ئهڤرۆ نيوز:
وهزارهتا ئهوقاف و كاروبارێن ئاينى ناڤێ وان وهلاتيان ئاشكرا كر كو ب تيروپشك ناڤێن وان بۆ چوونا حهجێ ل سالا 2018 دهرچووى.
ناڤێ وهلاتيێن دێ 2018 سهفهرا حهجێ كهن هاته ئاشكرا كرن
نووترين نووچه
- سەرۆك بارزانی، نێچیرڤان بارزانی و مەسرور بارزانی ب هەلكەفتا سەرێ سالا نوو یا مشەختی پیرۆزباهیێ ل موسلمانان دكەن
- چارەسەركرنا ئارێشەیێن ئیراقێ دڤێت ل سەر بنەمایێ دەستووری، ب لهەڤهاتنێ و پەند وەرگرتن ژ شاشیێن بۆری بیت
- ئاشتی و ئاسایشا دەڤەرێ ئەركێ مە یێ هەڤپشكە
- نێچیرڤان بارزانی و مەزلووم عەبدی رەوشا كوردان ل سووریێ گەنگەشە دكەن
- سەرۆكێ هەرێمێ و هنارتیێ ترەمپی: دێ پەیوەندیێن خۆ بۆ هەڤپشكییا ئابۆری یا درێژخایەن گوهۆڕین
- مەسرور بارزانی و تۆم باراک: پێدڤییە قەیرانا سیاسی یا هەرێما كوردستانێ ب زووترین دەم بهێتە چارەسەركرن
- سەرۆكێ حوكمەتا هەرێمێ: پەرلەمان مولكێ هەمی خەلكێ كوردستانێ یە و دڤێت بهێتە كاراكرن
- د ناڤ جەماوەری دا بن و خزمەتا خەلكی بكەن
- سەرۆك بارزانی و محەمەد حاجی مەحموود رەوشا كوردستانێ و ئیراقێ گەنگەشە دكەن
- سەرۆك بارزانی سەرەخوەشیێ ل سەرۆكێ بەرەیێ توركمانی ل ئیراقێ دكەت
سهرهكى نوچێن گرنگ
شهپۆلهكا دى يا باران بارينێ دێ ب سهر ههرێمێ دا هێت
ئهڤرۆ نيوز:
رێڤهبهريا گشتى يا سهقاناسى و بيڤهلهرزێ ل ههرێما كوردستانێ راگههاند كو سوبههى رۆژا دوشهمبى ههرێما كوردستانێ دێ كهڤيته بهر شهپۆلهكا دى يا باران بارينێ.
پشكا پێشبينيان ل رێڤهبهريا گشتى يا سهقاناسى و بيڤهلهرزێ ل ههرێما كوردستانێ راگههاند كو سوبههى رۆژا دوشهمبى رێكهفتى 26ى شوباتا 2018ێ ههرێما كوردستانێ دێ كهڤيته بهر شهپۆلهكا دى يا باران بارينێ كو ژ ئهنجامێ فشارێن نزمێن وهلاتێ توركيا و دهريا ناڤهراسته و كارتێكرنا وێ دێ ل سهر ههموو دهڤهرێن ههرێما كوردستانێ ههبيت.
دهربارهى باران بارينێ ژى د ناڤ ڤێ شهپۆلێ دا دياركريه كو ل ههلهبچه و سلێمانيێ دێ ب پله ئێك پترترين رێژا بارانێ باريت كو ل هندهك دهمان دێ بيته ئهگهرێ بلندبوونا ئاستێ ئاڤێ و ل دهڤهرێن چيايى يێن ڤان پارێزگههان ژى دێ ب ههمان رهنگ بيت.
دهبارههيى سهنتهرێ پارێزگهها ههولێر و دهڤهرێن وێ يێن چيايى ژى پێشبينى دهێته كرن كو ئاستێ ئاڤێ بلند ببيت ژ ئهگهرێ باران بارينا زێده. ل ههولێر ل گهل باران بارينێ دێ هندهك بريسى ژى دروست بن و پلێن گهرمێ ژى ههتا رادهكى دێ هێنه خوار.
دايه زانين ژى كو ل پارێزگههێن كهركووك و سلێمانيێ لهزاتيا باى دێ زێده بيت و ل هندهك دهمان دێ ژ25 پلان زێدهتر لێ هێن ب تايبهت ل دهمێن باران بارينێ.
