ئهڤرۆ نيوز:
ئهنجوومهنێ وهزیرێن عیراقێ، رۆژا 22/12/2018 وهكو رۆژا ههلبژارتنێن جڤاتێن پارێزگههێن عیراقێ دیاركر.
رۆژا ههلبژارتنێن جڤاتێن پارێزگههێن عیراقێ هاتنه دیاركرن
نووترين نووچه
- سەرۆكێ هەرێما كوردستانێ و سەرۆكێ ئیتالیایێ پرسێن گرنگ یێن دەڤەرێ و بهێزكرنا پەیوەندییان گەنگەشەكرن
- ئەڤ سەرەدانە بۆ پاراستنا قەوارەیێ هەرێما كوردستانێ یە
- پەرلەمان نە یێ حزبانە بەلكو یێ دەنگێ خەلكی یە و كاراكرنا وی ئەركەكێ نشتیمانی یە
- دخوازین پارتی و یەكێتی پتر ل ئێكدو نێزیك ببن
- كاراكرنا پەرلەمانی پێدڤییەكا نشتیمانی یە
- ئێكگرتنا هێزێن پێشمەرگەی د قۆناغێن دووماهیێ دایە و هەتا 25ـێ ئیلۆنێ دێ بیتە ئێك هێزا نشتیمانی
- سەرۆك بارزانی و پارێزگەرێ نەجەف دوپاتیێ ل سەر بەرفرەهكرنا پەیوەندییان د بوارێن ئاڤەدانی و ژینگەهێ دا دكەن
- پێكڤەژیان ناسنامەیا رەسەن یا هەرێما كوردستانێ یە
- مەسرور بارزانی و سەلاحەدین بەهائەدین دوپاتیێ ل گرنگییا كاراكرنا پەرلەمانێ كوردستانێ دكەن
- سەرۆكێ حوكمەتا هەرێمێ: دەرگەهێ مە بۆ هەڤكاری و هەماهەنگییا ل گەل هەموو پارێزگەهێن ئیراقێ ڤەكرییە
سهرهكى نوچێن گرنگ
مهسرور بارزانی:مهرهمهك بۆ بچووكرنا دهستههلات وسنورێ ههرێما كوردستانێ ههبوو
ئهڤرۆنيوز:
شيرهتكارێ جڤاتا ئاسايشا ههرێما كوردستانێ، مهسرور بارزانى،راگههاند، ئهمريكى بهردهوام دووپاتيێ ل سهر گرنگيا پهيوهنديان وبهردهواميا وان ل گهل ههرێما كوردستانێ دكهن وههردهمێ گرفت بكهڤيته وان پهيوهنديان، دبهرههڤن بۆ چارهسهركرنێ، دياركر ژى ئهمريكا دوي باوهريێ دايه، ههرێما كوردستانێ پێگهههكێ گرنگ ل رۆژههلاتا ناڤهراست يا ههى ودێ گرنگيێ ژى پێ دهن.
دداخۆيانيهكا رۆژنامهڤانى دا،مهسرور بارزانى شيرهتكارێ جڤاتا ئاسايشا ههرێما كوردستانێ، ل دۆر سهرهدانا خوه بۆ ئهمريكا گۆت” مهرهما مه ژ وێ سهرهدانێ، دانوستاندن بوو ل دۆر چهند پرسێن گرنگ وهكو پهيوهنديێن ههرێما كوردستانێ وئهمريكا وئهو رهوشا نوكه ل عيراقێ ههى، زێدهبارى بهحسێ پهيوهنديێن ههولێرێ وبهغدا”.
زێدهتر گۆت” ههتا نوكه مه چهندين ديدار وكۆمبوون ل دۆر وان پرسان ل گهل بهرپرسێن كوچكا سپى وئهمريكا ب گشتى ئهنجامداينه، ژوان ژى روونشتنهكا تايبهت ل گهل هێربرت ماك ماستهر شيرهتكارێ ئاسايشا نهتهوى يا ئهمريكى ههبوو، ههروهسا مه چهندين ديدار ل وهزارهتا دهرڤه يا ئهمريكى ئهنجامدان ول پاشهرۆژێ ژى دێ مه چهندين ديدار ل گهل سيناتۆر وئهندامێن كونگرسێ ئهمريكى ههبن”.
