ئێکەتیا مامۆستایان: كێشا مووچەی دێ چارەسەر بیت
ئەڤرۆ نیوز ، زنار تۆڤی :
سوبەهی وەرزێ دویێ یێ خواندنێ ل سەرانسەری هەرێما كوردستانێ دێ دەست پێکەت و ئێکەتیا مامۆستایێن كوردستانێ ژی راگەهاند،کو وان داخواز ژ هەموو مامۆستایان كریە کو د ئەركێ خودا د بەردەوام بن.
ئەڤرۆ دوشەمبی 22 كانوونا دویێ،ئەحمەد گەرمیانی سەرۆكێ ئێکەتیا مامۆستایێن كوردستانێ راگەهاند،کو سوبەهی وەرزێ دویێ یێ خواندنێ دێ دەست پێ کەت، لەورا یا گرنگە کو سەرجەم مامۆستا ل قوتابخانێن خوە د ئامادەبن.
سەرۆكێ ئێکەتیا مامۆستایان گوت ژی،ب ئەگەرێ هاتنا وێ لیژنا هووربینیا مووچەی ژ بەغدا، پێدڤیە هەموو مامۆستا د ئامادەبن،لەورا و ژ هەر دەمێ وێ لیژنێ سەرەدانی قوتابخانان کر،پێدڤیە ئامادەیا مامۆستای هەبیت.
هەروەسا گوت ژی،مە داخوازی ژ سەرجەم مامۆستایان كریە،کو د ئەركێ خودا د بەردەوام بن و دلنیایی ژی دا،کو كێشا گیرۆبوونا مووچەی هند نەمایە دێ ب دوماهی هێت و مووچەژی دێ هێتە دابەشکرن.
دیسا نوکە لیژنێن هووربینا مووچێ فەرمانبەرێن وەزارەتا پەروەردێ و ساخلەمیێ ل هەولێرێ نە.
