ئەمریکا هه‌شت مەرج بۆ ئاساییکرنا پەیوەندیان ل گەل تورکیا داناینە
ئه‌ڤرۆ نيوز:
ئەمریکا 8 مەرج بۆ ئاساییکرنا پەیوەندیان ل گەل تورکیا ئاشکرا کرن و ل سەرێ وان مەرجان ژی ئازادکرنا قەشەیێ ئەمریکی ئەندرۆ برۆنسۆن دھێت. ژێدەرێن حوکمەتا ئەمریکا ئاشکرا دکەن، ئیدارا ئەمریکی 8 مەرج بۆ ئاساییکرنا پەیوەندیان د گەل تورکیا و نەھێلانا ئالۆزیێن د ناڤبەرا واشنتۆن و ئەنقەرە دا پێشنیاز کرینە، ژ وانا ئازادکرنا ئەندرۆ برۆنسۆن، قەشێ ئەمریکی و 20 کەسێن دی یێن دەست ل گەل کۆدەتایا سەربازی یا تورکیا ھەی.
ھەر ل گۆرەی ئاگاھیێن ژێدەرێن ئەمریکی، حوکمەتا ئەمریکا ھەتا پازدەی تەباخێ مۆلەت دایە تورکیا وان کەسان ئازاد بکەت، ھەروەسا سزایێن ئابووری یێن سەر ئیرانێ ھاتینە سەپاندن قەبوول بکەت و پێداچوونێ د پەیوەندیێن خوە ل گەل تەھرانێ بکەت.
ژ ئالیێ خوە ڤە رەجەب تەیب ئەردۆگان، سەرۆکێ تورکیا د کۆنگرەیێ 20ێ یێ بالیۆزێن تورکیا دا مەرجێن ئەمریکا رەت کرن و ئاشکرا کر، ئەمریکا دخوازیت خەنجەرەکێ ل پشتا تورکیا بدەت.
مەرجێن ئەمریکا بۆ ئاسایکرنا پەیوەندیان د گەل تورکیا:
• دڤێت تورکیا ھەتا 15 تەباخێ قەشێ ئەمریکی ئەندرۆ برۆنسۆن د گەل 20 کەسێن دی ئازاد بکەت.
• تورکیا سزایێن ل سەر ئیرانێ قەبوول بکەت و پێداچوون د پەیوەندیێن خوەدا د گەل تەھرانێ دا بکەت.
• نابیت تورکیا سیستەمێ (S400) ژ رۆسیا بکڕیت.
• پێدڤیە تورکیا رێزێ ل سیاسەتێن ئەمریکا ل قودسێ بگریت.
• پێدڤیە تورکیا دەست ژ لێگەریانا غازێ و پەترۆلێ ل دۆر گرەڤا قوبرس بەردەت.
• پێدڤیە تورکیا سزایێن ل سەر HALKBANK قەبوول بکەت.
• پێدڤیە تورکیا بادەکا رادەستکرنا فەتحوللا گویلەنی دائێخیت.
• پێدڤیە مۆلەتێن دەرخستنا کانزایان د ئاخا تورکیا دا ب تنێ بۆ کۆمپانیێن ئەمریکی بیت.