پێدڤییە ڕێز ل مافێن دستووری و شایستەیێن دارایی یێن كوردستانێ بهێتە گرت
مەسرور بارزانی، سەرۆكێ حوكمەتا هەرێما كوردستانێ، پێشوازی ل ڕادۆ دۆبرێ، بالیۆزێ ڕۆمانیایێ ل ئیراقێ كر.
ل گۆرەیبەیاننامەیەكا حوكمەتا هەرێما كوردستانێ، د دیدارێ دا، هەردو ئالییان دوپاتی ل سەر گرنگییا بهێزكرنا پەیوەندییێن هەرێما كوردستانێ و ڕۆمانیایێ د بوارێن جوداجودا دا كر.
گرنگییا كاراكارنا پەرلەمانێ كوردستانێ وەكی پێنگاڤا ئێكێ یا پێكهینانا كابینەیا نوو یا حوكمەتا هەرێما كوردستانێ، پێدڤییا ڕێزگرتن ل مافێن دستووری و شایستەیێن دارایی یێن هەرێما كوردستانێ، و دووماهی پێشهات و گۆڕانكاریێن ڕەوشا گشتی یا هەرێما كوردستانێ و ئیراقێ و دەڤەرێ، پشكەكا دی یا دانوستاندنان بوو.
