ئەڤرۆ نیوز:
هەتا دەمژمێر 11:30 نیڤرۆ یا ئەڤرۆ رۆژا 29/1/2019 بڕیار بوو کۆمبوونا هەڤپشکا هەر دو مەکتەبێن سیاسی پارتی دیموکراتی کوردستان و ئێکەتی نشتیمانی کوردستان بهێتە ئەنجامدان، بەلێ ل دەمژمێر 11:30 مەکتەبە سیاسی یا ئێکەتیێ پەیوەندی ب مەکتەبا سیاسی یا پارتی کر و داخوازا پاشخستنا کۆمبوونێ کر و ل سەر داخوازا ئێکەتی نشتیمانی کورد کۆمبوون هاتە پاشخستن

ئەڤرۆ نیۆز، قائید میرۆ:

کۆمسیۆنا بلندا ھەلبژارتنێن عیراقێ دووبارە دەست ب پڕۆسا بایۆمەتریا دەنگدەران کریە و ھەر دەنگدەرەکێ کارتا نوو نەبیت  نەشێت پشکداریێ د هەلبژارتنان دا بکەت، بەرپرسێ دەزگەھێ ھەلبژارتنێن پارتی ژی داخواز ژ ئەندام و جەماوەرێ پارتی دکەن سەرەدانا بنگەھێن بایۆمەتریێ بکەن.

خسرۆ گۆران، بەرپرسێ دەزگەھێ ھەلبژارتنێن پارتی دیموکراتی کوردستان بۆ ئەڤرۆ نیوز دیارکر کو وان داخواز ژ ھەموو جڤاتێن سەرکردایەتی ل پارێزگەھان و لق و ئورگانێن حزبێ کریە، پێدڤیە وەلاتی بھێنە ھاندان پشکداریێ د پڕۆسا بایۆمەتریا دەنگدانێ دا بکەن، یاکو ژلایێ کۆمسیۆنا بلندا ھەلبژارتنێن عیراقێ دھێتە ئەنجامدان، بتایبەتی ئەندام و جەماوەرێ پارتی ھاندەین سەرەدانا بنگەھێن کۆمسیۆنێ بکەن.

خسرۆ گۆران خویا کر کو ھەر وەلاتیەک و دەنگدەرەکێ کارتا تایبەت ب دەنگدانێ نەبیت ئەوا ل گورەی سیستەمێ بایۆمەتری دھێتە چێکرن نەبیت مافێ پشکداریێ د ھەر پڕۆسەیەکا ھەلبژارتنان دا نابیت ئەگەر ل عیراقێ بھێتە ئەنجامدان، لەوڕا داخوازێ ل ئەندام و لایەنگرێن پارتی و ھەموو وەلاتیان دکر پشکداریێ بکەن و کارتێن بایۆمەتریێ چێکەن.