حوكمه‌ت دهێته پێگیركرن پاشكه‌فتێ فه‌رمانبه‌ران بئێخته هژماره‌كا بانكى
ئه‌ڤرۆ نيوز:
سێ مادێن دى یێن پرۆژه قانوونا چاكسازیێ ل دۆر خانه‌نشین و ده‌رماله و ئیمتیازاتان ڤه ژ ئالیێ په‌رله‌مانێ كوردستانێ ڤه هاته په‌سه‌ند كرن و حوكمه‌تا هه‌رێمێ پێگیر كریه ب ڤه‌كرنا هژماره‌كا به‌نكى یا تایبه‌ت ب پاشكه‌فتا مووچه‌خوران و كار پێ بهێته كرن.
ئومێد خۆشناو سه‌رۆكێ فراكسیونا پارتى ل په‌رله‌مانێ كوردستانێ د كۆنگره‌كێ رۆژنامه‌ڤانى دا راگه‌هاند، ئه‌گه‌ر حوكمه‌ت نه‌گه‌هشت ئه‌ڤ ساله وێ ژمارا بانكى بۆ فه‌رمانبه‌ران ڤه‌كه‌ت، سالا 2019 دێ كه‌ڤیته بیاڤێ بجهئینانێ و ب رێیا وێ ژمارێ فه‌رمانبه‌ر دێ شێت هه‌موو مامه‌له‌یێن باج و رسوماتان ب وى مووچێ پاشكه‌فتكرى ل فه‌رمانگه‌هێن حوكومى ده‌ت.
خوشناو ئاماژه ب وێ یه‌كێ كر كو خانه‌نشینێن نه‌یاسایى نامینیت و دووماهى دێ ب دو مووچه‌یێ هێت و هێزێن 70 و 80 یێن پێشمه‌رگه دێ ئێك یه‌كا ژمێریارى بۆ هه‌بیت و ئه‌ڤ چه‌نده خاله‌كا گرنگه به‌ر ب ئێكگرتنا ڤان دو هێزان.
سه‌رۆكێ فراكسیونا پارتى دیاركر ژى كو ل دووڤ وێ خه‌ملاندنا وه‌زیرێ دارایى كرى د پرۆژێ چاكسازیێ د مووچێ خانه‌نشینان دا، دێ 150 ملیار دینار بۆ ڤه‌كه‌رن و ئه‌ڤ چه‌نده ژى دێ بیته پالده‌ره‌كێ بهێز كو حوكمه‌ت بشێت هه‌ر 30 رۆژان جاره‌كێ مووچێ فه‌رمانبه‌ران ب مه‌زێخیت.