ئومێد مايى، رێڤهبهرێ سهقاناسى و بيڤهلهرزێ ل ههرێما كوردستانێ د داخۆيانيهكێ دا بۆ ئهڤرۆ نيوز ئاشكهرا كر كو ئهڤ پێلا باران بارينێ دێ پارێزگهها دهۆك ژى ڤهگريت و گۆت: “بهلێ ب وێ رێژێ نابيت يا كو دێ ل رۆژههلاتێ ههرێمێ باريت”.
ب گۆرهى راپۆرتا پشكا پێشبينيان ل رێڤهبهريا گشتى يا سهقاناسى و بيڤهلهرزێ ل ههرێما كوردستانێ كارتێكرنا ڤان پێلێن باران بارينێ ههتا رۆژا چارشهمبى دێ يا بهردهوام بيت.
ههلویستێ روسیا ل دۆر ئۆپهراسیۆنا عهفرینێ دهێته گوهۆڕین
نوش نيوز:
روسیا داخواز ژ توركیا و رێڤهبهریا عهفرینێ كر كو شهری راوهستینن و پرسگرێكێن خوه ب دیالۆگێ چاره بكهن و دڤێت ئهمریكا و ههموو هێزێن بیانی ژ سووریێ دهركهڤن و بێی رازیبوونا حوكمهتا سووریێ ئۆپهراسیۆنێن سهربازی ئهنجام نهدهن.
سیرگێی لاڤرۆڤ د پرێس كۆنفرانسهكی دا راگههاند كو ئهو پشتهڤانیێ ل ههمو ههولێن بۆ چارهكرنا قهیرانا سووریێ ب دیالۆگێ دكهن و گۆت: (ئهم ل گهل ڤێ یهكێ نه ئاگربهستهكا دهمدرێژ ل سووریێ بهێته راگههاندن لێ بهریا وێ پرسگرێكا مهزن ئهڤرۆ ههبوونا هێزێن بیانی نه ل سووریێ و دڤێت ههموو هێزێن بیانی بێی مهرج ژ ئاخا سووریێ دهركهڤن، ههكه پێنگاڤهكا وهسا بهێته هاڤێتن دێ گهلهك ب رحهتی قهیرانا سووریێ بهر ب چارهسهریێ ڤه بچیت).
ل دۆر هێرشا توركیا و كۆمێن چهكدارێن سهر ب وێ ڤه بۆ سهر كانتۆنا عهفرینێ ژی وهزیرێ دهرڤه یێ روسیا راگههاند كو ب شهره رهوشا سووریێ زێدهتر ئالۆز دبیت و ئۆپهراسیۆنا توركیا خزمهتا چارهسهریێ ناكهت و دڤێت د زووترین دهم دا ب داوی بهێت و گۆت: (ئهم وهك روسیا داخواز ژ حوكمهتا توركیا و كوردێن سووریێ دكهین كو ل سهر مێزا دانوستاندنێ پرسگرێكێن د ناڤبهرا خوه دا چاره بكهن، ژ بهر كو شهرێ نها د ناڤبهرا ههر دو ئالیان دا دهێته كرن رهوشا سووریێ زێدهتر ئالۆز دكهت و خزمهتا چارهسهریێ و ئاشتیێ ناكهت).
ل ئالیێ دی ب دههان ڤیدیۆیێن كوشتنا وهلاتیێن سڤیل ل گوندێن عهفرینێ ژ ئالیێ توركیا و كۆمێن چهكدارێن سهر ب وێ ڤه ل سهر تۆرێن ئنترنێتێ هاتنه بهلاڤ كرن و پشتی بهلاڤبوونا ڤیدیۆیان دهنگێ نهرازیبوونا وهلاتیێن كورد و سازیێن مافێن مرۆڤی و سازیێن جڤاكێ سڤیل ل جیهانێ بلندتر دبیت و د ڤێ مژارێ دا لیژنا مافێن مرۆڤی یا سهر ب نهتهوێن یهكگرتی داخۆیانیهك ل سهر كوشتنا وهلاتیێن سڤیل بهلاڤ كر و راگههاند كو د ئهنجاما هێرشێن توركیا دا ب دههان وهلاتیێن سڤیل ل عهفرینێ هاتینه كوشتن و بریندار بووینه و ب دههان هزار وهلاتی ژی نهچار ماینه كۆچبهر ببن و بۆ ڤێ چهندێ ژی دڤێت بلهز شهر بهێته راوهستاندن.
