ئهڤرۆ نيوز:
ڤێ ههيڤێ مووچێ وهزارهتا ناڤخۆ و هێزێن يهكێن پاسهوانى ب گۆرهى سيستهمێ نوو يێ پاشكهفتى هێته بهلاڤكرن، رێڤهبهريا گشتى يا ديوانا وهزارهتا ناڤخۆ رادگههينيت كو پاشكهفتێ يهكا پاسهوانى د ناڤبهرا 39% بۆ 50% دا هاتيه كێمكرن.
نووترين نووچه
- سەرۆكێ هەرێما كوردستانێ پێشوازی ل بەرپرسێ نڤیسینگەها ئێكەتییا ئورۆپایێ كر
- نێچیرڤان بارزانی و یان برێم دوپاتیێ ل سەر بەردەوامییا هاریكارییا د ناڤبەرا هەرێمێ و فەرەنسایێ دا دكەن
- ب فەرمانا سەرۆكێ هەرێمێ پلەیا هەژمارەكا پلەدارێن هێزێن ئاسایشا ناڤخۆ هاتە بلندكرن
- دیمەشق دەست ب ڕێكارێن ڤەكرنا قونسلخانەیا خۆ ل هەرێما كوردستانێ دكەت
- بناس دۆسكی ب بەلگەنامەیێن فەرمی روو ب روویێ وەزارەتا پەترۆلا فیدرال دبیت
- كاراكرنا پەرلەمانی و پێكئینانا حوكمەتێ پێدڤییەكا نیشتمانی یە
- نێچیرڤان بارزانی و قونسلێ بەریتانیا دوپاتیێ ل سەر بەردەوامییا ب هێزكرنا پەیوەندییان دكەن
- هشیار زێباری: رێككەفتنێن ل گەل ئەمریكا دێ پاشەڕۆژەكا باشتر و گەشەكرنێ بۆ ئیراقێ دابین كەن
- پارتی ل سەر چارەسەركرنا قەیرانان پێگیرە
- چارەسەركرنا كێشەیێن هەولێرێ و بەغدایێ هێز و سەروەریێ د دەنە ئیراقێ
سهرهكى نوچێن گرنگ
جڤاتا سهركردایهتیا ئێکەتیێ ب توندی هێرشێ دکەنە سهر فوئاد مهعسوومی
ئەڤرۆ نیوز ، زنار تۆڤی :
ژێدەرەکێ ژ ئێکەتیا نیشتمانیا كوردستانێ ئاشكرا كریە،کو كۆمبوونەکا نهێنی یا حزبا وان هاتیە ئەنجام دان و هەموو د هەڤرا بوون ل سەر هندێ کو فوئاد مەعسووم بۆ پۆستێ سەرۆک كۆماری نەهێتە كاندید كرن، چونكی چوو نەكریە بۆ پاراستنا بەرژەوەندیێن كوردان و مافێن دستووریی یێن هەرێما كوردستانێ ل بەغدا.
وی ژێدەری بۆ بەغداد ئەلیەوم گوتیە،کو سەركردایەتیا ئێكەتیێ د كۆمبوونەکێ دووپات كریە،کو هەموو گەهشتینە وێ بریارێ،کو جارەکا دیتر فوئاد مەعسوومی بۆ پۆستێ سەرۆک كۆمارێ عێراقێ كاندید نەكەن، چونكی مەعسوومی شكەستن ئینایە ژ بەرگری كرن د بەرژەوەندیا كوردان دا ل بەغدا،جۆدا ژ هندێ ژی كەسایەتیەکێ ب هێز نینە و نەشیایە جهێ مام جەلال پر بكەت.
زێدەتر گوتیە،د وێ كۆمبوونێدا كۆسرەت ڕەسوول جێگرێ ئێکێ یێ سكرتێرێ گشتی و بەرپرسێن بالێ بنەمالێ ئامادە ب بوون و هەموو ل سەر دووبارە كاندید نەكرنا مەعسوومی د هەڤرا بوون و چوو كەس بۆ جهێ مەعسوومی كاندید نەكریە.
