ئهڤرۆ نیوز:
ئهڤرۆ ناڤێ قوتابیێن ل زانكۆ و پهیمانگههێن ههرێمێ هاتینه وهرگرتن، دێ هێنه راگههاندن،
بریاره دهمژمێر 3 ناڤ بهێنه راگههاندن و قوتابى ب رێیا ڤى لینكى دشێن ناڤێ خوه ببینن
ئەڤرۆ، نیوز، مللەت جەمال:
ل چار رۆژێن بوری ژ ئەنجامێ چەندین روودانێن ھاتنوچوونێ 17 کەس برینداربووینە و ئەگەرێ زوربەیا ڤان روودانان نەکونترولکرنا ترومبێلێ بوویە ژ ئەگەرێ لەزاتیێ.
ل رێکەفتی 3/12 ل فەتحا گەڤەرکێ روودانەکا جورێ خشاندن روودایە ژلایێ ترومبێلا ھوندای تایبەت و سەرەرای برینداربوونا کەسەکی زیانێن مادی گەھاندینە ستوونەکا کارەبێ و ھێمایەکێ ھاتن و چوونێ.
ل ھەمان رۆژ روودانەک ژ جورێ لێکدان د ناڤبەرا سێ ترومبێلان دا پەیدابوویە ژ جورێن تویوتا کرولا کرێ ، کیا سورینتو ھەلگرا تابلویەکا سەربازی و ترومبێلەکا میری ژ جورێ فورد روودا و د ئەنجام دا چار کەس برینداربوون.
ل رێککەفتی 4/12 ل دەمژمێر 9:44 خولەک شەڤ ل نیزیک سوپەر مارکێتا مازی رووداتنەک ناڤبەرا سێ ترومبێبلان دا روودا bmw تایبەت فحس نەینەوا و ھوندا تایبەت ھەولێر و جێب تایبەت دھۆک د ئەنجام دا دو کەس برینداربوون.
ل ھەمان رۆژ و ل دەمژێر 6:55 خولەک سپێدێ ترومبێلەکا تویوتا کرێ ژ بن کونترولا شوفێری دەرکەفتیە و ب ستوونەکێ کارەبێ کەفتیە و کەسەک برینداربوو.
ھەر ل ھەمان رۆژ ل نێزیک گوندێ تەلوە روودانمەکا ژ جورێ لێکدان د ناڤبەرا سێ ترومبێلان پەیدا بوویە ئەو ژی تایبەت بەغداد ھوندا، دھوک تایبەت کەیا و دھوک تایبەت bmw د ئەنجام دا 8 کەس برینداربوون.
ئەڤرۆ نیۆز، قائید میرۆ:
فەرماندەیەکێ پێشمەرگەی ئاشکراکر، سوپایێ تورکیا ب مەرەما مەشق و راھێنان ل دەڤەرا باشیک ھاتیە ئاکنجیکرن.
بەھرام عەریف یاسین، فەرماندێ پێشمەرگەی ل میحوەرێ باشیک ب ئەڤرۆ نیۆز رەتکر، چو ھێزەکا زێدەیا تورکیا ھاتبیتە دەڤەرا باشیک و راگەھاند” تنێ ھێزەکا تورکیا دچوارچوڤێ ھەڤپەیمانیا دژی داعش ل میحوەرێ باشیک ھەیە و بۆدەمێ سالەکێ یە ئەف ھێزە ل دەڤەرێ ھاتیە ئاکانجیکرن.
بەھرامی دیارکر، ئەف ھێزا نوکە دھێتە بەحسکرن بەری نوکەژی ھەرھەبوویە و مەشق و راھێنان ب ھێزێن پێشمەرگە و حەشدا وەتەنی دکەن بۆ رزگارکرنا باژێڕێ مووسل
إنھاء
ئەڤرۆ نیوز، قائید میرۆ:
ئەندامەکێ لیژنا ئاسایش و بەڕەڤانیێ لپەرلەمانێ عێراقێ ئاماژە بڤێ چەندێ کر، بۆ ئازادکرنا مووسل تنێ رێکەفتنا سیاسی مایە.
شاخەوان عەبدولا، ئەندامێ لیژنا ئاسایش و بەڕەڤانیێ لپەرلەمانێ عێراقێ ب ئەڤرۆ نیۆز راگەھاند” بەرھەڤیێن تمام بۆ دەستپێکرنا ئۆپەڕاسیۆنا ئازادکرنا باژێڕێ مووسل ھاتینەکرن و تنێ رێکەفتنا سیاسی دناڤبەرا لایەنێن سیاسی دا مایە بۆ ئازادکرنا مووسل.
