فوئاد حسێن: پشته‌ڤانی ل كه‌سه‌كی كو پتریا ئالیێن كوردستانی قبوول بكه‌ن باشترین چاره‌سه‌ری بوو
ئه‌ڤرۆ:
ئه‌ندامه‌كێ لژنا دانوستاندكارا پارتی دیموكراتی كوردستان ل به‌غدا ڕاگه‌هاند، پشتی مه ڤه‌خواندنه‌ك بۆ ڕه‌وشێ كری و مه دیتی باشترین چاره‌سه‌ری ئه‌وه پشته‌ڤانیێ ل كه‌سه‌كی بكه‌ین كو پتریا هه‌ره پتر یا ئالیێن سیاسی یێن كوردستانێ قبوول بكه‌ن.
د. فوئاد حسێن، ئه‌ندامێ لژنا دانوستاندكارا پارتی ل به‌غدا و وه‌زیرێ ده‌رڤه یێ ئیراقێ گوت” پشته‌ڤانیكرنا مه، پشته‌ڤانیكرن بوو ل ئێك هه‌لویستیا ئالیێن سیاسی یێن كوردی ل جڤاتا نوونه‌رێن ئیراقێ، مه ڤه‌خواندنا ڤێ ڕه‌وشێ كر و مه دیت باشترین چاره‌سه‌ری ئه‌وه ب كه‌سه‌كی بچین كو پتریا هه‌ره پتر یا ئالیێن سیاسی یێن كوردستانی قبوول بكه‌ن، ل سه‌ر ڤی بنه‌مای بڕیار هاته دان پشته‌ڤانی ل د. له‌تیف ره‌شید بهێته كرن وه‌كو به‌ربژارێ سه‌رۆك كۆمارا ئیراقێ، ل سه‌ر وی بنه‌مای به‌ربژارێ پارتی خوه ڤه‌كێشا”.
فوئاد حسێن زێده‌تر دبێژیت” ده‌می وی ئاخڤتنێ دبێژم ڕامانا وێ ئه‌وه كو ڕێككه‌فتن یا هه‌ی، ل گه‌ل ئێكه‌تیێ پێنج هه‌تا شه‌ش هه‌یڤان د دانوستاندنان دا بووین، د ئه‌نجامدا گه‌هشتینه ڤێ بڕیارێ، مه ئه‌ڤ كاره كر ڕامانا وێ چه‌ندێ ئه‌وه كوی ێن گه‌هشتینه ڕێككه‌فتنێ ل گه‌ل هه‌ژماره‌كا ئالیان كو فراكسیۆنێن مه‌زن دناڤ جڤاتا نوونه‌ران دا یێن هه‌ین”.
