كازم ساهر ب دزيكرنێ دهێته تۆمه‌تباركرن
ئه‌ڤرۆ نيوز:
پشتى ل سه‌ر ئاسته‌كێ بلند پێشنياز هاتيه كرن، سرۆدا “سلام عليك رافديك” بكه‌نه مارشا نشتيمانى يا عيراقێ كو به‌رى 10 سالان ژ لايێ هۆنه‌رمه‌ندێ به‌رنياسێ عيراقێ، كازم ساهر ڤه هاتيه گۆتن كو ژماره‌كا زۆر يا چالاكڤانان تۆمه‌تێن دزيكرنێ ئاراسته‌ى وى هۆنه‌رمه‌ندى كرينه.
رۆژنامه‌ڤانه‌كا عه‌ره‌ب به‌حس ل وێ چه‌ندێ دكه‌ت كو هه‌ردو سرۆدێن “سلام عليك” و “سلام الجمهورى العراقي” گه‌له‌ك وه‌كو ئێكن ژ لايێ ئاوازێ ڤه و ڤێ چه‌ندێ ژى گه‌نگه‌شه‌كا مه‌زن ل دووڤ خوه هێلايه.
سه‌لوا زه‌كۆ ئاماژه ب وێ چه‌ندێ ژى دكه‌ت كو گه‌له‌ك كه‌سان ژ تۆمه‌تا دزيكرنا ئاوازان هێرش كريه سه‌ر سترانبێژێ به‌رنياس يێ عيراقى كازم ساهر كو به‌حس ل وێ چه‌ندێ دكه‌ن كو ئاوازێن وێ يێن سرۆدا “سلام المجورى” يا پشتى شوره‌شا 14ى تيرمه‌ها 1958ێ يه، ژ دانانا ئاوازدانه‌رێ عيراقێ لويس زه‌نبه‌قه‌يه.
ئه‌ڤ كچه به‌حس ل وێ چه‌ندێ دكه‌ت كو كاسم ساهر خودان جه‌ماوه‌ره‌كێ زێده‌يه و گه‌له‌ك كه‌س يێن هه‌ين به‌ره‌ڤانيێ ژێ بكه‌ن، به‌لێ ئه‌ڤ ئاوازدانه‌رێ 50 ساله وه‌غه‌ركرى كى دێ به‌ره‌ڤانيێ ژێ كه‌ت.
به‌رى ماوه‌كى موقته‌دا سه‌در داخواز ژ كازم ساهر كر كو رازى بيت ڤێ سرۆدا وى بكه‌نه مارشا نشتيمانى يا عيراقێ و بهێته كليپكرن.