شاخەوانی گۆتژی” پێدڤیە کورد و عەرەب لسەر رێڤەبرنا پاشە رۆژا مووسل و پارێزگەھا نەینەوا ب گشتی بگەھنە رێکەفتنێ، ھەردەمێ رێکەفتن ھاتەکرن، ئەڤە دێ دەست ب ئازادکرنا مووسل ھێتەکرن.
ئهڤرۆ نيوز:
رۆژناما ههولێر يا سهر ب پارتى ديموكراتى كوردستان ل سهرگۆتارا خوه دا بهلاڤكريه كو رێكارێن قانوونى بۆ تۆماركرنا سكالايێ ل دژى نهوشيروان مستهفايێ رێكخهرێ گشتيێ بزاڤا گۆڕان دهسپێكريه و ب ڤان نێزيكان دێ دهنه دادگههێ.
رۆژناما ههولێر د ژمارا خوه يا ئهڤرۆ رۆژا ئێكشهمبى رێكهفتى 6ى كانوونا ئێكێ 2015ێ دا بهلاڤكرى، ئاماژه ب وێ چهندێ كريه كو پارتى ب چو رهنكهكى ل سهر وان گهفێن نهوشيروان مستهفاى ب رێيا تۆمارێن دهنگى كرين بێدهنگ نابيت “ئهو گهفن بۆ سهر ئارامى و ئاسايشا ههولێر و ههرێما كوردستانێ”.
رۆژناما ههولێر د دووماهيا گۆتارێ دا نڤيسيه: “چاڤهرێ بن و ببينن چاوان دێ دادگههـ نهوشيروان و ههڤدهستێن وى سزا دان”.
ههيڤا بۆرى دهزگههێن راگههاندنێ يێن سهر ب پارتى ديموكراتى كوردستان ڤه تۆمارهكا دهنگى بهلاڤكر و د گۆت كو نهوشيروان مستهفاى پلان و بهرنامه بۆ تێكدانا ئاسايشا ههرێما كوردستانێ ههبوون.
ئەڤرۆ نیوز:
رێڤەبەرێ ئاڤا دھۆکێ راگەھاند، پرۆژێ خراب دێمێ، پرۆژێ سەرەکی یێ ئاڤا دھۆکێ یە و ئەڤ پرۆژە دشێت ھەتا 10 ملیون مەترێن ئاڤێ یێن سێجا کۆم بکەت، بەلێ ل ھاڤینا بۆری گەلەک جاران ئاڤا پرۆژەی ب رێژەکا نە چاڤەرێکری ل کێمیێ دا و مەترسیا قەیرانا ئاڤێ ھەبوویە و گۆت: ھەکە شەرێ ئازادکرنا مووسل بھێتە کرن و ئاوارێن وێ ھەموو بەر ب کوردستانێ بھێن، دوور نینە دھۆک تووشی قەیرانا کێم ئاڤیێ ببیت، چونکو ئەو ئاوارێن نھا ل دھۆکێ ھەین رێژەکا مەزن یا ئاڤێ بۆ دچیت و کارتێکرن ل سەر پرۆژەی ھاتیە کرن.
ئەندازیار جەلال جەمیل بەرئاشی، رێڤەبەرێ ئاڤا دھۆکێ بۆ ئەڤرۆ دیار کر، سالانە ل وەرزێ ھاڤینی خەلک پتر ژ ھەر وەرزەکێ دی ئاڤێ د مەزێخیت و پتر پێدڤی ب ئاڤێ دبن، ئەڤ سالە ل مەھا 7، 8 و 9 رێژەکا مەزن یا ئاڤێ ژ لایێ خەلکی ڤە دھاتە زەعێکرن و ئاوارێن ل دھۆکێ ژی ھەین کارتێکرنا خوە ل سەر ئاڤێ ھەبوویە و ئەڤە ژی بۆ ئەگەر کو جاران رێژا ئاڤێ ل پرۆژێ خراب دێمێ ل کێمیێ بدەت و ھندەک جاران نێزیکی قەیرانێ ژی دبوو، بەلێ مە کۆنترۆل ل سەر دکر و چو قەیران پەیدا نەبوون.
ناڤبری دیار کر کو خودێ نەکەت چو پێلێن دی یێن قەیرانان ب سەر ھەرێما کوردستانێ دا بھێن، چونکو دێ کارتێکرنەکا مەزن ل پرۆژێ ئاڤا خراب دێمێ کەت و دوور نینە بەر ب مەترسیا قەیرانا ئاڤێ بچین.
