ئەڤرۆ،عەزیز هەورامی
رێڤه‌به‌رێ پۆليسێن قه‌زا سه‌يد سادق ئه‌حمه‌د قه‌سرتى بۆ ئه‌ڤرۆ نيوزدياركر، وه‌لاتيه‌ك ل باژێرێ سلێمانيێ هاته گوله بارانكرن كو خه‌لكێ قه‌زا سه‌يد سادق بوو و برياربوو سوبه رۆژا ئه‌ينى شه‌هيانا خوه بكه‌ت.
وه‌لاتيه‌ك هاته كوشتن
نووترين نووچه
- سەرۆك بارزانی و شێخ جەمال ئەلزاری ڕەوشا ئیراقێ و دەڤەرێ گەنگەشە كر
- ل دهۆكێ.. سەرۆكێ حوكمەتا هەرێما كوردستانێ ل گەل وەبەرهێنەر و خوەدانكاران كۆمبوو
- سەرەڕای ئاستەنگان، كاروانێ ئاڤەدانكرنا كوردستانێ بەردەوام پێنگاڤان دهاڤێژیت
- سەرۆكێ حوكمەتا هەرێمێ: ل سەر بەرگریكرنێ ژ مافێن خەلكێ كوردستانێ د بەردەوامین
- بێی جوداهی خزمەتا خەلكێ هەموو دەڤەرێن كوردستانێ دكەین
- دڤێت مافێن گەلێ کورد د دستوورێ سووریێ دا بهێنە گەرەنتیکرن
- مەسرور بارزانی: پێشڤەبرنا كەرتێ پێشەسازیێ بەرنامەیێ مەیە بۆ هەمەجۆركرنا ئابۆرێ كوردستانێ
- پڕۆژەیێ گەلیێ زاخۆ یێ گەشتیاری، مەزنترینە ل سەر ئاستێ ئیراقێ
- بۆ دووڤچوونا داخوازیێن خەلكێ دەڤەرێ، سەرۆكێ حوكمەتا هەرێمێ لیژنەیەكا تایبەت ل دهۆكێ پێكئینا
- سەرۆك بارزانی: پێدڤییە قانوونا هەلبژارتنان ل ئیراقێ بهێتە ڕاستڤەكرن
سهرهكى نوچێن گرنگ
ئه‌ركێ به‌رپرسێ UNHCR ل هه‌رێما كوردستانێ ب دووماهی هات
ئه‌ڤرۆ نیوز:
فه‌رهاد ئه‌مین ئه‌ترووشی پارێزگه‌رێ دهۆكێ ئه‌ڤرۆ 2019/2/21 پێشوازیا (برونو ئه‌لگیدا ) به‌رپرسێ رێكخراوا (UNHCR) ل هه‌رێما كوردستانێ كر.
د هه‌ڤدیتنه‌كێ دا ب ئاماده‌بوونا هاریكارێ پارێزگه‌رێ دهۆكێ بۆ كاروبارێن مرۆڤایه‌تی به‌حسێ ره‌وشا ئاواره و په‌نابه‌رێن سنورێ پارێزگه‌ها دهۆكێ ئاكنجی و پێدڤیێن وان یێن رۆژانه هاته كرن.
به‌رپرسێ رێكخراوا (UNHCR) ل هه‌رێما كوردستانێ دیار كر كو ئارمانج ژ سه‌ره‌دانا وی بۆ پارێزگه‌ها دهۆكێ خاتر خواستنه ژبه‌ر كو ئه‌ركێ وی ب دووماهی هات و دیار كر كو د ڤان سالێن بوری دا وی ل گه‌ل پارێزگه‌رێ دهۆكێ و كارگێریا پارێزگه‌هێ ژ ئه‌نجامێ هه‌ڤكاریه‌كا به‌رده‌وام هه‌بویه و هه‌موو كار سه‌ركه‌فتیانه هاتیه ئه‌نجامدان .
هه‌روه‌سا سوپاسیا پارێزگه‌رێ دهۆكێ و بوردێ كاروبارێن مرۆڤایه‌تی كر بۆ وێ خزمه‌تا مه‌زن و ژ هه‌ژی كو د ڤان سالێن بوری دا پێشكێشی ئاواره و په‌نابه‌ران كریه.