250 هزار کەس دێ چاڤدێریا هەلبژارتنێن عێراقێ کەن
ئەڤرۆ نیوز ، زنار تۆڤی :
كۆمسیۆنا بلند یا سەربەخۆ یا هەلبژارتنان ئاشكرا دکەت،کو دێ 250 هزار چاڤدێرێن نافخۆ، چاڤدێریا پڕۆسەیا هەلبژارتنان كەن و گرێبەست ل لەگەلدا هاتیە ئەنجامدان.
ژێدەرەک ژ كۆمسیۆنا بلند یا سەربەخۆیا هەلبژارتنان ئاشكرا دکەت،کو بۆ چاڤدێریكرنا پڕۆسا هەلبژارتنان، كۆمسیۆنێ ل گەل 250 هزار چاڤدێرێن نافخۆ گرێبەست كریە،ئەو چاڤدێرە هەموو دێ كارێ خوە ئەنجام دەن و یێن هاتینە دابەشکرن ل سەر 45 هزار بنگەهێن هەلبژارتنان ل سەرانسەری عێراقێ.
هەروەسا گوتیە،کو كۆمسیۆن ب تنێ پشت ب راپۆرتێن وان چاڤدێران نابەستیت، بەلكو ژ بلی وان 250 هزار كەسان،دێ رێکێ ب رێكخراوێن جڤاکێ مەدەنی و حزبێن سیاسی و دەستەیێن نێڤدەولەتی دەت،کو چاڤدێریا پڕۆسەیا هەلبژارتنان بکەن، ئەڤە ژبلی راپۆرتێن كەنالێن میدیایی.
ل 12 گولانێ دی هەلبژارتنێن خولا چارێ یا پەرلەمانێ عێراقێ ب پشکداریا 206 لیست و قەوارێن سیاسی كو حەفت هزار كاندیدان هەنە هێتە ئەنجامدان،بۆ ب دەستڤەئینانا 329 كورسیێن پەرلەمانێ عێراقێ كو دێ 24 ملیۆن وەلاتی دەنگێ خوە دەن.
ب ئهگهرێ پهقينا مینهكێ وهلاتیهكێ گیانێ خوه ژ دهست دا
ئهڤرۆ نیوز، نهوزاد هلۆرى:
ئێڤاره درهنگى یا ئهڤرۆ ل سنورێ قهزا چومان پێ وهلاتيهكى كهفته سهر مینهكێ و ل دهما تهقینا مینێ ئێكسهر گیانێ خوه ژ دهست دا.
عهميد (عیماد رێكانى)، بهرپرسێ بهرهڤانیا باژێرى ل قهزا سۆران بۆ ئهڤرۆ نیوز گۆت” ئهڤرۆ ئێڤارى ل چیایێ گومهندیل ل سنوورێ قهزا چومان پێ وهلاتیهكى دكهڤیته سهر مینهكێ و ئهو مین ب وى ڤه د پهقیت و ئێكسهر گیانێ خوه ژ دهست ددهت”.
زێدهتر گۆت” ناڤێ وى وهلاتى حهيدهر حهسهنه و ژدایكبوویێ سالا 1978 و خهلكێ قهزا چومانه وكارمهندێ زێرهڤانیێ سنورى بوو ل قهزا رانیێ ، تیمێن بهرهڤانیا باژێرى ل قهزا چومان و پولیسێن چومان تهرمێ وى زڤراندیه و بۆ نوشداريا داد ل سۆران رهوانهكریه “.
رۆهنكرنهكا بلهز ژ وهزارهتا پهروهردێ
ئهڤرۆنيوز:
وهزارهتا پهروهردێ ل ههرێما كوردستانێ رۆهنكرنهكا بلهز ل دۆر بێهنڤهدانا سوباهى سێشهمبى بهلاڤ دكهت.
وهزارهتا پهروهردێ ر خوه دا دبێژيت” ل دۆر سوباهى سێشهمبى ئێكێ ئهيارێ، هندهك دهزگههێن راگههاندنێ ب شاشى ڤه ئاگههداريا مه بهلاڤكريه”.