شيرهتكارێ جڤاتا ئاسايشا ههرێمێ ل دۆر ناڤهرۆكا ديدار وكۆمبوونين خوه ل گهل بهرپرسێن ئهمريكى، گۆت” زێدهتر مه بهحسێ رهوشا گشتى يا ههرێما كوردستانێ كريه، پهيوهنديێن دناڤبهرا مه وبهغدا تهوهرهكێ سهرهكى يێ وان دانوستاندنان بوو، مه بهحسێ وێ چهندێ كر كو ئهوا ل سهر ملێ ههرێما كوردستانێ مه يێ بجهئيناى، ب تايبهت بجهئينانا دستوورێ عيراقێ ژ مادێ ئێكێ ههتا دووماهى برگه، ب ديتنا مه ئهوبوو كو ئێدى پێدڤي حوكمهتا بهغدا ئهركێ خوه بجهبينيت، ب تايبهتى دهنارتنا مووچێ خهلكێ كوردستانێ وڤهكرنا فرۆكخانێن ههرێمێ”.
ل دۆر ههوليستێ بهرپرسێن ئهمريكى د وان ديدار وكۆمبوونان دا، مهسرور بارزانى گۆت” ئهمريكى بهردهوام بهحسێ وێ چهندێ دكهن كو پهيوهنديێن وان ل گهل ههرێما كوردستانێ گرنگيا خوه يا تايبهت يا ههى ودێ دبهردهوام بن ل سهر ب هێزكرنا وان پهيوهنديان، ههتا نوكه ههكه ل هندهك جهان گرفت دوان پهيوهنديان دا دروست ببيت، دبهرههڤن بۆ چارهسهريا وان گرفتان وئهو دوێ باوهريێ دانه كو ههرێما كوردستانێ پشكهكا گهلهك گرنگه ل رۆژههلاتا ناڤهراست وئهمريكا ژى گرنگيێ ب وى پێگههێ گرنگ ددهت”.
ل دۆر داعشێ، مهسرور بارزانى گۆت” داعشێ ژ روويێ لهشكرى ڤه شكهستن يا ئيناى وئهو جهێن داگيركرين هاتينه رزگاركرن، بهلێ ئهڤه رامانا وێ چهندێ نينه كو داعش ب تمامى هاتبيته شكاندن، چونكى ل چهندين جهان سهرێ خوه يێ هلداى وههتا نوكه چهندين هێرش ل سنورێ كهركووكێ ل سهر هێزێن ئهمنى يێن ئهنجامداين” دووپات كر ژى” بۆ وێ چهندێ كو داعش وههڤشێوێن وێ نهمينن، پێدڤيه ئهو فاكتهرێن دبنه هوكارێ سهرهلدانا وان گرۆپێن تيرۆرستى، بهێنه چارهسهركرن، بهلێ ههتا نوكو عيراقێ پێنگاڤ بۆ چارهسهركرنێ نههاڤێتينه”.
سهبارهت پرۆسا ريفراندۆما سهربخوهيا كوردستانێ، مهسرور بارزانى دياركر” ريفراندۆم دهربرينا ههستێ نهتهوهكى يه بۆ وێ چهندێ بژاردهيا ژيانا خوه ل پاشهرۆژێ ديار بكهت، كو دخوازيت چاوان بژيت، ئهڤه رامانا وێ چهندێ نينه كو ئهم واقعى نينين، يان ژى نهشێن لێكدانێن نوكه يێن جيهانێ بخوينين، ئهم دوێ باوهريێ دابووين كو ريفراندۆم دێ رێگريێ ل وێ هێرشا نهرهوا كهت ئهوا ل سهر ههرێما كوردستانێ هاتيه كرن، مه پێدڤى ب گرهنتيا نێڤدهولهتى ههبوو، بۆ وێ چهندێ رێگريێ ل خوينرشتنێ ووان كارهساتان بكهين، كو ب دههان ساله تووشى نهتهوێ كورد بووين، بهلێ مخاين ب روويهكى دى شرۆڤه بۆ هاته كرن، ئهم يێ دوێ باوهريێ دا ئهو شرۆڤهكرنه يا مهبهستدار بوو، چونكى بهردهوام مهرهمهم بۆ بچووكرنا دهستههلات وسنورێ ههرێما كوردستانێ ههبوو، بۆ وێ مهرهمێ ژى مه ريفراندۆم وهكو بيانۆ بكارئينا، ههكه نه دهرهنجامێن ريفراندۆمێ ب چو شێوهكى دوى ئاستى دا نهبوون كو هيرشهكا نهرهوا ژ وى جۆرى ل سهر ههرێما كوردستانێ بهێته كرن “.
