ئهڤرۆنيوز:
بهرى دهمهكى ژ ئهگهرێ روودانهكا هاتنووچونێ ل سنورێ قهزا زاخۆ دو كهسان گيانێ خوه ژ دهست دا وشهش كهس ژى برينداربوون.
بهشير يوسف، بهرپرسێ راگههاندنا هاتنووچونا زاخۆ راگههاند”ل سهر رێيا دێرهبوون – گرشين، ل نێزيك كهمپا باجد كهندالا دو ترومبێلان ژ جۆرێ هيۆندا ونيسان پێكدادان ودئهنجامدا دو وهلاتيان گيانێ خوه ژدهست دا وشهش ژى برينداربوون”.
بهشير يوسف زێدهتر بۆ سهتهلايتا كوردستان گۆت” ئهو دو كهسێن گيانێ خوه ژ دهست داى كارمهندێن ئاسايشێ نه ل قهزا سێمێلێ وشهش بريندارێن دى ژى پێشمهرگهنه ونوكه رهوشا وان يا ساخلهمى يا جهگيره ول نهخوهشخانا زاخۆ چارهسهريا پێدڤى بۆ دهيته كرن”.
ئهڤرۆ نيوز:
دهستهيا ههلبژارتنێن ههرێما كوردستانێ ل كۆمسيۆنا بلند يا ههلبژارتنێن عيراقێ، ل دۆر وان دهنگدهرێن كارتێن نوو يێن دهنگدانێ بهرزه دكهن، يان ب ههر ئهگهرهكى بيت كارتا وان يا دهنگدانێ نهميينت، رۆهنكرنهكێ ددهت.
مازن عهبدوالقادر، سهرۆكێ دهستهيا ههلبژارتنێن ههرێما كوردستانێ ل كۆمسيۆنا بلند يا ههلبژارتنێن عيراقێ بۆ مالپهرێ فهرميێ پارتى ديموكراتى كوردستان، گۆت” چو چارهيهك بۆ نينه، چونكى تهنها رێ بۆ دهنگدانێ، ههبوونا كارتا دهنگدانێ يه، بريارا دووماهيێ يا كۆمسيۆنێ ئهوه بێ كارت چو كهسهكى مافێ دهنگدانێ نينه”.
برياره ل رۆژا 12/5/2018 پرۆسا ههلبژارتنێن جڤاتا نوونهرێن عيراقێ بهێنه ئهنجامدان وپارتى ديموكراتى كوردستان ب ليستا هژمار 184 دێ پشكداريێ دههلبژارتنێن عيراقێ دا كهت.
ئهڤرۆنيوز:
سهرۆكێ دهستهيا ههلبژارتنێن ههرێما كوردستانێ ل كۆمسيۆنا بلند يا ههلبژارتنێن عيراقێ،
هژمارا دهنگدهران وكورسيان وههروهسا هژمارا ليست وبهرژارێن ههرێما كوردستانێ بۆ ههلبژارتنێن جڤاتا نوونهرين عيراقێ ئاشكرا دكهت.
مازن عهبدولقادر، سهرۆكێ دهستهيا ههلبژارتنێن ههرێما كوردستانێ ل كۆمسيۆنا بلند يا ههلبژارتنێن عيراقێ، ئهڤرۆ ئێكشهمبى 15/4/2018 دكۆنگرهكێ رۆژنامهڤانى دا گۆت” سێ مليۆن و144 هزار و730 كهسان مافێ دهنگدانێ ل ههرێما كوردستانێ يێ ههى و 25 قهواره دێ پشكداريێ دههلبژارتنان دا كهن كو 19 ژوان حزبن وچار ههڤپهيمانى و2 بهربژارێن سهربخوه”.
گۆت ژى” 503 كهسان خوه بهربژاركريه كو 357 كهس ژ رهگهزێ نێرن و146 بهربژار ژى ژ رهگهزێ مێ نه”.
ئاماژه دا كو هژمارا كورسيێن ههرێما كوردستانێ ل جڤاتا نوونهرێن عيراقێ 46 كورسى نه كو ب ڤى شێوهى يێن هاتينه بهلاڤكرن:
ئهڤرۆ نیوز ، ئێقبال عومهر:
پشتى ههشت رۆژان ژ شههیدكرنا سێ برایان ل دهڤهرا دوسكى ژوریان ژلایێ فروكێن توركیا ، دهمهكێ كێم بهرى نها تهرمێن وان گهشتن نهخوشخانا شێلادزێ.
ئهو ههرسێ كهسێن كو هاتینه شههیدكرن برایێن ههڤدوونه بناڤێن ( مهجید محهمهد ، رهمهزان محهمهد و تاهر محهمهد ) و ب مهرهما گژ و گیا و سهخبێریكرنا مێشێن خوه قهستا گوندێ نێروه سیتو دهڤهرا دوسكى ژوریان كربوو.
