نێچیرڤان بارزانی و یان كوبیش پرۆسا سیاسی یا عیراقێ گه‌نگه‌شه دكه‌ن
ئه‌ڤرۆ نیوز:
نێچیرڤان بارزانی سه‌رۆك وه‌زیرێن هه‌رێما كوردستانێ ئه‌ڤرۆ پێشوازی ل یان كوبیش هنارتیێ تایبه‌تێ سكرتێرێ گشتی یێ نه‌ته‌وێن ئێكگرتی بۆ عیراقێ و شاندێ ل گه‌ل دا كر.
د دیداره‌كێ دا پرۆسا سیاسی یا عیراقێ گه‌نگه‌شه كر و هه‌ردو ئالیان خواست ره‌وشا سیاسی یا عیراقێ پێشڤه بچیت و كابینا نوو یا حوكمه‌تا عیراقێ بشێت داخواز و ماف و خزمه‌تكاریان بۆ هه‌موو پێكهاتێن عیراقێ دابین بكه‌ت و لایه‌نێ كوردی د ڤی واری دا رۆله‌كێ ب هێز و كاریگه‌ر هه‌بیت و هاریكار بیت بۆ ب ده‌ستڤه ئینانا مافێن هه‌موو پێكهاتان.
د پشكه‌كا دی یا دیدارێ دا به‌حسێ ره‌وشا سیاسی یا هه‌رێما كوردستانێ و هه‌لبژارتنان و برێڤه‌چوونا روونشتنا ئێكێ یا په‌رله‌مانی كر و دوپاتی ل هه‌لبژتنا سه‌رۆكاتیا په‌رله‌مانی كر داكو پاشی گاڤێن پێكئینانا كابینا نوو یا حوكمه‌تێ بهێنه هاڤێتن و حوكمه‌ته‌ك پێك بهێت كو ره‌نگڤه‌دانا خواستا لایه‌ن و پێكهاتێن هه‌رێما كوردستانێ بیت.