بهغدا دێ هووربينيهكا دى يا درێژ خايهن ئهنجام دهت
ئهڤرۆنيوز:
وهزيرێ ساخلهميێ ل ههرێما كوردستانێ راگههاند” دو لژنێن هوربينيێ ژ بهغدا يێن هاتينه ههرێمێ ولژنهكێ ئهركێ خوه يێ ب دووماهى ئيناى وهووربينيا دويێ ژى دێ پرۆسهكا درێژ خايهن بيت.
رێكهوت حهمه رهشيد، وهزيرێ ساخلهميێ ل ههرێما كوردستانێ دكونفرانسهكێ رۆژنامهڤانى دا ئهڤرۆ سێشهمبى 27/2/2018، ل ههولێرێ گۆت” لژنێن بهغدا دو جۆرێن هووربينيێ دكهن، هووربينيا ئهلكترۆنى كو ل سهر بنهمايێ سيستهمێ بايۆمهتريێ ههرێمێ كار ل سهر كرى ول دووڤ ئاخڤتنا نوونهرێ مه دوێ لژنێ دا، ئهو كاره يێ ب دووماهى هاتى”.
گۆت ژى” هووربينيا دويێ، هووربينيا دهستى يه كو ل سهر دوسێيا كهسى دهيته كرن وئهڤه پرۆسهكا درێژخايهنه ووهسا زوو ب دووماهى ناهێت”.
دياركر” راپۆرتا لژنێن هووربينيێ يێن هاتينه بلندكرن بۆ سهرۆكاتيا حوكمهتا عيراقێ، چاڤهرێى سهرۆك وهزيرێن عيراقێ نه بۆ برياردانێ ل سهر وهنارتنا مووچێ فهرمانبهران”.
تۆرهكا دزيكهران هاته دهستهسهركرن
ئهڤرۆنيوز، عهزيز ههورامى:
پۆليسێن قهزا وناحيێن سلێمانيێ تۆرهكا دزيكهران كو ژ چار كهسان پێكدهيت ل قهزا شارهزور دهستهسهركرن ونوكه دبن ڤهكۆلينێ دانه.
رائيد( ئيقبال محهمهد) پهيڤدارێ پۆليسێن قهزا وناحيێن سلێمانيێ بۆ ئهڤرۆنيوز گۆت” هێزێن پۆليسێن قهزا وناحيێن سلێمانيێ ل قهزا شارهزور شيان تۆرهكا دويكهران دهستهسهربكهن كو چهندين تاوانێن دزيێ ئهنجامدابوون وئهو تۆره ژ ههردو رهگهزان پێكدهێت”.
گۆت ژى” ئهو چار كهسێن هاتينه دهستهسهركرن ئاكنجيێن ناحيا تانجهرۆنه سهر ب قهزا شارهزورن كو دو زهلام ودو ژنن”.
دياركر” وان تاوانباران دانپێدان ب تاوانێن خوه كريه ول دووڤ مادێ 446 ژ سزايێن عيراقى هاتينه زيندانكرن”.
بهغدا سزايهكا دى ل سهر ههرێما كوردستانێ سهپاند
ئهڤرۆنيوز:
بهرپرسهكێ حكومى ل ههرێما كوردستانێ ئاشكرا دكهت ب بريارهكا حوكمهتا عرياقێ، ئالوگوركرنا پۆسته وگههاندنا ههرێمێ بۆ جيهانێ هاته راگرتن.
تهها زرارى رێڤهبهرێ پۆسته وگههاندنێ ل پارێزگهها ههولێرێ راگههاند” حوكمهتا عيراقێ ب بريارهكێ كارێن پۆسته وگههاندنێ ل ههرسێ پاريزگههێن ههرێما كوردستانێ ب روويێ جيهانێ ڤه راگرت وههتا نوكه ژى چ ژڤانهك بۆ دهستپێكرنا كارێن پۆستێ يێ ديار نينه”.