ژ لایێ خوه ڤه پارێزگه‌رێ دهۆكێ سوپاسیا به‌رپرسێ رێكخراوا (UNHCR) ل هه‌رێما كوردستانێ كر بۆ وێ پشته‌ڤانیا به‌رده‌وام یا ل كه‌مپێن ئاواره و په‌نابه‌ران كری و سه‌ركه‌فتن بۆ خواست د هه‌ر كاره‌كێ نوو دا یێ پێ دهێته راسپاردن.
نێزیکێ 15 جھێن ھاڤینگەھا ئاڤا مارک ھەیڤەکە ژ کاری راوستایی
ئەڤرۆ نیوز، نەوزاد ھلۆری:
پشتی خوەنیشاندان و رودانێن شێلادزێ، ھەموو جھێن گەشتوگۆزاری ل گەلیێ بالندا و ئاڤا مارک راوستایی، خودانێن وان دخوازن کو جارەکا دی جھێن وان بھێنەڤەکرن ب تایبەتی نوکە کو بەرەڤ وەرزێ بھارێ دچین و خەلک چاڤەرێ یە بچیتە وان جھان بو گەشتوگۆزارێ.
زیاد رێکانی، خودانێ ئێک ژ جھێن گەشتوگۆزاری ل ئاڤا مارک بۆ ئەڤرۆ نیوز گۆت: (پشتی کو ل شێلادزێ خوەنیشاندان ھاتینەکرن ھەتا نوکە ھەموو جھێن گەشتوگۆزار ل ھاڤینگەھا ئاڤا مارک ھاتینە راگرتن و جھێن شولەژێ ناھێلن ئەم بازار و جھێن خوە ڤەکەین).
زێدەتر گۆت: (ب تنێ ل ھاڤینگەھا ئاڤا مارک 15 جھێن گەشتوگۆزاری و خوارنگەھـ ھەنە و پتری 30 کەسان تێدا کاردکەن، ئەڤە ھەیڤەکە کارێن مە ھاتینە راگرتن و زیانێن زور ب مە گەھشتینە، بڤی رەنگی بچیت دێ زیانێن مە زورتربن، ئەڤە وەرزێ بھارێ نێزیک بو، خەلک چاڤەرێ دکەت بچیتە وێرێ چونکی جھەکێ گەشتوگۆزاری و خوشە، ھێشتا مە دووبارە جھێن خوە نوژەن و سەخبێرنەکرینە بو پێشوازیا گەشتیار و وەلاتیان).
دھێتە زانین کو ھاڤینا سالا بوی، رۆژانە دناڤبەرا 300 بو 600 ترومبێلێن گەشتیاری و وەلاتیان قەستا ھاڤینگەھا ئاڤا مارک دکر بو بوراندنا دەمەکێ خوش.
ھژمارەکا سەرێن پەزێ کووڤی ل دەڤەرا بارزان مرن
ئەڤرۆ نیوز، نەوزاد ھلۆری:
د رودانەکا نەچاڤەرێکری دا دووبارە جارەکا دن مینا سالا 2011 کووڤیێن دەڤەرا بارزان کەفتنە دحالەتێ نەخوشیێ دا و ھژمارەکا وان مرن، بەرپرسەکێ فەرماندەیا ژینگەھا ھەرێما کوردستانێ ژی دیارکر کو نوکە ئەو یێ کار لسەر نیاسینا جورێ نەخوشیێ دکەن داکو پەز کووڤیان چارەسەر بکەن.
تەیب عەبدوللا، ژ راگەھاندنا فەرماندەیا ژینگەھا ھەرێما کوردستانێ بۆ ئەڤرۆ نیوز گۆت: (چەند روژەکە نەخوشیەکا مەترسی و کوژەک دناڤ پەز کوڤیێن دەڤەرا بارزان پەیدابویە، بویە ئەگەرێ مرنا کوڤیان، ھەر چەندە چ ئامارێن دروست ل بەر دەست نینن بەلێ ھەتا نوکە ھژمارەکا وان ھاتینە کوشتن و ھندەک ژی نەخوشن).
