ئهڤرۆ:
مهسرور بارزانی شیرهتكارێ جڤاتا ئاسایشا ههرێما كوردستانێ ئهڤرۆ پێشوازی ل ئهلێستهر بێرت وهزیرێ دهولهتا حوكمهتا بریتانیا بۆ كاروبارێن رۆژههلاتا ناڤین و باكورێ ئهفریقیا و شاندێ ل گهل دا كر.
د دیدارهكێ دا، پێشڤهچوون و پێشهاتێن دهڤهرێ و پهیوهندیێن دو قولی د ناڤبهرا ههرێما كوردستانێ و بریتانیا دا گهنگهشه كرن.
مه سرور بارزانی پهسهندكرنا بودجا گشتی یا عیراقێ ب گاڤهكا ئهرێنی وهسفكر و گۆت:( دێ بیته هاندهر بۆ چارهكرنا پرسێن ههلاویستی).
ژ ئالیێ خوه ڤه، ئهلێستهر بێرت راگههاند، كو بریتانیا د پێشڤهبرن و موكمكرنا پهیوهندیێن دو قولی با بهردهوام بیت.
ئەڤرۆ نیوز:
ئەندامەکێ شاندێ دانوستانکارێ پارتی دیارکر بریارە د ڤێ حەفتیێ دا کومبوونەکا سێقۆلی سەبارەت پێکئینانا کابینەیا نوو یا حوکمەتا ھەرێما کوردستانێ ناڤبەرا پارتی و ئێکەتی و تەڤگەرا گۆران دێ ھێتە ئەنجامدان.
زێدەتر د.فەرسەت سوفی راگەھاند ئەو لژنەیێن بۆ پێکئینانا کابینەیا نوو یا حوکمەتا ھەرێما کوردستانێ ھاتینە دروستکرن دەست بکارێن خوە کرینە و ھێشتا د بەردەوامن پێخەمەت بگەھنە ئەنجامەکی، دیسان کومبوون بەری نوکە ژی ئەنجامداینە دگەل لایەنێن دی یێن حەزا پشکداریێ د کابینەیا نوو یا حوکمەتێ دا ھەی و ئەڤ چەندە ژی بۆ بلەزکرنا پێنگاڤێن پێدڤی بۆ پێئینانا کابینا نوو یا حوکمەتا ھەرێما کوردستانێ.
ئەڤرۆ نیوز، ئێقبال عومەر:
ب سەدان وەلاتیێن ناحیا شێلادزێ و دێرەلوکێ و کەسوکارێن وان کەسێن بەری نها ب دەستێ فرۆکێن تورکیا هاتینە شەهید کربوون بەری دەمەکێ
هێرشی بارەگایێ تورکیا ل کومەلگەها سیریێ یا سەر ب ناحیا شێلادزێ کرن و د ئەنجام دا چەندین ترۆمبێلێن لەشکری و دو تانک هاتنە سوتن و وەلاتیەک ب سڤک بریندار بوویە، چو زیانێن جانێ هەتا نها دیار نینن.
خوەنیشادان هەتا نها د بەردەوامن و خوەنیشادەر داخوازا چۆلکرنا بارەگایێ تورکیا دکەن.
ئهڤرۆ نیوز:
سهرۆك مهسعود بارزانی ئهڤرۆ ل سهلاحهدین پێشوازی ل شاندێ سهرۆكاتیا تایفا سریانی ئهرتۆدۆكس ل كوردستانێ و پارێزگهها نهینهوا و عیراقێ ب سهرۆكاتیا قهداسهتا پاتریارك مار ئهگناتیۆس ئهفرامێ دوێ، پاتریاركێ ئهنتاكیا و ههموو رۆژههلاتێ و سهرۆكێ كهنیسا سریانی ئهرتۆدۆكس ل جیهانێ و شاندێ ل گهل دا كر كو پێكهاتبوو ژ هژمارهكا مهترانێن كهنیسا ئهرتۆدۆكس.
د دیدارهكێ دا، شاندێ مێهڤان سوپاسیا سهرۆك بارزانی و حوكمهتا ههرێما كوردستانێ كر د پاراستنا پێكهاتان و كرستیانێن كوردستانێ دا ل رۆژێن دژوار، و سهرهرای پهیوهندیێن دیرۆكی یێن كرستیانێن كوردستانێ و خهلكێ كوردستانێ دوپاتی ل پێكڤهژیانێ و چارهنڤیس و پاشهرۆژا ههڤپشكا گهلێ كوردستانێ و پێكهاتێن دی هاته كرن.
