كۆچا گەنجان بۆ دەرڤە كەڤتیە د حالەتەكێ مەترسیدار دا
سولین سلێمان:
مامۆستایەكا زانكۆیێ رادگەهینیت، جهێ داخێیە كۆچا بەردەوام یا گەنجان بوویە دیاردەیەكا بەربەلاڤ، ژ بەر بێهیڤیبوونا وان ل ژیانێ و بەرهەڤن مەترسیێ ژ بۆ ژیانا خۆ دروست بكەن.
غەیدا بێروخی نڤیسەر و مامۆستایا زانكۆیێ د دیدارەكێدا بۆ رۆژناما ئەڤرۆ گۆت ”رۆژانە دبینین گەنج ب رێژەكا زۆر كۆچ دەكەن ب رێیا هات و نەهاتنێ، دیسا ژی نەیا دیارە ئەرێ دێ ب سلامەتی گەهن یان ژی دێ بنە خارنا دەریایان و یا قوربانیێن دەستێ مافیان، بەلكو پارەكێ زۆر ژی تێدا دمەزێخیت، هندەك هەنە ترۆمبێلا خۆ دفرۆشن دا كو بكەتە خەرجیێ وێ.
خویا كر ” خەلكەكێ زۆر نها كرێدارن ئەڤە ژی ئەگەرن كارتێكرنێ ل سەر دەرۆنێ تاكێن كوردا دروست دكەت و نەچار دكەت بەرێخۆ بدەنە دەرڤەی وەلاتی دا كو ژیانەكا خوش ژ بۆ خۆ دابین بكەن.
گۆت ژی ”نەبوونا دەلیڤێن كاری و زۆربۆنا دەرچۆیێن زانكۆ و پەیمانگەهان و دانەمازراندنا وان ل كەرتێ گشتی و كەرتێ تایبەت، دیسا ژی زۆریا كرێداران نەبوونا هیچ سانسۆرەكێ سەر كریێن خانیان دگەل ڤێ چەندێ ژی دا خودان مولك مولكێ خۆ ددەنە عەرەب و فارس و توركا، ب تنێ ژبەر كۆ ئەو برە پارەكێ پتر ددەن، پێدڤیە حوكمەت دووڤچوونێ ل سەر وان بكەت و چاڤدێریا وان بكەت كۆ ب بهایەكێ گۆنجای هەموو كاری ل سەر بكەن.
گۆت ژی ”دیسا ژی پێدڤیە حوكمەت چاڤدێریەكا تمام ل سەر بازاری بكەت و كۆنترۆلا رەوشێ بكەت و یەكێن ئاكنجیبوونێ ژ بۆ گەنج و كرێداران دابین بكەت و دەلیڤێن كاری زێدەبكەت، دا كو رەوشا ئابووریا خەلكی بەرەڤ باشتربوونێ بچیت .
