لژنا سه‌رپه‌رشتیكرن و دانانا سیسته‌مێ غازێ ب سه‌رپه‌رشتیا پارێزگارێ دهۆكێ كۆمبوو
ئه‌ڤرۆ:
ب سه‌رپه‌رشتیا د. عه‌لی ته‌ته‌ر، پارێزگارێ دهۆكێ و ب به‌رهه‌ڤبوونا جێگرێ پارێزگاری و دام و ده‌زگه‌هێن په‌یوه‌ندیدار دوهی 20/11/2022 كۆمبوونا لژنا سه‌رپه‌رشتیكرن و دانانا سیسته‌مێ غازێ LPG هاته ئه‌نجامدان و د كۆمبوونێ دا دوپاتی ل بجهئینانا رێنمایێن سالا بۆری یێن لژنا ناڤبری و كارگێریا پارێزگه‌ها دهۆكێ هاته كرن.
پارێزگارێ دهۆكێ د په‌یڤه‌كێ دا دۆپات كر كو بابه‌تێن سلامه‌تیا گشتی و به‌رژه‌وه‌ندیا گشتی پێڤه گرێدایی ب به‌رژه‌وه‌ندیێن تاكی ناده‌ین و نابیت بجهئینانا ڤان رێنمایان بهێته پشتگوهـ هاڤێتن.
پارێزگارێ دهۆكێ لژنا سه‌رپه‌رشتیكرن و دانانا سیسته‌مێ غازێ LPG راسپارد، چ پێدڤیه ل گه‌ل كۆمپانیێن تایبه‌تمه‌ند بۆ پاراستنا سلامه‌تیا وه‌لاتیان بهێته كرن، بابه‌تێن هشیاریا ب كارئینانا سیسته‌مێ غازێ بهێنه زێده‌كرن و گۆت: “هه‌ر خه‌مساریه‌كا بهێته كرن، پێرابوونێن یاسایی دێ هێنه وه‌رگرتن”.