دياركريه ژى” دهوام دێ ل دووڤ خشتێ ئهزموونان بيت ل ههر قوتابخانهكێ، ئانكو ههكه قوتابخانهكێ پێشتر ول خشتێ ئهزموونێن خوهدا ل سێشهمبى 1 ئهيارێ دانابيت، ئهزموون دێ ل دهمێ خوه هێته ئهنجامدان، بهلێ ههكه قوتابخانهكێ چو ئهزموون دوێ رۆژێ دا (1 ئهيارێ) دانابيت، بۆ وێ قوتابخانێ بێهنڤهدان ودهوام نينه”.
وهزارهتا پهروهردێ دوێ رۆهنكرنا خوه دا خوياكر ژى” سهبارهت سلێمانيێ وههلهبجه وگهرميان وراپهرين، ئهو دێ پێگير بن ب بريارێن پهروهردێن خوه”.
عهبادی ل ئيرانێ دهێته قهدهغهكرن
ئهڤرۆنيوز:
ئيران رێ نادهت ل باژێرێ قوم بانگهشا ههلبژارتنان بۆ حهيدهر عهبادى بهێته كرن ب بههانهيا وێ چهندێ كو ريبات ل ستوويێ عهبادى يه.
سايتێ بهغداد نيوز يێ عيراقى بهلاڤكر كو ليستا عهبادى خواست ل باژێرێ قوم يێ ئيرانى بانگهشا ههلبژارتنان بكهت، چونكى هژمارهكا مهزن يا ئاوارێن عيراقى ل وى باژێرێ يێن ههين ، بهلێ ژئاليێ دهستههلاتدارێن وى باژێرێ رێگرى لێ هاته كرن.
سايتێ ناڤبرى بهلاڤكر، ليستا هادى عامرى ژى بانگهشا ههلبژارتنان ل باژێرێن ئيرانێ دكهت، بهلێ رێگرى تنێ ل بانگهشا ليستا عهبادى هاتيه كرن.
دياركر ژى كو ليستا نهسر كو عهبادى سهرۆكاتيا وێ دكهت چهندين جاران نامه بۆ بهرپرسێن باژێرێ قوم يێ ئيرانى هنارتن، بهلێ بزاڤێن وان دبێ مفا بوون، بههانهيا بهرپرسێن ئيرانى ژى ئهوبوو كو عهبادى دوێنێن خوه دا ريبات گرێدايه.
ههر ژ دهستپێكا ههوا بانگهشا ههلبژارتنێن جڤاتا نوونهرێن عيراقێ دياردبيت كو ئيران پتر گرنگيێ ب ههڤپهيمانيا فهتح ب سهرۆكاتيا هادى عامرى ددهت، كو ئهو ههڤپهيمانيه ژ ميليشيێن حهشدا شهعبى پێك دهێت، ههكار ژى ئهوه كو حهيدهر عهبادى پهيوهنديێن باش ل گهل ئهمريكا يێن ههين، لهوما ئيران ناخوازيت عهبادى دههلبژارتنان دا ب سهركهڤيت.
بهپرسهكێ مهزن يێ حهشدا شهعبى هاته كوشتن
ئهڤرۆنيوز:
بهرپرسهكێ بلند يێ حهشدا ئهڤرۆ دوشهمبى 30/4/2018 گيانێ خوه ژ دهستدا پشتى دوهى تهقه لێ هاتيه كرن. ئهڤرۆ ژبهر گرانيا برينا خوه، گيانێ خوه ژ دهست دا.
دهزگههێن راگههاندنێ يێن عيراقى بهلاڤكر، دوهى ل باژێرێ بهغدا تهقه ل (قاسم زوبێدى) بهرپرسێ داراييا حهشد شهعبى هاته كرن وئهڤرۆ ژبهر سهختيا برينا خوه گيانێ خوه ژدهست دا.
ئهو بهرپرسێ حهشدا شهعبى كهسهكێ نێزيكى ههر ئێك ژ هادى عامرى سهرۆكێ ليستا فهتح وئهحمهد ئهسهدى پهيڤدارێ حهشدا شهعبى.
