ئه‌ڤرۆنیوز:
رێڤه‌به‌ریا كونترۆلا جۆرى یا ده‌رمانان ل وه‌زاره‌تا ساخله‌میێ ل هه‌رێما كوردستانێ ل سه‌ر ریكلامكرنێ دتۆرێن جڤاكى دا بۆ ده‌رمانان وچاره‌سه‌ریا سروشتى، هوشداریێ دده‌ته وه‌لاتیان ورادگه‌هینیت كو ئه‌و ده‌رمان وچارسه‌رى دسه‌خته‌نه.
رێڤه‌بریا ناڤبرى ئه‌ڤرۆ ئه‌ینیێ 8/3/2019 دبه‌یاننامه‌كێ دا به‌لاڤكر”دتۆرێن جڤاكى دا به‌رده‌وام ریكلام بۆ هنده‌ك به‌رهه‌مێ سه‌خته دهێته كرن ب ناڤێ به‌رهه‌مێ سروشتى بۆ خوه‌زه‌عیف كرنێ، كو دراستى دا ئه‌و ریكلام وپرۆپاگنده تنێ بۆ سه‌ردابرنا خه‌لكى یه ب مه‌ره‌ما بازرگانیه‌كا نه‌ساخله‌م وپركرنا به‌ریكان”.
دپشكه‌كا دى وێ هوشداریێ دا هاتیه” هه‌موو ئه‌و به‌رهه‌مه دسه‌خته‌نه ورێ پێ نه‌هاتیه دان وب رێیا قه‌چاخ هاتینه هنارتن بۆ وه‌لاتى ول چو جهه‌كى مۆله‌تا فرۆتنێ پێ ناهێته دان، له‌وما تاكه ژێده‌ر كو بۆ ریكلام وفرۆتنێ بكاردئینن، رێیا ئۆنلاینه، ئانكو كریار ل گه‌ل كرینا به‌رهه‌مى ب ئۆنلاین ناڤونیشانێ خوه دهنێریت وئه‌وژى بۆ وی دگه‌هینن”.
دیاركر ژى” ئه‌و ده‌رمانێ كو بۆ خوه زه‌عیفكرنێ بكاردهێت، مادێ (Sibutramine) یێ تێدا كو ل پتریا وه‌لاتان هاتیه قه‌ده‌غه‌كرن، چونكى دده‌مه‌كێ كێم دا مرۆڤ پێ زه‌عیف دبیت، به‌لێ بارێ ده‌روونێ یێ بكارئێنه‌رێ وان تێك دده‌ت وفشارا خوینێ گه‌له‌ك بلند دكه‌ت”.
رێڤه‌به‌ریا كونترۆلا جۆرێ یا ده‌رمانان داخواز ژ وه‌لاتیان كر كو ب هه‌موو شێوه‌كێ خوه ژ كرینا به‌رهه‌مێ سه‌خته وقاچاخ وبێ ستیكه‌ر وب ناڤ سروشتى دووربكه‌ن وباوه‌ریێ ب رێكلامێن تۆرین جڤاكى نه‌كه‌ن.
ئه‌ڤرۆنیوز:
جڤاتا وه‌زیرێن هه‌رێما كوردستانێ پشتى ئه‌ڤرۆ ئه‌ینیێ 8/3/2019 بریار داى پاشكه‌فتا مووچه‌ى بهێته هه‌لوه‌شاندن، درۆهنكرنه‌كێ دا چاوانیا زڤراندنا پاشكه‌فتێ مووچه‌ى ژى راگه‌هاند.
درۆهنكرنا جڤاتا وه‌زیرێن هه‌رێمێ دا كو ل به‌رپه‌رێ فه‌رمى یێ خوه ل تۆرا جڤاكى یا فه‌یسبووكى به‌لاڤكرى، ئاماژه ب وێ چه‌ندێ هاتیه دان كو سه‌باره‌ت وێ رێژا شایستێ دارایى یێ مووچه‌خۆران كو ب ناڤێ ( امانات رواتب مستحقه) هاتیه پاشكه‌فتكرن، حوكمه‌تا هه‌رێما كوردستانێ بزاڤێن پێدڤى دێ ئه‌نجامده‌ت بۆ مه‌زاختنا وان شایستێن دارایى بۆ مووچه‌خۆرێن هه‌رێما كوردستانێ دچارچۆڤێ دانوستاندنێ دا ل گه‌ل حوكمه‌تا فیدرالى دا.