زێدەتر گۆت: (گومان دھێتەکرن ھەمان نەخوشیا سالا 2011 بیت کو توشی پەز کوڤیێ دەڤەرا بارزان بوی ژ جورێ PPR کو نێزیکێ دوو ھزار پەزکوڤیان کوشتی، نوکە تاقیگەھا ناڤەندی یا ھەرێما کوردستانێ کار لسەر دەستنیشانکرنا جورێ نەخوشیێ دکەت و ھندەک ژ نموونێن مرنا پەزکوڤیان برینە و پشکنینان لسەر دکەن).
ناڤبری دیارکر ژی کو پێدڤی یە وەلاتی و شڤان ب ھیچ شێوەیەکێ پەزێ خومالی نێزیکێ وان جھان نەکەن کو پەزکوڤی ھەبن داکو نەخوشی ژ ھەردووان نەھێتە ڤەگوھاستن و زێدەتر گۆت: (ھەر پەزەکێ خومالی ئەگەر لاواز بوو، چاڤێن وان کورەبوون، زکێ وان چوو، پندک لێ دیاربوون، بلا ب زوترین دەم فیتەرنەریا مێرگەسوورێ یان بەتالیونا پێشمەرگێن ژینگەھێ یان رێکخراوا بارزان بۆ چاکسازیا ژینگەھێ ئاگەھدار بکەت داکو چارەسەریا وان بھێتەکرن، دیسان ھەر وەلاتیەکێ پەز کوڤیەکێ ببینیت کو یا نەخوشە بلا ب زوترین دەم مە ئاگەھدار بکەت داکو رێگریێ ل نەخوشیێ بھێتەکرن).
به‌رزه‌بوويه‌كێ دى يێ كيميا بارانا هه‌له‌بچه ب كه‌سوكارێن خوه شاد بوو
ئەڤرۆ نیوز، عەزیز ھەورامی:
ئه‌ڤرۆ ژ لايێ وه‌زاره‌تا ژ ده‌رڤه يا كۆمارا ئيسلامى يا ئيرانێ مه‌راسيمه‌كێ تايبه‌ت دێ هێته رێكخستن بۆ ساخكرنا هه‌لكه‌فتا ئاشكه‌رابوونا زارۆيه‌كێ دى يێ به‌رزه‌بووى يێ هه‌له‌بچه كو ب كه‌سوكارێن خوه شاد بوويه.
لوقمان عه‌بدولقادر، سه‌رۆكێ كۆمه‌لا قوربانيێن كيميابارانا هه‌له‌بچه بۆ ئه‌ڤرۆ نيوز راگه‌هاند كو سالا بۆرى ژ لايێ نوونه‌رێن كۆمه‌لێ هاتينه ئاگه‌هداركرن كو كه‌سه‌ك خوه ب زارۆيێ هه‌له‌بچه دده‌ته نياسين و به‌لگه ژى ل گه‌ل هه‌نه و دياره زارۆيێ هه‌له‌بچه‌يه.
گۆتژى: “پشتى هاتيه ڤه‌گوهاستن بۆ كوردستان و ل به‌ر دادگه‌ها هه‌له‌بچه دانپێدانێن وى وه‌رگرتين، ل هه‌شتى ته‌باخا 2009ێ ل سلێمانيێ سيمپلێ خوينا ژێ وه‌رگرتيه و پشكنينا دى ئێن ئه‌ى بۆ ئه‌نجامداى، خێزانه‌كێ په‌يوه‌ندى پێكريه و گۆتيه كو ئه‌و به‌لگێن د ده‌ست وى كورى دا يێن وانن.
ئاشكه‌را ژى كر كو ئه‌و خێزانا گۆتى كو زارۆيێ يێ وانه چووينه ئيرانێ و پشكنينا دى ئێن ئه‌ى ئه‌نجامدايه و پشكنينێ ده‌رخست كو زارۆيێ وێ خێزانێ يه. ناڤێ وى يێ ئيرانى محه‌مه‌د ئه‌مين ئيسماعيله و ناڤێ وى يێ كوردى خه‌ليل سالح محه‌مه‌ده و نها خێزانداره و زارۆيه‌ك هه‌يه و ل باژێرێ قوم يێ بنه‌جهه.