رۆهنكرنهك ل سهر نڤيسارهكا وهزارهتا دارايى دهێته بهلاڤكرن
ئهڤرۆنيوز:
وهزارهتا دارايى ل ههرێما كوردستانێ داخوازا كێمكرنا يهكهيێن ژمێريارى يێن وهزارهتان دكهت، رێڤهبهرێ دارايى ل وهزارهتا خواندنا بلند وڤهكۆلينێن زانستى رادگههينيت كو دهمێ سالهكێ يه كێمكرنا يهكهيێن ژمێريارى هاتيه بجهئينان ووهزارهتا دارايى داخوازكريه ب ليستهكێ بهێته هنارتن، بۆ وێ چهندێ بهێته زانين تا چهند ئهو برياره هاتيه بجهئينان.
وهزارهتا دارايى وئابوورى ل ههرێما كوردستانێ ب نڤيسارهكێ داخواز ژ ههموو وهزارهتان دكهت كارێ پێدڤى ئهنجام بدهن بۆ كێمركنا يهكهيێن ژمێريارى يێن وهزارهتان وب ليستهكێ بهنێرنه وهزارهتا دارايى.
عومهر عهبدوللا، رێڤهبهرێ دارايى ل وهزارهتا خواندنا بلند وڤهكۆلينێن زانستى ل دۆر وێ چهندێ بۆ SNN گۆت” بريارا كێمكرنا يهكهيێن ژمێريارى دچارچۆڤێ رێكخستنا پهيكهري وهزارهتان دا بوو وسالا بۆرى كار ل سهر هاتيه كرن، نڤيسارا وهزارهتا دارايى بۆ وێ چهندێ يه بهێته زانين وهزارهتان ههتا چهند كار ل سهر وێ بريارێ كريه”.
خوياكر ژى” ل دووڤ وێ برياراێ، ديوانا وهزارهتان وههر رێڤهبهريهكا گشتى ل باژێران پێدڤيه ئێك يهكهيا ژمێريارى ههبيت، بهلێ ههكه رێڤهبهريێ فهرمانگهههك ههبيت كو يا دوور بيت ژ رێڤهبهريێ وسهنتهرێ باژێرى، بۆ ههيه يهكهيهكا ژمێريارى يا سهربخوه ههبيت”.
ئاماژه دا” وهكو وهزارهتا خواندنا بلند، پێشتر ل ههر زانكۆيهكێ وپهيمانگهههكێ، ههر كوليژهكێ يهكهيهكا ژمێريارى يا تايبهت ههبوو، بهلێ نوكه هاته كێمكرت وههر زانكۆيهكێ پێدڤيه يهكهيا ژمێريارى ههبيت، ب مهرجهكى ههموو كوليژ ل سهرۆكاتيا زانكۆيێ دنێزيك بن، ههكه ددور بن، دێ يهكهيا ژمێريارى يا سهربخوه ههبيت” .
بهايێ كارهبا موهليدا يێ ههيڤا نيسانێ هاته دياركرن
ئهڤرۆنيوز:
لژنا موهليدا ل پارێزگهها دهۆكێ بهرنامێ كاركرنا موهليدا ل ههيڤا گولانێ وبهايێ ئهمپێرى ژى يێ ههيڤا نيسانێ دياركر.
ل دووڤ وى خشتێ لژنا موهليدا بهلاڤكرى، بهرنامێ كاركرنا موهليدا ل قهزايێن دهۆك وزاخۆ وسێمێلێ دێ ژ دهمژمێر 7 سپێدێ بيت تاكو 11 سپێدێ وژدهمژمێر 2 پشتى نيڤرۆ ههتا 2 شهڤێ ول قهزايێن دى ودهڤهرين ب سهر وان ڤه دێ ل دووڤ رهوش وداخوازيا كارگێريێن وان وخهلكێ وان بيت .
ل دووڤ وى خشتى، بهايێ ئهمپێرێ كارهبا موهليدا بۆ ههيڤا نيسانێ ل قهزايێن دهۆك وسێمێلێ وزاخۆ دێ 7500 دينار بيت.
ديسا بهايێ ئهمپێرێ كارهبا موهليدا ل فهزا ئاكرێ ودهڤهرێن بجيل ودينارته وگردهسين دێ 6500 ديناران بيت ول قهزا بهردهرهش 4500 دينار ول سهنتهرێ قهزا شێخان 4250 دينار ول قهزا ئامێديێ 7500 دينار.
