ئه‌ڤرۆ نيوز: ره‌وان نهێلى:
ژێده‌ره‌كێ ژ لیژا بلندا سەرپەرشتیا موەلیدان ل پارێزگەھا دھوکێ بۆ ئه‌ڤرۆ نيوز راگەھاند بەرنامێ کارکرنا موەلیدان ل قەزاێن دھوک وسێمێل و زاخو ل روژێن بھێنڤەدانێن فەرمی و روژێن ئەینی دێ بڤی رەنگی بيت ل دەمژمێر (١٠) سپێدێ حەتا (٢) شەڤ کارەبا موەلیدان دێ ھێتە دان ئەگەر د ڤی ماوەی دا کارەبا گشتی نەبوو.
ئه‌ڤرۆ نيوز، نه‌وزاد زاده:
د روژەکا وەکو ئەڤرۆ دا ل سالا 570-571ز پێغەمبەرێ ئیسلامێ محەمەد “س.خ” ژ دایکبویە و د ھەمان روژ ژی دا ل سالا 632ز چویە بەردلوڤانیا خودێ.
ئەو دبیتە دوماھی پێغەمبەر کو خودێ بو ئێکتاپەرستیێ ھنارتی و بەرێ خەلکی دایە رەوشتێن بلند و داوی ب زولم و ستەمێ ئینای.
بو ئێکەمین جار ل شکەفتا حەرائێ دژیێ 40 سالیێ دا محەمەدی وەحی کو قورئانا پیڕوز بوو ل خودایێ مەزن وەرگرت و پێشکێشی مروڤاتیێ ھەموویێ کر و داخوا ل وان کر بو توحیدێ.
بەری کو ببیتە پێغەمبەر دناڤ خەلکی دا ب راستگو و ئەمانەت پارێز دھاتە نیاسین ، دژیانا خودا مروڤەکێ جڤاکی و مەرد بویە و چو جاران پشکداری دکارێن نە شارستانی نەکریە.
بەری کو بھێتە ژیانێ بابێ وی وەغەرکریە و پاشان دایکا وی ژی پشتی بوونا وی وەغەر دکەت و لدەف مامێ خو دھێتە ب خودانکرن، و پشتی مرنا وی باپیرێ وی ب ئەرکێ خودانکرنا وی رادبیت ، ئەڤە ھەموو بەری ژێ ھەشت سالیێ ، ئانکو ب ھێتیم ژ دایکبویە وب سێوی مەزنبوویە.
دژیێ 25 سالیێ دا ل گەل خەدیجا کچا خالدی ھەڤژینی پێکئینا کو ژیێ وێ 40 سال بوو ، ئێکبو ژ ژنێن بازرگان، دژیانا خودا 11 ھەڤژین ئینابوون ، ژ ھەموو خێزانێن خوە چوار کچ و سێ کور ھەبوون ، ھەموو ژی بەرا وی یێن وەغەرکرین ، بتنێ فاتما شەش ھەیڤان پشتی پێغەمبەری وەغەرکریە.
دلوڤانی ، نەھێلانا ستەمێ ، دادپەروەری ، رەوشت بەرزی ، رێزگرتن ، ئێکسانی ، پاراستنا مافێن ئافرەت و زاروکان و کەسانێن دانعەمر ، دابینکرنا ئەرک و مافان ژ گرنگترێن دروشم و پەیامێن وی بوون.
سێ سالان ب نھێنی و نێزیکێ چوار سالان ب ئاشکرای پەیاما خوە گەھاندیە ، پاشان دوڤدا قوناغا گەھاندنا پەیامێ دھێت ، ھەتاکو پەیاما خوە گەھاندی توشی چەندین نەخوشی و ئێش و ژان و دەر ب دەری بویە ، ژبەر وان نەخوشیان ژی خودایێ مەزن ئەو گازی کرە ئەسمانان کو ب ئیسراو میعراج دھێتە نیاسین.
