چەوا من ئێكەم رۆمانا خۆ ل دەمێ نابینیێ نڤێسی – نهێنی هێلا
جون جێنجێری
(دێ باشتر بیت!، ل هەمان دەم و رۆژ، خەونێن خوە ژبیر نەكە!). ئەزموونا منە كو خودان پێدڤیێن تایبەت ب ئاوایەكێ شارەزا ل گەل پراكتیكێ خۆ جێگیر بكەت ب پشتەڤانیا هەڤالێن جوامێر بۆ زالبوون ب سەر نەخۆشیان دا.
هندەك جاران، دودلی بۆ من پەیدا دبیت كو پێشنیار بكەم كو ئەو بەدیلەكی ل بەرچاڤ بگرن: (دبیت تشت خرابتربن)،(دبیت كات د بەرژەوەندیا مەدا نەبیت)، (دبیت ئەم د جیهانەكێ دا بژین كو هەردەم ل داویێ خۆشیان پارڤە نەكەت).
راوێژكارێ من یێ چاڤان (Eye2Eye) كو پرۆگرامەكێ زانكویێ یە پشتگیریا كەسێن نابینا دكەت، د وانەكا مە دا گۆتە من: (كۆرە بوون تشتەكێ مزگینی بەخشە). ژ مێژ بوو ئەز ل بەندا ئەڤێ گۆتنێ بووم.
چەند سالەكا بەریا نها، پزیشكەكێ چاڤان (optometrist) ل دەمێ پشكنینا رۆتینی دا بۆسەك بۆ من دانا و گۆت: (ئەرێ تۆ یێ شەڤكویری؟). خەمباری د پرسیارا وی دا هەبوو، كو ئەز تووشی نەخۆشیەكا بێ چارەیا چاڤا بوویمە ل داویێ كۆرەبوونە و چارەسەری بۆ نینە.
وەسا دیار بوو، دەستپێكا ئێشا من بەراهیێ شەڤكویری یە، پاشی دەردورێن خوە نابینم هەروەكی د تۆنێلەكێ دا هندەك گلۆپێن هەلكری هەبن و پاشی ڤەمریێن و بیتە تاریا بەردەوام.
ژبلی خێزانا خوە من نەگۆتە چ هەڤال و هەڤكاران، هەمی ژ كۆراتیا من بێ ئاگا مان. باوەریا من وەسا بوو ئەڤە تشتەكێ پێدڤی نینە دڤی دەمی دا ئەوان پێبحەسینم. هەمی تشت یێ باش بوو، ژیان تا راددەكی یا بەردەوام بوو.
دڤێ ناڤبەینێ دا، پیشەیا نڤیسینێن من باشتر دبوون و زێدەتر د گۆڤاران دا بەلاڤ دبوون. د بەریكانا كورتە چیرۆكێ دا ئەز سەركەفتم، ب هەبوونا باوەریێ من دەستدا نڤێسینا رۆمانێ. من هەستدكر رەوشا من بەرەڤ خرابیێ دچوو، دیتنا دەردورێن من كێم دبوو، ئەركێن ساناهی سەخت دبوون، دیتن كێمتر و كێمتر دبوو، پسپۆرێ من یێ چاڤان رەوش خرابتر پشتراست دكر. نها ب رێنمایێن یاسایی گەهشتمە رێزا نابینان.
من دەست ب نڤێسینا رۆمانا خۆ كر، كاراكتەرێ رۆمانا من ستراتیژیا دەستپێكا ڤەشارتنا نهێنیا من بوو. د ژۆرا شوقەكێ دا ب وی دیمەنێ كزێ چاڤا یێ مایی، ب هیڤیا مونیتەری كومپیوتەرا خۆ كو زووم كربوو و ئامیرێ رۆناهیێ یێ سەری ل گەل ئێستگەها نڤێسینێن من دابوو، شیام تشتەكی بنڤێسم.
ژیان ل گەل خراب بوونا تۆڕا چاڤێ نەدیتنێ یا ب زەحمەتە. ژیانا دەرڤە دەرناكەڤیت. دا كو چ كارەسات روونەدەن بەردەوام سەرێ خۆ دزڤرینم و ئەو پیچكا هەی ببینم، كلیل و چاڤك و ریمۆت بەردەوام بەرزە دبوون. راستە هندەك رۆژ ژ هندەكان چێتر بوون، لێ دڤێت خوە ل گەل كاودانی بگونجینم.
ب رەوشا رەشا كۆراتیێ من رۆمانا خوە پێگەهاند و فرۆشت. هەتا من نەگۆتە بلاڤكەری ژی من دیتنا خۆ ژ دەستدایە.
من هیچ هزر نینە كا چەوا دێ شێم پەرتۆكەكا داهاتی نڤێسم، لێ رۆژەكێ هزرەكێ خوە ل سەرێ من دا. من كیبۆردێ خوە یێ كەڤن دەرێخست و ب سیناهیا مایی چەند پیتەكێن هەڕەمەكی هەلبژاردن، لێدانەكا تەواو پاشی رستەك تایپ كر لێ یا تژی شاشی بوو.
بەسە بێژم كو دێ فێربم چەوا پەیڤان دانمە سەر بەرپەڕی. نها ئەز وەكو یاسا ژ نابینا دهێمە هژمارتن، نهێنیا من دیاربوو. لڤێرە ئەزموونەكا هەڤبەش هەیە، كو هەژی بەرچاڤ كرنێ یە. كی هەیە هەست ب شەرمكرنێ نەكر بیت ل تشتەكی كو خەتایێن وی نەبیت؟
وەرگێران: عزەت یوسف