ل گۆرەی گۆتنێن ئەندازیار جەلال، دو رێ بۆ نەمانا مەترسیا قەیرانا ئاڤێ ل سەر دھۆکێ ھەنە، رێیا ئێکێ ئەوە پرۆژێ ئاڤا خراب دێمێ بھێتە بەرفرەھکرن و ئومبارکرنا ئاڤێ زێدەت ژ 10 ملیۆن مەترێن ئاڤێ یێن سێجا لێ بھێت، ئەڤ رێیە ژی نھا گەلەک یا ب زەحمەتە بھێتە بجھئینان، چونکو ھەرێما کوردستانێ د قەیرانا دارایی دایە و د شیان دا نینە پرۆژە بھێتە فەرھکرن.
رێیا دویێ ژی ئەوە پیڤەرێن ئاڤێ ئەوێن نھا بۆ ھەموو مالان دھێنە دانان بھێنە کاراکرن و ب دووماھی بھێن، چونکو کاراکرنا پیڤەرێن ئاڤێ دێ بیتە ئەگەر چو مال ئاڤێ زەعێ نەکەن و ب دووڤ پێدڤیا خوە ئاڤێ ب مەزێخن، نەخاسمە نھا 75% ژ پیڤەرێن ئاڤێ ل سەنتەرێ قەزا دھۆکێ ھاتینە دانان و نێزیکە ب دووماھی بھێن و رەنگە ل نیڤا سالا بھێت بھێنە کاراکرن.
رێڤەبەرێ ئاڤا دھۆکێ ئاماژە دا وێ چەندێ، گەلەک بیستان نھا ل دھۆکێ ھەنە و ھەروەسا ل گەلەک جھان زێدەگاڤی ل سەر ئاڤێ ھاتینە کرن، بەلێ دانانا پیڤەران ڤان ھەموو ئاریشان ناھێلیت و ئاڤ دێ د پێڤاژوویا خوە یا دروست دا ھێتە بکارئینان و گۆت ژی: ب تنێ کاراکرنا پیڤەرێن ئاڤێ دێ ئاڤێ رێکئێخیت و ھەموو ئاریشێن مە چارەسەرکەت.
ئەڤرۆ نیوز:
ھشیار زێباری وەزیرێ دارایێ عیراقێ راگەھاند:پرۆژێ قانوونا بودجا سالا 2016 دا دەرمالێن فەرمانبەرێن دەولەتێ ناھێنەکێمکرن ،20% یا تەڤایا بودجێ بۆ بیاڤێ ئاسایشێ ھاتیە تەرخانکرن .
وەزیرێ دارایێ عیراقێ دیارکر پرانیا کورتئینانا بودجێ ب ژێدەرێن ناڤخویی ناھێتە تژیکرن و بەغدا خودان بلندترین ئاستێ وەزیفی یە و ژمارا فەرمانبەرێن دەولەتێ و خانەنشینکری و ئەو کەسێن موچەیێ تورا جڤاکی وەردگرن کو زێدەترە ژ 17 ملیۆن کەسان.
ھشیار زێباری ئەو چەندە ژی دیارکر رێزبەندیا نوو یا مووچێ دەرمالەیان نەھاتیە کێمکرن ب ئەگەرێ سیاسەتا بەنکا ناڤەندی یا عیراقێ بەغدا سەرکەفتی بۆ ژ کۆنترۆلکرنا ئاستێ بلندبوونێ و پرانیا کورتئینانا بودجێ ب رێکا داھاتێ وەزارەتان و بەنکا ناڤەندی ڤە ھاتینە تژیکرن و پشتی گوھورینێن تایبەت ب کێمکرنا مەزاختیان بڤان نێزیکان وەزارەتا دارایی پرۆژێ قانوونا راستڤەکریا بودجا سالا 2016 رەوانەی پەرلەمانی کەتەڤە .
ئهڤرو نیوز ، نهوزاد زاده هلۆرى:
ئهندامهكێ پهرلهمانێ عیراقێ دیاركر كو حكومهتا عیراقێ پشكهك ژ قهرهبوویا گوندێن بنارێ قهندیلێ كو ژلایێ فرۆكێن توركیا ڤه زیان ب وان گههشت بوون قهرهبووكرن .