دياركر ژى” تاكو مهرجێ بهغدا بۆ دهستپێكرنا ئالوگوركرنا پۆستهى تنێ ئهوه كو ههرێما كوردستانێ ب پۆلێن عيراقى كهلوپهلان رهوانهى دهرڤه بكهت، بهلێ ب چو شێوهكى ئهم ڤێ چهندێ قهبوول ناكهين”.
گۆت ژى” حوكمهتا عيراقێ دهزگههێ پۆستێ جيهانى يێ ئاگههداركرى كو مامهلهكرنێ ل گهل سهنتهرێ ئالوگوركرنا نێڤدهولهتى ل ههرێما كوردستانى رابگريت ، ددهمهكى دا ل سالا 2007 ل دووڤ رێككهفتنهكێ دناڤبهرا ههولێرێ وبهغدا ئهو سهنتهره هاتبوو دامهزراندن كو ب پۆلێ كوردستانى كهلوپهل وپۆستێن مه دگههشتنه ههموو جيهانێ”.
ل دۆر داهاتێ سالانه يێ پۆسته وگههاندنا ههرێما كوردستانێ، وى بهرپرسى دياركر كو بهرى قهيرانا دارايى وشهرێ داعشێ سالانه ب كوژمێ زێدهتر ژ دو مليار ديناران داهاتێ ئالوگوركرنا پۆستهى ههبوو، پشتى سهرهلدانا قهيرانان ژى ئهو داهاته ب ئاستهكێ كێم هاته خوار”.
سهرۆكێ پهرلهمانێ عێراقێ دێ ل گهل لیژنا دارایى كۆم بیت
ئەڤرۆ نیوز ، زنار تۆڤی :
ئهڤرۆ سهرۆكێ پهرلهمانێ عێراقێ دێ ل گەل لیژنا دارایى یا پهرلهمانی كۆم بیت، بۆ هندێ کو بۆ روونشتنا سوبەهی بێخیته كارناما پهرلهمانی.
بریاره ئهڤرۆ سێشهمبی سهلیم جبوورى سهرۆكێ پهرلهمانێ عێراقێ ل گهل لیژنا دارایى یا پهرلهمان كۆم ببیت، بۆ هندێ کو دوماهی پێداچوون بۆ زێدەكرن و كێمكرنا برگێن پڕۆژه قانوونا بودجهی دا بهێتە کرن.
هەروەسا ئارمانج ژ ڤێ كۆمبوونا سهرۆكێ پهرلهمانی ل گهل لیژنا دارایى ئهوه،کو دوماهیپێداچوون بهێته کرن، بۆ هندێ کو د روونشتنا سوبەهی یا چارشهمبێ بێخیتە كارناما پهرلهمانی.
ههر چهنده فراكسیۆنێن كوردستانی هەتا نوکە پێداگری ل سهر ههلویستێ خوە دكهن و بایكۆتا هەموو روونشتنێن پەرلەمانی کرینە یێن کو گوتۆبێژێ ل سەر پرۆژە قانوونا بودجێ سالا 2018 دكەت،ل گهل هندێ ژی ئهشواق جاف راگههاندیه،سوبەهی چارشهمبی فراكسیۆنێن كوردستانی دێ دانیشتنێ كهن، بۆ هندێ دوماهی هەلویستێ خوە دەربارهى بودجهی دهرببرن.
لژنا هووربينيا بهغدا ڤهكۆلينێ دمووچێ ڤان فهرمانبهران دا دكهت
ئهڤرۆنيوز:
لژنا هووربينيا حوكمهتا عيراقێ بۆ مووچێ فهرمانبهرێن ههرێما كوردستان ل گهلهك فهرمانگه ووهزارهتان ڤهكۆلينا هوور ل وان فهرمانبهران دكهن كو پێشتر ملاكێ رێكخراوان بوون ونوكه دناڤ فهرمانگههێن حكومى دانه.
نێزيكى شهش هزار فهرمانبهر ل سهر ميلاكێ فهرمانگهها رێكخراوان بوون، ب بريارا رێباز حهملان وهزيرێ دارايى ل سالا 2015 ل سهر وهزارهتان هاتن بهلاڤكرن، ل دووڤ رۆژناما باس، ئهو كهسێن پێشتر كارێ حزبى كرى، بهلێ پاشى خستنه سهر ميلاكێ حوكمهتێ وناڤونيشانێن مهزن ب گهلهك ژوان كهسان هاتينه دان، لهوما لژنا بهغدا ڤهكۆلينهكا هوور ل سهر وان كهسان دكهت.
