بنگەھێ لالش: جەژنا مە، رزگارکرنا کچ و خوشکێن مەیە
ئەڤرۆنیوز، کاروان باعەدری:
جەعفەر سمۆ بەرپرسێ راگەھاندنا بنگەھێ لالش یێ رەوشەنبیری و کۆمەلایەتی ل دھۆکێ بۆ ئەڤرۆنیوز دیارکر ، ئەڤە دوو ساڵان جەژنا سەرێ سالا ئێزدیان ( چارشەما سۆر) دھێت ، ئەم وەک بنگەھێ لالش ناگێرین ژبەر کو خەلکێ مە ددەربەدەری و کۆچبەریێ دا دژین وب ھەزاران زارۆک و کچ و خۆشکێن مە ددەستێ تیرۆرستێن ددەستێ داعشێ دا دگرتینە و ب ھەزاران خەلکێ وندابوویە و دچەندین گۆرین ب کۆم دانە.
ھێشتا گۆت : ئەم ب ھێ شێوەیەکی جەژنێ ناگێرین ، چونکی خۆشی ناکەڤیتە ددلێن وان خێزانان دا ژبەر ژ دەستدانا خۆشتڤیێن خۆ ، بتنێ جەژنا مە رزگارکرنا وان کچ و خوشکێن مەیە ، و رزگارکرنا ھەردوو باژێرێن باشیک و بەحزانێ یە، خۆشیا مە ئەوە کو ئێزدی ب ئارامی بژین کو ھندەک ژ نەچاری کوچبەری دەرڤەی وەڵاتی بووینە ژ بەر گیرۆبوونا رزگارکرنا دەڤەرێن وان و ئاستێ وان یێ ھەژاری .
گۆتژی : ئەم داخوازێ ژ سەرکردایەتیا ھەریما کوردستانێ دکەین لەزاتیێ درزگارکرنا ناوچەیێن مە یێن ماین دا بکەت ، و دانانا پلانەکێ ژبۆ گرەنتیکرنا ناڤچەیێن مە داکو چو کارەستێن مینا کارەساتا 3/8/2014 ێ دووبارە نەبن.