سیروان سرێنى ئهندامێ پهرلهمانێ عیراقێ لسهر فراكسوونا پارتى دیموكراتى كوردستان بو ئهڤرو نیوز گۆت : ( د وهختێ خودا كو فروكهیێن توركیا چهند گوندهكێن بنارێ قهندیل بومبهبارانكرین مه راپورتهك بۆ پهرلهمان و حكومهتا عیراقێ و حكومهتا ههرێمێ و دیسان بوو توركیا ژى بلند بلندكربوو كو بهێنه قهرهبووكرن و د نهادا حكومهتا عیراقێ ب رێیا وهزارهتا كوچ و كوچبهران وهكو قهرهبووكرن كوژمێ ملیون دینار بوو ههر خێزانهكا زیانڤێكهفتێن گوندێن زارگهلێ و بوگریسكان یێن بنارێ قهندیل داینه بهلێ ب هیچ شێوهیهكێ ئهڤ یهك ل گورهى زیانێن ماددى و گیانیێن وان گوندان نینه )
زێدهتر گۆت : ( نێزیكێ 100 خێزانان ل چهند گوندهكێن بنارێ قهندیل زیانێن فروكهیان پێكهفتینه و هندهك خێزانان سێ شههید و بریندار ههنه و د ههمان دهم دا خانویێ وان ژى هاتیه پوچكرن و ئهڤجا چهوا ب ملیونهكێ ئهڤ یهك دێ هێته قهرهبووكرن و ب هزرا من حكومهتا عیراقێ دڤى دهمى دا نكاریت قهرهبویا گوندێن زیانڤێكهفتى بكهت ، و دیسان سهر ژ نوو جارهك دن ژ حكومهتا ههرێمێ و حكومهتا عیراقێ دخوازین كو بابهتێ قهرهبووكرنا گوندێن زیانڤێكهفتیێن بنارێ قهندیلێ و دهڤهرێن دن ب جدى وهربگرن و دیسان ئهو خانوێن هاتینه خرابكرن ژى ب هێنه لێبورینكرن ژ دانا پێشینهیا خانووبهران ژ بهركو هندهك ژ وان خانویان ب پێشینهیا خانوبهران هاتینه چێكرن )
دهێته زانین كو 24ى تهمووزا ئهڤ ساله پشتى تێكچونا پروسهیا ئاشتیێ دناڤبهرا كوردستانا باكوور و حكومهتا توركیێ چهند گوند و دهڤهرێن جوداجودایێن باشوورێ كوردستانێ ژلایێ فروكهیێن توركیا ب بهانهیا ههبوونا بارهگاێن پهكهكێ هاتبوونه توببارانكرن و زیانێن گیانى و مادى پێكهفتینه كو ههتا نها 11 شههید و 13 بریندار و دههان خانویێن خرابكرى و سووتنا هژمارهكا زور یا رهز و بیستانێن وهلاتیان و تێكدانا ژێدهرێن ئاڤێ و ژیانێ زیان ب وهلاتیان كهفتینه.
ئهڤرۆ نيوز:
رێڤهبهريا گشتيا كهشناسى و بيڤهلهرزێ ل ههرێما كوردستانێ راگههاند كو ژ ئهنجامێ هاتنا فشارێن بلندێن وهلاتێ سيبريا پلێن گهرمێ گهلهك دێ هێنه خوار و هوشداريا دياردا “Frost” خشيانا تايران ددهته شوفێران.
د نڤيسارهكێ دا، رێڤهبهرا گشتيا كهشناسى و بيڤهلهرزێ ل ههرێما كوردستانێ كو دانهك ب دهست ئهڤرۆ نيوز كهفتيه راگههاند: كارتێكرنا وى ههوايێ سار ئهوێ ژ ئهنجامێ درێژبوونا كاتێكرنا فشارێن بلندێن دهڤهرا سيبيريا هاتينه دهڤهرێ، ل دهڤهرێن چيايى و ههتا رادهكى چيايى دێ بهفر و باران بارن و پلێن گهرمێ ب رهنگهكێ بهرچاڤ هێنه خوار و پلێن گهرمێ ژى دێ هێنه د بن سفرێ دا.
رێڤهبهرا گشتيا كهشناسى و بيڤهلهرزێ ل ههرێما كوردستانێ دايه زانين ژى كو ژى كو كاتێكرنا ڤان پێلان ههتا ئهڤ شهڤه دێ يا بهردهوام بيت و ئهسمان دێ ئهور بن و پاشان رۆژا دوشهمبى دێ جارهكا دى بيته ساهى.
كهشناسيا ههرێمێ هوشدارى ژى دايه شوفێران كو ژ ئهنجامێ نزمبوونا پلێن گهرمێ بۆ بن سفرێ دێ دياردا “Frost” يان خوه خشيانا تايرێن ترۆمبێلێ ل پتريا دهڤهران دروست بيت، “ئهڤجا پێدڤيه شوفێر د هشيار بن”.