ل هندهك فهرمانگههان، راستهوخوه پشتى دهست بكاربوون لژنان، داخوازا دوسێ وسهرهتايێن وان فهرمانبهران هاتيه كرن وپرسيار ل دۆر وان كريه كا ئهو ب سهر چ حزبهكێ بوون، نێزيكى چار هزار كهس ل رێڤهبهريا كاروبارێن رێكخراوان ل سلێمانيێ مووچه وهردگرت وپترياوان كادرێن ئێكهتيێ وگۆران بوون، ل ههولێرێ ژى نێزيكى دو هزار كادر، ل دهزگههێن راگههاندنێ وريكخراوێن ب سهر حزبان ڤه دهوام دكر، ب پلێن حوكمى مووچه ژوان رێڤهبهريان وهردگرت.
سيروان رهسول، ژمێريارى ئێك ژوان فهرمانگههان بۆ باس گۆت” لژنا هووربينيا بهغدا دهمێ سهرهدانا مه كرى، گهلهك پرسيار ل سهر فهرمانبهرێن رێكخراوان ههبوو، ئێك ژوان خالێن ل سهر دراوهستن، پله ومهرتهبه بوو ل گهل باوهرنامێ، ئێكى باوهرناما سهرهتايى يا ههى نابيت ژ پلا پێنج زێدهتر ب سهر بكهڤيت، بهلێ پشكهك ژ فهرمانبهران تاكو پله 2 يان پله ئێك يێن چووين، ب تايبهتى ئهو فهرمانبهرێن كو پێشتر ل رێكخراوان بوون”.
دووپات كر ژى” پشكهكا فهرمانبهرێن رێكخراوان سهرهراى نهبوونا باوهرنامێ يان نزميا ئاستێ باوهرنامێن وان، بهلێ ب ناڤونيشانێ رێڤهبهر يان هاريكارێ رێڤهبهرێ يێن خستينه سهر فهرمانگههان”.
ل دووڤ نڤيسارهكێ، وهزارهتا دارايى وئابوورى ل ههرێما كوردستانێ ل رۆژا 31/3/2015، بريارا ههلوهشاندنا رێڤهبهريا كاروبارێن رێكخراوان دهركر وههموو مووچهخۆرێن وێ بۆ سهر ميلاكێن دامودهزگههێن حوكمهتێ هاتنه ڤهگۆهاستن.
نهوزاد ئهدههم، رێڤهبهرێ گشته يه ل وهزارهتا بازرگانى وئاگههدارى ل سهر كاروبارێن لژنێن هووربينيا بهغدا يا ههى، دبێژيت”لژنا هووربينا بهغدا گهلهك دووپاتيێ ل سالێن خزمهتێ وباوهرنامێ دكهت، ئهو فهرمانبهرێن ناڤونيشان وخزمهتا وان ژێك دووره، ب تايبهت هندهك فهرمانبهرێن بهرێ يێن فهرمانگهها رێكخراوان، لژنا هووربينيا بهغدا گهلهك دووپاتيێ ل سهر دوسيێن وان دكهت”.
گۆت ژى” پلهيا هندهك كهسان شارهزا وراوێژكاره، بهلێ باوهرنامێن وان سهرهتايى نه، ئهڤه ژى ل گهل رێنمايان ناگونجيت”.
سالح موسلم هاتە ئازاد كرن
ئەڤرۆ نیوز ، زنار تۆڤی :
سهرهرای هندێ کو توركیا داخوازا وی دكر،لێ ئهڤرۆ دادگەها وەلاتێ چیك بریارا ئازادكرنا سالح موسلمی سهرۆكێ بەرێ یێ پهیهدێ دهركر.
لدووڤ نووچەیەکێ سكاى نیوز،بەری دەمەکێ بریارا ئازادکرنا سالح موسلمی ژلایێ دادگەها چیك ڤە دهرچوو،پشتی کو دوو رۆژان ژلایێ دهستهەلاتدارێن وی وەلاتی ڤە هاتیە گرتن.