رێكستنا دووڤچوونا مافێن مرۆڤی ژی راگههاند كو دهولهتا توركیا ب هێرشێن خوه یێن دژوار ل سهر باژێرێ عهفرینێ و دهوروبهرێن وێ دا بوویه سهدهمێ كوشتنا ب دههان وهلاتیێن سڤیل و ب دههان وهلاتی ژی بریندار بووینه و توركیا د هێرشا خوه دا بۆ سهر عهفرینێ كهسێن سڤیل و شهرڤانان ژ ههڤدو جودا ناكهت و ئهڤ رهفتارێ توركیا دبیته سهدهمێ كوشتن و بریندار كرنا سڤیلان و ههتا نها ب دههان خانیێن وهلاتیێن سڤیل بووینه ئارمانجا تۆپخانه و فرۆكێن شهری یێن توركیا و ئهو یهك كارهساتێن مرۆڤی ل عهفرینێ دروست دكهت.
ههر د ڤێ مژارێ دا ل دووڤ ئاژانسێن نووچهیان د ناڤا سێ رۆژێن بۆری دا ژ ئهنجاما شهرێ د ناڤبهرا یهپهگێ، یهپهژێ و دهولهتا تورك دا ٦٩ سهربازێن تورك و چهكدارێن سهر ب وێ ڤه هاتینه كوشتن و ١١ شهرڤانێن كورد ژی جانێ خوه ژ دهست داینه و دیسان ٢ تانك و پێنج ترۆمبێلێن سهربازی یێن توركیا و كۆمێن چهكدار ژی هاتنه پهقاندن و شهر ب ههموو دژواریا خوه ڤه بهردهوام دكهت.
خوهكوژهكێ خوه ل بارهگايهكى حهشد شهعبى ڤه پهقاند
وهزیرێ دهرڤهیێ ئسپانیا: ریفراندۆما كوردستانێ و كهتهلۆنیا گهلهك ژ ئێك جودانه
ئهڤرۆ نيوز:
د ههڤدیتنهكێ دا ل گهل جێگرێ سهرۆكێ لاوێن سیاسی یێن جیهانی فهلاح حهسهن، وهزیرێ دهرڤهیێ ئسپانیا (ئهلفۆنسۆ دهستیس) خوهیاكر، نوكه ئهو دوێ چهندێ گههشتینه، كو ریفراندۆما ههرێما كوردستانێ و كهتهلۆنیا گهلهك ژ ئێك جودانه.
پشكهكا وێ ههڤدێتنێ یا تایبهت بوو ب رهوشا كوردستانێ و ریفراندۆما سهربخوهیا ههرێما كوردستانێ، فهلاح حهسهن كو لاوهكێ كورده و پۆستێ جێگرێ سهرۆكێ لاوان یا سیاسی یا جیهانێ ههیه، بۆ كوردستانێ و دوستێن دهرڤه دبێژیت، گهلهك یا پێدڤیه ئاگههداریا حوكمهتا ئسپانیا و مهللهتێ ئسپانی بهێته كرن، كو ئهم و كهتهلۆنیا وهك ئێك نینن و رهوشا سیاسی یا مه گهلهك یا جودایه.
جێگرێ سهرۆكێ لاوێن سیاسی یێن جیهانێ بۆ وهزیرێ دهرڤهیێ ئسپانیا رونكر، ههكه مهدرید پایتهختێ عیراقێ بایه وهكو حوكمهتێ بهغدا كیمیاباران و ب ساخی بنئاخكرنا مللهتێ كوردستانێ نهكربا، چو جارهكێ ژی كوردان هزرا سهربخوهیێ و جوودا بوونێ نهدكرن، بهلێ بهغدا ب گهندهلترین و ترسناكترین پایتهختێ جیهانێ دهێته بناڤكرن، ههروهسا بۆ مه گهلهك نهیا ڕوهایه كو ریفراندۆما كوردستانێ ل گهل ریفراندۆما كهتهلۆنیا بهێته بهراوهد كرن.