ئه‌ڤرۆنیوز:
پشتى ئه‌ڤرۆ ئه‌ینیێ8/3/2019 نێچیرڤان بارزانى سه‌رۆك وه‌زیرێن هه‌رێما كوردستانێ بریارا هه‌لوه‌شاندنا سیسته‌مێ پاشكه‌فتا مووچه‌ى راگه‌هاندى، دووپاتكر كو ژ ڤێ هه‌یڤێ مووچه بێ پاشكه‌فت دێ هێته به‌لاڤكرن.
ژێده‌ره‌كێ دارایى دداخۆیانیه‌كا رۆژنامه‌ڤانى دا دیاركر كو ئه‌و مووچێ دێ هێته به‌لاڤكرن یێ هه‌یڤا 12 سالا 2018 یه وبێ پاشكه‌فت دێ هێته به‌لاڤكرن”.
رۆهنكر ژى” ژبه‌ركو مووچێ هه‌یڤا 12 ب پاشكه‌فت یێ بوویه چه‌ك، له‌وما دڤێت پاشگۆیه‌كا لیسته‌كا دى بهێته ده‌ركرن وببیته چه‌ك”.
گۆت ژى” ب رێیا وه‌زاره‌تا دارایى دێ رێنما بۆ گه‌نجینان هێنه هنارتن، ئه‌وژى دێ ئاگه‌هداریا فه‌رمانگه‌هان كه‌ن بۆ ئینانا لیستا مووچه‌ى بێ پاشكه‌فت”.
ئەڤرۆ نیوز:
ب هەلکەفتا رۆژا جیهانی یا ژنان سەرۆک مەسعود بارزانی د پەیامەکێ دا پیرۆزباهیێ ل ژنێن جیهانێ و کوردستانێ دکەت و دیار دکەت کو ژنێن کوردستانێ د خەباتا ئازادیخوازا گەلێ کوردستانێ دا رۆلەک مەزن گێراینە و قوربانیێن مەزن دانینە، ئەز ب شانازی ڤە ڤێ رۆژێ ل هەموو ژنێن جیهانێ پیرۆز دکەم.
سەرۆک بارزانی هەروەسا دیار دکەت کو ژنێن کورد ژ بۆ بدەستڤەئینانا مافێن رەوا یێن گەلێ کوردستانێ خوەدان رۆلەک بەرچاڤ بووینە.
ئه‌ڤرۆ نیوز:
فه‌رهاد ئه‌مین ئه‌ترووشی پارێزگه‌رێ دهۆكێ په‌یامه‌ك ب هه‌لكه‌فتا 8 ئادارێ رۆژا جیهانی یا ئافره‌تان به‌لاڤ كر و ئه‌ڤ هه‌لكه‌فته ل ئافره‌تێن كوردستانێ ب گشتی و یێن پارێزگه‌ها دهۆكێ ب تایبه‌تی پیرۆز كر.
فه‌رهاد ئه‌مین ئه‌ترووشی د په‌یاما خوه دا راگه‌هاندیه كو ئافره‌تێن كوردستانێ هه‌رده‌م نموونا قۆربانیدان و خۆراگری و بهایێن مرۆڤایه‌تیێ نه و هه‌رده‌م ئافره‌تێن بهێز و ئازا د ناڤ گه‌لێ كورد دا هه‌بووینه و گۆت:(ئه‌م حكومه‌ت وه‌ك پره‌نسیپ دێ به‌رده‌وام پارێزگارا مافێن مرۆڤی و دیمۆكراسیێ بین، ب تایبه‌ت د كه‌یسێن وه‌كه‌هه‌ڤیا مافێن ئافره‌تان دا).
پارێزگه‌رێ دهۆكێ به‌خته‌وه‌ریێ بۆ هه‌موو ئافره‌تان دخوازیت و دوباره ڤێ هه‌لكه‌فتێ ل وان پیرۆز دكه‌ت.
ئه‌ڤرۆنیوز:
بریاره سوباهى ئه‌ینیێ 8/3/2019 جڤاتا وه‌زیرێن هه‌رێما كوردستانێ كۆم ببیت وبریاره‌كێ ل دۆر نه‌هێلانا سیسته‌مێ پاشكه‌فتا مووچه‌ى بده‌ت.