ل رۆژا ئێكشهمبیا بوری سالح موسلم هەڤسهرۆكێ بەرێ یێ پهیهدێ ژ لایێ دهستهەلاتدارێن پراگ ڤە هاتە گرتن، ئاژانسا ئانادۆل ئاشکراکربوو،کو ههر ل گهل گرتنا سالح موسلمی ژلایێ چیك ڤه، توركیا داخواز ژ دادگەها چیك كر،کو وی رادەستی تورکیا بكەن،وان كهیس بۆ موسلمی ئاماده دكر،بەلێ ئهڤرۆ سێشهمبی بهرۆڤاژی پێشبینیێن توركیا سالح موسلم هاتە ئازاد كرن.
سالح موسلم ل سالا 1951 ل باژێرێ كۆبانێ یێ رۆژئاڤایێ كوردستانێ ژ دایك بوویه، ل 1970 هەتا 1977 ل ئیستهنبولێ ژیایە و د وارێ ئهندازیاری دا خواندیە.
ههلبژارتنێن داهاتی دێ بالانسێ هێزێ ل كوردستانێ گوهۆڕیت
ئهڤرۆ نيوز:
مامۆستایهكێ زانكۆیێ ئاماژه بڤێ چهندێ دكهت، ل ههلبژارتنێن داهاتی دێ بالانسێ هێزێ لههرێما كوردستانێ هێته گۆهڕین و هێزێن نوو دێ پهیداببن بهلێ دێ پارتی ههر هێزا ئێكێ بیت لكوردستانێ ههروهسا دیاركر، پشتی ههلبژارتنان دێ رهوشا ههرێما كوردستانێ بهرهف باشتر چیت و ناكۆكیێن سیاسی نامینن وهكی نوكه ههی.
دكتۆر سهباح بهرزنجی، مامۆستا ل زانكۆیا گهشهپێدانا مرۆڤی بۆ رۆژناما ئهڤرۆ گۆت” ل ههلبژارتنێن داهاتی دێ گۆهڕین كهڤیته بالانسێ لایهنێن سیاسی لههرێما كوردستانێ ئهوژی ب ئهگهرێ پهیدابوونا لیستێن نوو د ههلبژارتنێن داهاتی یێن ههرێما كوردستانێ، بهلێ دێ پارتی دیموكراتی كوردستان ههر هێزا ئێكێ بمینه و لهوانهیه هندهك دهنگێن وێژی كێم ببن، لێ پارتی ژبهركو بڕیارا پارتی ئێك پارچهیه و ههلویستێ وان یێ سیاسی یێ خویایه، لهوڕا پارتی دێ ههر هێزا ئێكێ بمینیت لكوردستانێ، دگهل ڤێ چهندێ ژی ههبوونا حزبێن نوو دێ كاریگهری لسهر دهنگێن لایهنێن دی ههبیت، ئهف هێزێن نوو دێ رهوشێ گۆهڕن دناڤبهرا لایهنێن سیاسی.
بڕیاره ئهڤساله ههلبژارتنێن ههرێما كوردستانێ بهێنه رێڤهبرن و هێشتا لایهنێن سیاسی لدۆر دیاركرنا ژڤانێ ئهڤان ههلبژارتنان نهگههشتینه چو ئهنجام و رێكهفتنان، بهلێ گورهی تهمهنێ پهرلهمانێ كوردستانێ دڤێت ههتا ههیڤا ئیلوونا داهاتی ههلبژارتن بهێنه ئهنجامدان بهرۆڤاژی حوكمهت و پهرلهمانی چو شهرعیهتێن قانوونی و دستووری نامینن.
دكتۆر سهباح بهرزنجی گۆتژی” ئهز پێشبینی دكهم لایهنێن سیاسیێن ههرێما كوردستانێ د قۆناغا داهاتی پێداچوونێ د سیاسهتا خوهدا بكهن و ئاشتی دێ كهڤیته ناڤبهرا لایهنێن سیاسی، بهلێ ههردهمێ ههر لایهنهكێ سیاسی لسهر ههلویستێ خوه یێ رژدبیت بێگومان دێ رهوشا ههرێما كوردستانێ وهكی خوه بمینیت و بگره ئالۆزترژی ببیت، بهلێ ههموو پێشبینی بۆڤێ ئێكێ دهێنهكرن پشتی ههلبژارتنێن ههرێما كوردستانێ و پێكئینانا كابینا نوویا حوكمهتێ رهوشا ههرێما كوردستانێ بهرهف باشتربچیت، چونكه ههرێما كوردستانێ یا كهفتیه بن گۆهڕینێن دهڤهرێ و نهشێت دهركهڤیت ل ئهڤان گۆهڕینێن تێنهكرن و روویدانێن ل دهڤهرێ چێدبیت، دهڤهرا مه ژ چوار پێكهاتهیێن سهرهكیه كو ئێك ژوانا كورده، ههتا بێی كوردان چو گۆهڕین ناهێنهكرن.