سه‌رۆكێ كۆمه‌لا قوربانيێن كيميابارانا هه‌له‌بچه گۆتژى: “ئه‌ڤرۆ ل ته‌هران ژ لايێ وزه‌اره‌تا ژ ده‌رڤه يا وى وه‌لاتى رێوره‌سمه‌كێ تايبه‌ت هاتيه رێكخستن كو نوونه‌راتيا هه‌رێما كوردستانێ و بالوێزخانا حوكمه‌تا عيراقێ و نوونه‌رێ كۆمه‌لا قوربانيان، تايبه‌ت ب ساخكرنا ڤێ هه‌لكه‌فتێ دێ بۆ دايك و كوران هێته رێكخستن.
ب ديتنا خه‌ليل سالح محه‌مه‌د، هه‌تا نها نه‌هـ زارۆيێن هه‌له‌بچه هاتينه ديتن و ب كه‌سوكارێن خوه شاد بووينه و حه‌فت كه‌سێن دى ژى راگه‌هانديه كو ژ كاره‌ساتا هه‌له‌بچه ژ كه‌سوكارێن خوه هاتينه دابرين، داخوازا ڤه‌ديتنا خێزانا خوه دكه‌ن و سيمپلێن خوينا وان دهێنه وه‌رگرتن بۆ پشكنينا دى ئێن ئه‌ى و به‌رهه‌ڤكرنا وان ل گه‌ل سيمپلێ وان 78 خێزانێن هه‌له‌بچه‌ى كو 179 زارۆيێن به‌رزه‌بووى ل رۆژا 16ى ته‌باخا 1988ێ به‌رزه بووينه.
ده‌سته‌لاتێن پارێزگارێ كه‌ركووك دهێنه كێمكرن و سنورداركرن
ئه‌ڤرۆ نيوز:
ئه‌مينداريا گشتى يا جڤاتا وه‌زيرێن عيراقێ ده‌سته‌لاتێن پارێزگارێ كه‌ركووك و بريكارێن وى سنوردار دكه‌ت و هه‌موو ئه‌وان نڤيساران هه‌لدوه‌شينيت كو گرێداى ڤه‌گوهاستنا به‌رهه‌مێن په‌ترۆلێ نه و بڕيار ژى دايه كو ئه‌و رێنمايێن نوو ده‌ربكه‌ن كو بۆ وێ مه‌ره‌مێ هاتينه ده‌ركرن.
ب گۆره‌ى به‌لگه‌نامه‌كێ كو ئه‌ڤرۆ نيوز دانه‌ك ب ده‌ست خوه خستيه، ئه‌مينداريا گشتى يا جڤاتا وه‌زيران ل عيراقێ د رێنمايه‌كێ دا هه‌موو وان نڤيساران هه‌لدوه‌شينيت كو ئيمزا پارێزگارى يان بريكارێن پارێزگارى ل سه‌ر و گرێداى ڤه‌گوهاستنتا به‌رهه‌مێن په‌ترۆلێ، ئاسن، سكراب و كارێ كۆمپانيێن ئه‌منى.
د وێ رێنمايێ دا كو ل رێكه‌فتى 29ى كانوونا ئێكێ 2019 دا ده‌ركه‌فتيه ژ وێ به‌روارێ و ب گۆره‌ى ئه‌و رێنمايێن ژ ئه‌مينداراتيا گشتى يا جڤاتا وه‌زيران و وه‌زاره‌تێن په‌يوه‌نديدار ڤه ده‌ركرينه كارێن وان ب جهـ ئينيت.
ئاماژه ب هندێ ژى كريه ئه‌رێ ديوانا پارێزگه‌هێ پێكهاتيه ژ سانكرنا كاران ژ وان بابه‌تێن د چارچۆڤێ ده‌سته‌لاتا پارێزگارى دا، يان بۆ مه‌ره‌ما هه‌ماهه‌نگيێ يان ئاگه‌هداركرنا هێز و ده‌زگه‌هێن ئه‌منى و ئه‌وان كارێن تايبه‌ت ب كارێ پارێزگه‌هێ ب دياركرى ئه‌وێن د چارچۆڤێ ده‌سته‌لاتێن پارێزگه‌هى دا. ژبلى وێ چه‌ندێ پشت ب چو نڤيسارێن دى نا گرێده‌ت كو پێدڤيه ره‌زامه‌ندى يا ئه‌مينداريا گشتى يان وه‌زيرێن تايبه‌ت هه‌بيت.
