تەرخانکرن و دبیتە مەزنترین تونێل لسەر ئاستێ عیراقێ.
ئەڤرۆ نیوز، نەوزاد ھلۆری:
دچارچوڤێ دانوستاندنەکێ ل گەل پشکا کوردی یا دەنگێ ئەمریکا ، محەمەد حاجی مەحمود دیارکر کو ئەوی پێ باش نەبوویە بڤی رەنگێ نھا کورد پشکداریێ د ھەلبژاردنێن پەرلەمانێ عیراقێ دا بکەن و دەنگێن کوردان کێم بکەن و فرە لیستی ژی دێ زیانێ بو دەنگێن کوردان ئینیت و دبێژیت: (ھندەک ژ وان حزبێن کو پشکدارن، بەری نھا پشتەڤانیا عیراقێ دکر داکو ھێرشێ بکەت سەر کوردستانێ و پارەیان نەفرێکەن).
محمەد حاجی مەحموود سکرتێرێ حیزبا سۆسیالیست دیموکراتا کوردستانێ د دیدارا خوە دا روناھی ئێخستە سەر چەند پرسیارەکێن تایبەت ب کوردستان و ھەلبژاردنێن پەرلەمانێ عیراقێ و دپشکەکا ئاخفتنێن خو ژی دا ل بارا ریفراندوما سەربخوەی یا کوردستانێ دبێژیت: (مە ریفراندوم کر ھەتاکو بزانین ملەتێ مە چ دڤێت؟ ئەو بوو کو زێدەتر 92% دەنگ ب بەلێ بو ھاتەدان، مە گوت بڤی رەنگی دێ دانوستاندنێ لسەر خواستێن خەلکێ کوردستانێ کەین ، بەلێ وەسا دیارە وان و ئەمریکا و وەلاتێن دەڤەرێ و ئەوێن کو بەحس ل دیموکراسیێ دکەن ھەتا خوە رازی نەبوون بێژن ھەوە چ دڤێت و گەلێ مە ژ ھەموو رویەکێ ڤە ژ مەکر).
ل بارا ھەلبژاردنێن ئەڤێ خولا پەرلەمانێ عیراقێ و شێوازێ پشکداریکرنا کوردان د ھەلبژاردنان ، ناڤبری گۆت: (من پێ باش نەبوویە کو کورد پشکداریێ د ھەلبژاردنان دا بکەت ، ئەگەر شێوازێ ھەلبژاردنان ئێک بازنەی بیت ، ژبەرکو ل ڤی دەمی کورد دێ رێژا کورسیێن خوە رەنگە بگەھینیت ھەشتێ کورسی و زێدەتر ژی ، ھەر چەندە نھا ئەگەر کورد سەد و شێست کورسی ژی ھەبن ھەر نکاریت بەرامبەر 329 کورسیێن دن چوو بریارەکێ ل بەغدا بدەت).
ل بارا ھێرشێن حوکمەتا عیراقێ پشتی ریفراندۆمێ، ناڤبری ب روونی بەحس ل وێ یەکێ کر کو سزادا خەلکی و ھێرشان بو سەر کوردستانێ چوو پەیوەندی ب ریفراندۆمێ ڤە نینە و گۆت ژی: (ریفراندۆم ھاتباکرن یان ژی نە ئەو دا ھەر ھێرشا کەرکوکێ و دوزخورماتوو کەن ، و ھەروەسا من دپێناڤ گەلێ کوردستانێ دا مرن ھەلبژاردیە نەک دادگەھکرن و دپێناڤ ریفراندۆمێ دا بەرھەڤم دەھان جاران بھێمە دادگەھکرن ، و ئەگەر نھا ریفراندۆم بھێتەکرن ڤە دێ جارەکا دن ژی دەنگی بو دەم ژبەرکو ئەز ڤێ یەکێ ب مافێ رەوایێ خەلکێ کوردستانێ دبینم و ھەر گەلەکێ دەولەت نەبیت خوە نەبیت باشترە).
ئهڤرۆ نيوز:
مامۆستایەکێ زانکۆیێ ل رۆژھەلاتێ کوردستانێ دیارکر کو دڤێت وەلاتیێن کورد ل ھەرێما کوردستانێ بۆ ھەلبژارتنان پشتەڤانیێ ل لیستا ١٨٤ یا پارتی بکەن، چونکو نھا تنێ ھێزا نەتەوی کو بەرگیریێ ل مافێ نەتەوی یێ کوردان دکەت پارتیە و مخابن ھێزێن دی ژ بەر بەرژەوەندیێن خوە نھا بووینە پارێزڤانێن ئێکەتیا ئاخا عیراقێ.