ل سالا 632 ز وەغەرکر و ل مەدینێ ھاتیە ڤەشارتن ، پشتی وەغەرکرنا وی چوار خەلیفە کو؟ھەر ئێک ژ وان چەند سالان ئیسلام ب رێڤەدبر وەکو چەوا ل ئەسمانان ھاتیە خوار.
ڤيديۆ:
ئه‌ڤرۆ نيۆز:
فه‌رماندێ ئۆفيسا هه‌ماهه‌نگيا ئاسايشا هه‌ڤپشك ل عيراقێ راگه‌هاند، ئه‌مريكا دێ به‌رده‌وام بيت ل سه‌ر پرچه‌ككرنا پێشمه‌رگه‌ى وكۆنگرسێ ئه‌مريكى برياردايه بۆ سالا داهاتى 364 مليۆن دۆلاران وه‌كو هاريكارى پێشكێشى وه‌زاره‌تا پێشمه‌رگه‌ى بكه‌ت.
ئه‌ڤرۆ چار شه‌مبى 29/11/2017 ل هه‌ولێرێ، كه‌ريم شنگالى وه‌زيرێ پێشمه‌رگه‌ى ب وه‌كاله‌ت پێشوازى ل جه‌نه‌رال برادلى بێكه‌ر فه‌رماندێ ئۆفيسا هه‌ماهه‌نگيا ئاسايشا هه‌ڤپشك ل عيراقێ وشانده‌كێ دگه‌لدا كر.
ل دووڤ به‌ياننامه‌كا وه‌زاره‌تا پێشمه‌رگه‌ى، دكۆمبوونێ دا فه‌رماندێ ئۆفيسا هه‌ماهه‌نگيا ئاسايشا هه‌ڤپشك ل عيراقێ گۆت، ئه‌مريكا دێ به‌رده‌وام بيت ل سه‌ر پرچه‌ككرنا پێشمه‌رگه‌ى وكۆنگرسێ ئه‌مريكى بريار دايه بۆ سالا داهاتى 2018 گۆژمێ 364 مليۆن دۆلاران وه‌كو هاريكارى پێشكێشى وه‌زاره‌تا پێشمه‌رگه‌ى بكه‌ت. دووپاتى ل سه‌ر وێ چه‌ندێ ژى كر كو ئه‌مريكا پشته‌ڤانيێ ل هه‌رێما كوردستانێ يا ب هيز دكه‌ت.ديسا سوپاسيا هيزێن پێشمه‌رگه‌ى كر دشه‌رِێ دژى داعشێ دا.
وه‌زيرێ پێشمه‌رگه‌ى ب وه‌كاله‌ت، سوپاسيا هێزێن ئه‌مريكا ووه‌لاتێن هه‌ڤپه‌يمان كر بۆ وێ هاريكارى وپشته‌ڤانيا پێشكێشى هێزێن پێشمه‌رگه‌ى كرى وهه‌ڤده‌م داخوازكر هێزێن هه‌ڤپه‌يمانان ل هه‌رێما كوردستانێ بمينن بۆ به‌رده‌واميدان ب پێشخستنا هێزێن پێشمه‌رگه‌ى وپيشكێشكرنا مه‌شق وراهينانان.
به‌يانناما وه‌زاره‌تا پێشمه‌رگه‌ى ئاماژه دا كو دوێ كۆمبوونێ دا دووپاتى ل سه‌ر دانوستاندنێ دناڤبه‌را هه‌رێمێ وحوكمه‌تا عيراقێ بۆ چاره‌كرنا كێشێن دناڤبه‌را هه‌ردولا هاته كرن.
شاندێ ئه‌مريكى ته‌ئكيد ل پرۆسا ريفۆرم وپێگه‌هاندنا ئه‌فسه‌رێن پێشمه‌رگه‌ى ل ناڤخوه وده‌رڤه‌ى هه‌رێما كوردستانێ كر وئاماژه كر كو هه‌ماهه‌نگيا وان ل گه‌ل وه‌زاره‌تا پێشمه‌رگه‌ى دێ به‌رده‌وامبيت.