سەرۆك بارزانی ونوونه‌رێ نوو يێ سه‌رۆكێ ئه‌مريكا كۆمبوون
ئه‌ڤرۆنيوز:
سه‌رۆك بارزانى پێشوازى ل شانده‌كێ حوكمه‌تا ئه‌مريكى كر كو ب سه‌رۆكاتيا (جێمس جێفرى) نوونه‌رێ نوو يێ سه‌رۆكێ ئه‌مريكى بۆ هه‌ڤپه‌يمانيا نيڤده‌وله‌تى يا شه‌رێ دژى داعشێ كر.
د كۆمبوونه‌كێ دا ره‌وشا سياسى يا ده‌ڤه‌رێ وعيراقێ وهه‌رێما كوردستانێ هاته به‌حسكرن ونوونه‌ري نوو يێ سه‌رۆكێ ئه‌مريكى بۆ هه‌ڤپه‌يمانيا نێڤده‌وله‌تى يا شه‌رێ دژى داعشێ په‌سنا پێشڤه‌چوون وسه‌قامگيريا هه‌رێما كوردستانێ كر وراگه‌هاند كو زێده‌بارى هه‌بوونا ته‌حه‌دياتان وگه‌فان، هه‌رێما كوردستانێ ئێك ژ سه‌ركه‌فتيترين ده‌ڤه‌رين رۆژهه‌لاتا ناڤه‌راسته، دووپاتى ل وێ چه‌ندێ ژى كر كو شكاندنا تيرۆرێ وبده‌ستڤه‌ئينانا سه‌قامگيريێ كارێ سه‌ره‌كيێ ئه‌مريكايه ل ده‌ڤه‌رێ.
دپشكه‌كا دى يا وێ ديدارێ دا، بيرورا ل دۆر ره‌وشا سووريێ ودووماهى پێشهاتێن سياسى ومه‌يدانى ونيگه‌رانى وپێشنيازێن ل دۆر پاشه‌رۆژا كوردان ل سووريێ هاتن ئالوگۆركرن ودووپاتى ل سه‌ر هه‌ماهه‌نگيێ وكارێ هه‌ڤپشك دناڤبه‌را هه‌ردو لايه‌نان ل دۆر وێ پرسێ هاته كرن. ب مه‌ره‌ما دابينكرنا سه‌قامگيريێ ورێگرتنێ ل سه‌ر وكاڤلكرنێ وهه‌روه‌سا رێگرتنێ ل ئازار ونه‌هامه‌تيێ بۆ گه‌لێ كورد ل سووريێ.
هه‌ر د وێ كۆمبوونێ دا گه‌فين تيرۆرستان ل سه‌ر ئاسايشا ده‌ڤه‌رێ هاته به‌حسكرن ودووپاتى هاته كرن كو هه‌ماهه‌نگى وكارێ هه‌ڤپشك يێ هه‌ڤپه‌يمانان وهه‌ريما كوردستانێ سه‌ركه‌فتن وئه‌نجامێن گه‌له‌ك ئه‌رێنى ل شكاندنا تيرۆرێ لێ په‌يدابوون.
د وێ ديدارێ دا هه‌ر ئێك ژ جۆل رايبێرن جێگرێ هاريكارێ وه‌زيرێ ده‌رڤه‌يێ ئه‌مريكى بۆ كاروبارێن رۆژهه‌لاتا ناڤه‌راست وكونسۆلێ گشتيێ ئه‌مريكا ل هه‌ولێرێ ب وه‌كاله‌ت وئه‌ندامێن تيما ئه‌مريكى يا تايبه‌ت ب سووريێ ڤه ل گه‌ل شاندى بوون.
جھێ ترشیێ ھەڤلێر ھاتە داخستن
ئەڤرۆ:
لیژنا دووڤچوونا بازاری ئەڤرۆ رۆژا ٢٠/٢/٢٠١٩ێ دووڤچوونا چەند مارکێت و سەمونحانە و گوشت فرۆشان ل سەنتەرێ باژێرێ دھۆکێ کر.
قایمقامیا قەزا دھۆکێ د پەیجێ خوە یێ تایبەت دا ل تۆرا جڤاکی یا فەیسبۆکی راگەھاند کو لیژنا دووڤچوونا بازاری د ڤێ سەرەدانێ دا دوھی
جھێ ترشیێ ھەڤلێرێ ژ بەر نەبوونا دەستیریێ داخست.
