ئه‌ڤرۆ نيوز، زنار تۆڤی:

ئەڤرۆ نیوز، مەحمود نھێلی:

ئەفسەرەکی پولیسێن ھاتن و چونێ بۆ ئەڤرۆ نیوز دیارکر، کو رێژەیەکا زۆرا بەفرێ ل دەڤەرێ باریە و دیار کر، زێدەباری پاقژکرنا جادەیان ب بەردەوامی، لێ ھاتن و چون یا ب مەترسیە.

رائید بەیار ئیبراھیم، ئەفسەرێ پولیسێن ھاتنوچوونێ ل قەزا ئامێدیێ دیارکر، ژ بەر بارینا بەفرێ ل ھندەک جھان ھاتنوچوون گەلەک یا نەخوەشە و گۆت: ( ل سیارەتیکا تا دگەھیتە سەرسنکی جادە یا رەشە و رێژەکا کێم یا بەفرێ باریە، لێ ل سەرسنکی تا دگەھیتە سەنتەرێ قەزا ئامێدیێ ھاتنوچوون گەلەک یا نەخوەشە و بەردەوام تیمێن رامالینا بەفرێ ل سەر کار دکەن).
ناڤھاتی دیار ژی کر، کو ل سەنتەرێ قەزا ئامێدیێ تا دگەھیتە ناحیا دێرەلۆک ل ھندەک جھان رێیا ھاتنوچوون یا زەحمەتە و گۆت: ھەر چەندە تا نوکە چ روودانێن ھاتنوچوونێ نەھاتینە تومارکرن ، لێ ھەکە کارێن فەر نەبن، پێدڤیە شوفێر ھاتنوچوونێ نەکەن و گەلەک یێن ھشیار بن.
ژئالیێ خوە ڤە ھاشم یەحیا، بەرپرسێ پشکا کەشناسیا ئامێدیێ بۆ ئەڤرۆ نیوز دیارکر، ل سەنتەرێ قەزا ئامێدیێ ٣٢ سەمتیمێن بەرفرێ بارینە و ل سەرسنکی ٢٣ سەمتیم و ل کانی ماسێ ٤٦ سەمتیم و ل بامەرنێ ژی ٢٣ سەمتیم ل ناحیا چەمانکی ژی ٩ سەمتیمێن بەفرێ بارینە.

ئه‌ڤرۆ نیوز، نه‌وزاد هلۆرى:

ژبه‌ر بارینا به‌فره‌كا زور، رێیا سه‌ره‌كى یا دناڤبه‌را بارزان و شێلادزێ هاته‌ گرتن، نوكه‌ ژى بارینا به‌فرێ به‌رده‌وامه‌، هژماره‌كا زور یا ترومبێلان د به‌فرێ دا ئاسێ بوینه‌.

سه‌واب بارزانى، ئێك ژ وان شوفێرێن كو ل سه‌ڤره‌ ترومبێلا وى د به‌فرێ دا ئاسێ بوى بو ئه‌ڤرۆ نیوز گۆت: (شه‌ڤا بورى هه‌تا نوكه‌ به‌فر بارین ل ده‌ڤه‌را بارزان به‌رده‌وامه‌ و هه‌ند جهان هاتنووچۆن ب زه‌حمه‌ت بویه‌ ب تایبه‌تى ل گوندێ سه‌ڤره‌ و لوفێن سه‌ڤره‌، هژماره‌كا زور یا ترومبێلان ماینه‌ ئاسێ و نه‌شێن هاتنووچۆنێ بكه‌ن).

زێده‌تر گۆت: (هه‌ر چه‌نده‌ پولیسێن به‌ره‌ڤانیا باژێرى به‌رهه‌ڤى گوندێ سه‌ڤره‌ بوینه‌، به‌لێ ژبه‌ر به‌فرا به‌رده‌وام و خلیسوك بوونا جاددێ ترومبێل نه‌شێن هاتنووچۆنێ بكه‌ن، ئه‌م دخوازین كو جهێن شوله‌ژێ هاریكاریا خه‌لكى بكه‌ن داكو هاتنووچۆن یا به‌رده‌وام بیت).

ئەڤرۆ نیوز٬ عەلی حاجی
ئەڤرۆ سپێدێ روژا چارشەمبی ۱/۹/۲۰۱۹ پێلەکا بەفر بارینێ سنورێ دەڤەرا باتیفا و سەنتەرێ ناحیێ دا دەستپێکریە و هەتا نوکە یا بەردەوامە و رێڤەبەریا ناحیا باتیفا ژی هوشداریێ دەت .