ئه‌ڤرۆ نيوز:
سەرۆک بارزانی د ديداره‌كێ دا ل گه‌ل د.فوئاد مه‌عسوم سه‌رۆك كومارێ ئیراقێ راگەھاند، پێدڤییە حکومەتا ئیراقێ دەستان ژ زمانێ خوە سەپاندنێ و کریارێن نارەوا یێن ل ھەمبەر گەلێ کوردستانێ دکەت بەردەت.
سەرۆک بارزانی پئەڤرۆ ێشوازی ل د. فوئاد مەعسووم سەرۆک کۆمارێ ئیراقێ کر، د ھەڤدیتنەکێ دا بەحسێ دووماهى پێشھاتنێن سیاسی یێن ئیراقێ و ھەرێما کوردستانێ کر، ھەرود ئالیان دوپاتی ل چارەکرنا هه‌موو کێشەیان ب رێیێن ئاشتیێ و دانوستاندنا کر.
سەرۆک کۆمارێ ئیراقێ بەحسێ بزاڤێ، خوە بۆ چارەکرنا کێشەیێن د ناڤبەرا ھەولێر و بەغدایێ دا کر، ب جورەکی دەستوور ئالاڤەک بیت بۆ پاراستن و کەرامەتا ھەموو پێکھاتەیان بێ جوداھی.
هه‌ر ئه‌ڤرۆ ئەڤرۆ نێچیرڤان بارزانی سەرۆک وەزیرێن ھەرێما کوردستانێ و جێگرێ وی قوباد تالەبانی د گەل د. فوئاد مەعسووم سەرۆک کۆمارێ ئیراقێ کۆمبوون .
ئه‌ڤرۆنيۆز:
ئێكه‌تيا مامۆستايێن كوردستانێ رۆهنكرنه‌كێ سه‌باره‌ت بێهنڤه‌دانا رۆژێن شه‌مبى دده‌ت ودبێژيت، بريارا بێهنڤه‌دانا رۆژێن شه‌مبيێ يا ئه‌زموونى يه ول وه‌رزێ دويێ يێ ئه‌ڤ ساله ژى دێ هێته بجهئينان.
ئه‌حمه‌د گه‌رميانى سه‌رۆكێ ئێكه‌تيا مامۆستايێن كوردستانێ راگه‌هاند، بريارا بێهنڤه‌دانا رۆژێن شه‌مبى ئه‌وا ژلايێ وه‌زاره‌تا په‌روه‌ردێ ڤه هاتيه دان، برياره‌كا ئه‌زموونى يه ودێ ل وه‌رزێ دويێ يێ خواندنێ ل ئه‌ڤ ساله ژى هێته بجهئينان.
گه‌رميانى زێده‌تر بۆ دوارۆژ گۆت، دوه‌رزێ ئێكێ يێ خواندنێ دا، وێ بێهنڤه‌دانێ چو گرفت نه‌بوون، دێ ل وه‌رزێ دويێ ژى هێته بجهئينان ول دووماهيا سالا خواندنێ دێ هه‌لسه‌نگاندن بۆ وێ بريارێ هێته كرن ودێ بريارا ئێكلاكه‌ر ل سه‌ر هێته دان.
سه‌رۆكێ ئێكه‌تيا مامۆستايێن كوردستانێ دياركر ژى، بۆچوونا بسپۆرێن خواندنێ وسه‌رپه‌رشتياران ژى يا هاتيه وه‌رگرتن ل سه‌ر به‌رده‌واميدانێ ب وێ بێهنڤه‌دانێ ل وه‌رزێ دويێ وب باشى هاتيه ديتن كو ل وه‌رزێ دويێ ژى هه‌ر يا به‌رده‌وام بيت.
ئه‌ڤرۆنيۆز:
نه‌وفه‌ل ئه‌لعاگۆب پارێزگه‌رێ نه‌ينه‌وا يێ ژ سه‌ر كار لاداى ژلايێ جڤاتا پارێزگه‌ها نه‌ينه‌وا ڤه راگه‌هاند، دادگه‌ها ئيدارى ئه‌ڤرۆ چارشه‌مبى 29/11/2017 بريارا جڤاتا پارێزگه‌ها نه‌ينه‌وا يا لادانا من ره‌تكر، به‌لێ ئه‌ندامه‌كێ جڤاتا پارێزگه‌ها نه‌ينه‌وا ژى دبێژيت چو بريار ژ دادگه‌ها ناڤبرى ل دۆر ڤێ پرسێ نه‌هاتينه ده‌ركرن.