ھەروەسا د ھەمان سەرەدان دا لیژنا ناڤھاتی سەمونخانا سدرا و نانپێژیا دلڤەکەر و گۆشت فرۆشیا گولان، ژ بەر پێنەگیریا وان ب رێنمایان ب کوژمەکێ پارەی سزادان.
باران بارين دێ ده‌ست پێكه‌ت
ئه‌ڤرۆنيوز:
رێڤه‌به‌ريا گشتى يا كه‌شناسيێ ل هه‌رێما كوردستانێ پێشبينيێن ره‌وشا سه‌قاى ل پارێزگه‌هين هه‌رێمێ سوباهى پێنجشه‌مبى 21/2/2019 به‌لاڤكرن.
ل دۆر ره‌وشا سه‌قاى سوباهى پێنجشه‌مبى ل پارێزگه‌ها دهۆكێ، رێڤه‌به‌ريا ناڤبرى ئاماژه كر كو دێ ئه‌سمان ساهى بيت وپاشى دێ بيته ئه‌ور وئه‌گه‌رێ باران بارينێ ژى يێ هه‌ى.
مەسرور بارزانی و فەرماندێ هێزێن هه‌ڤپه‌یمانان ل عیراقێ وسووریێ كۆمبوون
ئه‌ڤرۆنیوز:
شیره‌تكارێ جڤاتا ئاسایشا هه‌رێما كوردستانێ، مه‌سرور بارزانى ئه‌ڤرۆ چارشه‌مبى 20/2/2019 ل گه‌ل جه‌نه‌رال (پۆل لێكامێرۆ) فه‌رماندێ گشتیێ هێزێن هه‌ڤپه‌یمانان ل عیراقێ وسووریێ وشاندێ دگه‌لدا كۆمبوو.
د كۆمبوونه‌كێ دا پێشهات وگوهۆرینین ده‌ڤه‌رێ وپێشخستنا زێده‌تر یا میكانیزما هه‌ماهه‌نگیێ دناڤبه‌را هێزێن په‌یوه‌ندیدار ومه‌ترسیا تیرۆرێ هاتن به‌حسكرن.
مه‌سرور بارزانى زێده‌بارى دووپاتكرنێ ل ره‌وش وگرنگیا هاریكاریا زێده‌تر یا هێزا پێشمه‌رگه‌ى، ئاماژه ب زێده‌بوونا لڤین وكریارێن تیرۆرستى ل چه‌ند پارێزگه‌هێن عیراقێ كر وراگه‌هاند، هه‌كه دبنه‌ره‌تدا هۆكارێن سه‌رهلدانا تیرۆرێ وتوندوتیژیێ ل ده‌ڤه‌رێ نه‌هێنه چاره‌كرن، ده‌لیڤا سه‌رهلدانا توندوتیژیێ ل بن ناڤ وشێوازێن جودا دێ به‌رده‌وام بیت.
دبه‌رامبه‌ردا، فه‌رماندێ گشتیێ هێزێن هه‌ڤپه‌یمانان ل عیراقێ وسووریێ دووپاتكر كو هێزێن هه‌ڤپه‌یمانان دێ به‌رده‌وام بن دهاریكارى ومه‌شق وپشته‌ڤانیا هێزێن پێشمه‌رگه‌ى وعیراقێ دا، بۆ پاراستنا ده‌ڤه‌ران ژى هه‌ڤپشكى وهه‌ماهه‌نگى دناڤبه‌را ڤان هێزان دا ب پێدڤى زانى.
مه‌سرور بارزانى ل دۆر ره‌وشا ده‌ڤه‌رێن رۆژهه‌لاتا فوراتێ ل سووریێ نیگه‌رانیا خوه ژ پێشهاتێن وان ده‌ڤه‌ران دیاركر ودووپاتى ل سه‌ر دانوستاندنێ وچاره‌سه‌ریا سیاسیانه یا ره‌وشێ كر وراگه‌هاند، پێدڤیه ددانوستاندنان دا گره‌نتیا ماف وئاسایشا گه‌لێ كورد ل وى وه‌لاتى ل به‌رچاڤ بهێته گرتن.
نيشاندان
WP Facebook Auto Publish Powered By : XYZScripts.com