محەمەد سەمەدی مامۆستایێ زانکۆیێ ل رۆژھەلاتێ کوردستانێ ل دۆر ھەلبژارتنێن نھا یێن عیراقێ بۆ رۆژناما ئەڤرۆ دیارکر کو ھەکە ھندەک ھێزان خیانەت نەکربا و ریفراندۆم یا سەرکەفتنی با نھا پێدڤی نەبوو کورد پشکداریێ د ھەلبژارتنێن عیراقێ دا بکەن، لێ رەوش ھاتیە گوھۆرین و نھا دڤێت پێگەھێ کوردان ب ھێز بیت و گۆت: (ئەز پشتەڤانیێ ل لیستا ١٨٤ یا پارتی دیموکراتی کوردستان دکەم، چونکو تنێ ھێزا کو نھا بەرگیریێ ل مافێ نەتەوی یێ کوردان دکەت و ھەلگرا ھێز و خەباتا نەتەویە پارتیە و ژ بەر ھندێ ژی دڤێت پێگەھێ پارتیێ ل بەغدا ب ھێز بیت، مخابن گەلەک ھێزێن دی نھا بووینە پارێزڤانێن ئێکەتیا ئاخا عیراقێ و راستەوخوە یان ژی نەراستەوخوە بەرژەوەندیێن دوژمنان دپارێزن، ژ بەر ھندێ ژی ئەز دخوازم برایێن مە ل ھەرێما کوردستانێ پشتەڤانیێ ل لیستا پارتی بکەن).
مامۆستایێ زانکۆیێ ئەو یەک ژی دیار کر کو ھەکە پێگەھێ پارتیێ ل بەغدا ب ھێز کەڤیت ئەو یەک دھێتە رامانا لاوازیا پێگەھێ ئیرانێ ژی، چونکو تنێ ھێزا نھا ل عیراقێ ل دژی بەرنامێن ئیرانێ کار دکەت و ناھێلیت ئیران ھەرێما کوردستانێ بکەتە ژێر کۆنترۆلا خوە پارتیە و ئەم وەکو کوردێن رۆژھەلات دخوازین کو پێگەھێ پارتی ل بەغدا ب ھێز کەڤیت دا رێگری ل پیلانێن ئیرانێ بھێتە کرن و گۆت: (ب ھێزبوونا پێگەھێ پارتی دیموکراتی کوردستان و لایەنێن دی یێن کوردی ل بەغدایێ دھێتە رامانا پاراستنا ھەرێما کوردستانێ، ب تایبەتی ژی پارتی چونکو مە بەری نھا ژی دیت کا چاوا پارتیێ شیا ھەرێما کوردستانێ ژ داعشێ و حەشدا شەعبی ب پارێزیت، ژ بەر ھندێ ئەز ھێڤیدارم پارتی ھەری زێدە کورسیان بدەستڤە بینیت).
ناڤبری ئەو یەک ژی دیار کر کو گەلەک کەس ل رۆژھەلاتێ کوردستانێ پشتەڤانیێ ل لیستا پارتی و بەرنامێ وێ دکەن و ھێڤیدارن کو پارتی ببیتە ھێزا ئێکێ و زێدەترین کورسیان بدەستڤە بینیت، ھەکە پێگەھێ پارتیێ لاواز بیت دێ پیلانێن عیراقێ ل ھەرێما کوردستانێ سەرکەڤن، چونکو ژ بلی پارتی چو ھێزەکا دی نەشێت رێگریێ ل پیلانێن ئیرانێ و عیراقێ ل دژی ھەرێما کوردستانێ بکەت.
ئهڤرۆ نيوز:
ل خانەقین ئاریشە بۆ بەربژێرێن لیستا 184 پارتی تێنە چێکرن و پەیڤدارێ جڤاتا سەرکردایەتیا پارتی ژی ل کەرکووک و گەرمیان دبێژیت، رێگری ل بانگەشەیا لیستا مە تێتەکرن و ل کەرکووکێ ژی دەستھەلاتدارێن باژێڕی ئاستەنگا بۆ لیستێن کوردی چێتکەن.