ئەڤرۆ نیوز:
ئەندامەکێ لژنا سامانێن سروشتی ل پەرلەمانێ کوردستانێ بۆ رۆژناما ئەڤرۆ دیارکر ل ھەرێما کوردستانێ رێژەیەکا زۆرا غازا سروشتی ھەیە و بەرامبەری نەفتێ یە، ھەکە حوکمەتا ھەرێما کوردستانێ ب پلان و شەفافیەت ب دەرخستن و ھنارتنا غازا سروشتی بۆ ژ دەرڤە راببیت، دێ داھاتەکێ باش بۆ مە ژێ ھێت و بیتە ئەگەرێ خۆرتکرن و بلندبوونا پیگەھێ مە یێ ئابووری و سیاسی ل جیھانێ،ھەروەسا دەرخستنا پترۆلێ و غازێ ب ھەڤرا وەکریە کو کوردستان پێشکەفتنەکا ئابووری بخۆڤە بببینیت ل سەر نەخشێ وزەیا جیھانی و ئەڤرۆ کوردستان بوویە جھێ باوەریا وەلاتێن جیھانێ و گۆت ژی:بریاربوو ل سالا 2017 حوکمەتا ھەرێمێ ل دووڤ وان گرێبەستێن ئیمزاکرین ب شێت غازا سروشتی بھنێریتە ژ دەرڤە،لێ ژبەر قەیرانا دارایی و ئابووری یا ل ھەرێمێ و نەبوونا پارێن پێدڤی،ئەڤ پرۆژە دێ ھێتە پاشخستن و ل سالا 2019 ھەرێم دێ غازا سروشتی ھنێریتە ژدەرڤە ھەر وەکی وەزیرێ سامانێن سروشتی ل کۆنفرانسێ کوردستانێ یێ نەفت و غازێ دا ل لەندەن دیارکری.
عەلی ھالۆ ئەندامێ لژنا سامانێن سروشتی ل پەرلەمانێ کوردستانێ زێدەتر دیارکر:مە وەک پەرلەمانتار پێداگیری ل سەر ھندێ کریە کو پێدڤیە بۆ وێستگەھێن کارەبێ غاز بھێتە دابینکرن،ژبەرکو غاز یا ئەرزانە و بۆ ژینگەھێ و ساخلەمیا مرۆڤی ژی ساخلەمترە،لێ ژبەر نەبوونا شیانێن ماددی ھەتانوکە ئەڤ چەندە نەھاتیە کرن،لێ ھندەک گرێبەست ھاتینە ئیمزاکرن و نوکە ھندەک وێستگەھـ ب غازا سروشتی کاردکەن،ھەروەسا کار یێ بەردەوامە کو ھەموو وێستگەە ب غازا سروشتی کاربکەن.
ناڤھاتی ئەوژی خۆیاکر:قەیرانا دارایی گەلەک پرۆژە راستاندینە و کارتێکرنەکا مەزن ل سەر رەوشا ھەرێمێ کریە،دڤیابا ل سالێن بوری بەری پەیدابوونا قەیرانان دەمێ ھەرێم خۆدان داھاتەکێ باش،کار بۆ ھندێ کربا گەلەک پێدڤێن مە بجە ئینابان،ھەکە پترۆل و غاز بھێنە فرۆشتن و چ ئاستەنگێن دی بۆ مە درۆست نەبن،ھەموو کێشەیێن مە دێ چارەبن،ب مەرجەکی شەفافیەت ھەبیت و ب پلان و بەرنامە کار بھێتەکرن.
عەلی ھالۆ دیارکر ژی:کوردستانێ رێکا یاسایی و دستۆری گرتیە بەر بۆ فرۆشتنا نەفت و غازێ، نوکە کومەلگەھا نێڤدەولەتی و دستۆرێ عێراقێ ژی پشتەڤانە بۆ ھەرێما کوردستانێ د بابەتێ پترۆل و غازێ دا،چونکی حوکمەتا بەغدا ب ھەموو رێکان رێگری ل ھەرێما کوردستانێ کر،لێ نوکە چ ددەستێ واندا نەمایە و نەشێن رێگریێ ل مە بکەن و ئەو قۆناغ کوردان دەربازکریە، ھەکە حوکمەتا ھەرێمێ غاز ھنارتە ژدەرڤە دێ ژێرخانا ئابووری ل ھەرێمێ بھیزکەڤیت و ب ساناھی شێت غازێ برێیا بۆریان ژی بۆ وەلاتیان دابینکەت.
نيشاندان