عهبادی دێ باجا شاشیێن خوه ل گهل كوردان دهت
ئهڤرۆ نيوز:
سهرۆكێ سهنتهرێ هودا بۆ ڤهكۆلینێن سیاسی ئاماژه بوێ چهندێ دكهت، كو پێشبینی دهێتهكرن رهوشا عێراقێ بهر ب پهقینهكێ ڤه بچیت، سهرۆك وهزیرێن عێراقێ ژی دێ باجا شاشیێن خوه دهتن، ههروهسا دیاركر ل ههیڤێن داهاتی دێ گوهۆڕینێن مهزن ل عێراقێ پهیدابن.
دكتۆر محهمهد بازیانی، سهرۆكێ سهنتهرێ هۆدا بۆ پرسێن سیاسی بۆ رۆژناما ئهڤرۆ گۆت: گورهی زانیاریێن بهردهستێ مه ل سهنتهرێ هۆدا داعش ل سنورێ كهركووكێ دهست ب چالاكیانكریه و بتایبهتی ل سنورێ قهزا حهویجه داعش لڤینێن گهلهك ههنه، ههكهحهیدهر عهبادی سهرۆك وهزیرێن عێراقێ پێداچوونێ ب سیاسهتا خوهدا نهكهت، ئهڤه دوور نابینم عێراق بهرب رهوشا ئالۆزبچیت، چونكی رهفتارێن عهبادی ل گهل كورد و عهرهبێن سونه دێ كاریگهریێن خراپ لسهر رهوشا عێراقێ ههبن، ژبهر كو سهرۆك وهزیرێن عێراقێ یێ دهمی دكوژیت و ناخوازیت ل گهل ههرێما كوردستانێ رێككهڤیت، ههتا ئهز پێشبینی دكهم گروپا تیرۆرستیا داعش دووباره زیندی ببیت وهك بهرێ و گروپێن دیژی یێن توندڕهو پهیداببن ل عێراقێ، بڤی دهست و داری بیت ئهڤه دێ رهوش گههیته ئاستهكی كورد داخوازا جودابوونێ ژ عێراقێ بكهت، و دووباره كار ب ئهنجامێن ریفڕاندۆمێ بهێتهكرن.
دكتۆر محهمهد بازیانی ههروهسا گۆت: حهیدهر عهبادی سهرۆك وهزیرێن عێراقێ بتنێ ل گهل ههرێما كوردستانێ یێ ڕاست نینه، بهلكۆ ل گهل عهرهبێن سونه و شیعه ژی ههمان شێوه ئاریشه ههنه ههر ئهڤه ژی ئهگهرن رۆژ بۆ رۆژێ ههڤپهیمانیا عهبادی بهرب لاوازیێ بچیت و هێزێن نێزیكی سهرۆك وهزیرێن عێراقێ جوداببن، چونكی سهرۆك وهزیرێ نوكهیێ عێراقێ پتر وهك مهغروورهك یێ رهفتارێ دكهت، و ههڤشێوهیێ رژێما سهدام حوسێن و ل هندهك پرساندا پتری رژێما بهعس یێ پێشێلكاریان دكهت، ئهڤه ژی دبیته ئهگهرێ هندێ سهرێ عهبادی بخۆت و ئهز یێ پشتڕاستم حهیدهر عهبادی دێ باجا شاشیێن خوه دهت، چاوا د دهمێ 16ی ئۆكتۆبهرێ دا ئهمریكا پشت ل ههرێما كوردستانێ كر، ب ههمان شێوه دێ پشت ل عهبادی ژی كهت بهلێ ب رۆژا خوه، لهوڕا ئهڤا نوكه بسهرێ عێراقێ و عێراقیان دهێت ئهمریكا و عهبادی لێ بهرپرسن، ژبهر كو وانا كارهكێ وهسا كر عێراق بگههیته ئهڤێ رهوشێ و لایهنێن سیاسی نهگههنه رێككهفتنێ.
نيشاندان
WP Facebook Auto Publish Powered By : XYZScripts.com