ئێکەتیا ئورۆپا پێنگاڤان بۆ سزادانا توركیا دهاڤێژیت
ئەڤرۆ نیوز:
وەزیرێ دەرڤە یێ فرەنسا ئاشكرا كر: ل 13 ڤێ هەیڤێ وەزیرێن دەرڤە یێن وەلاتێن ئەندام د ئێکەتیا ئورۆپا دەربارەی پێنگاڤێن ڤێ دووماهیێ یێن توركیا دێ كۆم بن.
ئاژانسا رۆیتەرز دیار کریە: ئەڤرۆ جان ئیڤ لۆدریان، وەزیرێ دەرڤە یێ فرەنسا ل هەمبەری پەرلەمانێ وەلاتێ خوە گوتیە: د كۆمبوونا 13 ڤێ هەیڤێ وەزیرێن دەرڤە یێن ئێکەتیا ئورۆپا دا دێ گتۆبێژێن سەپاندنا سزایێن نوو ل سەر توركیا دا كەن و گوتیە ژی: ئەو روونشتنە دێ ل سەر داخوزیا فرەنسا برێڤە چیت و یا تایبەتە ب پرسا توركیا ڤه.
لۆدریانی گۆتیە ژی: ب ئەگەرێ پشكنینا توركیا ل دەڤەرێن ئابووری یێن قوبرس، ئێکەتیا ئورۆپا سزا ل سەر وی وەلاتی دا سەپاندیە و پێشبینی دهێتە کرن، ڤێ جارێ سزایێن نوو ب سەر تورکیا دا بهێنە سەپاندن.
