پارێزگاری هه‌ڵه‌بجه داوا كردنی پاره له كازمی به‌درۆ ده‌خاته‌وه
ئه‌ڤرۆ نیۆز،عه‌زیز هه‌ورامی
له چه‌ند ڕۆژی ڕابردوو مسته‌فا كازمی سه‌ردانی پارێزگای هه‌ڵه‌بجه كرد، یاداشتێكی پێدرا تایبه‌ت به پارێزگا بوونی هه‌ڵه‌بجه، په‌رله‌مانتارێكی نزیك به‌رهه‌م ساڵح وای بڵاو كردوووه‌ته‌وه داواكرابێت كازمی ڕاسته‌وخۆ مووچه‌ی فه‌رمان به‌رانی هه‌ڵه‌بجه بنێرێت به‌ڵام پارێزگاری شاره‌كه ڕه‌تی كرده‌وه.
ئازاد تۆفیق پارێزگاری هه‌ڵه‌بجه له كۆنگره‌یه‌كی ڕۆژنامه‌نوسی ڕای گه‌یاند:” ته‌واوی ئه‌و قسانه ڕه‌ت ده‌كه‌ینه‌وه ئێمه داوامان له مسته‌فا كازمی كردبێت ڕاسته‌وخۆ مووچه‌ی فه‌رمان به‌رانی هه‌ڵه‌بجه بنێرێت.
ئاماژه‌ی به‌وه‌كرد:” مووچه و شایسته‌داراییه‌كانی هه‌ڵه‌بجه له‌سه‌ر حكوومه‌تی هه‌رێمی كوردستانه، ئێمه قه‌واره‌ی هه‌رێمی كوردستانمان هه‌یه و هه‌رداواكارییه‌كمان هه‌بێت له‌وی ده‌كه‌ین.
زیاتر وتی:” یاداشتی ئێمه بۆ كازمی ئه‌وه‌ییه ده‌بێت ددان به‌پارێزگا بوونی هه‌ڵه‌بجه‌دا بنێن و بوودجه‌یه‌كی تایبه‌ت بۆ هه‌ڵه‌بجه ته‌رخانكه‌ن وه‌ك پارێزگا قه‌ره‌بووی زیان لێكه‌وتووان بكه‌نه‌وه.
