بەردەوام بزاڤێ دكەم ئەتەكێتێن نوو یێن وێنەگریێ بزانم
سندس سالح سلێڤانەیی
وێنەگر (ژینەر ئەمیر) د دیدارەكێ دا گۆت: حەزژێكرنا من بۆ كامیرێ و وێنەگرتنێ بۆ بەری چەندین سالان دزڤڕیت، لێ ل سالا (2021) ب دروستی دەلیڤە هات و ب پشتەڤانیا مالباتێ مە دەستپێكر و د چەند سالێن بۆری دا ئەو دشیانێن مە دا وەك وێنەگر تەخسیری نەكریە و بەردەوام ئەز بزاڤێ دكەم ئەتەكێتێن نوو یێن وێنەگریێ بزانم دا داهێنانێ د كارێ خۆ دا بكەم.
هەروەسا گۆت: ل دەستپێكێ پتریا جاران من وێنە و ڤیدیۆ بۆ سرۆشتی و بەلگێن داران دگرتن و دا ئینم نیشا مال و هندەك هەڤالان دەم، ئەوا دەست خۆشی ل من دكرن و دخواستن كو یێ بەردەوام بم، لەورا ب رێكا ئەنترنێتێ و سەحكرنا كارێن وێنەگرێن بیانی و ڕاهێنانێن بەردەوام ل سەر كامیرێ من شیا وەكو وێنەگر جهێ خۆ بگرم و د چەند سالێن بۆری دا من بۆ گەلەك كۆمپانیان كاركریە، وەكو چێكرنا ڕیكلامان، هەروەسا وێنەكرنا فلمێن دكیۆمەنتاری و فێستیڤال و گەلەك چالاكیێن دی و گەلەك پرۆژەیێن دی ل بەر دەستن ئەز یێ ل سەر كاردكەم.