ژئالیێ خوهڤه، وهزیرێ دهرڤهیێ ئسپانیا ( ئهلفۆنسۆ دهستیس) سوپاسیا وی گهنجێ كورد كر و دهستخوشی بۆ وان پێزانینان كرن، پاشی بهحسا قاهرهمانیا مللهتێ كوردستانێ د شهڕێ دژی چهكدارێن تیرۆرستێن داعشێ كرن، ل دووماهیا گۆتنێن خوهدا ئاماژهدا وێ چهندێ، كو ئهو نوكه تێگههشتن كو ریفراندۆما ههرێما كوردستانێ جوداهیهكا تهمام ل گهل ریفراندۆما كهتهلۆنیا ههیه.
فهلاح حهسن ههروهسا گۆت: ب كارهكێ پێدڤی دزانم كو ئسپانیا وهك مللهت و حوكمهت ژی د رهوشا ههرێما كوردستانێ ب گههن و دژاتیا مه نهكهن،چونكی ئسپانیا رۆلهكێ كارتێكهر ل سهر سیاسهتا وهلاتێن ئورۆپا ههیه، ب تایبهتی رۆلێ پهرلهمانێ ئورۆپا.
جێگرێ سهرۆكێ لاوێن سیاسی یێن جیهانی ههروهیا گۆت: رهخنه ل دوهزگههێن راگههاندنا كوردستانێ ژی كرن، كو رۆلهكێ خراب دگێرن ددهمێ ئهنجامدانا ریفراندۆما كهتهلۆنیا كو ئهو بوویه خالهكا نهگهتیڤ بوو بۆ بهرژهوهندیا ههرێما كوردستانێ.
جڤاتا ئاسایشا نێڤدهولهتى ئاگربهست ل سووریا پهسهند كر
ئهڤرۆ نيوز:
بهرى چهندهكێ جڤاتا ئاسایشا نهتهوێن یهكگرتى پرۆژه بڕیارا ئاگربهستێ ل سووریێ پهسهند كر، ههر 15 ئهندامان جڤاتێ ژى ب بهلێ دهنگ ب پرۆژهى دا.
ل دووڤ پرۆژه بڕیارێ، 30 رۆژ ئاگربهست ل ههموو سووریێ دێ هێته راگههاندن، ژبلى ئوپهراسیونێن ل دژى داعش، قاعیده، بهرهیێ نوسره و ههڤپهیمانێن وێ، ههرهسا دێ رێ ب ههڤكاریێن مرۆڤى هێته دان، بگههنه دهڤهرێن دورپێچ كرى.
ل دووڤ بڕیارێ ” پێدڤیه بێى گیروبوون، ئاگربهست بهێته راگههاندن و ههموو ئالى پابهند پێ”.
ئهڤ پرۆژه ژ ئالیێ ههردو وهلاتێن سوێد و كویتێ هاتبوو بهرههڤكرن.
رژێما سووريێ حهشدا شهعبى هنارته عهفرينێ
ئهڤرۆنيوز:
نوونهرێن جڤاتا نيشتمانى يا كوردى ل سووريێ بۆ كۆنگرێ جنێف راگههاند، هاتنا هێزێن رژێما سووريێ بۆ عهفرينێ وهكريه توركيا هێرشێن خوه توندتر بكهت بۆ سهر وى باژێرى، چونكى ل شوونا وێ چهندێ سووريا هيزێن فهرمى ب هنێريت، هێزا حهشدا شهعبى بۆ عهفرينێ يا هنارتى.
ئيبراهيم برۆ، نوونهرێ جڤاتا نيشتمانى يا كوردى ل سووريێ بۆ كۆنگرێ جنێف بۆ مالپهرێ فهرميێ پارتى گۆت” هێرشێن توركيا دبهردهوامن ورێككهفتنا دناڤبهرا پهيهدێ ورژێما سووريێ هێشتا چو هێزهكا فهرمى يا رژێما سووريێ نهچوويه دناڤ عهفرينێ دا وتنێ حهشدا شهعبى ل دهڤهرێ يا ههى ويا چوويه دناڤ عهفرينێ دا، ئهڤێ چهندێ ژى وهكريه توركيا هێرشێن خوه بۆ سهر وى باژێرى زێدهتر وتوندتر بكهت، چونكى ژبلى وێ چهندێ كو رێككهفتن يا رۆهن نينه وئهو هێزا هاتى ژى كو حهشدا شهعبى يه، نهشێت جهێ هێزا يهپهكێ بگريت، لهوما توركيا قهناعهتى ب راگرتنا هێرشان ناكهت”.