عەدنان کەرکووکی، پەیڤدارێ جڤاتا سەرکردایەتیا پارتی ل کەرکووک و گەرمیان بۆ رۆژناما ئەڤرۆ گۆت” پارتی ل سنورێن بن دەستێ پێشمەرگەی دەست ب بانگەشا ھەلبژارتنانکریە ل سنورێ لقا 19 کو قەزا چەمچەمال بخۆڤە دگریت و سنورێ لقا 22 یا گەرمیان لسیتا 184 یا بانگەشێ دکەت، ھندی سنورێ بن دەستێ پێشمەرگەی مە ئاریشە نینە ھەتا نوکە، بەلێ سنورێ خانەقین رێگری ل بانگەشەیا لیستا پارتی تێتە کرن و رێک ناھێتە دان بەربژێرێن مە ب ئازادی بانگەشێ بکەن، چونکە ل خانەقین مە بارەگایێن خوەژی پشتی روویدانێن 16ی ئۆکتۆبەرێ گرتینە و بێی ھەبوونا بارەگا بەربژێرێن پارتی دناڤا خەلکی دا دەست ب بانگەشێ کریە دەنگێن پارتی ل سنورێ قەزا چەمچەمال و دەڤەرا گەرمیان دێ کێمبن، چونکە ل ئەڤان دەڤەران خەلک وەکە پێدڤی پشکداری د پڕۆسا ھەلبژارتناندا ناکەت، وەکی جەماوەر پارتی دیموکراتی کوردستان ھەر سەنگا خوە یا بەرێ مایە و جەماوەرێ پارتی دەنگی نادەت بۆ چو لایەنێن دی، بەلێ بشێوەیەکێ گشتی تێتە پێشبینیکرن ل ئەڤان دەڤەران رێژا بەشداریکرنێ وەکە پێدڤی نەبیت، لەوڕاژی دێ کاریگەری لسەر دەنگێن ھەموو لایەنێن سیاسی ھەبیت نەک تنێ پارتی.
ئەڤرۆ نيوز:
ئەندامێ خولا بەرێ یا پەرلەمانێ عیراقێ ئاشکرا کر، ھەلبژارتنێن ئەڤجارە دێ پارتی ھەر یا ئێکێ بیت و پارێزگەھا دھۆکێ کورسیێن جاران دێ ھەر پارتی بەت و دەنگێن ئێکەتیێ دێ ھێنە بەلاڤەکرن و مفادارا سەرەکی دێ ھەر پارتی بیت.
عادل بەرواری، ئەندامێ خولا بەرێ یا پەرلەمانێ عیراقێ بۆ رۆژناما ئەڤرۆ گۆت: ھاتنا سەرۆک وەزیرێن عیراقێ بۆ کوردستانێ ئەڤە مافەکێ سرۆشتی یە، چونکی سەرۆک وەزیرێن عیراقێ یە و بەرپرسێ ھێزێن چەکدارە ل سەرانسەری عیراقی و ھەموو دەستھەلات ھەنە و ئەڤە تشتەکێ قانوونی بوو ھاتیە ھەرێمێ، سەرۆکێ حوکمەتا ھەرێمێ پشوازی لێ کر ئەڤە تشتەکێ جھێ خوە دابوو، ئارمانجا وی یا سەرەکی دەنگێن کوردستانێ بخوە بەت چونکە ھەڤرکی ل گەل نوری مالکی ھەیە بۆ حوکمەتا داھاتی و گەلەک ھەڤرکیێن دی ژی ھەنە وەک عامری و سەدر و ئارمانجا خرا ئەوە پوستێ سەرۆکێ حوکمەتێ وەربگرن، دبیت عەبادی بشێت سلێمانیێ ھندەک دەنگا وەرگریت ، لێ ھەولێرێ و دھۆکێ چ دەنگان نابەت، ھاتنا خوە بۆ دھۆکێ ھەلوەشاند و دیت چ پشتەڤان نینە و ھاتنا وی چ مفایی نا گەھینت وی بخوە ھەلوەشاندن.
