شەڤ و هاتن
زوهێر كورەماركی
هەكە ئەڤ شەڤە تو هاتی
ئەز دێ هشیار مینم
دێ چاڤا كەمە هەیڤ و
رۆناهیێ ل بەر پێن تە بارینم
هەست و هەناسا
دێ كەمە گولاڤ لبەر پێن تە ڕەشینم
دا گرنژینێ ل سەر لێڤێن تە بچینم
دێ پەیڤا كەمە گلواز و رستك
ب كل و كلدانی باش خەملینم
دێ كەمە ستۆڤانك و دستۆیێ تە ئالینم
دێ هیڤیا كەمە هەناسە و كەنی
لێڤێن تە پێ گرنژینم
تو وەلاتێ عەشقا منی
ئەز خۆ دناڤ هێلینا تەدا مەزن ئازا دبینم
لەوما گەلەك هیڤیا لسەر تە دڤەهینم
وەرە پەریشانم
دارا عەشقێ چاڤەرێ یە!
دا بەرهەمەكێ خۆش ژێ ب هەلینم
هندی هند ئەز حەز ژتە دكەم
ب چ دەڕبرینا نەشێم ب گەهینم؟
سەرو رویه و سمبێلا دێ لسەر تە سپی كەم
هەتا هەتایێ دێ ل هیڤیا تە مینم !
چونكی تۆ ژیانی!
ئەز ژیانێ دچاڤێن تەدا دبینم؟
ئەرێ دچاڤێن تەدا دبینم؟
