ئەڤرۆ نیوز، نەوزاد ھلوری:

ب مەرەما شرۆڤەکرنا رەوشا نوکە یا سیاسی یا کوردستان و عیراقێ، کولیژا پەروەردا بنیات رابویە ب رێکخستنا دیدارەکا سیاسی و ئەکادیمی بو ھژمارەکا ئەندامێن سەرکردایەتێن ھێز و لایەنێن سیاسی ل کوردستانێ، ددیدارێ دا ھژمارەکا بەرپرس و ئەندامێن پەرلەمانێ کوردستانێ پشکداربوینە.

ل دەستپێکێ راگرێ کولیژا پەروەردا ئامێدیێ پروفیسور کەرەڤان ئامێدی، دیارکر کو ئامێدیێ ھەر دکەڤن دا پرا ئاڤاکرن و پێکڤە ژیانێ بویە و ھەردەم ب دیدارێن خوە شیایە بوشایا سیاسی پر بکەت و گۆت: (ب مەرەما شرۆڤەکرنا رەوشا سیاسی یا کوردستان و عیراقێ ئەم رابوینە ب دیدارەکا سیاسی و ئەکادیمی بو سیاسیێن کوردستانێ داکو ئێدی حوکمەت بھێتە پێکئینان و رەوشا کوردستان و عیراقێ ژی بەر ب باشتر ڤە بچیت).

زێدەتر گوت: (سیاسیێن کوردستانێ ل سایا پێشمەرگێ قارەمانژیانەکا خوش دبورینن ژبەرڤێ گرنگە کو ئەڤرۆ وێڤە رێز ل خوینا وان بھێتەگرتن).

پروفیسور موسلح دھوکی سەرۆکێ زانکویا دھۆک د دیدارێ گۆت: (زانکو و ناڤەندێن ڤەکولینان دارێژەر و دەستپێشخەربوویە داکو پلانەکا رێژخایەن و ئەکادیمی و زانستی بدانن، زانکو ئەگەر بەرنامەیەکێ رێک و پێکبدانن سیاسی ژی دێ پشتەڤان بن، بەلێ ناڤەندێن ڤەکولینێ وەکو پێدڤی کارنەکریە، دڤێت زانکو ب رێیێن زانستی باشترین خزمەت بو ڤاکی بکەت، زانکویا دھوک ژی گرنگی دایە بابەتێن گەرمێن روژانە ب رێیا دیدار و ورگ شوپ و دانوستاندن کریە و بو جھێن شولەژێ ھنارتینە).

زێدەتر گۆت: (ئەڤرۆ دێ لسەر رەوشا سیاسی یا عیراق و کوردستانێ ب تایبەتی ئەگەرێن گیروبونا حوکمەتێ و جورێ وێ ھێتەکرن و دخوازین حوکمەتەکا بھێز بھێتە ئاڤاکرن و پەیوەندیێن مە ل گەل ھەرێمێ باشتر بن و بودجە و موچە و ژیانا خەلکی بھێتە دابینکرن، چونکی رەوشا سیاسی کارتێکرن ل رەوشا جڤاکی و ئابووری یا خەلکی کریە).

ئه‌ڤرۆ نيوز:

ده‌سته‌يا سه‌رۆكاتيا په‌رله‌مانێ كوردستانێ، به‌رنامێ كارێ روونشتنا ژماره‌ (1) يا نه‌ئاسايى يا رۆژا سێشه‌مبى رێكه‌فتى 26ى شوباتا 2019ێ راگه‌هاند كو دێ يا تايبه‌ت بيت ب هه‌لبژارتنا لژنا قانوونى.

ب گۆره‌ى نڤيساره‌كا په‌رله‌مانێ كوردستانێ بڕياره‌ ئه‌ڤرۆ رۆژا دوشه‌مبى ل ده‌مژمێر 11:00 به‌رى نيڤرۆ كۆمبوونا په‌رله‌مانێ كوردستانێ ب گۆره‌ى حوكمێ بڕگا (1) يێ ماددێ (16) و ماددێ (47) ژ په‌يره‌وێ ناڤخۆ يێ په‌رله‌مانێ كوردستانێ – عيراق هێته‌ ئه‌نجام دان ب مه‌ره‌ما دانانا لژنا قانوونى يا په‌رله‌مانى ب گۆره‌ى حوكمێ مادده‌ێن (28 و 29)، ژ په‌یڕه‌وێ ناڤخۆ یێ په‌رله‌مانى كوردستانێ – عيراق.

ئه‌ڤرۆ نيوز:

رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا سێشه‌مبى رێکەفتی 26ی شوباتا 2019ێ ئەسمان دێ ساهى پاشان دێ بۆ ئه‌وران هێته‌ گوهۆڕين و ل دانێ ئێڤارى باران دێ باريت.

پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته‌ پشبينيكرن ئه‌سمان ساهى پاشان دێ بۆ ئه‌وران هێته‌ گوهۆڕين و ل دانێ ئێڤارى باران دێ باريت.

پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ د ناڤبه‌را 9 بۆ 10کم دا بیت، پلێن گەرمێ ژی دێ د ناڤبەرا 6 بۆ 16 پلان دا بن.

ئه‌ڤرۆ نيوز:

شاندەک ژ کارگێریا پارێزگەھا دھوکێ کو ژ (ماجد سەید سالح )سەروکێ لیژنا سوتەمەنی وزێ ل پارێزگەھا دھوکێ و (جەھوەر عەلی) قائیمقامێ قەزا دھوکێ وئەندازیار( کەمال محمەد سالح )رێڤەبەرێ گشتی یێ کارەبێ ل دھوکێ پێک دھاتن ل روژا(٢١/٢/٢٠١٩) سەرەدانا وەزارەتا کارەبا حکومەتا کوردستانێ کر وژلایێ( ھوگر شالی )بریکارێ وەزارەتێ ھاتنه پێشوازی کرن.

قائیمقامێ دھوکێ گوت مەرەم ژڤێ سەرەدانێ بەرچافکرنا رەوشا خرابا کارەبا دھوکێ ونەدادپەروەریا بەلاڤکرنا وێ کو دبیتە ئەگەرا کێم بونا وێ و زێدەبونا دەمژمێرێن کارەبا مولیدان وگرانبونا بھایێ کارەبێ وەلاتی ژی بڤێ رەوشێ دلگرانن.
بریکارێ وەزارەتا کارەبێ ئاماژە دا چارەسەریا دوم درێژ گوژمێ پازدە ملیون دولاران رێزدار نێچیرڤان بارزانی سەروکێ حکومەتا ھەرێما کوردستانێ رەزامەندی یا دستپێکی دیارکریە گوتژی نوکە مژیلی تەندەری نە پروژە ژلایێ تەکنیکی وکارگێری ڤە بکەڤێتە وارێ بجھ ئینانێ.
ھەروەسا دوپاتی لسەر وێ چەندێ ھاتە کرن حەتا پروژە جێ بەجێ دبت بەلانسەک بھێتە راگرتن دنافبەرا ھەمی پارێزگەھان ب ھەر شێوەێ ھەبت