عادل بەرواری ئەو ژی گۆت: پشست راستم لیستا عەبادی دھۆک و ھەولێرێ چ دەنگێن مەزن نابەت و باوەرناکەم چ کورسیکا دھۆک و ھەولێرێ بەت و سلێمانیێ من پێزانین ل سەر نین، گومان نینە ھاتنا سەرۆکێ وەزیرێن بەغدا بۆ ھەرێمێ ھندەک ئاریشە ھاتینە بەحسکرن ل گەل سەرۆک وەزیرێن ھەرێمێ و پێشبینی دکەم بابەتێن ھەلاویستی دناڤبەرا ھەر دو حوکمەتان دا ھاتینە بەحسکرن، باوەرناکەم بەحسێ حوکمەتا داھاتی کربیت چونکە ھێشتا دیار نەبوویە ئەڤ حوکمەتە دێ کی بیت، چونکو پێشتر نوری مالکی ھەشت سالان سەرۆک وەزیرَن عیراقێ بوو و سەرۆکێ حزبا دعوەیەو پێشتر ژی سەرۆکێ لژنا ئێمناھیێ و بەرەڤانیێ بوو و پێکئینانا لەشکەرێ عیراقێ نوری مالکی کریە ل گەل دامەزراندنا ھێزێن ھەوالگێریا عیراقێ و فەرمانبەرێن فەرمانگەھێن بەغدا ھەموو وی دامەزراندینە 2005 ھەتا 2014 سەرۆک وەزیرێن عیراقێ بوو، ھەڤرکیەکا مەزن دناڤبەرا مالکی و عەبادی دێ دورست بیت و دێ بەغدا ئێکلا کەت کو 69 کورسی بتنێ بەغدا ھەنە.
عادل بەرواری، ھێشتا گۆت: راستە گەلەک پارتێن کوردی دەرکەفتی نە، لێ بەھدینان چ دەنگان نابەن و بتنێ ل سلێمانیێ و کەرکووکێ دێ دەنگی بەن، بەرھەم دێ سلێمانیێ و کەرکووک و بەغدا دەنگان باش بەت، ھەرێمێ پارتی دیموکراتی کوردستان دێ ئێکەم بیت، پارتی دێ ھەر کورسیکێن جاران ل دھۆکێ بەن، دەنگێن ئێکەتیێ کێم بووینە بۆ بەرھەم چووینە و باوەرناکەم شنوو خەلک بیتە ئێکەتیێ و ئەڤە دێ پارتی مفادارا سەرەکی بیت.
بەرواری گۆت: ھەکە لیستێن کوردی ل کوردستانێ چەند ھەڤرک بن پێدڤی یە بەری بچنە بەغدا ھەڤپەیمانیەکا کوردستانی بھێتە دروستکرن و بتنێ بۆ بەرژوەندێن نەتەوەیی کاری بکەن و باوەرناکەم کورد جودا بچنە بەغدا بەلکو دێ ئێکگرتنەک ھەبیت، چونکو چەندین سالە کورد دەمێ چنە بەغدا دبنە ئێک لیست و باوەردکەم ئەڤ ئێکگرتنە دێ ھەر ھەبیت و بتنێ ھەڤرکی ل کوردستانێ یە و ئەڤە تشتەکێ نورمالە ل ھەلبژارتنان ھەر ھەیە.
بەرواری ھێشتا گۆت: دەنگێن ھەموو پارتێن کوردستانێ دێ کێم بن، پارتی دێ دەنگان کێم کەت، چونکو کەرکووکێ پشکداری نینە، مووسل کورد نەشێن دەنگی بدەن ژ بەر کاودانان و حەشدا شەعبی وەک جاران نابیت لێ دێ ھەر یا ئێکێ بیت.
عادل بەرواری ئاشکراکر کو، ھەڤرکیا گوران و بەرھەم و ئێکەتیێ دێ سلێمانیێ بیت و سەرانسەری کوردستانێ پشتی پارتی دێ ھەر ئێکەتی بیت، لێ بەرھەم ژی دێ دەنگێن باش ئینت.
ئەندامێ خولا بەرێ یا پەرلەمانێ عیراقێ گۆت: پوستێ سەرۆک کۆمار رێککەفتن بوو د ناڤبەرا پارتی و ئێکەتی دا، کو ھەرێمێ پارتی سەروەربیت و بەغدا ئێکەتی سەروەربیت، ھەتا نوکە ئەڤ سیستەمە ھەیە و باوەرکەم ئەڤ جارە ھەمان سیستەم بیت، لێ گوران و بەرھەم دێ گەل ئێکەتیێ بان یان دێ ژێکڤە بن بەغدا نوزانین، لێ پارتی دێ ئێکەم بیت و ئێکەتی دێ دووێ ھێت، پێشبینی دھێتەکرن ل سەر ئاستێ کوردستانێ ئێکگرتوو کورسیەکێ دوویان زێدە بکەت.
نيشاندان