ھەر دەرمانگەھەک دەرمانا بفرۆشیتە کلینیکان دێ ھەیڤەکێ ھێتە داخستن
ئەڤرۆ نیوز:
دووڤ بریارا جڤاتا وەزیران و ئاماژە ب فەرمانێن وەزارەتا ساخلەمیێ و سەندیکا دەرمانسازێن کوردستانێ، نابیت ب چو رەنگەکی دەرمان بو کلینیکان بھێنە فرۆتن.
د.نوژدار سەلاحەدین، سەرۆکێ لقێ دھۆک یێ سەندیکا دەرمانسازێن کوردستانێ بو ئەڤرۆ نیوز دیارکر کو بڕیار ھەر ژ نوکە کەتیە وارێ بجھئینانێ و گۆت: ب چو رەنگەکی نابیت دەرمان ل کلینێکێن کارمەندێن ساخلەمیێ بھێنە فرۆتن و بۆ ڤێ چەندێ ژی ب بڕیارا سەرۆکێ جڤاتا وەزیران ھەر دەرمانگەھەکا سەرپێچیێ بکەت ب ھەیڤەکێ دێ ھێتە داخستن و ب کوژمێ ملیون دیناران دێ ھێتە سزادان.
د.نوژدار دیارکر ژی ب تنێ دەرمانگەە دشێن پێدڤیێن تیمارکاریێ بفرۆشنە کلینیکان و گۆت: دەمێ دەرمانخانەژی ب وی کاری راببن دێ ھەمان سزا ل سەر ھێنە سەپاندن.