ژ ئالیێ خوه ڤه سهرۆك بارزانی رۆناهی خستهر سهر وان ئازار و نهخۆشیێن ل بوری ب سهر كرستیان و خهلكێ كوردستانێ دا هاتین و دوپات كر كو كوردستان وهلاتێ ههموویانه و نابیت كهس ژی كرستیانان هان بدهت كو وهلاتێ خوه بجه بهێلن و نوكه ل قۆناغا پشتی نهمانا تیرۆرێ، پێدڤیه كولتوورێ پێكڤهژیان و برایهتیێ كوورتر لێ بهێت.
مهترسیێن تیرۆرێ و هزرا توندرهو و رهوشا سیاسی و ئێمناهیا سووریێ تهوهرهكێ دی یێ دیدارێ بوون.
ئهڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئێكشهمبى رێکەفتی 26ی کانوونا دويێ 2019ێ ئەسمان دێ ژ ئهورهكێ كێم بۆ ئهورێ تهمام هێته گوهۆڕين و ل جهـ و دهمێن جودا دێ رێژێن جودا يێن باران بارينێ بارن و باران دێ ههموو جهان ڤهگريت و ب تايبهت ژى ب شهڤ و رێژه ژى دێ زێده بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئهسمان ژ ئهورهكێ كێم بۆ ئهورێ تهمام هێته گوهۆڕين و ل جهـ و دهمێن جودا دێ رێژێن جودا يێن باران بارينێ بارن و باران دێ ههموو جهان ڤهگريت و ب تايبهت ژى ب شهڤ و رێژه ژى دێ زێده بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 10 ھەتا 30کم دا و ماوێ دیتنێ ژی دێ د ناڤبهرا 5 بۆ 10کم دا بیت، پلێن گەرمێ ژی دێ د ناڤبەرا 6 بۆ 15 پلان دا بن.
دايه زانين ژى كو ئهڤ باران بارينه دێ ب شهڤ ل هندهك دهڤهران گهلهك زێده بيت و بيته ئهگهرێ رابوونا ئاڤێ ب تايبهت ل سنورێ پارێزگهها دهۆكێ دێ ئهڤ رابوونه ل سنورێ قهزا ئاكرێ بيت و ل دهڤهرێن چيايى ژى دبيت بهفر ژى بباريت.
ئهڤرۆ نيوز، نهوزاد هلورى:
ل رێککەفتی ۲۰ى كانوونا دويێ ۲۰۱۹ ھەر دو وەلاتیان پێکڤە سەرەدانا دەڤەرا ھێتوتێ کربی ل سنورێ ناحیا دێرەلوک ب مەرەما ب سەخبێرکرنا مێشێن ھنگڤینی، بەلێ مخابن کو بەری سێ روژان بووینە ئارمانجا فروکێن تورکیا ھەردو ھاتنە شەھیدکرن.
ھەردو وەلاتی پێشمەرگەنە و خێزاندارن، ب ناڤێ (بەخیار حەسەن و زیاد حەجی) خەلکێ گوندێ ھێتوتن، تهرمێ ههردو شههيدان ل كۆمهلگهها هێتوتێ هاتنه ڤهشارتن.
د ڤان رێورهسمان دا، سهرۆكێ دهمكى يێ پهرلهمانێ كوردستانێ و چهندين پهرلهمانتارێن كوردستانێ و ئهندامێن جڤاتا نوونهرێن عيراقێ و سهركردێن لهشكرى و بهرپرسێ لقا 18 و چهندين كهساتيێن ناڤدارێن دهڤهرێ ئاماده ببوون.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن: ئەڤ شەڤە ل دووریانا گوندێ لۆمانا روودانەکا ترافیکێ روودایە و تێدا 12 کەس برینداربووینە.
ناڤهاتی زێدەتر دیارکر: ئەڤ شەڤە ل سەر رێیا گوندێ سیارەتوکا بو گوندێ لۆمانا و ل دوریانا گوندێ لۆمانا روودانەکا هاتنوچوونێ روودایە ژ جورێ لێگدان دناڤبەرا دو ترۆمبێلا دا، کو ترومبێلەک ژ وان دهۆک بارهەلگر ژ جۆرێ تۆیۆتا بیکاب بوویە و ترومبێلا دیتر ژی ئۆپل فیکترا دهۆک بوویە، د ئەنجامدا 12 کەس دڤێ روودانێدا بریندار بووینە و هاتینە ڤەگوهاستن بۆ نەخۆشخانا تەنگافیا ل دهوکێ و هەروەسا زيان ژی گەهشتینە وان ترۆمبێلان، ناڤهاتی گۆت ژی: ئەگەرێ ڤێ روودانێ ڤەدگەریت بۆ ب کارئینانا لەزاتیێ ژلایێ وان شۆفێران ڤە.
نيشاندان