نوره عوسمان، به‌رپرسێ فه‌رمانگه‌ها هه‌ماهه‌نگیێ ودووڤچوونێ ل جڤاتا وه‌زیرێن هه‌رێما كوردستانێ دداخۆیانیه‌كا رۆژنامه‌ڤانى دا گۆت” سوباهى پشتى نیڤرۆ جڤاتا وه‌زیرێن هه‌رێما كوردستانێ ل دۆر پرسا مووچێ فه‌رمانبه‌ران وپاشكه‌فتا مووچه‌ى دێ كۆمبیت”.
گۆت ژى” دبیت سوباهى بریار ل سه‌ر نه‌هێلانا سیسته‌مێ پاشكه‌فتا مووچێ فه‌رمانبه‌رێن هه‌رێما كوردستانێ بهێته دان.
ئه‌ڤرۆنیوز:
سه‌رۆك وه‌زیرێن هه‌رێما كوردستانێ، نێچیرڤان بارزانى ئه‌ڤرۆ پێنجشه‌مبى 7/3/2019 پێشوازى ل كریستیان باك رێڤه‌به‌رێ هه‌رێما رۆژهه‌لاتا ناڤه‌راست وباكوورێ ئه‌فریقیا ل وه‌زاره‌تا ده‌رڤه‌یا ئه‌لمانى وشانده‌كێ دگه‌لدا كر كو پێكهاتبوو ژ یۆگن مۆله‌ر جێگرێ بالیۆزێ ئه‌لمانیا ل عیراقێ وهێلینا مێركس كونسۆلا ئه‌لمانیا ل هه‌رێما كوردستانێ ب وه‌كاله‌ت.
ددیداره‌كێ دا، كریستیان باك خوه‌شحالیا خوه ب سه‌ره‌دانا هه‌رێما كوردستانێ ده‌ربرى ورۆلێ پێشمه‌رگه‌ى وخه‌لك وحوكمه‌تا هه‌رێمێ ل شه‌رێ دژى تیرۆرێ وحه‌واندنا هژماره‌كا مه‌زن یا ئاواره وپه‌نابه‌ران وپاراستنا وان ب بلند نرخاند وبه‌رده‌وامیا هاریكاریێن ئه‌لمانیا بۆ هه‌رێما كوردستنای وپێشڤه‌برنا زێده‌تر یا په‌یوه‌ندیێن دناڤبه‌را هه‌ردو وه‌لاتان دا دووپات كر.
نێچیرڤان بارزانى سوپاسیا وێ سه‌ره‌دانێ وهاریكاریێن به‌رده‌وام یێن ئه‌لمانیا ل ده‌مێن دژوار دا ب تایبه‌تى د هه‌ردو بوارێن مرۆڤایه‌تى وله‌شكرى دا بۆ هه‌رێما كوردستانێ كر وبه‌رهه‌ڤیا حوكمه‌تا هه‌رێما كوردستانێ ژى بۆ پێشڤه‌برنا زێده‌تر یا په‌یوه‌ندیێن هه‌رێما كوردستانێ ل گه‌ل ئه‌لمانیا نیشان دا.
ئه‌ڤرۆنیوز:
شیره‌تكارێ جڤاتا ئاسایشا هه‌رێما كوردستانێ، مه‌سرور بارزانى، ئه‌ڤرۆ پێنجشه‌مبى 7/3/2019 پێشوازى ل ده‌نیس ناتالى هاریكارا وه‌زیرێ ده‌رڤه‌یێ ئه‌مریكا وبه‌رپرسا نڤیسینگه‌ها ناكۆكیان وئۆپه‌راسیۆنێن سه‌قامگیریێ وشاندێ دگه‌لدا كر.
ددیداره‌كێ دا كو ئاندریو پیك، هاریكارێ جێگرێ وه‌زیرێ ده‌رڤه‌یێ ئه‌مریكا وجۆ هود كاربرێكه‌رێ بالپۆزخانا ئه‌مریكا ل به‌غدا وستیڤن ڤاگن كونسۆلێ ئه‌مریكى ل هه‌ولێرێ وهژماره‌كا شیره‌تكار وبه‌رپرسان به‌رهه‌ڤبووین، پێشهات وپێشڤه‌چوونێن سیاسى وئه‌منى یێن ده‌ڤه‌رێ وپێشڤه‌برنا په‌یوه‌ندیان وهه‌ماهه‌نگیا دناڤبه‌را هه‌رێما كوردستانێ وبه‌غدا وئه‌مریكا هاته به‌حسكرن.
