ل زاخۆ سێ کلینکێن تەندروستی هاتنه داخستن
ئەڤرۆ نیوز ، عەلی حاجی:
پشتی جڤاتا وەزیرێن حکومەتا کوردستانێ رێنمایێن نوو ل دەرکرین و لژنە ل ھەمی باژێرێن کوردستانێ ل دۆر کونترول کرنا دەرمانان ھاتینە دروست کرن لژنا تایبەت ل زاخۆ ٣ کلینیکێن ھاریکارێ نوشداران ھاتنە داخستن.
ل دۆر ڤی بابەتی خەلات ئوسمان نوونەرێ قائیمقامیا زاخۆ بۆ ئەڤرو نیوز گۆت: ل دوویڤ وان رێنمایێن نوو نابیت ل چو کلینیکێن ھاریکارێن نوشداری یان برین پێچی دەرمانان بدەنە نەخوشان بێ نوشدارێ تایبەتمەند لەورا ل وان ھەر سێ کلینیکا مە ژمارەیەکا دەرمانان ل وان کلینیکان ڤە دیت کو ل دووڤ رێنمایێن نوو یێن جڤاتا وەزیرێن کوردستانێ سەرپێچیە و ھاتینە داخستن و دیسان ل دووڤ وان رێنمایا نابیت چو کلینیکێن تەندروستی ل بەرامبەر دەرگەھێن نەخوشخانا بھێنە ڤەکرن دڤێت ژ نەخوشخانا دوور بن.