گههشتنا تهرمێن وان ددهمهكێ دایه كو كوردستان و عیراق بهر ب ههلبژاردنێن جڤاتا نوونهرێن عیراقێ دچن و وهكو ههڤخهمى بهربژارێن ههموو لیستێن كوردستانێ ل شێلادزێ بایكوتا پروپاكندێن ههلبژاردنان بو دهما سێ روژان و پتر كریه.
ئهڤرۆنيوز:
وهزارهتا دارايى وئابوورى ل ههرێما كوردستانێ داخواز ژ ههموو دهزگههێن حوكمهتێ دكهت كو ليستا مووچێ ههيڤا شوباتا 2018 بهرههڤ بكهن وبۆ گهنجينان ڤرێكهن.
وهزارهتا دارايى ب رێيا گهنجينان، داخوازا بهرههڤكرنا ليستا مووچێ ههيڤا شوباتا 2018 ژ فهرمانگههێن حوكمهتێ كريه، ههڤدهم داخواز هاتيه كرن كو وان ليستان بۆ گهنجينان ڤرێكهن.
ژێدهرهكى ژ وهزارهتا ناڤبرى ب باسنيوز راگههاند كو چاڤهرێ دهێته كرن ل دهستپێكا ههيڤا داهاتى، دهست ب بهلاڤكرنا مووچێ ههيڤا شوباتا 2018 بهێته كرن ودچهند رۆژهكان دا دێ مووچێ ههموو فهرمانبهران هێته بهلاڤكرن.
رۆهنكر ژى” ل دهستپێكێ دێ مووچێ وهزارهتا پهروهردێ هێته بهلاڤكرن”.
ئهڤرۆنيوز:
جڤاتا بلند يا كاروبارێ خانمان يا ب سهر جڤاتا وهزيرێن ههرێما كوردستانێ ڤه، دووڤچوونێ بۆ ههموو وان ناڤزراندنان دكهت كو ددهمێ بانگهشا ههلبژارتنان دا دژى بهربژارێن ژن دهێنه كرن وهوشداريا روو ب روونا وێ دياردێ ل بهرامبهر قانوونێ دكهت.
پهخشان زهنگهنه، سهرۆكا جڤاتا بلند يا كاروبارێن خانمان، پشتى كۆمبوونهكێ دناڤبهرا جڤاتا ناڤبرى وكۆمسيۆنا بلند يا ههلبژارتنان، دكۆنگرهكێ رۆژنامهنڤيسى دا راگههاند” دههوێن بهرێ يێن بانگهشا ههلبژارتنان دا، رۆژانه ناڤزراندنا جڤاكى ورهوشتى ل بهرامبهر بهربژارێن ژن هاتيه كرن”.
پهخشان رۆهنكر” ئهم ل جڤاتا بلند يا كاروبارێن خانمان، بێ جوداهى دناڤبهرا بهربژارێن ئاليێن سياسى دا، دێ دووڤچوونێ بۆ ههموو وان دوسييان كهين كو تێدا ناڤزراندن وسڤكاتى ب بهربژارێن ژن بۆ ههلبژارتنێن جڤاتا نوونهرێن عيراقێ بهێته كرن”.
بانگهشا ههلبژارتنان ل ههرێما كوردستانێ ئهڤرۆ ئێكشهمبى 15/4/2018 دهستپێكريه وتاكو 24 دهمژمێران بهرى ئهنجامدانا ههلبژارتنان، دێ يا بهردهوام بيت,
ههلبژارتنێن جڤاتا نوونهرێن عيراقێ ل 12/5/2018 دێ هێنه ئهنجامدان.
ئهڤرۆنيوز:
سهرۆكێ دهستهيا ههلبژارتنێن ههرێما كوردستانێ ل كۆمسيۆنا بلند يا ههلبژارتنێن عيراقێ راگههاند، ههموو كارتێن نوويێن دهنگدهرين ههرێما كوردستانێ يێن گههشتين وب رێيا دههان بنگههێن كۆمسيۆنێ رۆژانه ل سهر وهلاتيان دهێنه بهلاڤكرن.
مازن عهبدولقادر، سهرۆكێ دهستهيا ههلبژارتنێن ههرێما كوردستانێ ل كۆمسيۆنا بلند يا ههلبژارتنێن عيراقێ گۆت” ههموو ئهو دهنگدهرێن پشتى ههلبژارتنێن 2014 پشكدارى دپرۆسا بايۆمهتريا كۆمسيۆنێ دا كرى، كارتێن دهنگدانێ يێن نوو يێن بۆ هاتينه چاپكرن وههموو ژى يێن گههشتينه ههرێما كوردستانێ و ب رێيا 173 بنگههێن كۆمسيۆنێ ل سهر وهلاتيان دهێنه بهلاڤكرن”.
مازنى زێدهتر گۆت” پێدڤيه ههموو دهنگدهرێن پشكدارى دبايۆمهتريێ دا كرى، سهرهدانا بنگههێن كۆمسيۆنێ بكهن بۆ وهرگرتنا كارتێن خوه يێن دهنگدانێ”.