مه‌سرور بارزانى رۆناهى خسته سه‌ر لڤینێن داعشێ ل چه‌ندین پارێزگه‌هێن عیراقێ ودووپاتى ل گرنگیا له‌زكرنێ دمیكانیزمه‌كا هه‌ڤپشك دناڤبه‌را هێزێن پێشمه‌رگه‌ى وهێزێن عیراقێ وهه‌ڤپه‌یمانان كر وراگه‌هاند” پێدڤیه ب میكانیزمه‌كێ هه‌ڤچه‌رخ وسه‌رده‌میانه كار بۆ چاره‌كرنا كێشێن بنه‌ره‌تى وپێشكێشكرنا خزمه‌تگوزاریان وپه‌یداكرنا ده‌لیڤێن كارى وڤه‌گه‌راندنا ئاواران بهێته كرن”.
هاریكارا وه‌زیرێ ده‌رڤه‌یێ ئه‌مریكا وبه‌رپرسا نڤیسینگه‌ها ناكۆكیان وئۆپه‌راسیۆنێن سه‌قامگیریێ دووپاتى ل وێ چه‌ندێ كو كو ئه‌مریكا دێ به‌رده‌وام بیت دهاندانا هێز ولایه‌نێن عیراقى بۆ چاره‌كرنا كێشان دچارچۆڤێ دستوورى دا وراگه‌هاند” لێك تێگه‌هشتن ونێزیكبوونا دناڤبه‌را به‌غدا وهه‌ولێرێ بۆ هه‌موو كێشه وپرسێن هه‌لاویستى دێ هاریكار بیت د بده‌ستڤه‌ئینانا وێ سه‌قامگیریێ وئاشتبوونا بۆ عیراقێ دهێته داخوازكرن”.
دانوستاندن ورێككه‌فتنا دناڤبه‌را لایه‌نێن سیاسى ل هه‌رێما كوردستانێ بۆ پێكئینانا كابینا نوو یا حوكمه‌تا هه‌رێما كوردستانێ ورۆلێ ئه‌مریكا ل ده‌ڤه‌رێ ب گشتى، ته‌وه‌ره‌كێ دى یێ دیدارێ بوو.
ئه‌ڤرۆنیوز:
سه‌رۆك مه‌سعود بارزانى ئه‌ڤرۆ پێنجشه‌مبى 7/3/2019 پێشوازى ل شانده‌كێ حوكمه‌تا ئوردنى كر كو پێكهاتبوو ژ تارق مه‌حموودى وه‌زیرێ پیشه‌سازى وبازرگانى ومونته‌سر عه‌قله بالیۆزێ ئوردنێ ل عیراقی وهه‌یسه‌ك ئه‌بولفول كونسولێ ئوردنێ ل هه‌ولێرێ وهژماره‌كا شیره‌تكارێن بالیۆزخانا ئوردنێ ل عیراقێ.
وه‌زیرێ پیشه‌سازى وبازرگانیا ئوردنى سلاڤێن شاهێ ئوردنێ عه‌بدولایێ دویێ گه‌هاندن سه‌رۆك بارزانى، زێده‌بارى ئاماژه‌دان ب په‌یوه‌ندیێن دیرۆكى دناڤبه‌را هه‌ردو لایه‌نان دا، دووپاتى ل پێشڤه‌برنا په‌یوه‌ندیێن دناڤبه‌را هه‌رێما كوردستانێ وئوردنێ كر، هه‌روه‌سا پێزانین ژى هه‌بوو بۆ وێ سه‌قامگیرى وپێكڤه‌ژیانا ل كوردستانێ هه‌ى وب ئه‌گه‌رێ پێشكه‌فتن وپاشه‌رۆژه‌كا باش هژمارت.
سه‌رۆك بارزانى سوپاسیا شاهێ ئوردنێ كر وب دۆست وبرایێ خوه هژمارت وهه‌روه‌سا پێزانین هه‌بوو بۆ هه‌لویستێن شاهێ ئوردنێ ل به‌رامبه‌ر گه‌لێ كوردستانێ.
نيشاندان