فرۆكه‌كا نه‌فه‌ر هه‌لگر ل باشوورێ سودانێ كه‌فته خوار
ئه‌ڤرۆ نيوز:
ئه‌ڤرۆ رۆژا ئێكشه‌مبى، ژ ئه‌نجامێ ژناڤچوونا فرۆكه‌كا نه‌فه‌ر هه‌لگرا بچووك ل باشوورێ سودانێ ب كێمى شه‌ش كه‌سان گيانێ خوه ژ ده‌ست دا.
فرۆكه د گه‌شته‌كێ دابوو ل جۆبايى پايته‌ختێ باشوورێ سودانێ به‌ر ب باژێركێ پيرۆلى يێ وى وه‌لاتى.
ب گۆره‌يى ژێده‌رێن ئاژانسا نووچه‌يێن رۆيته‌رز دهێته پێشبينيكرن كو 19 كه‌س د ناڤا وێ فرۆكێ دا بن.
ئێك ژ وان كه‌سێن روودان ب چاڤێن خوه ديتى گۆت: “ئه‌م هێشتا يێ ته‌رمان د ناڤ ئاڤێ دا د ده‌رئێخين ژ به‌ر كو فرۆكه يا كه‌فتيه ناڤ ئاڤا رووباره‌كى. هه‌تا نها ته‌رمێ شه‌ش كه‌سان ل به‌ر سينگێ منه و ژ ئاڤێ ئيناينه ده‌ر”.