ئيبراهيم برۆ ل دۆر بزاڤێن نێڤدهلوهتى گۆت” ئهم وهكو ئهنهكهسه دبهردهوامين ل بزاڤێن خوه بۆ وێ چهندى شهر بهێته راگرتن ول گهل چهندين وهلاتان كو سهرهدانا وان مهكريه، مه داخواز كريه شهر بهيته راگرتن، چونكه ژبلى زيانێن شهرى، دترسين كو ديموگرافيا دهڤهرێ ژى گورانكارى ل سهر بهێته كرن ژبهر هاتنا وان هێزان بۆ دهڤهرێ، بهلێ ب شێوهكێ گشتى چو پێنگاڤهك بۆ راگرتنا شهرى نههاتيه هاڤێتن”.
دياركر” برياره كۆنگرێ ئهستانه بهێنه گرێدان وتێدا توركيا ورووسيا وئيران ژى دێ پشكداربن، دبيت وى دهمى بريارهك بهێته دان بۆ راگرتنا شهرى ل عهفرينێ، بهلێ ژبهر هاتنا وێ هێزا حهشدا شهعبى يا ب سهر ئيرانێ ڤه، دبيت ههكه شهر ژلايێ توركيا ڤه بهێته راگرتن، جارهكادى شهر ل گهل وێ هيزا حهشدا شهعبى دروست ببيت”.
وهزارهتا خواندنا بلند ئهڤ برياره دهركر
ئهڤرۆنيوز:
وهزارهتا خواندنا بلند وڤهكۆلينێن زانستى، راگههاند، بريار هاته دان ب راگرتنا وهرگرتنا پرۆپۆزهلان بۆ دامهزراندنا زانكۆ وپهيمانگههێن تايبهت ل ههرێما كوردستانێ.
عهباس ئهكرهم، پهيڤدارێ وهزارهتا خواندنا بلند وڤهكۆلينێن زانستى دبهياننامهكێ دا گۆت” ب فهرمانى وهزارى يا هژمار 286 ل 22/2/2018 ب ئيمزايا يوسف گۆران وهزيرێ خواندنا بلند وڤهكۆلينێن زانسى، بريارا راگرتنا وهرگرتنا پرۆپۆزهلان بۆ دامهزراندنا زانكۆ وپهيمانگههێن تايبهت ل ههرێما كوردستانێ”.
عهباسى رۆهنكر ژى” ئهو برياره بۆ ديراسهكرن وههلسهنگاندنا رهوشا زانكۆ وپهيمانگههێن تايبهت يێن ههرێما كوردستانێ كوردستانێ يه ژ روويێ زانستى وئهكاديمى وكارگێرى ودارايى وژێرخانێ ”.
خوياكر ژى” ئهو برياره كو يا گرێدايه ب راگرتنا وهرگرتنا پرۆپۆزهلان بۆ دامهزراندنا زانكۆ وپهيمانگههێن تايبهت يا چوويه دوارێ بجهئيناني دا وههتا 31/12/2019 دێ يا بهردهوامبيت”.
نوكه ل ههرێما كوردستانێ 15 زانكۆ و10 پهيمانگههين تايبهت ل ههريما كوردستانێ يێن ههين.
پهرلهمانتارهكێ كورد:بهغدا يا رازى يه بودجا كوردستانێ بكهته 14%
ئهڤرۆنيوز:
برياردهرێ لژنا دارايى ل جڤاتا نوونهرێن عيراقێ راگههاند، بهغدا يا رازى يه پشكا بودجا ههرێما كوردستانێ بكهته 14%، بهلێ ههتا نوكه ههلويستێ حوكمهتا ههرێما كوردستانێ يێ رۆهن ننيه كا دێ ب وێ پشكي رازى بيت، يان نه.