دلشێر عەبدولستار رێڤەبەرێ ناحیا باتیفا بۆ ئەڤرۆ نیوز گوت : داخازێ ژ وەلاتیان دکەین قەستا دەڤەرێن چیایی نەکەن ژبەرکو ئەڤرو سپێدێ پێلەکا ب هێز یا بەفرێ دەست پێکری یە و رێکا هندەک گوندان هاتیە گرتن وتیمێن مە یێن رامالینێ بەردەوامن لسەر پاقژکرن و ڤەکرنا وان رێکان و کارکرن ژی هەتا نوکە بەردەوامە ژلایێ تیمێن مەڤە بتنێ دەڤەرا بیرێ رێکا وێ هاتیە گرتن و تیمێن مە دئامادەنە ل وێ دەڤەرێ بۆ ڤەکرنا رێکێ .

ناڤبری زێدەتر گوت : تیمێن هەتا دەڤەرا سەرگەلێ دچن و ئەفڤ چەندە ژی دبیتە بارگرانی ل سەر ملێت مە سەرەرای وێ چەندێ ئامیرێت مە دکێمن بتنێ ٤ ئامیرێن پێدڤی لبەر دەستن ٬ هەر دیسان هەر رێکەکا ئەڤرۆ نەهێتە ڤەکرن سوباهی دێ هێنە ڤەکرن و تیمێن مە بەردەوام ل ماوەیێ ۲٤ دەمژمێرا ل کارکرنێ دانە .

ھەولێر، قائید میرۆ:

نەتەوێن ئێکگرتی بڕیاردایە بتەمامی پشتەڤانیا کۆمسیۆنا بلندا ھەلبژارتنێن ھەرێما کوردستانێ بکەن و پەیڤدارێ کۆمسیۆنێ ژی دیارکر، بەری نوکە نەتەوێن ئێکگرتی ب تنێ وەک شاند سەرەدانا کۆمسیۆنا ھەلبژارتنان دکر، بەلێ نوکە ئەو هەڤپشکن و پێکڤە کار دکەن.

شیروان زرار، پەیڤدارێ کۆمسیۆنا بلندا ھەلبژارتنێن ھەرێما کوردستانێ بۆ ئەڤرۆ نیوز دیار کر کو نوکە وان ھەماھەنگیەکا باش دناڤبەرا کۆمسیۆن و نەتەوێن ئێکگرتی دا ھەیە ل ھەرێما کوردستانێ، چەندین کۆمبوونێن بەرفرەه بڕێڤەچووینە بۆ پێداچوونێ ب ئەڤان خالێن بەری نوکە وان ئەزموونەک ل سەر پەیداکری، بتایبەتی ل ھەلبژارتنێن پەرلەمانێ کوردستانێ دا ئەڤە ئێکەم پڕۆسا ھەلبژارتنان بۆ کۆمسیۆنا ھەرێمێ بڕێڤەببەت، بەری سالا نوو ل ھەر چار پارێزگەھێن ھەرێما کوردستانێ کۆمبوون ھاتینەکرن ژلایێ نەتەوێن ئێکگرتی دگەل ئۆفیسێن کۆمسیۆنێ، ھەموو کێماسیێن د ھەلبژارتناندا ھەی دێ پێداچوون بۆ ھێتەکرن و جڤاتا کۆمسیۆنێ دێ بڕیارێ ل سەر دەت.

شیروان زرار خویا کر کو نەتەوێن ئێکگرتی ل رێڤەبرنا ھەلبژارتنێن ٣٠ی ئەیلوولا بۆری دا دگەل وان پشکداری کریە، ئەڤە بۆ جارا ئێکەیە نەتەوێن ئێکگرتی لسەر خەت بۆ ھندێ کاری دگەل کۆمسیۆنێ بکەت، چونکی بەری نوکە نەتەوێن ئێکگرتی ب تنێ کار دگەل کۆمسیۆنا بلندا ھەلبژارتنێن عیراقێ دکر، بەلێ نوکە ئەم پێکڤە هەڤپشکین بتایبەتی پشتی سەرەدانا یان کۆبیج بۆ کۆمسیۆنا ھەلبژارتنێن کوردستانێ ھەلویستێ نەتەوێن ئێکگرتی ھاتیە گۆھڕین.