بۆ زانينا بهايێ ئهمپێرێ كارهبا موهليدا ل گهلهك دهڤهرێن دى يێن پارێزگههى سهحكه خشتێ ل خوارێ:
ئێكهم كۆنفراسێ وهرزشی ل دهۆكێ هاته ئهنجامدان
ئهڤرۆنيوز:
ل بن درووشمێ (ڤهژاندنا وهرزشا پارێزگهها دهۆكێ) ئهڤرۆ دوشهمبى 30-4-2018 و ب چاڤدێری وبهرههڤبوونا فهرهاد ئهمین پارێزگهرێ دهۆكێ و سهرۆكێ جڤاتا پارێزگههێ و جێگرێ پارێزگهرێ دهۆكێ بۆكاروبارێن تهكنیكی وسهرۆك یانه وسازی ودهزگهه وشارهزایێن وهرزشی ل پارێزگهها دهۆكێ ئێكهم كونفرانسێ وهرزشی هاته ئهنجامدان.
پهیڤا بخێر هاتنێ ژلایێ (د.احمد قاسم) سهرۆكێ نوونهراتیا ئولمپی ل پارێزگهها دهۆكێ هاته خواندن تێدا بخێر هاتنا ههموو بهرههڤبویان كر وگوت كونفرانس ل سهر پێشنیارا پارێزگهرێ دهۆكێ هاتیه رێكخستن بۆ وێ یهكێ ئاریشه وئاستهنگێن دكهڤنه درێيا بزاڤا وهرزشی دا ل پارێزگهها دهۆكێ بهێنه دياركرن وچارهسهری بۆ بهێنه دیتن كو وهرزشا پارێزگههێ بهێته پێشخستن وخواست كو راسپاردێن كونفراسێ بهێنه بجهئينان.
پارێزگهرێ دهوكێ دپهیڤهكێ دا دياركر كو مهبهست ژڤی كونفراسی ئهوه كێشێن وهرزشی بهێنه دهست نیشانكرن وچارهسهریێن گونجای بۆ بهێنه دیتن ، ههروهسا گۆت” دڤێت ئهم دان پێدانێ بكهین كو وهرزش ل پارێزگهها دهۆكێ ل ڤان سالێن دووماهیێ یا پاشكهفتی ئهوژی ڤهدگهریت بۆ چهند هوكارێن دارایی وئابووری ونهسهقامگیریا سیاسی ونهرێكخستنا كارگێری یا وهرزشی ، ههروهسا كارتێكرنا سیستهمێ سوشیالستی ل سهر بزاڤا وهرزشی كو دهولهت پارهی ل وهرزشێ خهرجكهت”.
پارێزگهرێ دهۆكێ ئاماژه دا وان هاریكاریێن حوكمهتا كوردستانێ وپارێزگهها دهۆكێ بۆ دهزگههێن وهرزشی تهرخانكرین وخواست كو دكونفرانسی دا چارهسهریێن باش وگونجای ببینن بۆ وێ یهكێ بزاڤا وهرزشی بهێته ڤهژاندن وپێشئێخستن وپشتهڤانیا پارێزگههێ بۆ راسپارده وپێشنیارێن كونفرانسی دیاركر وسوز دا كو ههردهمێ بارێ دارایی باشتر لێ بهێت هاریكاریهكا باشتر بۆ وهرزشێ بهێته كرن.
پاش فلمهكێ دیكیومهنتاری ل دور وهرزشا پارێزگههێ یا نوو ویا كهڤن هاته نیشادان و پاشى سێ پهنهل ژلایێ بسپور وشارهزایێن وهرزشی ل دور یانێن وهرزشی وپهروهردێن وهرزشی و ئێكهتیێن وهرزشی هاتنه پێشكێشكرن .
ل دوماهیێ پێشنیار وراسپاردێن كونفرانسی هاتنه خواندن وبلندكرن بۆ لایهنێن پهیوهندیدار كو بهێنه بجهئينان دا وهرزشا پارێزگههێ بهێته پێشخستن.
نيشاندان
WP Facebook Auto Publish Powered By : XYZScripts.com