فراكسيۆنێن كوردستانى ل به‌غدا ل دۆر بودجه‌ى دێ كۆمبن
ئه‌ڤرۆنيوز:
فراكسيۆنێن كوردستانى ل په‌رله‌مانێ عيراقێ ئه‌ڤرۆ چارشه‌مبى 7/11/2018 دێ ل به‌غدا كۆمبن ل دۆر به‌هرا كوردان دبودجا گشتى يا عيراقێ دا بۆ سالا 2019 .
به‌شير حه‌داد، جێگرێ دويێ يێ سه‌رۆكێ په‌رله‌مانێ عيراقێ راگه‌هاند”برياره ئه‌ڤرۆ فراكسيۆنێن كوردستانێ ل په‌رله‌مانێ عيراقي كۆمبوونه‌كێ دناڤ خوه دا ئه‌نجام بده‌ن”.
به‌شير حه‌داد دداخۆيانيه‌كا رۆژنامه‌ڤانى دا گۆت”كۆمبوون ب مه‌ره‌ما رێكخستنا هه‌لويستێن مه‌يه ل سه‌ر به‌هرا كوردان دبودجا عيراقێ بۆ سالا 2019 يه”.
دياركر ژى”ل دووڤ وێ بودجا بۆ كوردان د پرۆژه قانوونا بودجا عيراقێ بۆ سالا 2019 كو 12.67% كو ئه‌وژى ل گه‌ل رێژا ئاسايى يا خوه يا تمام نينه كو 17% يه ئه‌وا ل دووڤ دستوورى بۆ كوردان هاتيه دياركرن”.
دكۆمبوونا دوهى سێشه‌مبى يا په‌رله‌مانێ عيراقێ ب نه‌رازيبوونا هه‌موو په‌رله‌مانتاران، بريار هاته دان ب پێكئينانا لژنه‌كێ ژ حوكمه‌تێ وپه‌رله‌مانى بۆ پێداچوونێ ب بودجا سالا 2019 يا عيراقێ دا.