نه‌وفه‌ل ئه‌لعاگۆب دياركر، دادگه‌ها ئيدارى بريارا جڤاتا پارێزگه‌ها نه‌ينه‌وا ب لادانا من ژ پۆستێ پارێزگه‌رێ نه‌ينه‌وا ره‌تكر.
ئه‌لعاگۆب زێده‌تر بۆ موازين نيۆز گۆت، پشتى ڤێ بريارێ دێ به‌رده‌واميێ ل سه‌ر كارێ خوه ده‌م وه‌كو پارێزگه‌رێ نه‌ينه‌وا.
ژێده‌ره‌كى ژجڤاتا پارێزگه‌ها نه‌ينه‌وا بۆ ئاژانسا( الغد نيۆز) دياركر كو چو بريار ژ دادگه‌ها ئيدارى ده‌رنه‌كه‌فتينه ب ڤه‌گه‌راندنا نه‌وفه‌ل ئه‌لعاگۆب بۆ پۆستێ پاريزگه‌رێ نه‌ينه‌وا.
وى ژێده‌رى گۆت ژى، جڤاتا پاريزگه‌ها نه‌ينه‌وا ب شێوه‌كێ قانوونى ده‌نگ ل سه‌ر لادانا ئه‌لعاگۆبى دايه، ئاماژه دا ژى كو هه‌تا نوكه ژى داخوازيێن به‌ربژاران بۆ وه‌رگرتنا پۆستێ پاريزگه‌رێ نه‌ينه‌وا يێن دگه‌هنه جڤاتا پارێزگه‌هێ.
ل رۆژا 1/11/2017 جڤاتا پارێزگه‌ها نه‌ينه‌وا ب پتريا ده‌نگێن ئه‌ندامێن جڤاتێ، پارێزگه‌رێ نه‌ينه‌وا نه‌وفه‌ل ئه‌لعاگۆب ژ پۆستێ وى لادابوو، ئه‌لعاگۆبى ژى تانه‌ك ل ڤێ بريارێ دابوو ل دادگه‌ها ئيدارى.
ئه‌ڤرۆنيۆز:
سه‌رۆكێ كۆمسيۆنا بلند يا هه‌لبژارتن وراپرسيان ل هه‌رێما كوردستانێ دنڤيساره‌كێ دا بۆجڤاتا وه‌زيرێن هه‌رێمێ، داخواز دكه‌ت رۆژا هه‌لبژارتنان بهێته دياركرن.
هندرين محه‌مه‌د سه‌رۆكێ كۆمسيۆنا بلند يا هه‌لبژارتن وراپرسيان ل هه‌رێما كوردستانێ راگه‌هاند، بۆ كۆمسيۆنێ باشه هه‌رسێ هه‌لبژارتنێن سه‌رۆكاتيا هه‌رێما كوردستانێ وپه‌رله‌مانى وجڤاتێن پارێزگه‌هان پێكڤه بهێنه ئه‌نجامدان، وى ده‌مێ دێ كۆمسيۆن ده‌ست ب به‌رهه‌ڤيان كه‌ت بۆ هه‌رسێ هه‌لبژارتنان وژبه‌ركو كۆمسيۆن سه‌رپه‌رشتيا ريفراندۆمێ يا كرى، ئه‌و به‌رهه‌ڤيێن بۆ هه‌لبژارتنان هه‌ر دێ دوى چارچۆڤى دابن ب تايبه‌تى مه‌شقكرنا كارمه‌ندان وشاره‌زايى وكاركرنا جڤاتا كۆمسياران ل سه‌ر سيكته‌رێن هه‌لبژارتنان.