ئهحمهد حاجى رهشيد، برياردهرێ لژنا دارايى ل جڤاتا نوونهرێن عيراقێ گۆت” حوكمهتا عيراقێ يا رازى يه كو پشكا ههرێما كوردستانێ ژبودجا گشتى يا عيراقێ ژ 12،67% بۆ 14% زێده بكهت، بهلێ نزانين ههلويستێ حوكمهتا ههرێما كوردستانێ ل دۆر وێ چهندێ چيه”.
ناڤبرى زێدهتر بۆ رووداو گۆت” دێ دبزاڤێن خوه دا دبهردهوام بين كو ل بودجا 2018 عيراق پشكا 17% بۆ ههرێما كوردستانێ بچهسپينيت، بهلێ ئهڤه كارهكێ ب ساناهى نينه ب تايبهت ههكه داخوازيێن سونهيان دبودجێ دا بهێنه بجهئينان”.
برياردهرێ لژنا دارايى يا جڤاتا نوونهران خوياكر” كۆمبوونا ههرسێ سهرۆكايهتيێن عيراقێ بۆ دانوستاندنێ ل دۆر پرۆژه قانوونا بودجا 2018 تووشى شكهستنێ بوو وحهيدهر عهبادى سهرۆك وهزيرێن عيراقێ ئاماده نهبوو دكۆمبوونهكا ب وى جۆرى بهرههڤ بيت وڤێ چهندێ شكهستن ب كۆمبوونێ ئينا”.
ب گۆرهى پرۆژه قانوونا بودجا 2018 يا عيراقێ كو ل 5/11/2017 ل جڤاتا وهزيرێن عيراقێ هاتيه پهسهندكرن وبلندكرن بۆ جڤاتا نوونهران، پشكا بودجا ههرێما كوردستاتێ ژ 17% بۆ 12،67% هاتيه كێمكرن.
ئهمريكا داخوازا چهكێن خوه ژ عيراقێ دكهت
ئهڤرۆ نيوز:
ئيدارا ئهمريكى دێ سزايان ل سهر عيراقێ سهپينيت بۆ ڤهگراندنا ئهو چهكێن فرۆتينێ وكهفتينه دهستێ حهشدا شهعبى.
رۆژناما شهرقولئهوسهت يا لهندهنى دهژمارا خوه يا شهمبيێ 24/2/2018، بهلاڤكر كو ئهمريكا سزا خستينه سهر حوكمهتا عيراقێ ژبهركو هندهك ژوان چهكێن پێشكهفتى ئهوێن فرۆشتينه بهغدا بۆ شهرێ داعشێ، يێن كهفتينه دهستێ حهشدا شهعبى.
ههڤدهم سايتێ دهيلى بيست يێ ئهمريكه ئاشكراكر كو ب كێمێ 9 تانكێن پێشكهفتى يێن ئهمريكى ژ جۆرێ ئهبرامز ههر ژ سالا 2015 وهره يێن كهفتينه ددهستێ حهشدا شهعبى دا كو ل گهل چهند چهكێن دى يێن پێشكهفتى دا ب كۆژمێ چار مليۆن دۆلاران بۆ عيراقێ هاتينه فرۆتن.
وێ رۆژناما ئهمريكى دياركر كو ئهو تانكێن پێشكهفتى دچارچۆڤێ هێرشا لهشكرێ عيراقێ وحهشدا شهعبى بۆ سهر باژێرێ كهركووكێ هاتن بكارئينان وئالايێ گرۆپێن دناڤ حهشدا شهعبى ل سهر بوون ونوكه ژى واشنتۆن فشارێن خوه ل سهر بهغدا زێدهتر كرينه بۆ وێ چهندێ وان تانكان بزڤرينيت.
بهلێ كهريم ئهلنورى كو ئێك ژ سهركردێن حهشدا شهعبى يه و ئهندامێ مهكتهبا سياسى يا رێكخراوا بهدر كو هادى ئهلعامرى سهرۆكێ وێ يه، بۆ رۆژناما شهرقولئهوسهت گۆت” چو تانهكێ ئهمريكى مه وهرنهگرتيه، بهلێ هندهك جاران ئهو چهكێن دهێنه بكارئينان ژلايێ حهشدا شهعبى ڤه ب ههماههنگى يه ل گهل لهشكرێ عيراقێ”.
نيشاندان
WP Facebook Auto Publish Powered By : XYZScripts.com