هوشدارى ژ په‌يدابوونا جه‌مه‌دێ ل سه‌ر ڤان رێيان دهێته دان
ئه‌ڤرۆنيوز:
پشكا هاتنوچوونا قه‌زا دهۆكێ هوشداريێ دده‌ته شوفێران ل دۆر بكارنه‌ئينانا هنده‌ك جاده‌يان ژ ئه‌گه‌رێ په‌يدابوونا جه‌مه‌دێ پشتى به‌فر بارينا ئه‌ڤرۆ.
سالح جه‌ميل ژ راگه‌هاندنا به‌شێ هاتنوچوونا قه‌زا دهۆكێ بۆ ئه‌ڤرۆنيوز دياركر” ئاگه‌هداريا شوفێران دكه‌ين كو جادا ژ سه‌نته‌رێ باژێرێ دهۆكێ بۆ ناحيا زاويته، هه‌روه‌سا جادا ناحيا زاويته بۆ كۆمه‌لگه‌ها باگێرا وناحيا مانگێشكێ وساراتيكا يێن بووينه جه‌مه‌د”.
سالحى گۆت ژى” هاتنوچوون ل سه‌ر وان رێيان گه‌له‌ك يا ب مه‌ترسى يه وهيڤى يه هه‌كه بۆ كاره‌كێ فه‌ر نه‌بيت بلا كه‌س قه‌ستا وان ده‌ڤه‌ران نه‌كه‌ت وهه‌كه هنده‌ك شوفێر دوان رێيان دا هاتنوچوونێ ژى بكه‌ن، بلا له‌زاتيێ بكارنه‌ئينن بۆ سلامه‌تيا وان”.