سه‌رۆكێ كۆمسيۆنا هه‌لبژارتن وراپرسيان زێده‌تر بۆ باسنيۆز گۆت، نوكه ژى كۆمسيۆنێ په‌يره‌وه‌كێ ده‌ركرى بۆ پاككرنا ناڤێن ده‌نگده‌ران ومريان وناڤێن دووباره‌كرى بۆ وێ چه‌ندێ به‌رهه‌ڤى بهێنه كرن بۆ هه‌لبژارتنان وئه‌ڤ پرسه ژى بهێته چاره‌كرن.
پێشتر نێچيرڤان بارزانى سه‌رۆك وه‌زيرێن هه‌رێما كوردستانێ دكۆگره‌كێ رۆژنامه‌ڤانى دا ئاشكراكربوو كو ب مه‌ره‌ما دياركرنا ژڤانه‌كى بۆ ئه‌نجامدانا هه‌لبژارتنان ل هه‌رێما كوردستانێ، دێ سه‌رۆكاتيا حوكمه‌تێ ل گه‌ل حزب ولايه‌نێن سياسى ل هه‌رێمێ كۆمبيت.
ئه‌ڤرۆنيۆز:
ژێده‌ره‌كى ژوه‌زاره‌تا شه‌هيد وئه‌نفالكريان ل هه‌رێما كوردستانێ راگه‌هاند، مه پێزانينێن دروست ل سه‌ر گۆرێن ب كۆم نينن، ل گه‌ل هاتنا تيرۆرستێن داعشێ ژى هژمارا وان گۆران زێده‌تر وئالۆزتر بوويه.
په‌روين عوسمان رێڤه‌به‌را گشتى يا گۆرێن ب كۆم ل وه‌زاره‌تا شه‌هيد وئه‌نفالكريان گۆت، ئه‌م دبه‌رده‌وامين ل سه‌ر لێگه‌ريانێ ل گۆرێن ب كۆم وب وى شێوازێ هاتيه دياركرن ژلايێ حوكمه‌تا هه‌رێما كوردستانێ ووه‌زاره‌تێن ناڤخوه‌يى وساخله‌مى يێن عيراقێ وده‌زگه‌هێ شێهيدێن عيراقێ.
په‌روينێ زێده‌تر بۆ نه‌وا گۆت، مه هژماره‌كا دروست ل به‌رده‌ست نينه تاكو بزانينن گۆرێن ب كۆم چه‌ندن، چونكى مه ده‌زگه‌هه‌كێ پێشكه‌فتى دڤێت كو ب رێيا هه‌يڤێن ده‌ستكرد بۆمه بشكنيت ودياربكه‌ت كا جهێن گۆرێن ب كۆم ل كيرێ نه.
ئه‌ڤرۆنيۆز:
ده‌سته‌يا ده‌رگه‌هێن سنورى وفرۆكخانێن هه‌رێما كوردستانێ، هژماره‌كا داخوازيان بۆ شاندێ دانوستاندكارێ هه‌رێما كوردستانێ ل گه‌ل به‌غدا به‌رهه‌ڤكرينه، به‌رپرسه‌كێ ده‌رگه‌هه‌كێ سنورى ژى رادگه‌هينيت، مه داخواز يا كرى كو پرسا ب رێڤه‌برنا ده‌رگه‌هێن سنورى ژلايێ دادگه‌ها فيدرالى يا عيراقى بهێته ئێكلاكرن.
ئه‌زوه‌ر مه‌حموود رێڤه‌به‌رێ ده‌رگه‌هێ سنوريێ پاشماخ يێ نێڤده‌وله‌تى گۆت، ل دووماهى كۆمبوونا ده‌سته‌يا ده‌رگه‌هێن سنورى يێن هه‌رێما كوردستانێ ب به‌رهه‌ڤبوونا لژنه‌كا تايبه‌ت ژ جڤاتا وه‌زيرێن هه‌رێمێ ، ل باژێرێ هه‌ولێرێ هاته ئه‌نجامدان كو هه‌ر ئێك ژ سه‌رپه‌رشتێن ده‌رگه‌هێن سنورى يێن (ئيبراهيم خه‌ليل، پاشماخ، په‌روێزخان، حاج عومران وفرۆكخانێن هه‌ولێرێ وسلێمانيێ) تێدا ئاماده‌بوون.
