پارزینك

خورشید تەوفیق باكوزی

بێریڤانێ
رندك وناز و جوانێ
ئەڤ پارزینكێ دملێ تەدا
یێ رەنگا و رەنگ وگولگولی..
رەوشا كۆكا گوندیا بوو..
پەناگەهێ خەونێن خێڤە و
ئارامگەهێ هەست وخواست و
هیڤیان بوو..
هیڤیێن رۆژەكا بێ ستەم..
یابێ خوین و ئاگروتەم..
دسەمایا سەرخوەبوونێ دا
شالیل ئاوازان بشارینن
پێ بلەیزن تەڤ ئەڤیندار..
(مەم وزین) و(دێوانە و شەم)
لسەرێ چیا لبەژنا رۆژێ
بلندببیت ئالا و پڕچەم..
پارزینكێ رند و رەنگین..
ئەڤە ژدەمێ كولی وسنكەی
ل شاك وگەهێن یەكبوونێ دای..
یەكبوونامە تاوی كرین..
دلێ ئەلندا شوخ وشەنگ
ب سەرێ ڕما دوبەرەكیێ
لەتلەتكرین..
چۆك لێ شكاندین..
شكاندین قەدەم..
ددلێ تە دا خەون و هیڤی
ژان وپەژارە و قەیرانن..
شالیل وبلبل و گولزار..
مەشخەل ونەوروز و ئادار..
ژبهارا مە ددلگرانن..
بەلێ مامۆ..
دفەرهەنگا ئازادیێ دا
هەرهوبوویە هەر هۆ..
گەندەلچی پەرێ لئاسمانا و
ژار و پەریشان قوربانن.

کۆمێنتا تە