دياركر ژى” بهراوردكرن ل گهل پارێزگههێن دى يێن عيراقێ دوهرگرتنا كارتا دهنگدانێ دا، پارێزگههێن ههرێما كوردستانێ گهلهك دباشن، دنوكه دا وهلاتى زێدهتر سهرهدانا بنگههێن كۆمسيۆنا ههلبژارتنان دكهن، چونكى ئاليێن سياسى لايهنگرێن خوه هان ددهن بۆ وهرگرتنا كارتێن خوه يێن دهنگدانێ”.
ديسا گۆت” ل دووڤ دووماهى ئامار، ل سهرانسهرى ههرێما كوردستانێ زێدهتر ژ 60% ژ دهنگدهران، كارتێن خوه يێن نوو يێن دهنگدانێ يێن وهرگرتين وههتا رۆژا 9/5/2018 پرۆسا بهلاڤكرنا كارتێن دهنگدانێ دێ يا بهردهوام بيت”.
برياره ل رۆژا 12/5/2018 پرۆسا ههلبژارتنێن جڤاتا نوونهرێن عيراقێ بهێنه ئهنجامدان وپارتى ديموكراتى كوردستان ب ليستا هژمار 184 دێ پشكداريێ دههلبژارتنێن عيراقێ دا كهت.
ئهڤرۆنيوز:
سهرۆكێ فراكسيۆنا پارتى ديموكراتى كوردستان ل پهرلهمانێ كوردستانێ، پهيامهكێ ئاراستهى پارتيان دكهت وژ هێرشهكا ئهلكترۆنى ئاگههدار دكهت.
ئومێد خوشناو، سهرۆكێ فراكسيۆنا پارتى ل پهرلهمانێ كوردستانێ دبهرپهرێ خوه يێ تايبهت دا ل سهر تۆرا جڤاكى يا فهيسبووكى پهيامهكێ ئاراستهى ئهندامێن پارتى دكهت ووان ژهێرشهكا ئهلكترۆنى ئاگههدار دكهت.
ئومێد خوشناو، دبێژيت” ل دووڤ پێزانينێن دروست، ل گهل نێزيكبوونا ههوا بانگهشا ههلبژارتنان، گرۆپهكێ نهفس نزم يێ هاككهر ژئاليێ لايهنهكێ بێ مورال ڤه يێ هاتيه بهرههڤكرن ول گهل دهستپێكا بانگهشا ههلبژارتنان، دێ دهست ب كاربن”.
ئومێدى دووپاتكر كو ئهو گرۆپه دێ كار ل سهر بهرپهرێن كادرێن پارتى ل سهر فهيسبووكى كهت وگۆت” ههما لايهنى ب دههان پهيچ وئهكاونتێن ب ناڤێ خوازراو يێن بهرههڤكرين تاكو ههوا نهشرين ودوور ژ بهايێن سياسى وديموكراسى بكهن”.
سهرۆكێ فراكسيۆنا پارتى ب پێدڤى دزانيت كو” ههڤالێن مه يێن پارتى، بزاڤهكا مهزن بكهن بۆ سهركهفتنا ليستا پارتى دههلبژارتنان دا”.
ئهڤرۆ نیوز،زنار تۆڤی:
ئەڤرۆ ئێکشەمبی 15.4.2018 ب بەرهەڤبوونا هژمارەکا زۆر یا کادر و ئەندام و پێشمەگێن دێرین یێن پارتی دیموکراتی کوردستان ئاههنگا دانهنياسينا بهربژارێن پارتى ديموكراتى كوردستان ل پارێزگهها دهۆكێ ل هۆلا كونفرانسان ل زانكۆيا دهۆكێ هاتە گێران،ل دەستپێکا ئاهەنگێ دا بەربژارێن پارتی خوە دانە نیاسین و چەندەک بەحسێ کار و پرۆژێن خوە کرن و هەموو یان جەخت ل هندێ کر،کو ئەو دێ ب رژدی بەرگریێ ژ هەموو مافێن مللەتێ کوردستانێ کەن ل بەغدا.
ل دووڤدا سەربەست تروانشی بەرپرسێ لقا ئێک یێ پارتی دیمۆکراتی بەحسێ گرنگیا ڤان هەلبژارتنان کر و تێدا دیارکر کو هەردەم پارتی دیموکراتی کوردستان خوە ل گەلێ کوردستانێ کریه خودان و هەموو گاڤان بەرگری ژ مافێن گەلێ کوردستانێ کریە ل بەغدا،هەروەسا ب تنێ پارتی خوە ل ئێش و ئازارێن خەلکێ کوردستانێ کریە خودان و پارتی خوە ب خودانا دوزا کوردستانێ ددەتە زانین.
لدووڤدا سترانبێژ سەعید گاباری ب چەندین سترانان ئاهەنگ ب رەوشتر لێ کر و چەندین سترانێن شورەشگێری بۆ بەرهەڤبوویان گوتن.
هەژی گوتنێ یە کو لیستا پارتی دیمۆکراتی کوردستان بۆ هەلبژارتنێن پەرلەمانێ عێراقێ هژمار 184 و پارتی 22 بەربژار ل سەرانسەری پارێزگەها دهۆکێ هەنە.
نيشاندان