ئه‌زوه‌رى زێده‌تر بۆ دوارۆژێ گۆت، دكۆمبوونێ دا ب شێوه‌كى هوور وقانوونى دانوستاندن ل سه‌ر قانوونا ده‌سته‌يا ده‌رگه‌هێن سنورى ل عيراقێ يا هژمار 30 ل سالا 2016 هاته كرن.
دياركر ژى، خال دپێكهاتى بوون ژ ره‌شنڤيسا پرۆژه قانوونا ده‌سته‌يا ده‌رگه‌هێن سنورى ل هه‌رێما كوردستانێ كو ژلايێ سه‌رۆكاتيا جڤاتا وه‌زيرێن هه‌رێمێ ئاراسته‌ى په‌رله‌مانێ كوردستانێ بهێته كرن بۆ په‌سه‌ندكرنێ، هه‌روه‌سا قانوونا هژمار 30 يا سالا 2016 ده‌سته‌يا ده‌رگه‌هێن سنورى يێن عيراقێ ژلايێ په‌رله‌مانێ كوردستانێ بهێته راستڤه‌كرن، ب گۆره‌ى( مادا 121/برگه دو) ژدستوورێ عيراقێ، كو حوكمه‌تا هه‌ريمێ مافێ راستڤه‌كرنا قانوونا فيدرالى ل هه‌رێمێ دا يا هه‌ى.
خوياكر ژى، مه به‌حس ل وێ چه‌ندێ كر كو ب گۆره‌ى دادگه‌ها بلند يا فيدرالى ل عيراقێ، پێدڤيه هه‌موو رێكار وبريارێن عيراقێ يێن گرێداى ريفراندۆمێ بهێنه هه‌لوه‌شاندن، وه‌كو داخستنا ده‌رگه‌هێن سنورى وفرۆكخانان، ژبلێ وێ ددستورى دا ب رۆهنى به‌حسێ سياسه‌تا گۆمركى ورێكخستنا بازرگانيێ ل سنورێ هه‌رێمێ وپارێزگه‌هان يێ هاتيه كرن، بۆ ب رێڤه‌برنا ده‌رگه‌هێن سنورى پێدڤيه دادگه‌ها فيدرالى ئێكلا بكه‌ت.
ئاماژه دا، دخوازين لژنێن لاوه‌كى يێن هه‌ڤپشك يێن گرێداى ب رێكخستنا كاروبارێن ته‌كنيكى، رێكارێن كاركرنێ، كارگێرى وژمێريارى بهێنه پێكئينان بۆ وان ده‌رگه‌هێن سنورى ئه‌وێن دكه‌ڤنه دناڤ ده‌ڤه‌رێن مادا 140 دا، بۆ وێ چه‌ندێ ب هه‌ڤپشكى دناڤبه‌را هه‌رێمێ وبه‌غدا بهێنه ب رێڤه‌برن.
دياركر ژى، هه‌موو داخوازى پێشكێشى لژنا راسپارى هاتنه كرن تاكو بهێنه بلندكرن بۆ سه‌رۆكاتيا جڤاتا وه‌زيران وپه‌رله‌مانێ كوردستانێ وبچيته دناڤ ئه‌جندايێن كارێ شاندێ دانوستاندكارێ هه‌رێمێ وبه‌غدا.
![2 [800x600]](http://evronews.net/ku/wp-content/uploads/2017/11/2-800x600.jpg)
![3 [800x600]](http://evronews.net/ku/wp-content/uploads/2017/11/3-800x600.jpg)
![4 [800x600]](http://evronews.net/ku/wp-content/uploads/2017/11/4-800x600.jpg)
![10 [800x600]](http://evronews.net/ku/wp-content/uploads/2017/11/10-800x600.jpg)
![11 [800x600]](http://evronews.net/ku/wp-content/uploads/2017/11/11-800x600.jpg)
![13 [800x600]](http://evronews.net/ku/wp-content/uploads/2017/11/13-800x600.jpg)
نيشاندان